Suedia ka paraqitur kërkesën për anëtarësim që pas sulmit të Rusisë ndaj Ukrainës në vitin 2022, por Hungaria e ka shtyrë vazhdimisht ratifikimin.

Hungaria ka qenë anëtare e NATO-s për 25 vite dhe është tashmë i vetmi vend që po bllokon anëtarësimin e Suedisë në aleancë.

Parlamenti i Hungarisë është tashmë në periudhë pushimi, por deputetët e opozitës u mblodhën në një sesion të jashtëzakonshëm të hënën për të votuar kërkesën e Suedisë për anëtarësimin në NATO.

Megjithatë, deputetët e partisë në pushtet Fidesz, të kryeministrit Viktor Orban, refuzuan të marrin pjesë.

Tompos Marton është ndër deputetët e opozitës që kërkuan votimin.

“Nga njëra anë mund të themi që ishte një kalkulim i gabuar, se ata (partia Fidesz) thjesht nuk e kapën rrjedhën e zhvillimeve, nuk e kuptuan situatën. Nga ana tjetër është e kuptueshme se i vetmi person që përfiton nga kjo është Vladimir Putini. Orbani i ka bërë atij tashmë disa favore. Dhe përse jo edhe një tjetër?”, thotë Tompos Marton, deputet i Partisë Momentum.

Vendet aleate në NATO po shtojnë trysninë. Ambasadori amerikan David Pressman foli pasi vëzhgoi sesionin e të hënës në parlament.

“Kryeministri Viktor Orban premtoi të mbledhë parlamenti për t’i bërë thirrje të veprojë sa më shpejt. Sot ishte mundësia për ta bërë këtë dhe ne po e ndjekim këtë me vëmendje duke shpresuar që Hungaria të veprojë me shpejtësi”, tha ambasadori Pressman.

Senatori amerikan Ben Cardin, kryetar i Komisionit të Senatit për Marrëdhëniet me Jashtë, tha më herët këtë javë se Hungaria është anëtarja më e paqëndrueshme në NATO dhe se Uashingtoni duhet të shqyrtojë mundësinë e sanksioneve dhe kufizimeve ndaj udhëtimit.

Gjermania tha të martën se miratimi nga Hungaria i anëtarësimit të Suedisë është “çështje besnikërie” ndaj NATO-s.

The post Partia e Orban mban “peng” anëtarësimin e Suedisë, vendet e NATO-s trysni Hungarisë për të dhënë “dritën jeshile” appeared first on Albeu.com.

Gjatë një tubimi të fundit ai ka tërhequr vëmendje pasi gjatë fjalimit ka harruar që Erdogan është president i Turqisë dhe e ngatërron me kryeministrin e Hungarisë Viktor Orban.

“Është dikush, Viktor Orbán, keni dëgjuar ndonjëherë për të? Ai është ndoshta një nga liderët më të fortë kudo në botë. Ai është lideri i Turqisë”, u shpreh Trump para mbështetësve në Nju Hempshër.

Ish-presidenti vijoi gafat duke shtuar se Hungaria ndante një kufi me Rusinë. Por në realitet as Turqia dhe as Hungaria nuk ndajnë asnjë kufi me Rusinë.

Orbán është lideri autoritar i Hungarisë dhe shpeshherë lavdërohet nga Trump. Madje, Orban ishte lideri i parë europian që mbështeti Trump në fushatën presidenciale të vitit 2016.

Edhe gjatë këtij viti Orban ka shprehur mbështetje të fortë për Trump duke deklaruar: ‘Hajdeni zori President, bëjeni Amerikën sërish të madhe dhe na sillni paqe’.

The post VIDEO/ Gafa e Trump: Orban është lideri i Turqisë! appeared first on Albeu.com.

Krahasuar me të gjitha vendet e tjera të BE-së, Hungaria ka marrëdhënien më të afërt me Rusinë dhe mendohet se do të jetë kundërshtarja kryesore ndaj një vendimi që pritet të merret në dhjetor për hapjen e mundshme të bisedimeve për anëtarësimin me Kievin, që do të kërkonte mbështetjen unanime të 27 vendeve anëtare.

Pritet të vendoset gjithashtu edhe për kërkesën e Komisionit Evropian që vendet anëtare të rrisin kontributin për buxhetin e përbashkët, për të shtuar ndihmën për Ukrainën. Edhe për këtë vendim që pritet të merret këtë vit, do të duhet miratim unanim.

Një zyrtar i lartë i BE-së i tha agjencisë së lajmeve Reuters se që të fitojë votën e Hungarisë, BE-ja pritet të shqyrtojë statusin e miliarda eurove që u ngrinë për shkak të shqetësimeve se Kryeministri Viktor Orban ka kufizuar pavarësinë e gjykatave.

