Hera e fundit që 56 vjeçari u arrestua, ishte në vitin 2023 dhe u lirua me kusht.

Ai u ekzekutua mbrëmë rreth orës 21:00 poshtë shtëpisë së tij Palaio Faliro të Athinës. Prifti u dërgua në spital por nuk arriti t’u mbijetonte plagëve të marra nga 3 plumba.

Për ngjarjen ka folur edhe një prej fqinjëve të 56 vjeçarit, duke shpjeguar sesi ndodhi ekzekutimi i shqiptarit para shtëpisë së tij. Fqinji tregon se një person me motor ndaloi para Thimi Priftit, hoqi kaskën e motorit dhe e qëlloi me pistoletë.

“Ishte një këmbësor që e qëlloi. Burri erdhi, parkoi motorin, hoqi kaskën dhe autori e qëlloi. Një plumb ka rënë edhe në katin e parë. Në atë kohë një qiramarrës po dilte nga pallati me qenin e tij. Njeriu i goditur nga plumbat e pa në derë fqinjin me qenin që i hapi derën dhe më pas e futi në shkallë. Ai ra atje poshtë. Në momentin që ndodhi ngjarja, unë kisha mbaruar dhe isha duke bërë disa punët e fundit dhe një fqinj erdhi me vrap dhe më tha ‘mirë, nuk ke dëgjuar gjë?’ Ata qëlluan një burrë, tani ja ku është’. Dola dhe pashë një burrëtë shtrirë. E kishin vënë në hyrje të pallatit”- u shpreh fqinji.

Mediet greke raportojnë se ai rezulton i dënuar më parë si anëtar i një organizate kriminale, për trafikim lëndësh narkotike. Po kështu mediat greke shkruajnë se ai ishte përfshirë në trafik të paligjshëm cigaresh dhe falsifikim dokumentesh.

Viktima u qëllua në gjoks dhe u dërgua i gjallë në spital, por vdiq pak më vonë. Sipas raportimeve, kanë qenë dy autorë që kanë marrë pjesë në vrasjen e shqiptarit.

Policia ka nisur kërkimet për gjetjen e autorit i cili ishte i maskuar dhe u largua me një motoçikletë ndërsa në vendngjarje u gjetën 2 gëzhoja 9 mm./albeu.com

The post Vrasja e shqiptarit në Greqi, dyshohet se urdhri erdhi nga burgu! Thimi “lojtar” i rëndësishëm në trafikun e drogës appeared first on Albeu.com.

Ai u vra nga një 68-vjeçar për arsye banale dhe shkak i sherrit u vë vendi i parkimit.

Autori është dërguar sot në Gjykatë nga ku ka kërkuar dhe ka marrë afat për të kërkuar falje për vrasjen mizore.

I moshuari ka mbërritur në Gjykatë nën masa të rrepta sigurie , ndërsa nuk ka qenë i shoqëruar nga avokati.

Sipas raportimeve, pas tragjedisë, sulmuesi bërtiste “Mbarova me ty, mbarova me ty” gjë që tregon se sa i vendosur ishte ai për të kryer krimin. Më herët kishte pasur një përplasje verbale mes 68-vjeçarit dhe 38-vjeçarit, siç ndodhte shumë shpesh pasi siç thonë fqinjët, 68-vjeçari shkaktonte shpesh probleme në lagje.

Pas vrasjes, autori u izolua në shtëpinë e tij dhe më pas doli dhe u dorëzua. Para policisë, 68-vjeçari dyshohet se ka pohuar se nuk donte që historia të përfundonte kështu, duke shtuar se kishte konflikte të gjata prej vitesh me burrin për vendin e parkimit.

“Kemi pasur vite fërkime. Makinat i vendosin nga parkingu edhe në trotuar. Ata po bllokonin rrugët. E kisha shprehur indinjatën time shumë herë. Nuk doja që të përfundonte kështu”, raportohet se ka thënë ai.

Për sa i përket armës që përdori për të kryer krimin, autori nuk e posedonte ligjërisht.

Tragjedia ka ndodhur në pak sekonda para syve të dhjetëra qytetarëve. Burri ka zbritur nga shtëpia e tij dhe siç shihet në video dokumentin e publikuar dje ka qëlluar në kokë shqiptarin dhe e ka ekzekutuar./Albeu.com

The post “Kishim fërkime prej vitesh”, greku del para Gjykatës nën masa të rrepta sigurie, kërkon falje për vrasjen e shqiptarit appeared first on Albeu.com.

