Mësoni për shkaqet më të zakonshme të skuqjes së fytyrës

Derisa skuqja e përkohshme e lëkurës për shkak të zemërimit, sikletit ose ndonjë gjendjeje ekstreme emocionale është e zakonshme, skuqja e fytyrës mund të jetë gjithashtu një shenjë e diçkaje shumë më serioze. Nga rosacea te dëmtimi i diellit, skuqja mund të ndodhë për shumë arsye. Megjithatë, nëse është e vazhdueshme, duhet të konsultoheni menjëherë me një mjek, tha dermatologia Geetika Mittal Gupta.

Gupta ndau disa nga shkaqet më të zakonshme të skuqjes në fytyrë.

Rosacea

Lëkura e kuqe që vjen dhe shkon ose mbetet mund të jetë për shkak të një gjendjeje të lëkurës të quajtur rosacea. Sipas dermatologes, ajo shkaktohet shpesh nga ekspozimi ndaj ultravjollcës, ushqimi pikant, produktet irrituese të kujdesit të lëkurës dhe pijet e nxehta.

Dermatiti alergjik i kontaktit

Një alergji ndaj një përbërësi me të cilin shpesh vini në kontakt është dermatiti alergjik i kontaktit, shpjegoi Gupta. Mund të jetë diçka e përdorur në shtëpinë tuaj, në punë, ose në kujdesin e lëkurës ose flokëve, përcjell Klankosova.tv

Dëmtimi nga dielli

Është mjaft e zakonshme dhe e dukshme te njerëzit e moshuar, me lëkurë të hapur. Kjo shkakton skuqje të vazhdueshme, veçanërisht në faqe, gjë që shkakton skuqje të enëve të gjakut.

Migrenë

Sipas saj, shumë njerëz që preken nga migrena marrin lëkurë të kuqe.

Dermatiti seborrheik

Dermatiti seborrheik është një “gjendje kronike e lëkurës që shkaktohet nga maja”. Krijon njolla të kuqe rreth hundës dhe është më e zakonshme te njerëzit me lëkurë të yndyrshme.

Diabeti

Diabeti mund të shkaktojë skuqje të vazhdueshme në fytyrë, krahë, gjoks dhe shpinë.