Në faqen e Gjykatës Themelore të Tetovës, në kalendarin e gjykimeve, thuhet se gjykimi për lëndën K nr.450/22, gjegjësisht për spitalin modular, është caktuar për datën 06.09.2022 në ora 10:00 te gjykatësi Jordan. Velkovski.

Gjyqi është caktuar kur më 16 gusht lënda për spitalin modular sipas Sistemit Informativ për Menaxhimin Automatik të Lëndëve Gjyqësore i është ndarë gjyqtarit.

Pas shqyrtimit të aktakuzës, gjyqtari tani do të fillojë gjykimin.

Kujtojmë se nga zjarri tragjik në spital vdiqën rreth 14 persona dhe u plagosën 12 të tjerë./albeu.com/

The post RMV/ Vdiqën 14 persona, caktohet data e gjykimit për zjarrin në Spitalin Modular në Tetovë appeared first on Albeu.com.

Prokuroria e Tetovës ka ngritur kallëzim kundër tre personave për dy vepra të ndryshme, përkatësisht ndaj dy drejtorëve, që ngarkohen për krim të rëndë kundër sigurisë së përgjithshme, ndërsa ndaj mjekut për mosveprim sipas rregullave shëndetësore.

Në aktakuzë ngarkohet edhe spitali i Tetovës.

Mirëpo, prokuroria e Tetovës nuk e ka ndarë këtë informacion me publikun me rastin e paraqitjes së aktakuzës, edhe përkundër interesimit të madh të mediave. Kjo u bë e ditur sot pas pyetjes së një gazetari.

Ata sot janë përgjigjur vetëm me një informacion të shkurtër për rastin që tronditi thellë opinionin dhe kanë bërë të ditur më shumë detaje për nesër.

Sipas informacioneve të TV Telma, dy drejtorët akuzohen për mungesën e sistemit të mbrojtjes nga zjarri në spital, ndërsa mjeku për shkak se ka lejuar praninë e të afërmve të të sëmurëve me korona pavarësisht ndalimit të vizitorëve, përcjell INA.

Në hetimin e këtij rasti u përfshinë edhe hetuesit gjermanë, të cilët përgatitën një raport prej 7 faqesh për zjarrin, por detajet e tij nuk u publikuan kurrë.

Sipas ekspertizës së Ministrisë së Drejtësisë së Maqedonisë, zjarri ka ndodhur si pasojë e djegies së një kablloje shtesë, në të cilin ishin lidhur aparati për reanimim, karikuesi i celularit dhe një pajisje tjetër.

COVID qendrat ishin ndërtuar me para të Bankës Botërore dhe sipas dokumenteve të Ministrisë së Punës dhe Çështjeve Sociale, drejtorët e spitaleve janë përgjegjës për mbrojtjen nga zjarri. Në këtë rast tragjik, 14 persona humbën jetën nga zjarri dhe po aq u shpëtuan. Aktakuza është shpallur në fillim të këtij viti, por ajo vjen edhe 10 muaj pas ngjarjes tragjike./INA

The post Dalin emrat e të akuzuarve për zjarrin në Spitalin modular në Tetovë, mes tyre ish-drejtori Florim Besimi appeared first on Albeu.com.

“Këto gërmadhat kur i shohim ne na trishtojnë çdo ditë. Kjo s’është pamje e mirë as për ne për mëhallën e as për popullin. Trishtim i madh ka qenë atë natë, shumë, s’di çka të them, nuk funksionon asgjë, duhet patjetër të hiqet të pastrohet kjo”.

“Ne çdo ditë kalojmë këtu kjo është rruga jonë, duhet të hiqet kjo po, por në fillim dikush të merr përgjegjësi përse u dogjën këto njerëz, përse ndodhi kjo, se nuk është hera e parë, ndodhi edhe autobusi në Bullgari askush përgjegjës, a do merret ndonjëherë përgjegjësi në këtë shtet apo jo”.

“Është detyrë e institucioneve kjo, normal që na trishton kjo kështu”.