Sipas informacioneve të protothema.gr, efektivët e policisë që po merren me rastin kanë arritur në përfundimin se pas vrasjes së 50-vjeçarit, i cili kishte një plumbi në pjesën e pasme të kokës, ka shumë gjasa që një burri qëndron pas vrasjes së viktimës që dyshohet se e ka pritur në të kaluarën në shtëpinë e tij.

“Hetimi është ende në vazhdim, por është identifikuar një i dyshuar kyç i cili dyshohet se ka qëndruar në shtëpinë e viktimës për periudhën e kaluar. I dyshuari është në kërkim”, tha burimi i protothema.

Hetimi i EL.AS. për gjetjen e të dyshuarit është duke vazhduar.

The post Vrasja e shqiptarit, mediat greke: Autori ka jetuar në një shtëpi me viktimën appeared first on Albeu.com.

Sipas BW, bëhet fjalë për Leonard Refik Kurtin me origjinë nga Elbasani.

Ndaj tij u ngrit akuza e vrasjes dhe armëmbajtjes pa leje.

https://www.youtube.com/watch?v=AbdCpOVHVjI

Sipas informacioneve, 45-vjeçari me origjinë nga Shqipëria pretendon se ishte shok me viktimën dhe se mes tyre kishte pasur një sherr. Shkak i përleshjes dyshohet se kanë qenë çështjet financiare që kanë të bëjnë me viktimën dhe autorin.

Viktima dhe 45-vjeçari, me precedentë penalë, njiheshin me njëri-tjetrin dhe ishin ulur së bashku para se të ndodhte vrasja.

“Kohët e fundit kam marrë kërcënime serioze për jetën nga viktima. Ka pasur dy incidente të dhunshme ndaj meje nga viktima dhe jashtë karburantit jam sulmuar sërish nga viktima”, tha Kurti.

Autori, i cili u dorëzua pasditen e së premtes, rreth orës 16:30, në prani të avokatit të tij, Thanasis Alexopoulos, ka treguar në polici se ku e kishte lënë makinën që po drejtonte mesditën e së enjtes dhe ku ishte arma me të cilën ka vrarë viktimën.

Sipas informacioneve, i akuzuari ka hematomë dhe të nxira në kokë nga sulmi që ka marrë nga viktima jashtë karburantit dhe për këtë është urdhëruar ekspertiza. Ngjarja e përgjakshme ka ndodhur në orën 12:35 të së enjtes jashtë një karburanti në rrugën Solonos 51./Albeu,com.

The post VIDEO/ I veshur me jelek antiplumb, del para Gjykatës 45-vjeçari shqiptar që vrau shokun në Selanik appeared first on Albeu.com.

Hidrauliku u vra aksidentalisht ditën e djeshme në një lokal në Athinë pas përplasjes së dy bandave shqiptare.

Trupi i 39-vjeçarit u identifikua mëngjesin e djeshëm nga vëllai i tij, i cili nuk mund ta besonte se një plumb endacak i preu fillin e jetës.

Në të njëjtën kohë, bashkëshortja e 39-vjeçarit përshkruan për protothema.gr minutat e fundit dramatike që i riu jetoi në kafenenë në Nea Joni pas përplasjes së 7 shqiptarëve.

“Ajo që zbuluam ishte se ai doli jashtë për të shpëtuar sapo dëgjoi të shtënat dhe aty e kapi plumbi. Ai ndoshta e kuptoi se çfarë ndodhi dhe vrapoi të largohej por nuk ia doli. Kur e pa zënkën e tyre, bërtiti “qetësohuni djema, qetësohuni’” , thotë bashkëshortja e 39-vjeçarit duke shtuar se ai nuk kishte asnjë ngatërresë me personat që e vranë.

“Ai nuk njihte asnjë prej tyre. Nuk kishte lidhje me ta. Dyqani nuk ishte as streha e tij. Nuk e di nëse ndonjëherë shkonte për të parë ndeshje si të martën. Ishte një njeri punëtor dhe i qetë ”, thekson ajo.

Si ndodhi ngjarja

Pëllumb Islami mbeti i vdekur pas një sherri banal në lagjen Nea Jonia të Athinës.

Sipas policisë greke, gjithçka nisi pas një konflikti rreth orës 23:40, dy ditë më parë, që disa klientë shqiptarë patën mes njëri-tjetrit në ambientet e një lokali.

