Basha i ka shprehur emocionet e tij përmes një postimi në Facebook, ku falenderon dashamirësit, miqtë, familjarët, mjekët e infermierët që i kanë qëndruar pranë.

Basha ka kujtuar gjithashtu momentet e bukura dhe virtytet e të atit të tij.

Postimi i Bashës:

Sot i dhamë lamtumirën babait tim Xhelalit i cili u nda nga kjo jetë pas një beteje të gjatë, duke na hidhëruar dhe ligështuar mamanë time Remzijen, mua dhe vëllain tim Erlindin, Aurelën, vajzat, familjarët dhe miqtë e shumtë të tij dhe familjes. Ai u largua në paqe i rrethuar nga dashuria dhe përkujdesi i njerëzve të tij të dashur.

Në këto momente dhimbje të rëndë për familjen tonë, falenderojmë me mirënjohjen më të thellë të gjithë miqtë dhe dashamirët që na u gjendën dhe na lehtësuan, me praninë, mendimet, mesazhet, lutjet dhe mbështetjen e tyre.

Falenderojmë mjekët, infermierët dhe të gjithë personelin shëndetësor për përkujdesjen e tyre të dhembshur për babain gjatë gjithë kësaj periudhe.

Për familjen tonë kjo është një humbje e madhe. Por po kaq i madh është ngushëllimi që Zoti e mori me qetësinë dhe dinjitetin që i fali në çdo çast të jetës së tij, si dhe lutjet tona që shpirti ti prehet në paqe!/albeu.com/

The post I vdiq i ati, Basha mesazh prekës: Na hidhëroi, humbje e madhe për familjen tonë appeared first on Albeu.com.

Familja Basha pret nesër ngushëllimet për humbjen e kryefamiljarit Xhelal Basha.

Nesër në orën 10.00  tek Alba funeral pranë Medresesë, familja pret vizitat e ngushëllimit.

Në njoftimin e shpërndarë bëhet me dije se Xhelal Basha do të prehet në në varrezat e Tufinës.

Varrimi do të bëhet të martën në orën 11.00.

“Vizitat e ngushëllimit për babain tonë të ndjerë Xhelal Basha do të nisin nesër, të hënën, në orën 10.00 tek Alba funeral pranë Medresesë. Varrimi do të bëhet të martën në orën 11.00 në varrezat e Tufinës”, thuhet në njoftim.

Xhelal Basha humbi jetën sot, në moshën 85-vjeçare, pas një lufte të gjatë me tumurin dhe muajve të tërë dergjeje në spital./albeu.com/

The post Ndërroi jetë sot, babai i kreut të PD do të prehet në Tufinë! Ku do të kryhen homazhet appeared first on Albeu.com.

Xhelal Basa ka humbur betejën me sëmundjen e rëndë të tumorit që i kishte prekur kokën dhe prej muajsh luftonte me të.

Sot, babai i kreut të Partisë Demokratike, ka mbyllur sytë në moshën 85-vjeçare, në shtëpinë e tij. Xhelal Basha kishte qëndruar për muaj me radhë në spital, duke shpresuar se do ta mposhtte sëmundjen e rëndë, e cila fatkeqësisht sot i mori jetën./albeu.com/

The post E FUNDIT/ Ndërron jetë babai i Lulzim Bashës appeared first on Albeu.com.