Komisionet abuzive, kufizimet e mëdha në bagazhe si edhe kostot e tjera fshehura, përveç vonesave, e bëjnë kompaninë Wizz Air, një ndër më të shtrenjtat për fluturimet nga Shqipëria.

Skyëeb është bërë dëshmitar i një rasti tejet abuziv nga kompania Wizz Air, e cila ka tarifuar çmime stratoferike për tre bileta vajtje ardhje nga Tirana në Bergamo të Italisë.

Të Wizz Air ndryshimi i datës së fluturimit kushton më shumë se blerja e një bilete të re!

E gjitha historia nis më datë 19 mars të këtij viti ku një familje e përbërë nga prindërit dhe një fëmijë 10 vjeç blejnë tri bileta vajtje-ardhje Tiranë-Bergamo për një fund të prillit me një çmim 324 euro, të cilat u paguan menjëherë.

Familjes në fjalë i ndryshojnë planet dhe në vend të prillit, vendos që ta bëjë këtë udhëtim në fund të qershorit. Teksa bëhet ndryshimi i datës së udhëtimit, sistemi i Wizz Air aplikon një tarifë shtesë me komisione të tjera dhe një penallti rreth 50 euro per person për çdo drejtim duke e çuar vetëm koston ndryshimit të datës në 446 euro, ndërkohë që nëse biletat të bliheshin nga fillimi, kostoja do të ishte 333 euro.

Pas ndryshimit të datës, në total, familja në fjalë pagoi 769 euro për këto tre bileta vajtje-ardhje Tiranë-Bergamo për në fund të qershorit 2025. Siç konfirmohet edhe nga fatura përmbledhëse Ëizz Air ka aplikuar kosto shtesë jo vetëm si tarifë për ndryshimin e datës, gjë që bie ndesh me çdo praktikë ligjore në Shqipëri apo dhe më gjerë.

“Ikni ankohuni në Angli!”

Skyëeb kontaktoi me kompaninë Wizz Air për t’u interesuar në lidhje me çështjen në fjalë duke marrë si përgjigje se “çështja ishte mbyllur” dhe se shuma e tarifuar nuk mund të kompensohej.

Redaksia tentoi të kontaktojë sërish me kompaninë, por mungesa e një përfaqësie në Tiranë si edhe praktikat zhvatëse të saj ndaj klientëve shqiptarë e bën të pamundur zgjidhjen e problemit.

Tallja maksimale me klientët e saj ishte kur kompania Ëizz Air sugjeron që problemin në fjalë, familja ta ankimojë në një institucion të ankesave në Britaninë e Madhe duke e ditur ndërkohë që ky insitucion nuk ka autoritet në Shqipëri dhe nuk mund të detyrojë një kompani të BE-së që të kompensojë një qyetar të një vendi jashtë BE.

Abuzim me pozitën dominuese në treg

Wizz Air zgjedh të sillë në këtë mënyrë me shqiptarët nisur edhe nga fakti se institucionet tona janë të dobta përballë praktikave abuzive. Redaksia konsultoi ligjin për “Konkurrencën në Republikën e Shqipërisë” dhe çështja e mësipërme është rasti tipik kur një kompani abuzon me “pozitën dominuese” të saj në treg.

Ftohet Autoriteti i Konkurrencës që të verifikojë praktikën në fjalë për të futur në shina një kompani që erdhi si “low cost” dhe tani po tarifon me çmime të kripura edhe përmes praktikave të zhvatjes ndaj klientëve! /skyweb.al 

The post FATURAT/ Si po i zhvat Wizz Air shqiptarët: Ikni ankohuni në Angli po deshet! appeared first on Albeu.com.

Kjo për shkak se avioni i Wizz Air që kishte nisjen e fluturimit sot për Romë në 16:25 u shty për ditën e nesërme në oren 02:15 të mëngjesit pa dhënë asnjë shpjegim .

The post Wizz Air shtyn fluturimin nga Rinasi për në Romë me mbi 6 orë pa dhënë asnjë shpjegim qytetarëve appeared first on Albeu.com.