Të pyetur në  Ministrinë e Shëndetësisë për heqjen e objektit të djegur të modularit në Tetovë, thonë se ky është obligim i Spitalit klinik të Tetovës.

“Pas ndërtimit të tyre, modularët iu janë dorëzuar spitaleve për menaxhim, andaj, mbetet obligim i tyre që të bëjnë pastrimin, respektivisht heqjen e mbetjeve të modularit”.­- thanë nga Ministria e Shëndetësisë.

Me të njëjtat pyetje, ekipi i televizionit Alsat i është drejtuar edhe Spitalit klinik të Tetovës. Drejtori i këtij spitali, Amir Elezi, përmes telefonit, është përgjigjur se heqja e objektit do të ndodh sa të jep lejen prokuroria.

“Kemi diskutuar për heqjen e këtij objekti dhe nuk mungon vullneti nga ana jonë për ta larguar të njëjtin, pas çka i jemi drejtuar me shkrim prokurorisë së Tetovës, për të na informuar nëse është ende objekt hetimi i prokurorisë apo jo. Megjithatë, nga ana e prokurorisë na është sugjeruar që të mos preket deri në ardhjen e raportit të ekspertëve gjermanë”- thonë nga Spitali klinik i Tetovës.

Policia kriminalistike e Gjermanisë e cila kreu ekspertizë në spitalin e djegur modular refuzoi të zbardhë çfarëdo detaji lidhur me raportin për shkaqet e zjarrit tragjik./alsat

The post 4 muaj pas tragjedisë në spitalin e Tetovës, ende pa përgjigje konkrete për shkaqet e zjarrit appeared first on Albeu.com.

Sipas informacioneve të marra në rrugë jozyrtare, bëhet me dije se zjarri mund të jetë shkaktuar nga një shkëndijë elektrike pranë defibrilatorit, ose edhe nga vetë deefibrilatori.

Jovana K. nga Tetova tha se motra dhe babai i saj, i cili ishte shtruar në spitalin modular që u dogj mbrëmë ishin të fundit që shpëtuan përmes dritares duke mos u prekur nga flakët që u morën jetën 14 pacientëve.

“Zjarri filloi nga dhoma ngjitur asaj ku ishte shtrirë babai im. Motra ime qan gjatë gjithë kohës dhe është shumë e mërzitur. Ajo ishte me babanë tim si shoqëruese në spitalin modular në Tetovë. Në spitalin modular, kur morëm një pacient, na thanë të linim një anëtar të familjes si shoqërues sepse nuk kishte staf të mjaftueshëm. Kam dëgjuar gjithashtu se kishte një nënë dhe një vajzë që ishin djegur sepse vajza nuk donte të linte nënën e saj dhe ata u dogjën së bashku. Kur shkova atje pashë njerëz të djegur, kufoma, shumë të plagosur, ishte e tmerrshme! Unë nuk uroj që dikush të shohë një pamje të tillë. Spitali u dogj për pak minuta, në ato dy minuta kush arriti të shpëtojë doli, të tjerët u dogjën shumë shpejt”, tha ajo për Free Press./albeu.com

The post Zjarri ne spitalin Covid, flet vajza nga Tetova: Mund të jetë shkaktuar nga një defibrilator appeared first on Albeu.com.

Të gjitha ekipet e spitalit janë mobilizuar që tu dalin në ndihmë të lënduarve. Disa prej tyre janë transportuar në Qendrën Klinike në Shkup, që t’ju ofrohet ndihma adekuate./albeu.com

The post Të lënduarit nga zjarri në Tetovë, nisen drejt Shkupit (VIDEO) appeared first on Albeu.com.

Kuptohet se kur ka nisuar zjarri ka pasur edhe staf mjekësor në këtë spital.

Ende nuk dihet sa prej këtyre pacientëve kanë arritur të shpëtojn nga zjarri./albeu.com

The post Zjarri në Spitalin e Tetovës, sa ishte numri i pacientëve të vendosur aty (VIDEO) appeared first on Albeu.com.