Lidhur me këtë rast, Zyra Ndërlidhëse e Republikës së Kosovë në Serbi ka njoftuar misionet diplomatike të shteteve të QUINT-it dhe Zyrën e BE-së në Beograd.

MPJD i ka bërë thirrje Bashkësisë Ndërkombëtare të reagojë dhe ka kërkuar lirimin e menjëhershëm të Agushollit.

“Ministria e Punëve të Jashtme dhe Diasporës ka njoftuar menjëherë misionet diplomatike të shteteve të KUINT-it dhe Zyrën e BE-së në Kosovë, si dhe ka ndërmarrë hapat e nevojshëm për të siguruar informacione të plota dhe zyrtare në lidhje me rastin.

MPJD dënon fuqishëm këtë veprim arbitrar të autoriteteve serbe dhe i bën thirrje Bashkësisë Ndërkombëtare të reagojë menjëherë, duke kërkuar lirimin e menjëhershëm të z. Gramos Agusholli dhe ndalimin e praktikave të tilla represive, të cilat bien ndesh me parimet themelore të të drejtës ndërkombëtare dhe me konventat ndërkombëtare për të drejtat e njeriut.

Ministria e Punëve të Jashtme dhe Diasporës do të mbajë të informuar të gjithë partnerët ndërkombëtarë për çdo zhvillim të mëtejshëm në lidhje me këtë rast. Çdo informacion i ri do të shpërndahet menjëherë pas konfirmimit zyrtar”, thuhet në njoftimin e MPJD.

Ndalimi i Agushollit është bërë në orën 09:00 të mëngjesit të kësaj të hëne dhe ai është mbajtur i ndaluar për orë të tëra nga autoritetet serbe në pikën kufitare në Merdarë, gjatë udhëtimit të tij drejt Sllovenisë.

Tani, ai raportohet se është liruar, pas shumë orësh presioni dhe pa asnjë shpjegim zyrtar mbi arsyen e ndalimit.

The post Ish-deputeti i Vetëvendosjes ndalohet nga autoritetet serbe në Merdarë, Ministria e Jashtme njofton Zyrën e BE dhe misionet diplomatike appeared first on Albeu.com.

Kryesuesi i seancës së Kuvendit, Avni Dehari, sërish hodhi në votim komisionin për mbikëqyrjen e një votimi të fshehtë për kreun e ri të organit ligjvënës, i cili dështoi të marrë votat.

Nga 90 deputetët e pranishëm, 53 vota ishin për, një kundër dhe asnjë abstenim.

Dehari ndërpreu seancën dhe njoftoi se e radhës vazhdon më 27 maj./Express/

The post Dështon edhe përpjekja e 21-të për konstituimin e Kuvendit, VV i pati veç 53 vota appeared first on Albeu.com.

“Të dashur qytetarë, numërimi po vazhdon dhe duhet të presim deri në numërimin e fundit, në mënyrë që të dimë rezultatin e fitores sonë”, ka thënë ai.

KQZ-ja ka njoftuar se ka telashe teknike me uebfaqen ku po publikohen rezultatet preliminare të zgjedhjeve parlamentare .

The post VV: Duhet të presim numërimin e fundit për rezultatin e fitores appeared first on Albeu.com.

Në një intervistë për News 24 Rustemi tha se Serbia përdori Listën Serbe për të bojkotuar zgjedhjet në veri të vendit, ndërsa aktualisht  po përdor grupet kriminale për të krijuar tensionet dhe dhunë.

Gjithashtu ai theksoi se për Kosovën është e papranueshme që t’ja dorëzojë këto komuna bandave kriminale.

