Vesi që rrit rrezikun e sëmundjeve të rënda

Kanceri është ndoshta frika më e madhe e shumicës së njerëzve kur bëhet fjalë për problemet shëndetësore. Sëmundja konsiderohet një armik i vështirë me të cilin askush nuk dëshiron të përballet.

Por a mund të bëjmë diçka për të reduktuar rrezikun e kancerit?

Po, thonë ekspertët, të cilët theksojnë se një ndryshim i vogël në zakone mund të bëjë diferencën. Në veçanti, gjetjet e reja të kërkimit, të publikuara në JAMA Network Open , lidhin rrezikun e zhvillimit të kancerit me një armik të njohur të shëndetit: Alkoolin.

Të rriturit që konsumojmë më shumë alkool janë më të rrezikuar për të zhvilluar kancer në krahasim me ata që nuk konsumojnë. Studimi përfshiu 4.5 milionë njerëz. Studiuesit donin të shqyrtonin lidhjen midis reduktimit, ndalimit ose rritjes së konsumit të alkoolit dhe zhvillimit të kancerit i lidhur me alkoolin, si dhe të gjitha llojeve të kancerit.

Pas përfundimit të periudhës së studimit, studiuesit arritën në disa përfundime interesante:

–Ata që rritën sasinë e alkoolit që konsumuan ishin më të rrezikuar për t’u prekur nga kanceri në krahasim me ata që nuk ndryshuan zakonet e tyre, duke ruajtur të njëjtat nivele të konsumit.

–Ata që nuk pinin dhe filluan të konsumonin sasi të vogla, të moderuara ose të shumta të alkoolit ishin gjithashtu më të rrezikuar në krahasim me ata që nuk pinin alkool.

–Ata që pinin pak dhe ndaluan së konsumuari alkool ishin më pak të rrezikuar.

–Ata që dikur pinin shumë dhe reduktuan konsumin e tyre në nivele të moderuara ose të ulëta kishin një rrezik të reduktuar të zhvillimit të kancerit në krahasim me ata që vazhdonin të pinin shumë.

Së fundmi, një tjetër përfundim është befasues: ata që pinin sasi të moderuara ose të shumta të alkoolit dhe e kishin lënë alkoolin, ishin shumë më të rrezikuar në krahasim me ata që nuk ndryshuann zakonet e tyre.

Megjithatë, ky rrezik u zhduk tek ata që nuk konsumonin alkool dhe nuk filluan të pinin më. Studiuesit arritën në përfundimin se “gjetjet e këtij studimi theksojnë se politikat për të reduktuar ose ndaluar pirjen e alkoolit duhet të forcohen ndër të tjera, si një masë parandaluese për kancerin”.