lifestyle

Quhet bima e jetës dhe rritet edhe në Shqipëri, 7 vlerat befasuese të saj për shëndetin tonë

Rukola është një barishte me dhunti të shumta për shëndetin e mirë. Ajo përdoret kryesisht në sallata, por edhe mund të gatuhet krahas perimeve të tjera.

Shqiptarët e kanë kultivuar rukolën pas viteve 90’, ndërkohë që vendet e tjera të Mesdheut e kanë kultivuar këtë barishte prej më shumë kohësh.

Të lidhura

None found

Rukola i përket familjes botanike Cruciferae që përfshin brokolin, lakrën dhe lulelakrën. Rukola është plot me aq shumë vitamina, minerale dhe ushqyes, saqë është ndër të paktat që mbështet të gjitha sistemet e organizmit.

Vlerat befasuese shëndetësore të rukolës

Kocka të forta

Vitamina K që gjendet tek rukola lufton inflamacionin dhe forcon shëndetin e kockave, duke parandaluar në të njëjtën mënyrë edhe shfaqjen dhe zhvillimin e artritit.

Një vlerë e shtuar e vitaminës K është edhe ndihma që i jep organizmit për të përthithur kalciumin, duke i dhënë një mbështetje të fortë personave që vuajnë nga osteoartriti.

Rezistenca e organizmit

Vitamina C mbështet sistemin imunitar dhe shmang rreziqet e shfaqjes së infeksioneve dhe sëmundjeve.

Sipas të dhënave vitamina C është në vetvete një mekanizëm që mbron, sulmon dhe shkatërron të gjitha radikalet e lira që shkaktojnë probleme të rrezikshme.

Vitamina A

Rukola përmban vitaminë A e cila është një antioksidant i fuqishëm dhe që promovon shëndetin e mirë të kockave, dhëmbëve, syve dhe lëkurës.

Nivelet e hormoneve

Indole-3-Carbonol (I3C) është një përbërës, që sipas të dhënave shkencore ekuilibron nivelet e hormoneve. Rukola është e pasur me këtë përbërës.

Përthithja e mineraleve

Nëse e krahasojmë me ushqime të tjera siç janë spinaqi, bajamet, bimët bishtajore apo gjethet e panxharit, rukola përmban një sasi më të vogël të oksalatit. Kjo është një molekulë që parandalon përthithjen e kalciumit.

Kjo e bën rukolën të dobishme për t’u konsumuar, sepse ushqyesit e saj sigurohen që kalciumi – një mineral jetësor për shëndetin – përthithet plotësisht.

Gurët në veshka

Ushqimet e pasura me molekulën e lartpërmendur siç është spinaqi, mund të promovojnë formimin e gurëve në veshka.

Rukola nga ana tjetër, ul rrezikun e formimit të këtyre gurëve, pikërisht falë sasisë së ulët të molekulës oksalate.

Shëndeti gjatë shtatëzanisë

Rukola është një barishte e sigurt për të gjitha femrat shtatzënë. AgroWeb.org tregon që acidi folik, një prej vitaminave të kompleksit B, ul rreziqet e formimit të defekteve në lindje për foshnjat e sapolindura.

Kundër kolesterolit

Acidi pantotenik (vitamina B5) ka një ndikim të favorshëm kundër niveleve të larta të kolesterolit. Rukola ka potencialin të përmirësojë kolesterolin e mirë dhe të ulë kolesterolin e keq në trup.

Kundër helmeve dhe kimikateve

Vlerat e shtuara të rukolës përfshijnë edhe aftësinë për të pastruar organizmin dhe kundërvepruar ndaj efekteve helmuese të toksinave të metaleve të rënda.

Rukola ka fuqinë të eliminojë pesticidet dhe herbicidet nga organizmi.

Si ta përfshini më shumë rukolën në ushqimin tuaj

Shtojeni në salca të ndryshme për të përfituar shijen e mprehtë dhe therëse.

  • Përdoreni me produkte deti të gatuara në zgarë.
  • Prijeni hollë dhe hidheni në pica ose makarona përpara se t’i servirni.
  • Përdoreni në sallatë krah barishteve të tjera për një shije të shumëfishtë.
  • Përgatisni panine me djathë, rukola dhe domate.
  • Prijeni hollë dhe përdoreni në omletë, ose me djathë dhe patate të pjekur në furrë.
  • Shtojeni në përzierjet dhe shtrydhjet e frutave dhe perimeve për një lëng me shumë vlera.
  • Shtojeni në perimet e kavërdisura, makarona, supa, dhe salca.

të fundit

Melania Trump: Rreth presidentit ka shumë njerëz që thonë vetëm “po”, unë i them të vërtetën

Zonja e Parë e Shteteve të Bashkuara të Amerikës, Melania Trump, ka komentuar mënyrën se si funksionon rrethi i njerëzve…

2 minutes ago

Goditje e rëndë për Bayernin: Harry Kane me ligament të këputur, jashtë për muaj të tërë

Harry Kane ka këputur një ligament në kyçin e këmbës së majtë dhe nuk do të luajë për Bayernin për…

8 minutes ago

GTA 6 vendos rekorde historike: 3.79 miliardë dollarë në 24 orë, debutimi më i madh në historinë e argëtimit

Video-loja e shumëpritur “Grand Theft Auto VI” ka thyer rekordet botërore të industrisë së argëtimit, duke realizuar shitje me vlerë…

12 minutes ago

ARTEX: Platforma kineze me inteligjencë artificiale që po e kthen testimin e sigurisë në armë sulmi global

Një platformë e re me inteligjencë artificiale, e quajtur ARTEX, po ngre shqetësime serioze në industrinë e sigurisë kibernetike. E…

13 minutes ago

Sulm kibernetik ndaj partnerëve të Chase, Visa dhe Mastercard: Dhjetëra mijëra klientë në rrezik për ekspozimin e të dhënave personale

Tri gjigantët e sektorit financiar, JPMorgan Chase, Visa dhe Mastercard, janë përfshirë në një incident të madh të sigurisë kibernetike,…

13 minutes ago

KEDS njofton zonat që sot mbesin pa energji elektrike për shkak të punimeve në rrjet

KEDS ka njoftuar se cilat vende mbesin pa rrymë përkohësisht sot për shkak të punimeve në rrjet. 21.11.2026 Punime në…

14 minutes ago