“Në Kosovë janë 10 bashki që drejtohen nga komuniteti serb, vetëm katër prej tyre kanë dhënë dorëheqjen dhe 6 prej tyre vazhdojnë normalisht. Por Serbia ushtron ndikim mbi pakicën serbe, me struktura kriminale për të nxitur destabilizimin. Serbia përdorte Listën Serbe për të bojkotuar procesin zgjedhor, në anën tjetër Kosova e kishte të rëndësishme që këto zgjedhje të mbaheshin në respektim të ligjit. Ndërkombëtarët kanë qenë gjatë gjithë kohës në vëzhgim. Në ditën e zgjedhjeve kishte dy reagime nga ambasada amerikane që i njihte zgjedhjet. Grupet e dhunshme vazhdojnë të qëndrojnë dhe të sulmojnë oborret e dy komunave dhe të sulmojnë ushtarët e KFOR. Kosova ka qenë e detyruar të zbatojë detyrimet që rrjedhin nga Kushtetuta dhe ligji. Këto grupet e paraqitura para komunave dhe dhuna që po ushtrohet nuk i konsideroj si protestë, pasi në rreshtat kryesor të organizimit të këtyre grupeve janë persona me dosje kriminale dhe që e kanë mbajtur peng këtë pjesë të Kosovës. Kjo nuk është protestë sepse nuk ka as kërkesa politike. Nuk mund të thuash refuzoj kryetarët e zgjedhur, në një kohë që nuk merr pjesë në zgjedhje. As nuk kanë kërkuar zgjedhje të reja. Serbia synon që nëpërmjet këtyre grupeve kriminale ta ruajë këto zonë pa autoritete të Kosovës”, tha ai.

The post Deuteti i VV: Serbia po përdor grupet kriminale për të krijuar tension dhe dhunë appeared first on Albeu.com.

I ftuar në RTV Dukagjini, Ymeri ka thënë se plani franko-gjerman është produkt i negocimit të Kurtit.

“Kurti i ka ndryshuar qëndrimet por ajo që dëgjuam sot dhe mbrëmë çka ka thënë në Euronews dhe krahasuar me javën e kaluar në seancë, kjo nuk është ndryshim i qëndrimeve. Para 4 apo 5 ditëve ka thënë se do të negociohet sot na tha pa u taku me Lajcak, tha se kur kanë ardhur e kanë sjellë planin duke thënë se nuk ndryshohet”.

“Deri mbrëmë na thoshte ky është i negociueshëm. Na ka mashtruar, Kurti po i ndryshon qëndrimet por problemi është se po mashtron me vetëdije. Nëse e shohim javën e kaluar në kuvend dhe sot, e kam vërejt një gjë interesant sa herë që Kurti ndihet në siklet për shkak të argumenteve që nuk mundet t’i ballafaqojë i bën dy gjëra, në njërën anë i vendos disa mashtrime të tilla sa të kalojë debatin dhe në anën tjetër egërsohet në sulmin ndaj opozitës”, shtoi Ymeri.

Ymeri ka theksuar se herëve të fundit, Kurti po e ka luftën me LDK-në.

“Kurti është në siklet. Kritika e vetme ka qenë që Abdixhiku e ka pyet a është njohja në qendër në planin franko-gjerman, nëse jo si erdhëm deri këtu? Sot Kurti e pranoi një gjë interesant që plani franko-gjerman është një rrjedhojë e një negocimi që e ka bërë Kurti, nuk është plani franko-gjerman që e kanë sjellë menjëherë pa folur me palët dhe kanë thënë se duhet ta pranoni gjithqysh”.

“Plani franko-gjerman është produkt i negocimit të Kurtit”, tha Ymeri teksa pyet se “a është ky neglizhim i procesit, tejzgjatje e procesit, ajo që neve na ka futur në proces në kohën kur njëkohësisht është invazioni i Rusisë në Ukrainë”.

Sipas Ymerit, Kurti ka bërë pranimin “por tash po do që ta shpjegojë pranimin në formën më të dobët e politikanit ku nuk pranon kurrfarë përgjegjësie”.

