Pasi u votua, me 118 vota dhe 4 abstenim, Kuvendi miratoi ndryshimet kushtetuese për zgjatjen e Vettingut.

Në votim, LSI duket se ka qenë e pavendosur dhe duke mos dashur të pozicionohet pro opozitës dhe mazhorancës, duket se ka preferuar të abstenojë ashtu siç bëri Sali Berisha me mbështetësit e tij që u larguan nga salla e Kuvendit.

Mësohet se 4 votat kundër që dolën nga votimi i fshehtë që u zhvillua sot janë Monika Kryemadhi, Petrit Vasili, Erisa Xhixho dhe Emilia Koliqi e Partisë Demokratike. Vetëm deputeti i LSI-së, Agron Çelaj ka votuar “pro”./albeu.com

The post Kush janë 4 deputetët që abstenuan në votimin për zgjatjen e Vettingut appeared first on Albeu.com.

Ambasada shkruan se ky është një hap i rëndësishëm për një sistem më të fortë drejtësie dhe për integrimin e Shqipërisë në BE.

“Shtetet e Bashkuara përshëndesin miratimin e zgjatjes së mandatit të vetingut në Parlament. Ky është një hap i rëndësishëm përpara për të gjithë shqiptarët – drejt një sistemi drejtësie më të fortë, më të besueshëm dhe drejt integrimit europian. Shtetet e Bashkuara do ta mbështesin gjithmonë Shqipërinë përgjatë kësaj rrugë të rëndësishme”, thuhet në deklaratë./albeu.com

The United States applauds the passage of the vetting mandate extension in Parliament. This is an important step forward for all Albanians – towards a stronger, more credible justice system and towards European integration. The ?? will always support ?? along this important path. pic.twitter.com/eCkCyJgNmA

— USEmbassyTirana (@USEmbassyTirana) February 10, 2022

Edhe delegacioni i OSBE në Tiranë ka përshëndetur votimin në Kuvend për zgjatjen i organeve të vettingut deri në vitin 2024.

Me një postim në Twitter, OSBE shkruan se përfundimi i reformës në drejtësi është me rëndësi kyçe, teksa shton se prezenca e OSBE-së do të vijojë t’u ofrojë mbështetje të plotë institucioneve shqiptare.

“Prezenca e OSBE-së në Shqipëri mirëpret vendimin ndërpartiak të Kuvendit për të zgjatur mandatin e institucioneve të vetingut. Kjo votë njeh faktin që Kushtetuta u përket të gjithë qytetarëve shqiptarë, dhe ne përgëzojmë konvergjencën mes opozitës dhe maxhorancës. Përfundimi i reformës në drejtësi është i një rëndësie kyçe. Është po aq e rëndësishme që të gjitha forcat politike të vijojnë në rrugën e reformës me këtë frymë respekti të ndërsjellë për të mirën e interesit kombëtar. Prezenca e OSBE-së do të vijojë t’u ofrojë mbështetje të plotë institucioneve shqiptare, në bazë të mandatit të saj dhe të bashkëpunimit tonë afatgjatë. Po ashtu, përshëndesim ngritjen e komisioneve të posaçme për reformën zgjedhore dhe atë territoriale. Prezenca mbetet e gatshme të vijojë të ndihmojë institucionet e Shqipërisë për zbatimin e rekomandimeve të OSBE/ODIHR-it”, thuhet në postim.

The post Kuvendi miratoi zgjatjen e Vettingut, reagon Ambasada e SHBA: Hap i rëndësishëm drejt integrimit europian appeared first on Albeu.com.

Sipas burimeve, bëhet me dije se kryetari i Partisë Demokratike, Lulzim Basha ka pasur mbrëmjen e djeshme negociata me zyrtarë të lartë të prezencës së BE dhe SHBA në Tiranë, për të votuar pro zgjatjes së “Vetting-ut”.

Po sipas këtyre burimeve, bëhet me dije se Basha ka deklaruar se nuk do të bëhet pengesë për drejtësinë dhe pritet që ai ta votojë nismën.

Megjithatë gjithçka pritet të vendoset sot në Kuvend. Ndër të tjera, Basha ka theksuar se dy prej prioriteteve kryesore të saj janë reforma territoriale dhe reforma zgjedhore.

Nga ana tjetër situata duket më e qartë në kampin e Berishës, të cilët në daljet e tyre kanë deklaruar votën kundër. Deputeti Edi Paloka shprehu qëndrimin e tij kundër ndonëse nesër nuk do të jetë në Kuvend për të votuar. Madje, ai shkoi edhe më tej duke thënë se nesër do të jetë një tjetër provë se kush është opozita e vërtetë e vendit.

Negociatat para votimit në Kuvend të propozimit të maxhorancës kanë futur në lojë edhe ndërkombëtarët. Sipas burimeve përgjatë ditëve të fundit zyrtarë të lartë të ambasadave të vendeve të perëndimit në Tiranë kanë shkuar në selinë blu për të arritur një unanimitet mes palëve sa i takon këtij procesi.

Si përgjigje ata kanë hasur një kundërshtim në lidhje me këtë çështje pasi demokratët distancohen nga ky votim, duke qenë se propozimi ka ardhur nga socialistët dhe mund të perceptohet në publik si një ujdi e mundshme mes palëve.

Negociatat janë shtrirë edhe në selinë rozë, duke bërë që retorika mes palëve të zbutet gjatë ditëve të fundit ndërsa socialistët duket se kanë lëshuar “pe” nga disa qëndrime të forta në komisionet hetimore përballë kërkesave të demokratëve.