Sipas ARRSH-së, me ndërtimin dhe shfrytëzimin e aeroportit të Kukësit, kjo rrugë rreth 3 km merr një rëndësi të madhe, duke lidhur jo vetëm qytetin e Kukësit me një rrugë të një standardi më të lartë, por duke e bërë aeroportin e Kukësit më lehtësisht të arritshëm për të gjithë përdoruesit e autostradës Milot-Morinë, pavarësisht që edhe nëse shkon në aeroport duhet të kthehesh pasi nuk ka asnjë fluturim, transmeton Albeu.com.

Fluturimet e para zyrtare nga Aeroporti i Kukësit “Zayed / Flatrat e Veriut” nisën më 15 Korrik 2021. Linjat e para ishin nga Kukësi drejt Zyrihyt në Zvicër dhe Stambollit, dhe anasjelltas. Ndërsa më vonë u shtuan dhe linja të tjera low cost.

Por, kompania e fluturimeve low cost “Wizz Air” ka mbyllur të gjitha fluturimet nga Aeroporti i Kukësit, qê nga data 14 Korrik 2023.

Fluturimet i ka anulluar edhe Air ALbania. Nëse futeni në faqen e Air Albania, Aeroporti i Kukësit tashmë “nuk ekziston”, transmeton Albeu.com.

I dhënë për një afat 35 vjeçar, Koncesioni për aeroportin e Kukësit ka shënuar në vitin 2022 një humbje 159 milionë lekë apo rreth 1.5 milionë euro( 1 euro=107 lekë).

Kjo humbje u rrit me 1.5 herë në raport me humbjen e shënuar në vitin 2021 sipas të dhënave nga bilanci të raportuara nga kompania në Qendrën Kombëtare të Biznesit. Të ardhurat nga aktiviteti dytësor i parë ishin 79 milionë lekë apo rreth 743 mijë euro. Këto të fundit janë rritur me 1.2 herë në raport me vitin paraardhës 2021.

Deri në dhjetor 2022 në aeroport raportoheshin 77 persona të punësuar, një staf me rritje në raport me fundin e vitit 2021 kur raportoheshin 69. Vlera e mbetur e koncesionit më 31 dhjetor 2022 është 1.73 miliardë lekë me rritje në raport me 2021 kur raportohej 1.51 miliardë lekë. /albeu.com.

The post Aeroporti i Kukësit që u hap me shumë bujë por që askush nuk “fluturon”, tani u lidh edhe me autostradën Milot-Morinë appeared first on Albeu.com.

Njëri nga pasagjerët ka treguar për Dosja.al se fluturimi Pragë-Tiranë, i parashikuar të nisej sot në orën 14:50, e ka ndryshuar tre herë orarin e nisjes.

“Herën e parë e ndryshoi në datë 21, herën e dytë sot në 12:00 dhe herën e tretë e ndryshoi po sot në orën 16:00, duke e shtyrë për në orën 19:10. Gjithë personat që kishin prerë një biletë me këtë kompani ndodhen në aeroport që në orën 15:30.

Avioni erdhi në orën 19:30, dhe Wizz Air mbylli gate-in dhe fluturimi u nis me vetëm 1/3 e pasagjerëve. Ndërsa rreth 200 pasagjerë tjerë shqiptarë kanë ngelur në aeroportin e Pragës, pa ditur çdo bëhet me ta”, tha ai.

Ndërkohë, kompania Wizz Air, përmes një reagimi ka sqaruar për arsyet e problemit të djeshëm.

Më poshtë, Albeu.com ju sjell reagimin e plotë të Wizzair:

Wizz Air konfirmon se fluturimi me numër W4 6632 nga Praga në Tiranë i cili ishte i planifikuar të nisej me 25 Mars, në ora 17:50 është vonuar pasi priste mbërritjen e pasagjerëve që po kalonin kontrollin e sigurisë – për fat të keq, procesi i kontrollit të sigurisë në Aeroportin e Pragës ka pasur vonesa të konsiderueshme.

Duke e kuptuar shqetësimin e shkaktuar nga kjo situatë, u kërkojmë ndjesë të gjithë pasagjerëve të prekur.
Linja ajrore aktualisht po ofron akomodim për pasagjerët në Pragë dhe opsione fluturimi alternative për të siguruar që pasagjerët të arrijnë në destinacionet e tyre sa më shpejt të jetë e mundur.

The post U nis me vetëm 1/3 e pasagjerëve, “Wizz Air” lë “në dorë të fatit” rreth 200 shqiptarë (VIDEO) appeared first on Albeu.com.

