Ish-fabrika e duhanit është përdorur kohët e fundit si depo për prodhimin dhe mbajtjen e materialeve të ndërtimit.

Në vendin e ngjarjes kanë arritur edhe mjetet e ndihmës së shpejtë. Ende nuk ka informacione nëse ka të lënduar ose viktima.

Objekti në fjalë është përdorur për prodhimin e materialeve izoluese të ndërtimit, gjegjësisht produkteve të styroporit. Në vendin e ngjarjes është edhe kreu i komunës së Tetovës, Bilall Kasami./albeu.com/

The post Zjarri “përpin” ish-fabrikën e duhanit në Tetovë, si paraqitet situata (VIDEO) appeared first on Albeu.com.

Nuk dihet ende nëse pjesë të raportit do të bëhen të ditura për publikun, siç ishte paralajmëruar më parë.

Alsat, duke u thirrur në burime nga prokuroria, tha se në raportin e ekspertëve gjermanë thuhet se shkak për përhapjen e zjarrit në spitalin modular të Tetovës mund të jetë një kabllo vazhdues, në të cilën ishte lidhur një pajisje mjekësore për trajtimin e pacientëve.

Konstatime të tilla paraprakisht kanë marrë teknikët e kriminalistikës vendore, të cilët më 10 tetor kanë dorëzuar raportin e tyre tek prokurorët që udhëheqin hetimet.

Teknikët e kriminalistikës vendore kanë konstatuar se zjarri në spitalin modular në Tetovë ka ndodhur si pasojë e një qarku të shkurtër elektrik përmes rezistencës së lartë kalimtare në kabllon lidhëse të defibrilatorit  në njërën nga dhomat e spitalit.

Mbinxehja e kabllos shkaktoi ndezjen në kutinë e lidhjes së kordonit zgjatues në të cilin ishte lidhur defibrilatori, karikuesi i celularit dhe një pajisje tjetër.(INA)

The post Raporti gjerman për Spitalin në Tetovë, zbulohet një detaj që mund të ketë shkaktuar zjarrin appeared first on Albeu.com.

Bëhet fjalë për ekspertë të shkallës më të lartë për ekspertiza dhe hetime gjatë fatkeqësive nga njësiti i kriminalistikës (BKA). Qëllimi i tyre është që të ndihmojnë në zbulimin dhe vërtetimin e shkaqeve të zjarrit që shpërtheu në spitalin modular në Tetovë.

Në detyrat speciale të cilat i punon BKA është edhe ekipi që punon në hetime me viktima në katastrofa dhe fatkeqësi.

Bëhet fjalë për institucion i cili në Gjermani ka një traditë 60 vjeçare të veprimit, me afro 7000 të punësuar, shkruan Alsat. Ekipi i ekspertëve do të bashkëpunoj me MPB-në dhe do ta ndihmojë hetimin që e udhëheq Prokuroria Themelore Publike./albeu.com

The post Ekspertët gjermanë në Tetovë, do të zbardhin shkaqet e zjarrit në spitalin Covid appeared first on Albeu.com.

“Si mjek, i cili tërë jetën time profesionale i’a kam përkushtuar shërimit të bashkëqytetarëve tanë dhe si njeri i parë i Spitalit Klinik të Tetovës, me të cilin udhëheq gjatë viteve të fundit, ndjej përgjegjësi morale nga ngjarja e tmerrshme në të cilën u shuan jetë njerëzish. Të nderuar, me dhimbje të pashuar për çdo viktimë dhe çdo familjarë të tyre, Ju informoj se për shkak të kësaj përgjegjësie morale që e ndjej, jap dorëheqje nga pozita e drejtorit të Spitalit Klinik në Tetovë”.

“Pas kësaj ngjarje të tillë tragjike dhe fatkeqe, ky vendim është i pashmangshëm. Njëkohësisht, shpresoj që të përfundojë hetimi i plotë sa me shpejtë dhe të zbardhen arsyet e zjarrit në Qendrën modulare të Klinikës së Tetovës për pacientët me Covid-19. Dorëheqja ime nuk do t’i ngushëllojë familjet, por besoj se do të vendos një linjë morale të cilën të gjithë ne si shoqëri e kemi harruar”.