“Kurti po do të thotë që kurrfarë përgjegjësie nuk kam, plani franko-gjerman na erdhi si merre ose leje. Ai ka thënë që po e përmirësoj procesin e dialogut”.

The post Ish-kryetari i VV-së: Kurti po mashtron me vetëdije, plani franko-gjerman është produkt i negocimit të tij appeared first on Albeu.com.

Në kongres kanë marrë pjesë pjesëtarë të lartë të kësaj partie, përfshirë edhe liderin e deritanishëm dhe kandidat i vetëm për lider të ASh-së, Ziadin Sela.

Por gjithashtu në takim janë parë edhe pjesëtarë të partive tjera politike, duke përfshirë pjesëtarë të BDI-së, Besës, Alternativës, Partisë Demokratike Turke, VMRO-DPMNE-së dhe të Lëvizjes Vetëvendosje nga Kosova.

Në pjesën e dytë kongresit do të zgjedhen udhëheqësit e organeve partiake dhe lideri i ri i partisë./albeu.com/

The post Kongresi i dytë i ASh-së hap punimet, të pranishëm nga VMRO, Alternativa, Besa, BDI dhe VV (VIDEO) appeared first on Albeu.com.

Përfaqësuesi i Bashkimit Evropian për Politikë të Jashtme, Josep Borrell, dhe Kryeministri i Kosovës, Albin Kurti, janë përplasur për çështjen e themelimit të Asociacionit të Komunave Serbe. Borrell tha se do të kërkojë vazhdimisht implementimin e Asociacionit, ndërkaq Kurti deklaroi se kjo marrëveshje nuk e ka kaluar testin e Gjykatës Kushtetuese.

Këto qëndrime i ka komentuar ish-kryeministri i Kosovës, Isa Mustafa.

Në një përgjigje me shkrim për Express, Mustafa ka deklaruar se kur ishte Kryeministër, ka marrë zotim me shkrim nga Komisioni Evropian që Asociacioni nuk ka kompetenca ekzekutive dhe nuk është pushtet i tretë.

“Si Kryeministër në vitin 2015 e kam marrë zotimin me shkrim nga zëvendëspresidentja e Komisionit Evropian, znj. Mogerhini se Asociacioni sipas pikëpamjeve të BE-së nuk ka kompetenca ekzekutive dhe nuk është pushtet i tretë. Derisa është në fuqi Ligji për ratifikimin e Marrëveshjes së Parë, Kosova e ka për obligim ta themelojë (por pa kompetenca ekzekutive).  Këtë pra e ka thënë Gjykata Kushtetuese”, ka thënë Mustafa për Express.

Mustafa thotë se Kosova duhet ta krijojë Asociacionin e Komunave Serbe bazuar në konstatimin e Gjykatës Kushtetuese se ai nuk do të ketë kompetenca ekzekutive.

Ish-kreu i LDK-së deklaron se një Asociacion me ndryshime kushtetuese për të cilin ka folur i Dërguari Special i BE-së për dialogun Kosovë-Serbi, Miroslav Lajçak, do të ishte i papranueshëm për Kosovën.

“Gjykata Kushtetuese ka gjykuar se Asociacioni duhet të themelohet sipas Marrëveshjes së Parë, e arritur në vitin 2013 dhe e ratifikuar me Ligj nga Kuvendi. Gjykata ka konstatuar se Asociacioni është bërë pjesë e rendit juridik të Kosovës.  Gjithnjë e kam parasysh se Gjykata i referohet një Asociacioni që nuk ka fuqi ekzekutive dhe që nuk është pushtet i tretë. Jo për Asociacion me ndryshime kushtetuese për të cilin është shprehur z. Lajçak. Për një Asociacion të tillë nuk është  diskutuar asnjëherë dhe ai do të ishte i papranueshëm për Kosovën”, ka deklaruar Mustafa.

Ish-kryeministri i Kosovës thotë se nëse Serbia dhe Bashkimi Evropian kërkojnë që Asociacioni të marrë kompetenca të komunave përmes ndryshimeve kushtetuese, Kosova duhet të tërhiqet.

