Ai u ndalua si autor i dyshuar për ngjarjen e rëndë ku mbetën të vrarë Armando Pali dhe Liridon Kraja, ndërsa u plagosën Erogen Vaso dhe kamarierja Meri Kaceri.

“Erogeni më ka kërcënuar dhe kemi pasur probleme. Sillet si i fortë dhe më ka çuar fjalë. Konflikti ka qenë vetëm me të dhe unë doja të qëlloja vetëm atë”, ka thënë Gila para oficerëve hetimorë, mëson korrespondenti i Top Channel Klodian Zhivani.

Gjatë tentativës për t’i shpëtuar ndjekjes së policisë, 30-vjeçari është rrëzuar nga një lartësi pranë shinave të trenit, në shtratin e lumit Kir, duke dëmtuar këmbën. Në momentin e kapjes, policia i ka bërë thirrje të dorëzohej dhe të hidhte armën.

“E kam hedhur armën, jam dorëzuar, më dhemb shumë këmba”, mësohet të jetë përgjigjur ai, para se të vihej në pranga.

Ndërkohë, pavarësisht versionit të dhënë nga i arrestuari, policia po e trajton me rezervë deklaratën e tij dhe po heton nëse pas kësaj ngjarjeje fshihen persona të tjerë që mund ta kenë porositur për të goditur Erogen Vason, 43 vjeç, i cili ndodhet ende nën kujdes mjekësor në Spitalin Ushtarak në Tiranë.

The post Vrasja në Shkodër, zbardhet deklarata e autorit: Objektivi im ishte vetëm Erogen Vaso appeared first on Albeu.com.

I riu ka një ngjashmëri të madhe me Ibrahim Licin. Njeriu kryesor i fisit Lici dyshohet se ka qenë personi i tretë në makinë dhe shënjestra e atentatit ka qenë pikërisht ai.

‘Të krijohet ideja e përshtypja që një atenatat i tillë nuk mund bëhet ndaj personazheve që i ke pasur në Shkodër edhe ditë të tjera, por bëhet ndaj personazhit kryesor që ti ke kundërshtar’ u shpreh ish-prokurori, Eugen Beci.

‘Në vetvete vepra penale është kryer në atë që quhet si zahrgoni, për ti prerë krahët ose pamundësuar ndihmën nga persona të tjerë, për ta izoluar atë që mendohet që mund të ketë qenë ose ka qenë objektivi kryesor i ngjarjes’ u shpreh Kreshnik Myftari, profesor i drejtësisë.

Dëshmitarët okular, jashtë kamerave tregojnë se ky person ka nxjerrë nga makina trupin e Hamza Licit dhe ka tentuar që t’i jape ndihmën e pare. Ata thonë se i riu ka bërë dhe frymëmarrje artificiale ndaj 23-vjeçarit për ta mbajtur në jetë. Nuk dihet nëse personazhi misterioz ishte në vendngjarje kur mbërriti policia apo ishte larguar.

“Pyetja tjetër që lind është për policinë, a ishin vetëm 2 viktima objektiv apo edhe 1 i tretë që mund të jetë larguar nga vendngjarja.Në mjetin e viktimave janë gjendur 3 armë, janë përdorur 2 armë nga 1 person apo kishte 3 persona, kemi pamje që krijojnë dyshime për ekzistencën e personave të tjerë, kemi afrim të policisë të informacioneve që në fillim ishte i paqartë”’ u shpreh ish-prokurori, Eugen Beci.

Nuk ka asnjë reagim zyrtar nga ana e Policisë së Shtetit për ekzistencën e një personi të tretë në makinë dhe për largimin e dyshimeve për personazhin “misterioz” që ndodhet në vendngjarje me duart me gjak, me dëmtime të vogla në fytyrë, që ecën duke çaluar. Në rast se dyshimet nuk do të çonin tek Ibrahim Lici, ndoshta uniformat blu do ta kishin shumë të thjeshtë./Top channel

The post I bëri frymëmarrje artificiale Hamza Licit, personazhi misterioz në makinën e viktimave të Shkodrës appeared first on Albeu.com.

Disa persona janë shoqëruar në polici në lidhje me atentatin e ndodhur këtë pasdite në Dobraç të Shkodrës.

Të vdekur mbetën Hamza Lici, Arlind Bushati dhe Flutura Basha, ndërsa po lufton për jetën bashkëshorti i saj Bashkim Basha.

Si ndodhi ngjarja?

Një makinë në lëvizje me autorë ende të paidentifikuar qëlloi në armë zjarri drejt Hamza Licit dhe Arlind Bushatit.

Lici ndërroi jetë, ndërsa Arlind Bushati luftoi për jetën në spital për disa orë pasi mori një plumb në kokë.

