Përse motra mbetet shoqja më e mirë e jetës

Hulumtimi i botuar në Journal of Relationships Research zbulon se lidhjet ndërmjet vëllezërve dhe motrave, posaçërisht kur bazohen në besim dhe intimitet emocional, konsiderohen ndër raportet më të qëndrueshme gjatë gjithë jetës.

Studiuesit pohojnë se raporti me motrën ka impakt të drejtpërdrejtë në rritjen e bashkëpunimit dhe pakësimin e përplasjeve, edhe duke llogaritur ndikimin e prindërve dhe miqve. Analiza nënvizon se motrat dhe vëllezërit ofrojnë një burim jetik përkrahjeje emocionale edhe në etapën e pjekurisë.

Një studim tjetër, me pjesëmarrjen e më shumë se 600 të rriturve, tregoi se dyshet motër-motër përjetojnë lidhjet më të afërta në krahasim me konfigurimet e tjera vëlla-motër. Po ashtu, vëzhguan se marrëdhëniet e shëndosha ndërmjet motrave lidhen me nivele më të ulëta vetmie dhe një mirëqënie psikologjike më të mirë, sipas Klankosova.tv.

Specialistët sqarojnë se fenomeni shpjegohet me komunikimin më të dendur ndërmjet motrave, ndarjen e eksperiencave personale dhe mbështetjen emocionale që ofrohet në periudha të ndryshme të jetës, përgjatë fëmijërisë e deri në moshë të tretë. Sidoqoftë, nënvizojnë se cilësia e lidhjes kushtëzohet nga dinamika brenda familjes, përvojat e përbashkëta dhe mënyra e ndërtimit të raportit me kalimin e viteve.

Këto kërkime mbështesin konceptin se, nëse ushqehet me besim, respekt dhe komunikim, marrëdhënia motrave mund të bëhet një ndër lidhjet më afatgjata dhe më inkurajuese në ekzistencën e dikujt.