Shumë shpejt sherri degjeneroi në përplasje fizike, e në vazhdim njëri prej tyre nxori një pistoletë që mbante me vete dhe qëlloi me armë ndaj grupit kundërshtar.

Plumbat plagosën Islamin, i cili nuk kishte asnjë lidhje me ngjarjen. 39-vjeçari që u identifikua si Pëllumb Islami, nga Delvina, por thirrej nga të gjithë me emrin Sandri, u dërgua në spitalin KAT me plagë në gjoks dhe shpatull, por mjekët nuk mundën ta shpëtonin.

Kush qëndron pas vrasjes

Pas vrasjes së hidraulikut, 39-vjeçarit shqiptar Pellumb Islami, në lokalin e Rrugës Kastamonis, qëndron grupi famëkeq “Team L”, i cili kontrollon studiot “rozë” dhe drogën në qendër të Athinës.

Kur mesditën e 7 janarit, oficerët e Njësisë së Trafikimit të Qenieve Njerëzore të Prokurorisë së Krimit të Organizuar prangosën një 32-vjeçar shqiptar, pasi kishte mbajtur pa vullnetin e saj një vazjë bukuroshe dhe e kishte shfrytëzuar për aktivitetet e tij dhe të grupit.

Ngjan si një episod seriali, por është histori e vërtetë që tani ka dalë në dritë.

Një muaj e gjysmë më vonë, banda e tij këtij shqiptari doli sërish në skenë duke vrarë hidraulikun, bashkëatdhetarin e tyre.

Shqiptari me shumë pseudonime dyshohet se së bashku me anëtarët e tjerë të bandës (7 persona)  kontrollojnë një klub të njohur në qendër të Athinës.

Në fakt, ata kanë ngritur grupin famëkeq “Team L”, i cili drejton disa studio “rozë” në qendër të Athinës dhe, në të njëjtën kohë, anëtarët e saj shfaqen si truproja të shumë kurtheve në të gjithë Greqinë.

Këto raste, pra krimi i djeshëm në Kastamonis, rastet “rozë” dhe në përgjithësi gjithë veprimtaria e tyre e paligjshme, janë nën mikroskopin e oficerëve me përvojë të Prokurorisë së Vrasjeve dhe Shvatjeve të Sigurimit të Atikës, të cilët thuhet se kanë bërë një hartë e plotë të tyre. Kjo pasi, në hulumtimin që kanë bërë muajt e fundit, ata kanë takuar shumë herë njëri-tjetrin.

Madje, në një bastisje të fshehtë të ndodhur më 16 tetor në klubin e sipërpërmendur në qendër të Athinës, ata janë shoqëruar dhe ka rezultuar se të gjithë janë arrestuar në të kaluarën për lëndë narkotike, pastrim parash, trafik njerëzish, armatime, sulme ndaj policëve si dhe shkelje e masave për përhapjen e Covid-19.

Sipas mediave greke, hetimi ndaj tyre është bërë në mënyrë të fshehtë pasi kishte dyshime se grupi mbante kontakte me policë të betuar që do të “gozhdonin” lëvizjet e kolegëve të tyre në mafia.

Analistët e sigurisë që kanë punuar në këtë rast muajt e fundit flasin për një grup mafioz që ka depërtuar në shumë nivele dhe mban kontakte dhe marrëdhënie me njerëz të ashpër nëpër burgje.

/Albeu.com/

The post “Qetësohuni djema”, fjalët e fundit të 39-vjeçarit shqiptar para se të vritej aksidentalisht nga bashkatdhetarët appeared first on Albeu.com.

Sipas burimeve, bëhet fjalë për Olsi Kukën nga Kurjani i Fierit, i cili është goditur disa herë me thika në zonën e Barnet të Londrës duke humbur jetën.

Pasi shkuan në vendin e ngjarjës, policët arrestuan tre persona, dy djem, njëri 33 dhe tjetri 24 vjeç sie dhe një vajzë 24-vjeçare.

Policia thotë se pavarësisht dërgimit të menjëhershëm në spital, i riu ndërroi jetë prej plagëve të marra.

Hetimet vijojnë për gjetjen e shkakut të sherrit mes tyre që çoi në vrasjen e 30-vjeçarit shqiptar.