Aeroporti i Austrisë do të zgjerojë terminalin e tij jugor duke shtuar 30 dyqane e restorante në një hapësirë prej 30,000 metra katrorë, raportojnë zyrtarët.

Aeroporti Vienës do të ketë gjithashtu 18 dalje të reja autobusi, për të lehtësuar kalimet në pistat e avionëve F, G, C e D.

Projekti i nisur vitin që shkoi pritet të përfundojë në 2027, kur aeroporti i Vienës pritet t’i bashkohet impjanteve më të mirë në botë.

Julian Jäger, kreu i bordit të transportit ajror Flughafen Wien tha: “Falë zgjerimit të terminalit jugor, ne do të bëjmë që aeroporti Vienës të marrë statusin 5-yje”.

Linja si Ryanair e Wizz Air do të kryejnë fluturime mes destinacioneve evropiane duke nisur nga 20 euro, sipas zyrtarëve. Rinovime të tilla janë planifikuar dhe për aeroporte të tjera në Evropë, shkruan The Sun.

The post Aeroporti evropian i fluturimeve të lira prezanton rinovimin €400 mln për t’u bërë më i miri në botë appeared first on Albeu.com.

Nisja e fluturimeve direkte drejt këtyre destinacioneve u lançua me bujë të madhe vetëm 3 muaj më parë, saktësisht në fillim të qershorit. Sipas njoftimit të atëhershëm, Wizz Air do të niste 10 rrugë të reja nga Tiranë, përfshirë dhe ato drejt Maltës, Palermos dhe Chanias, fluturimet drejt të cilave do të nisnin në mars të vitit të ardhshëm.

Por dy ditë më parë, kompania i hoqi të treja këto linja nga sistemi i saj duke mos pranuar prenotime biletash.

Shkurtime masive

Wizz Air po kërkon të ulë kapacitetin me 10% në të gjithë rrjetin e saj për shkak të një problemi global me motorët e prodhuar nga Pratt & Whitney. Transportuesi loë cost thotë se po punon për të minimizuar ndikimin në flotën e saj, por pret që shumë avionë të ndalen.

Wizz Air po pezullon një numër të linjave të saj gjatë sezonit të ardhshëm dimëror me Banja Lukën, Podgoricën, Prishtinën, Sarajevën, Nishin dhe Ohrin të gjitha të prekura. Aktualisht, nivelet e kapaciteteve për dimrin e ardhshëm janë ulur në Banja Luka, Podgoricë, Sarajevë dhe Tuzla në krahasim me sezonin 2022/23.

Flota e transportuesit përbëhet nga mbi 150 avionë të familjes Airbus A320, duke përfshirë avionë më të rinj A320neo dhe A321neo, të cilët fuqizohen nga motorët e Pratt & Whitney. Furnizuesi i hapësirës ajrore dhe kompania mëmë e Pratt & Whitney, RTX, tha se do të duhej të kryente kontrollin e cilësisë në motorët e instaluar në qindra avionë në të gjithë botën. Ai shtoi se midis 600 dhe 700 motorë turbofan me ingranazh Pratt & Whitney do të duhej të hiqen për t’u ekzaminuar midis 2023 dhe 2026.

Në një deklaratë, linja ajrore me kosto të ulët tha, “Wizz Air aktualisht po vlerëson implikimet për të kuptuar shkallën e ndikimit në flotën e saj, me vlerësimet fillestare që tregojnë një reduktim të mundshëm të kapacitetit prej 10% për gjysmën e dytë të vitit financiar 2024 ” . Ajo shtoi, “Wizz Air u informua nga RTX se motorët e tij Pratt & Whitney GTF do t’i nënshtrohen intervaleve të inspektimit, duke rezultuar në heqjen e motorëve për vizita në dyqan gjatë pjesës së mbetur të vitit 2023 dhe në 2024, gjë që ka të ngjarë të shkaktojë ndalimin e disa avionëve në këtë periudhë”.

Por problemet me furnitorin e motorrëve janë vetëm njëra anë e medaljes, që ka çuar në këtë vendim. Ana tjetër lidhet me konkurrencën nga Ryanair. Wizz Air duket se nuk është e kënaqur që Ryanair vendosi të hyjë fuqishëm në tregun shqiptar.