Lici dhe Bushati po udhëtonin nga Shkodra drejt Koplikut me makinën tip Benz me targa kroate, në momentin që u qëlluan.

Viktima Hamza Lici është vëllai i Ibraim Licit, i kërkuar për vrasje.

Përpara disa ditësh Arlind Bushati denoncoi në polici një atentat të dështuar ndaj tij në qendër të qytetit të Shkodrës.

Ai po qëndronte jashtë një lokali kur dy të rinj iu afruan me motor dhe I drejtuan armën, por dyshohet se arma u është bllokuar.

Në këtë masakër me tre viktima, e vdekur mbeti edhe një kalimtare e cila po udhëtonte më motor së bashku me bashkëshortin.

Bashkim Basha dhe Flutura Basha kanë qenë duke udhëtuar me motor kur mjeti tip Benz me të cilin po udhëtonte Lici dhe Bushati ka humbur kontrollin dhe i ka përplasur.

Për shkak të plagëve të rënda Flutura Basha ka ndërruar jetë, ndërsa Bashkim Basha vazhdon të jetë në gjendje të rëndë, aktualisht i vetmi i plagosur nga ngjarja.

Dyshimet e para nga atentati janë përplasjet mes dy grupeve, Bajrave dhe Licëve.

Sipas policisë, është ngritur një grup i posaçëm hetimor dhe në drejtimin e Prokurorisë vijojnë hetimet për zbardhjen e rrethanave dhe sigurimin e provave, identifikimin dhe kapjen e autorëve.

Deri më tani disa persona janë shoqëruar në komisariat, ndërsa ende nuk ka një autor.

The post Vrasja në Shkodër/ Shoqërohen 10 persona në polici, mes tyre dhe Safet Bajri appeared first on Albeu.com.

Policia ka zbardhur dinamikën e ngjarjes dhe ka shpallur në kërkim 5 persona.

“Zbardhet dinamika e ngjarjes së ndodhur mbrëmjen e djeshme, në fshatin Hot i Ri, ku për shkak të një konflikti të çastit, jashtë një lokali, u vra me armë zjarri një 33-vjeçar. Policia identifikon dhe shpall në kërkim 24-vjeçarin që dyshohet se qëlloi me kallashnikov, në drejtim të automjetit me drejtues 33-vjeçarin.

Identifikohen dhe shpallen në kërkim 4 shtetas të tjerë, të dyshuar të përfshirë në konflikt. Gjenden dhe sekuestrohen një armë zjarri pistoletë që dyshohet se e posedonte 24-vjeçari dhe 3 gëzhoja që u gjetën në vendngjarje”, thuhet në njoftimin zyrtar.

Lexo edhe: Autori dhe vëllai i viktimës u konfliktuan për një vend parkimi, si u vra nga fqinji i tij 33-vjeçari në Shkodër

Në vijim të veprimeve procedurale, u identifikuan dhe u shpallën në kërkim shtetasit K. M., 24 vjeç, A. M., 23 vjeç, P. M., 22 vjeç dhe L. M., 20 vjeç, të gjithë banues në fshatin Hot i Ri, si dhe shtetasi E. D., 38 vjeç, banues në lagjen “Vojo Kushi”.

Nga hetimet e deritanishme dyshohet se këta 5 shtetas janë përfshirë në një konflikt të çastit, për motive të dobëta, jashtë një lokali në fshatin Hot i Ri, me vëllanë e 33-vjeçarit, shtetasin K. F., 35 vjeç. Pas konfliktit, drejt vendit të ngjarjes është afruar me automjet, shtetasi V. F. Sapo ka parë automjetin, shtetasi K. M. dyshohet se ka qëlluar disa herë, me armë zjarri kallashnikov, në drejtim të 33-vjeçarit, i cili për pasojë, mbeti i vrarë.

Policia gjeti dhe sekuestroi me cilësinë e provës materiale, një armë zjarri pistoletë (dyshohet në posedim të shtetasit K. M.) dhe 3 gëzhoja që u gjetën në vendngjarje.

Vijojnë kërkimet intensive për kapjen e 5 shtetasve të shpallur në kërkim dhe për gjetjen e armës me të cilën është kryer vrasja, si dhe vijojnë hetimet e thelluara për të individualizuar përgjegjësinë penale për këtë rast. Materialet procedurale i kaluan Prokurorisë pranë Gjyakatës së Shkallës së Parë të Juridiksionit të Përgjithshëm Shkodër, për veprime të mëtejshme.

/Albeu.com

The post Vrasja e 33-vjeçarit në Shkodër, zbardhet dinamika e konfliktit, shpallen në kërkim 5 persona appeared first on Albeu.com.