Ai thotë se në asnjë rast, Kosova nuk ka marrë obligim për ndryshime kushtetuese, për të i krijuar hapësirë Asociacionit të cilin e parapëlqen Serbia.

Mustafa thotë se Serbia para gjashtë vitesh ishte pajtuar që Asociacioni të krijohet, kur Gjykata Kushtetuese konstatoi se statusi i tij është në përputhje të plotë me Kushtetutën e Kosovës.

“Në qoftë se Serbia dhe BE tani kërkojnë që Asociacioni të jetë pushtet i tretë (të marrë kompetenca të komunave), përmes ndryshimeve kushtetuese, do të kishte arsye të plotë që Kosova të tërhiqet nga ky obligim përmes shfuqizimit të Ligjit, për arsye se në asnjë rast Kosova nuk ka marrë obligim për ta ndryshuar Kushtetutën e për t’i krijuar hapësirë një Asociacioni çfarë tani e parapëlqen Serbia. Duhet përkujtuar se në vitin 2015 Serbia ishte pajtuar që Asociacioni të konsiderohet i themeluar kur Gjykata Kushtetuese e Kosovës shprehet se Statuti i tij është në përputhje me Kushtetutën e Kosovës”, ka deklaruar Mustafa.

Mustafa ka përmendur edhe qëndrimin e Kryeministrit Albin Kurti dhe partisë së tij për Asociacionin, kur ishin në opozitë.

Ai thotë se Kurti dhe VV-ja tani që janë në pushtet, duhet të veprojnë dhe të marrin përgjegjësi.

“Sa i përket Kryeministrit Kurti ai dhe partia e tij e kanë kundërshtuar Zajednicën me të gjitha mjetet. Tani janë në pushtet, kanë numër të madh të deputetëve, tani s’kanë nevojë të bëjnë opozitë por të veprojnë dhe të marrin përgjegjësi nga pozita”, ka deklaruar Mustafa.

Mustafa po ashtu thotë se nëse Kurti dhe partia e tij kanë argumente se Kosova ka humbur 8 mijë e 200 hektarë në korrigjimin e kufirit me Malin e Zi, pse s’po ia kthejnë Kosovës.

Ai deklaron se pozita i ka votat për këto dy marrëveshje.

“E njëjta gjë vlen edhe për kufirin me Malin e Zi. Nëse edhe sot mendojnë dhe kanë argumente se Kosova ka humbur 8,200 hektarë, pse nuk po veprojmë ta korrigjojnë dhe  t’ia kthejnë Kosovës. Votat i kanë edhe për Zajednicën edhe për Marrëveshjen për kufirin me Malin e Zi. I kanë ato me të cilat e kanë zgjedhur Presidenten”, ka deklaruar Mustafa.

Më 25 gusht të vitit 2015, delegacioni i Kosovës i udhëhequr nga Kryeministri Isa Mustafa ka nënshkruar katr marrëveshje me Serbinë, në mesin e të cilave ishte edhe Asociacioni komunave me shumicë serbe.

Këto marrëveshje më pas u ratifikuan në Kuvendin e Kosovës.

Partia e Kryeministrit të tanishëm, Albin Kurtit, Lëvizja Vetëvendosje, e kishte kundërshtuar vazhdimisht Asociacionin, duke e quajtur në serbisht “Zajednicë”. /Express

The post Mustafa: VV i ka votat, nëse besojnë që Kosova humbi pse s’po veprojnë për Demarkacion dhe Zajednicë appeared first on Albeu.com.

Pretendimet e VV kanë qenë të mëdha. Nuk ka fushë qe nuk ka propaganduar ndryshime të mëdha dhe shumë pozitive.

Tash po kalojnë mbi 9 muaj dhe ndryshimet po mungojnë.