Menjehërë sapo CEO i Ryanair njoftoi nisjen e fluturimeve masive nga Shqipëria pak muaj më parë, Wizz Air njoftoi përfundimin e operacioneve të saj në aeroportin e Kukësit. Ndërsa tani, po shkurton linjat e parashikuara që do të shtoheshin nga Rinasi.

The post Ishin parashikuar të nisnin vitin e ardhshëm, Wizz Air anulon tri linja nga Tirana appeared first on Albeu.com.

Përmes një statusi në rrjetin social Facebook, Manjani thekson se familja e tij ishte mbajtur peng për orë të tëra në aeroport duke shtyrë fluturimin dy herë dhe më pas avioni nuk u nis fare.

Manjani shkruan pasi u nxorën nga avioni, udhëtarëve nuk iu dha mundësia e hotelit por iu tha se duhej të flinin ku të mundenin.

“Asnjë mirkuptim nuk mund të tregojmë ndaj kësaj kompanie që ofron shërbim ç’njerzor. Na janë shtyrë e madje edhe anuluar fluturime edhe të linjave të tjera, por na kanë trajtuar njerëzisht. Na është prishur terezia, por kemi thënë “ndodhin këto gjëra”.

Wizzair jo! Trajtimi ç’njerzor është krim jo shërbim.

E sigurtë është që nuk do ti blejmë më shërbim këtyre palaçove të papërgjegjshëm!

Ptu!”, shkruan Manjani në Facebook!

Statusi i plotë

Wizzair?

Never ever again!

Kurrë më! Asnjëherë!

Mbrëmë, avioni i linjës Athinë-Tiranë nuk u nis. Që fluturimet anulohen kjo ndodh, por që pasagjerët të trajtohen ç’njerzisht, kjo është e papranueshme!

Pasi kishin njoftuar dy herë shtyrjen e orarit të fluturimit, që do të thotë pritje në aeroport te gate, diku rreth orës 12:00 të natës avioni imbarkohet, por nuk niset, megjithse me pasagjerë në bord. Për më shumë se 2 orë kështu… Tmerr. As në qiell e as në tokë. Pengmarrje.

Pas 2 orë e kacafiu kujtohen të thonë se avioni nuk niset. Pasagjerët dalin nga avioni, rihyjnë në aeroport dhe lihen aty praktikisht në mes të katër rrugëve. Asnjë mundësi akomodimi!!! “Flini ku të mundeni”.

Nuk dihet do niset apo jo sot një avion tjetër!!!

Kjo i ka ndodhur familjes time mbrëmë.

Disa muaj më parë na ndodhi thuajse e njëjta gjë në linjën Eindhoven-Tiranë. Im bir pati të një përvojë shumë të keqe prej 6 orësh pritje dhe pa informacion..

Asnjë mirkuptim nuk mund të tregojmë ndaj kësaj kompanie që ofron shërbim ç’njerzor. Na janë shtyrë e madje edhe anuluar fluturime edhe të linjave të tjera, por na kanë trajtuar njerëzisht. Na është prishur terezia, por kemi thënë “ndodhin këto gjëra”.

Ëizzair jo! Trajtimi ç’njerzor është krim jo shërbim.

E sigurtë është që nuk do ti blejmë më shërbim këtyre palaçove të papërgjegjshëm!

Ptu!

The post “Kurrë më WizzAir”! Ish-ministri denoncon: Orë të tëra peng në aeroport, avioni nuk u nis appeared first on Albeu.com.

Përmes një njoftimi për shtyp në qershor të këtij viti, Wizz Air tha se do të fillonte në fund të 2023 fluturimet nga Tirana për në këto tre qytete krahas Londrës, por duket se gjithçka ka ndryshuar pas lajmit se nga Shqipëria do të fluturojë edhe një kompani tjetër ajrore, sicc është RyanAir.

Lajmi për mosfillimin e fluturimeve për Edinburgun u konfirmua edhe nga zëdhënesi i Wizz Air sipas HeraldScotland.com.

Përballë konkurrencës së një operatori më të madh dhe me flotë e destinacione më të shumta, Wizz Air duket se është tërhequr duke preferuar Italinë, si një treg më i lehtë për shkak të numrit të madh të shqiptarëve, raporton AlbEu.com.