Ishin vetë familjarët të cilët njoftuan policinë.

Ndëkrohë policia ka rrethuar zonën dhe po punon për kapjen e autorit.

Njoftimi:

Rreth orës 21.48, në fshatin Hot i Ri, në rrethana ende të paqarta është vrarë me armë zjarri shtetasi V.F, rreth 33 vjeç, banues në fshatin Hot i Ri, Shkodër.

Në vendngjarje kanë shkuar menjëherë shërbimet e Policisë dhe grupi hetimor.

Janë ngritur pika kontrolli dhe vijon krehja e zonës me qëllim kapjen e autorit/ve.

Grupi hetimor nën drejtimin e Prokurorisë vijon punën për sqarimin e rrethanave të ngjarjes.

The post Ky është 33-vjeçari që u vra pranë banesës në Shkodër, pamje nga vendngjarja (VIDEO) appeared first on Albeu.com.

Ende nuk ka asnjë gjurmë nga autorët apo motivet e mundshme të kësaj ngjarjeje të rëndë kriminale.

Policia e Shkodrës i ka përqendruar hetimet për zbardhjen e vrasjes në një konflikt që Gjokë Gurra ka pasur një vit më parë me një bashkëfshatarin e tij, sipas abc.

57 vjeçari dhe i njohuri i tij që tashmë po hetohet nga policia, janë konfliktuar dhe zënë me grushta vitin e kaluar.

Nga dëshmitë e banorëve të fshatit Sumë, por edhe të familjarëve të dy viktimave, shkak i sherrit të asaj kohe ishte bërë tregtimi i lëndëve drusore. Gjokë Gurra që deri në vitin 2008 ka shërbyer në radhët e policisë në Shkodër, kohët e fundit bashkë me të birin, Eduardin merrej me aktivitetin e tregtimit të lëndës drusore për zjarr.

Ata kishin zënë disa zona pyjore për t’i prerë dhe lëndën drusore e shiste në qytetin e Shkodrës.

Konflikti mes Gjokë Gurraj dhe bashkëfshatarit të tij një vit më parë kaloi në heshtje por policia dyshon se ky sherr mund të jetë bërë shkak për vrasjen e babë e bir pasditen e datës 29 qershor në hyrje të fshatit Sumë.

Gjokë dhe Eduard Gurra u qëlluan me 8 plumba kallashnikovi në makinën e tyre teksa ishin duke shkuar në fshatin ku kanë jetuar prej vitesh për të parë dëmet që u ishin shkaktuar nga djegia e banesës. Djegia e banesës para se t’u bëhej atentat babë e bir dyshohet se është organizuar me qëllim nga autorët për t`ju ngritur pritë atyre.

Gjokë Gurra ka punuar edhe si kryeplak i fshatit Bruçaj. Si pistë hetimore për zbardhjen e atentatit, policia ka edhe atë të kultivimit të bimëve narkotike, ku po verifikohen rastet që 57 vjeçari mund të ketë denoncuar në polici gjatë kohës që mbante postin e kryeplakut të fshatit./Albeu.com/

The post Ekzekutimi i babë e bir në Shkodër, pista e re ku po heton policia, çfarë ndodhi një vit më parë appeared first on Albeu.com.

Policia bën me dije se pas 21 orësh kërkime ka vënë në pranga autorin e dyshuar të ngjarjes, Lekë Vuksani, 34 vjeç.

Ngjarja ndodhi ditën e djeshme (2 maj) rreth orës 12:15 në lagjen “Tom Kola.”

“Pas 21 orësh kërkime dhe ndjekje, Policia e Shkodrës, në bashkëpunim me Forcën Speciale RENEA, kap dhe vë në pranga autorin e dyshuar të vrasjes së 51-vjeçarit. Lokalizohet, kapet dhe vihet në pranga shtetasi L. V., 34 vjeç, banues në Shkodër”, thuhet në njoftimin zyrtar të policisë.

Gjithashtu policia ka gjetur dhe sekuestruar armën e zjarrit automatik me të cilën dyshohet se autori kreu krimin.

Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, vijon punën për dokumentimin e plotë ligjor të këtij rasti.

Autori i vrasjes kishte jetuar me qira në banesën e 51 vjeçarit dhe duket se viktima e ka nxjerrë nga shtëpia për shkak të mospagimit të qirave.

51 vjeçari kishte një muaj që ishte kthyer nga Anglia, dhe në momentin e ngjarjes ai ka qenë i vetëm në banesën e tij.

Mes viktimës dhe autorit dyshohet se ka pasur një përleshje fizike dhe më pas autori është larguar dhe ka marrë armën tip automatik, ku ka qëlluar për vdekje 51-vjeçarin.