Humbja e jetës njerëzore në një gjendje të tillë është tragjedi e madhe. Funksioni nuk qëndron para dinjitetit dhe humanitetit. Të lënduarve ju uroj shërim sa më të shpejtë!

Unë me besim të plotë tërë jetën time e kam vënë në shërbim të shëndetit të qytetarëve dhe të shoqerisë tonë. Shpreh respekt dhe ngushëllime ndaj tetovarëve të mi dhe unë do të mbetem në shërbim të përhershëm të tyre”, shkruan Besimi.

Si pasojë e zjarrit që përsfhiu spitalin Covid 14 persona humbën jetën dhe 12 të tjerë kanë mbetur të lënduar./albeu.com

The post Jep dorëheqjen drejtori i spitalit në Tetovë ku humbën jetën 14 persona appeared first on Albeu.com.

Ka disa arsye që i bëjnë spitalet anti-Covid kaq shumë të rrezikuar.

Një zjarr në një spital të Shën Petersburgut në maj të vitit të kaluar vrau pesë pacientë që ndodheshin në kujdesin intensiv. Zjarri shpërtheu për shkak të një qarku të shkurtër në një respirator duke u marrë jetën 5 pacientëve që ishin lidhur me këtë pajisje.

Tre muaj më parë, në qershor të këtij viti, një zjarr shpërtheu në një spital në qytetin rus të Ryazan, duke vrarë tre persona pasi respiratori i repartit u ngroh shumë dhe mori flakë. Një hetim mbi disa zjarre në spitalet ruse të COVID ka treguar se shkaku janë respiratorët e gabuar që përdoren për të trajtuar pacientët me koronavirus. Muajin e kaluar përsëri në Rusi, këtë herë në një spital në Vladikavkaz për shkak të një aksidenti me tubat e oksigjenit, 9 persona humbën jetën.

Tragjedi të ngjashme ndodhën në një spital në Bukuresht, në fund të janarit të këtij viti kur vdiqën 4 persona, por edhe në Indi ku për shkak të mbipopullimit të objekteve spitalore dhe mungesës së oksigjenit. Një nga zjarret më vdekjeprurëse ndodhi në Irak më 24 prill, ku humbën jetën 82 njerëz dhe u lënduan 110 të tjerë. Flaka nisi në dhomën e njësisë së kujdesit intensiv në Bagdad ku ndodhi edhe shpërthimi i oksigjenit.

Sipas informacioneve, edhe në Tëtovë dyshohet të ketë ndodhur e njëjta gjë, pasi struktura e spitalit është e ndërtuar nga plastika, që e bën këtë më tepër të rrezikuar./albeu.com

The post Rasti më i rëndë ishte Iraku, çfarë i bën aq të rrezikuar nga zjarret spitalet anti-Covid appeared first on Albeu.com.

Ai tha se i biri po luftonte prej kohësh me virusin vdekjeprurës, por e pësoi nga zjarri.

I moshuari përlotet para kamerave teksa shtoi se I biri la dy fëmijët jetimë.

“Ai ishte shumë i ri, dy fëmijë mbetën pa baba”, tha babai i të ndjerit nga Tetova dhe më pas largohet nga gazetarët pasi sytë i mbushen me lot./albeu.com

The post I riu digjet nga flakët në Tetovë, flet i ati: La fëmijët jetimë (VIDEO) appeared first on Albeu.com.

Siç shihet në pamjet e publikuara flakët kanë kapluar qendrat me pacientë me COVID-19.

Zjarrfikësit janë në vendngjarje dhe po tentojnë të lokalizojnë zjarrin.

Sipas informacioneve të para ka persona të lënduar dhe të vdekur e krahas pacientëve edhe të vdekur ka nga personeli mjekësor por informacionet ende nuk janë të konfirmuara./albeu.com

The post Zjarri në Spitalin e Tetovës, mes viktimave dyshohet se ka edhe personel mjekësor (VIDEO) appeared first on Albeu.com.