Ky ka qenë një vit me fitime kolosale për kompanitë ajrore, përfshi edhe ato që fluturojnë nga Shqipëria, por fatkeqësisht nuk është reflektuar në përmirësim të shërbimit, pasi shpesh avionët funksionojnë më shumë si autobusë, me vonesa dhe trajtim të padenjë të udhëtarëve.

Krahas vonesave, aeroporti i Rinasit nuk ofron as minimumin e shërbimit sicc është check in online duke njoftuar sëfundmi pasagjerët që të shkojnë në aeroport tre orë para fluturimit duke konfirmuar mungesën e kapaciteteve apo aftësisë për të menaxhuar udhëtarët.

The post I njoftoi me bujë, Wizz Air anulon fluturimet për tre destinacione në Angli appeared first on Albeu.com.

Por sëfundmi Wizz Air ka shënuar një tjetër skandal, ku në vend t’i kërkonte falje udhëtarit, e ka nxjerrë atë me dhunë nga avioni, duke kërkuar për këtë edhe ndihmën epolicisë.

E gjitha ndodhi dy ditë më parë në Oslo të Norvegjisë, ku kompania Wizz Air e cila kishte shitur më shumë bileta se kapaciteti i avionionit, i ka kërkuar njërit prej udhëtarëve që të zbriste, raporton AlbEu.com.

Ky i fundit me të dretë ka refuzuar të zbresë, pasi ai kishte paguar për udhëtimin e tij, i cili përfundonte në Bukuresht.

Por ku kompania ka parë që pasagjeri nuk i është bindur urdhrit për të zbritur, ka kërkuar ndihmën e policisë norvegjeze, e cila në vend që të merrte masa mbi kompaninë, ka zbritur me dhunë pasagjerinm raporton AlbEu.com.

Kujtjmë që vetëm pak kohë më parë AlbEu.com solli në vëmendjen e publikut denoncimin e një tjetër qytetareje shqiptare e cila kishte zgjedhur kompaninë Wizz Air për të udhëtuar nga Tirana në drejtim të Francës, dhe pasi avioni bëri ulje të detyruar në aeroportin e Romës, qendri aty për më shumë se 10 orë, pa ju dhënë asnjë shpjegim pasagjerëve.

Skandalet e kësaj kompanie nuk përfundojnë këtu, pasi janë me qindra denoncimet për mosrespektim orararesh, si dhe shtyrje pa paralajmërim të udhëtimeve. Zbritja e një pasagjeri nga avioni pse i kishte shitur biletën pa numëruar vendet është thjeshtë skandali i radhës i Wizz Air.

/AlbEu.com/

The post Wizz Air nxjerr pasagjerët me policë nga avioni pasi shiti më shumë bileta se vende appeared first on Albeu.com.

Esmeralda Topi-Faktoje.al

‘Pozita e mirë gjeografike dhe rëndësia e zhvillimit të këtij Aeroporti ka tërhequr vëmendjen e linjave të mëdha Low Cost, ndër të cilat mund të përmendim Wizz Air, EasyJet, RyanAir, Voeling, Pegasus, etj.’, deklaronte ministrja e infrastrukturës Belinda Balluku në mars të 2019, pasi qeveria kishte miratuar vendimin për aeroportin e ri ndërkombëtar të Kukësit.

Dy vite më vonë, në 18 prill të 2021, kryeministri Edi Rama i hipi një avioni të linjës Air Albania në Rinas dhe pak minuta më vonë zbriti në Kukës për të inaguruar aeroportin ndërkombëtar të Kukësit. Avioni i “Air Albania” ishte nisur nga Londra, por ndaloi në Rinas, për të marrë në bordin e tij edhe kryeministrin Rama.

“Tani po e besoni, apo akoma? Kështu ndodh gjithmonë me ata që thonë, jo nuk bëhet dhe pastaj kur bëhet…”- shpotiste me pasagjerët kreu i qeverisë.

Prej hapjes e deri në janar të 2022, në Aeroportin e ZAYED operonte vetëm kompania Air Albania. Një muaj më vonë, aeroportit ndërkombëtar “Flatrat e Veriut” iu bashkua në pistë edhe avioni i parë i kompanisë WizzAir.