Autori pas ngjarjes është arritur të pikaset me dron, por fillimisht ka arritur të shmanget, duke u arrestuar 21 orë më pas.

/Albeu.com/

The post Vrau në banesë 51-vjeçarin shkodran, policia arreston pas 21 orësh kërkime autorin appeared first on Albeu.com.

Ajo thotë se djali i saj nuk ka asnjë lidhje me ngjarjet kriminale ku dyshohet se ka marrë pjesë në vrasjen e Ismet Çekorjes tre javë më parë.

Ajo gjithashtu kërkon drejtësi dhe të merret në mbrojtje familja e saj.

Reagimi i Elvira Xhenjes:

Jam Elvira Xhenje ,nena e te ndjerit Erjon Xhenje ,te riut qe u vra ne Shkoder me dt 18 ,09,2022.Vrasja e djalit tone ka qene nje tronditje e madhe per familjen tone ,por jo vetem.Dhimbjen per djalin tim e kam pare ne syte e gjithe prinderve qe ne syte e mi kane pare veten e tyre,sesi nje femije te pafajshem i merret jeta me pa te drejte.Dhimbjen  per Erjonin e kam pare ne syte e te rinjve qe e kuptojne sesa e pasigurte dhe e pa vlere eshte jeta ne Shqiperi .Fatkeqesia e djalit tim ishte se kusherinjte e tij jane me precedente penale.Ky fakt i dha te drejten dores kriminale qe tia marre pa meshire jeten djalit tim.Ky fakt i dha te drejte portaleve qe ta godasin per here te dyte Erjonin duke cenu dinjitetin e tij me informacione te paverteta dhe duke trazu shpirtrat e familjareve serish.Erjon Xhenje ka qene student i deges fizioterapi.Ka qene nje i ri me angazhime ne jeten personale dhe shoqerore.Erjoni eshte  eduku me vlera dhe i ka manifestu ne familje dhe ne  rrethin e tij te paster shoqeror.Kerkoj nga shteti drejtesi per djalin tim.Kerkoj gjithashtu qe familja ime te merret ne mbrojtje pasi ndihemi te pambrojtur.Erjoni ka qene nje djale besimtar.Jam e sigurte qe ai eshte lule ne xhenet.Allahu e paste ne mbrojtje pasi ne kete jete ka padrejtesi./albeu.com

The post I vranë djalin, flet nëna e Erjon Xhenjes: Kërkojmë drejtësi dhe mbrojtje nga shteti appeared first on Albeu.com.

Ngjarja e rëndë ndodhi mbrëmjen e djeshme teksa po pinte kafe në një lokal pranë Bulevardit “Bujar Bishanaku”. Ndaj tij u qëllua me me 5 plumba, të cilat e lanë të vdekur në vend. Autorët, të paidentifikuar ende, pas ngjarjes u larguan me shpejtësi me motoçikletë. Kjo e fundit u gjet e djegur në lagjen “Guerrile” .

Polici ka nisur punën për zbardhjen e rrethanave të ngjarjes./albeu.com

The post Në lule të rinisë, ky është 19-vjeçari që u ekzekutua me 5 plumba në Shkodër (FOTO LAJM) appeared first on Albeu.com.

Është zbardhur dinamika e ngjarjes. Mësohet se 19-vjeçari Erjon Xhenja ka qenë duke pirë kafe në momentin kur autorët i janë afruar me pistoletë dhe kanë qëlluar 5 herë në drejtim të tij duke e lënë të vdekur në vend.

Mësohet se i ati e ka telefonuar Erjonin dhe i ka kërkuar që të dy bashkë të udhëtonin drejt Malit të Zi, por i riu e ka refuzuar duke i thënë se ndodhej në lokal dhe ishte duke pirë një kafe.

“Dy orë para ngjarjes babai i viktimës i ka telefonuar djalit të tij dhe i ka kërkuar ta shoqëronte drejt Malit të Zi, por ai nuk ka pranuar duke i thënë se ndodhej në një lokal dhe po pinte kafenë”, tha gazetari i ABC, Simon Shkreli.

Në Shkodër, prej më shumë se 20 vitesh, shumë të rinj janë vrarë dhe ekzekutuar, ndërsa drejtësia ka bërë shumë pak për gjetjen e autorëve, ndërsa policia pothuajse asgjë për parandalimin e këtyre ngjarjeve kriminale.

The post DINAMIKA/ U ekzekutua teksa po pinte kafe, zbardhet biseda e fundit e 19-vjeçarit me të atin 2 orë para vrasjes appeared first on Albeu.com.