Gjithashtu mësohet se Kuka kishte shkuar para një viti në Angli dhe para dy ditëve gjeti vdekjen./albeu.com/

The post Në lule të rinisë, vritet me thika 30-vjeçari shqiptar në Londër (FOTO LAJM) appeared first on Albeu.com.

Autori i kësaj ngjarje të rëndë është Anis Hemissi, 24 vjeç, dhe sipas vendimit, ai nuk ka të drejtë të kërkojë lirinë me kusht të paktën për 35 vjet. Vrasja ndodhi në vigjilje të Krishtlindje në vitin 2019, ku Beqiri u vra në derën e shtëpisë së tij.

Ai ishte vëllai i Misse Beqirit, një yll reality show në Britani. Hetimet zbuluan se ai ishte pjesë e një grupi që merrej me trafikun ndërkombëtar të drogës dhe ishte shëenjestër e grupeve rivale kriminale.

Beqiri mbante nënshtetësi suedeze dhe shqiptare. Ai pretendonte se merrej me biznesin e muzikës, por ishte përfshirë në trafikun e drogës që prej vitit 2007.

Anis Hemissi ishte punësuar si vrasës me pagesë dhe atentatin e kishte përgatitur prej 6 muajsh. I riu ishte kickboxer profesionist, por në vendim u shpall fajtor për vrasje dhe posedimin e një arme zjarri.

Bashkëpunëtorët e tij, Estevan Pino-Munizaga, 35 vjeç u dënua me 15 vjet burg, ndërsa Estevan Pino-Munizaga, 35 vjeç dhe Isaac Castor, 31 vjeç, u dënuan me nga 3 vjet burg

The post Vrau Flamur Beqirin në sy të gruas dhe djalit, burg përjetë për autorin appeared first on Albeu.com.

22-vjeçari nuk arriti të mbijetonte pas plagëve të rënda që kishte marrë si pasojë e rrahjes brutale dhe goditjes më thikë.

Ngjarja e rëndë ndodhi ditën e Vitit të Ri.

Për këtë ngjarje u arrestua një 26 vjeçar dhe një vajzë rreth 20-vjeç si të dyshuar për vrasjen, ndërsa aktualisht po hetohen të lirë, ka bërë me dije policia.

Gjithashtu bëhet me dije se familja e 22-vjeçarit, Fatjon Oruçi ka marrë mbështetje të plotë nga policia.

Gjithashtu është kërkuar që persona të cilat mund të kenë informacion për ngjarjen të kontaktojnë menjëherë policinë, për të hedhur më tepër dritë rreth ngjarjes së rëndë./albeu.com/

The post EMRI/ U dhunua barbarisht dhe u qëllua me thikë natën e Vitit të Ri në Londër, kush është shqiptari që humbi jetën appeared first on Albeu.com.

Autoritetet italiane kanë dalë në një përfundim: ndaj Arbër Xheleshit u qëllua për vetëmbrojtje. Vrasja e 25 tetorit në Frosinone, ku 38-vjeçari shqiptar u qëllua me çifte teksa po grabiste shtëpinë e Sandro Fiorellit është justifikuar nga autoritetet vendase.

Pritet që brenda 90 ditësh të dërgohet raporti përfundimtar, por në tavolinën  e prokurores Marina Marra, ka mbërritur konfirmimi se Fiorelli nuk e ka qëlluar pas shpine shqiptarin. Por plumbi e ka marrë Xheleshin poshtë sqetullës duke i prekur disa arterie të rëndësishme. Pikërisht ky pozicion lë të kuptohet se në momentin kur është qëlluar, ka ngritur krahun për të goditur.

Megjithatë vijon hetimi për të zbuluar bashkëpunëtorët e Xheleshit, pasi kanë qenë për të grabitur së bashku me të paktën 2 persona të tjerë. Por e lanë pas në momentin që u kapën nga pronari. Ndërkohë në fshatin ku ndodhi ngjarja, të gjithë janë me Fiorellin. Në Santopadre, qytetarët kanë nxjerrë banderola të ndryshme në muret e qytetit në mbështetje të 59-vjeçarit. Ata shprehen se ai ka bërë një veprim të duhur për të mbrojtur veten, familjen dhe shtëpinë.

“Mbrojtja është gjithmonë e ligjshme,”-lexohet në një prej banderolave të varura në qytet./albeu.com/

The post Hyri për të vjedhur, e vrau i zoti i shtëpisë! Autoritetet italiane “fundosin” shqiptarin pas vdekjes appeared first on Albeu.com.