‘Dua ta falenderoj drejtorin e kompanisë për gatishmërinë për ta parë Kukësin si një mundësi, sepse në fillim ai ishte skeptik, por pastaj e gjithë analiza e bërë rezultoi në favor të aeroportit.’, shprehej Rama gjatë ceremonisë së rastit. Ndërsa drejtori ekzekutiv i kompanisë Wizz Air József Váradi njoftonte destinacionet e reja nga Kukësi.

‘Gjithçka do të nisë në maj, nga Kukësi do të lidhemi me Vjenën, Mynihun, Baden dhe me Bazelin. Uroj që ky të jetë vetëm fillimi.’

Pas një viti…

Një vit më vonë, analiza e kompanisë Wizz Air doli nw disfavor të aeroporitit. Kompania konfrimon për Faktoje se ka pezulluar operimin nga “Flatrat e Veriut”.

“Wizz Air konfirmon se pas një shqyrtimi dhe analize të kujdesshme, ne kemi vendosur të PEZULLOJMË operimet për/dhe nga Aeroporti Ndërkombëtar i Kukësit (KFZ) si rezultat i sfidave të paraqitura nga mjedisi i jashtëm, në veçanti terreni dhe moti, që ndikojnë në performancën operacionale të biznesit tonë dhe çojnë në ndërprerje të klientëve.”,konfirmon kompania për Faktoje, teksa thekson se pasagjerët e prekur nga ky vendim janë lajmëruar dhe do të rimbursohen ose në para ose me një fluturim alternativë.

Pavarësisht tërheqjes nga Kukësi, hungarezët e Wizz Air garantojnë:

“Wizz Air mbetet e përkushtuar ndaj rritjes afatgjatë në Shqipëri, duke krijuar qindra vende pune, ndërkohë që stimulon industrinë e turizmit dhe të hotelerisë. Wizz Air ka njoftuar së fundmi alokimin e një avioni të ri në Tiranë, duke e rritur bazën në 11 avionë, që përfaqëson një investim mbi 1.1 miliardë euro në Shqipëri.”, theksohet në reagimin për Faktoje.

Çfarë paralajmëruan ekspertët?

Dritan Goxhaj, ekspert i Aviacionit Civil thotë se tërheqja e Wizz Air nga Kukësi ishte e pritshme.

“Terreni nuk është i përshtatshëm për atë tip avioni, sepse ulja bëhet në mënyrë vizuale dhe jo me instrumenta. Duke e bërë vizuale ajo është e lidhur pashmangmërisht me kushtet meteorologjike. Nese ka re nuk mund ta besh uljen vizuale, sepse nuk sheh dot, pasi rregulloret e aviacionit pwr uljet vizuale nuk ta mundësojnë një ulje pa iu shmagur reve. Po tw provosh t’u shmangesh reve aty në atë lartësi rrezikon fluturimin total dhe probabiliteti i një aksidenti është shumë i madh.”, thotë Goxhaj duke shtuar se me rregullore nuk lejohet ulja vizuale për avionët e mëdhej të transportit me pasagjerë, me përjashtim të rasteve të emergjencës.

“Nëse do shpallësh rast emergjence atëherë hyjnë në punë protokolle të tjera. Nëse nuk e shpall, por vazhdon uljen, ke thyer rregulloret e aviacionit kombëtar dhe ndërkombëtar dhe ke rritur rrezikun e një aksidenti. Por një aksident në kushte të tilla ku ke shkelur çdo lloj rregulli do të thotë mbyllje e kompanisë. Pra, sipas meje, kompania ka qënë e detyruar të zgjedhë midis dy humbjeve. Dhe ka zgjedhur atë më të voglën.”, argumenton Goxhaj.

Me largimin e Wizz Air, Kukësit i mbetet vetëm Air Albania si kompani që operon duke ofruar vetëm linjën Kukës- Bazel.

Përfundim

Ndonëseministrja e Infrastrukturës pretendonte se pozita gjeografike e aeroportit të Kukësit ishte e mirë dhe zhvillimi i tij kishte tërhequr vëmendjen e linjave me kosto të ulët, koha tregoi të kundërtën. Hungarezëve të Wizz Air iu mjaftoi vetëm një vit operim në Kukës për të kuptuar se terreni dhe moti i vështirë nuk e favorizonte biznesin e tyre. /faktoje.al

The post ” I rrezikshëm dhe me kosto të larta”. Dështon Aeroporti i Kukësit, Wizz Air e braktis pas 1 viti operim appeared first on Albeu.com.