Shikuar në ketë anë, del se faktor kryesor të humbjes së numrit te votave mbi 40%, janë pikërisht dështimet e VV-së nivel lokal dhe qëndror.

Faktor tjetër është mos-përzgjedhja e kandidatëve të kualifikuar për pushtet lokal.

Duket se me qellim janë këto punë anash, në mënyrë që të mos ketë pergjegjesi ky subjekt për ndonjë deshtim në komuna.

Këta janë dy faktorët më kryesor, natyrisht se ka edhe të tjerë, pse kemi një ulje të madhe të votave për VV-në.

Dhe, nëse kështu ecë puna, do te kemi ikje edhe më të madhe të qytetarëve nga VV-ja.

Nuk mundet asnjë subjekt politik që me propagandë populiste të mbahen masat.

Kjo per faktin:

Pushteti lokal ku ka qenë i udhehequr nga VV-ja, si ne Prizren dhe ne Mitrovicë, ka patur vetëm dështime.

Në nivel qëndror nuk kemi përmiresime në shume fusha.

Konkretisht:

1. Punëtoret duan regullim të gjendjes në punë. Atyre u duhet mbrojtje ligjore dhe sigurime pensionle e shëndetesore.

Një faktor tjetër është mosrealizimi i të ardhurave minimale në shume 450 euro. Shuma e 250 eurove është qesharake.

2. Arsimi kerkon ndryshime pozitive e jo vazhdim i punes se njete me intervenime kozmetike.

3. Ne fushën e rendit dhe të sigurisë nuk kemi ndonjë ndërrim pozitive. Flitet dhe diskutohen shume veprime, por gjendja po vendnumero. Krimi dhe korruocioni po lulëzon.

Veriu eshte tërësisht jashtë kontrollit të Republikes.

4. Nuk kemi as permiresime ne kulturë, në shëndetësi e në fushat e tjera.

5. Tërësisht kemi ngelje në njohjet ndërkombëtare. Madje, kemi gjendje edhe më të keqe për Kosovën në shumë mekanizma nderkombëtar.

Ndryshimi i vetem që është bërë në pushtet është nxerrja jashtë nga bordet e shumta të shumë vetave dhe zevendesimi i tyre me njerez te VV.

Kështu u be edhe me ambasadore dhe konsuj. Fshesa do te vazhdoje më thellë.

Faktet e tilla ndikuan ne ikjen e votueseve nga VV-ja

Dhe, ketë e dinte VV-ja. Prandaj kemi kuader kandidues nga VV-ja per kryetar te komunave thjeshtë te papërgatitur.

E tërë kjo ndikoj ne rënien mbi 40% te VV-së.

The post Pse ra VV-ja në zgjedhjet lokale? appeared first on Albeu.com.

Gazeta Express ka mësuar se Mujka ka dhënë dorëheqje në mbledhjen e sotme të Kryesisë.

Express ka mësuar se ushtrues detyre i kryetarit të VV-së deri në zgjedhjet e ardhshme do të jetë Alban Uka.

Faruk Mujka udhëhoqi Vetëvendosjen e Mitrovicës për disa vite, ndërsa në zgjedhjet e fundit ajo doli e dyta (34,40%), kurse në asamble fitoi rreth 30% të votave.

The post Jep dorëheqjen kryetari i Vetëvendosjes në Mitrovicë appeared first on Albeu.com.

Nga numërimi i mbi 96% të votave, prin Lëvizja Vetëvendosje me 28.59% të votave, e pasuar nga Lidhja Demokratike e Kosovës me 25.83% të votave.

Kujtojmë se në balotazh për kryetar të Prizrenit kanë shkuar Mytaher Haskuka i Vetëvendosjes dhe Shaqir Totaj i PDK-së.

The post Garë e nxehtë për Kuvendin Komunal të Prizrenit, rezultat i ngushtë mes VV-së dhe PDK-së appeared first on Albeu.com.