Selitë diplomatike të SHBA, BE, Mbretërisë së Bashkuar apo edhe Gjermanisë në vendin tonë dje iu drejtuan me thirrje të njëpasnjëshme Kuvendit për të ngritur “kartonat” pro zgjatjes së vetting-ut për të krijuar në një farë mënyre edhe bindjen se kjo kërkesë nuk vjen nga socialistët por ka lidhje me fatin e përbashkët të vendit.

Kushtetuta ka parashikuar kur KPK-së i mbaron mandati, puna i kalon KLP-së dhe KLGJ-së. Por nga socialistët është argumentuar se duhet zgjatja e mandatit pasi ky proces i filluar nga ky komision pra vetting-u i gjyqtarëve dhe prokurorëve, duhet të mbyllet nga po ky komision.

The post Si do votojë PD në Kuvend për “vettingun”? “Zbardhen” negociatat sekrete të Bashës me SHBA e BE appeared first on Albeu.com.

Ambasada thekson se zbatimi i reformës në Drejtësi është thelbësor për një sistem drejtësie të pavarur dhe efikas për të ardhmen e Shqipërisë.

“Zbatimi i reformës në drejtësi është thelbësor për një sistem drejtësie të pavarur dhe efikas si dhe për të ardhmen e Shqipërisë. Ne inkurajojmë Kuvendin e Shqipërisë të mbështesë zgjatjen e propozuar të vetingut. Procesi i rivlerësimit i të gjithë gjyqtarëve dhe prokurorëve duhet të bëhet në mënyrë të drejtë dhe të barabartë. Kjo do të ndikojë në konsolidimin e mëtejshëm të reformës dhe në përgjithësi në rritjen e besimit në sistemin e drejtësisë”, thuhet në njoftimin./albeu.com

The post Ambasada britanike thirrje Kuvendit: Votoni zgjatjen e organeve të Vettingut appeared first on Albeu.com.

Në emër të ONM ka folur drejtori i Përgjithshëm për Politikën Evropiane të Fqinjësisë dhe Negociatat e Zgjerimit në Komisionin Evropian, Maciej Popoëski, i cili theksoi rëndësinë e progresit të Reformës në Drejtësi, si një nga kushtet më të rëndësishme të hapjes së negociatave.

Përfaqësuesi i OMN-së shprehu mbështetjen e tij për zgjatjen e afateve të vetting.

“Jemi të vetëdijshëm që kjo është për qytetarët në vendin tuaj. Komisioni Europian është në drejtim të Operacionit Ndërkombëtar të Monitorimit.  Sa i përket zgjatjes së detyrës së anëtarëve të komisionerëve publikë dhe KPK deri me 31 dhjetor 2024, ONM e ka mirëpritur kërkesën për të pasur konsultime me Komisionin e Venecias. ONM konsideron zgjatjen e punës së tyre me rëndësi të madhe për vettingun dhe drejtësinë”, tha ai./albeu.com

The post Zgjatja e mandatit për organet e vettingut, ONM mbështet procesin: Iniciativë e rëndësishme appeared first on Albeu.com.

“Do doja të ndaja faktin se dje grupi i PS ka marrë vendimin për të depozituar në Kuvend nismën e një grupi për të filluar ndryshimin e kushtetutës për ti hapur rrugë zgjatjes së KPK dhe Komisionirit Publik, duke e shtyrë procesin e vetingut deri më 31,12,2024. Duke shtuar 30 muaj të tjera.

Janë të mjaftueshme për të përmbyllur procesin e vetingut. Rama e tha se sot kjo është një vijueshmëri  e reformës në drejtësi. Është çështje sa teknike dhe e rëndësishme, sepse ruajtja e të njëjtit standard në proces për të vazhduar pastrimin e procesit në drejtësi për ata prokurorë dhe gjyqtarë me probleme.

Vijimi i procesit të vetingut është domosdoshmëri. Partitë të qëndrojnë larg siç e kam thënë. Themeli i reformës heqja e çdo lloj ndikimi që vjen nga partitë. Është një skemë e re që ka filluar të japë rezultate. Themele të drejtësisë së re që po rilindin mbi gërmadhat e mëdha”, tha Balla./albeu.com

The post PS depoziton në Kuvend kërkesën për të zgjatur mandatin e organeve të Vettingut appeared first on Albeu.com.

I pyetur nga gazetarët nëse ka një pazar mes tij dhe kreut të PD-së Lulzim Basha në lidhje me votimin për të zgjatur afatin e vettingut, Rama dhe se kjo Reformë është në partneritet me ndërkombëtarët, por shtoi se ishte i gatshëm për të dikutuar me PD-në.

“Zgjatja e mandateve të organeve të vettingut është një domosdoshmëri e cila vjen si rezultat i një procesi që e ka treguar sesa i vyer që është për pastrimin e llumit nga sistemi i drejtësisë dhe për të nxjerrë në pah njerëzit me integritet dhe krye proces nuk mund të ndërpritet, Reforma në Drejtësi është një reformë në partneritet me partnerët tanë ndërkombëtarë dhe besoj se vija është shumë e ndarë. Reforma në Drejtësi nuk është diçka për t’u negociuar është diçka për tu kryer. S’ka kthim mbrapa as qëndrim në vend numër. Kush i bie ndesh interesave të Reformës në Drejtësi i bie ndesh vendit, dhe aleatëve ndërkombëtar. Reforma në Drejtësi është kërkesë kombëtare këtë Kuvend. Jemi të gatshëm që të diskutojmë çdo gjë me PD-në”, tha Rama./albeu.com

The post Rama: Zgjatja e Vettingut është domosdoshmëri, Reforma në Drejtësi nuk negociohet appeared first on Albeu.com.