“Nuk mund ta imagjinoj Hungarinë të bjerë dakort pa i dhënë një zgjidhje fillimisht fondeve të bllokuara”, tha zyrtari.

Një zyrtar i dytë i BE-së konfirmoi se ekziston një lidhje mes zhbllokimit të fondeve për Hungarinë dhe planeve të BE-së që kërkojnë miratim unanim, përfshirë për zgjerimin dhe për bisedimet për buxhetin.

Zyrtarët theksojnë megjithatë se marrëveshja nuk mund të konsiderohet e lehtë pasi shumë varet nga zoti Orban, i cili po përballet me stanjacionin ekonomik dhe rritje të defiçitit buxhetor të Hungarisë.

“Hungarisë i duhen fondet urgjentisht, dhe kjo është një shtysë për reforma. Komisionit i duhet Hungaria, që në këmbim të heqë veton për një sërë çështjesh”, tha një diplomat evropian. “Por nuk mendoj se Komisioni se mund të veprojë pa patur një ndryshim të qëndrimit për reformat nga Budapesti”.

ÇËSHTJE TË RËNDËSISHME

Zyrtarët e BE-së i thanë agjencisë së lajmeve Reuters se ligjet e miratuara këtë verë nga Hungaria për rritjen e pavarësisë së gjyqësorit, patën afruar mundësinë e një marrëveshjeje për zhbllokimin e një pjese të 22 miliardë eurove të destinuara për zhvillimin ekonomik. Javën e kaluar, Komisioni i drejtoi një letër Budapestit duke kërkuar më shumë detaje për zbatimin e legjislacionit të ri.

Duke folur në Budapest të martën, ministri i Hungarisë për çështjet evropiane tha se mendon se do të arrihet një marrëveshje me BE-në për fondet e ngrira “deri në fund të vitit”.

Duke u përpjekur të arrijë marrëveshjen me Hungarinë, BE-ja përballet me tensionin ndërmjet dy objektivave të saj kryesore – mbrojtjen e standarteve demokratike në vendet e saj anëtare dhe mbështetjen për Ukrainën, e cila përpiqet të zmbrapsë sulmin e forcave ruse dhe të integrohet në strukturat e Perëndimit.

Ukraina aplikoi për anëtarësimin në BE vetëm pak ditë pasi Rusia filloi sulmin ushtarak në shkurt të vitit të kaluar. Mbështetja e Perëndimit është ekzistenciale për Ukrainën dhe anëtarësimi në BE është një nga objektivat më parësorë të vendit.

Përpara se udhëheqësit e BE-së të votojnë në dhjetor, komisioni do të paraqesë një vlerësim në javët në vazhdim për progresin e Ukrainës drejt përmbushjes së kushteve për fillimin e bisedimeve për anëtarësim.

Zoti Orban ka thënë se “pyetje shumë të vështira” duhet të marrin përgjigje përpara se BE-ja të fillojë bisedimet për anëtarësimin me Ukrainën, një proces që mund të dojë vite të tëra deri në një anëtarësim të mundshëm. Duke folur në parlamentin hungarez javën e kaluar, ai i përkufizoi si dy çështje të veçuara mbështetjen për Ukrainën dhe zhbllokimin e fondeve të BE-së.

“Brukseli… dëshiron që ne të biem dakort për një ndryshim në buxhetin e Bashkimit Evropian, për të cilin duhet unanimitet”, tha ai. “Po na kërkojnë që të japim edhe më shumë para për Ukrainën”.

“Brukseli duhet të na japë paratë që u takojnë hungarezëve dhe kështu do të përmirësohet gjendja e financave publike… Shuma që na kanë borxh, jam i bindur se do ta balancojë buxhetin”, tha zoti Orban./VOA

The post BE mund të zhbllokojë miliarda euro për Hungarinë, në këmbim të mbështetjes për Ukrainën appeared first on Albeu.com.

Në margjinat e samitit të Brukselit, Orban vuri në dukje se kërkesa e Komisionit për Hungarinë për të kontribuar më shumë para është “qesharake”, ndërsa Budapesti, së bashku me Poloninë, nuk kanë marrë para nga Fondi i tyre i Rimëkëmbjes BE për shkak të mosmarrëveshjes së tyre me Brukselin mbi rregullin.

BE-ja do t’i ofrojë Ukrainës 50 miliardë euro ndihmë midis 2024 dhe 2027, njoftoi më 20 qershor presidentja e Komisionit Evropian Ursula von der Leyen.

“Një gjë është e qartë: ne hungarezët nuk do t’i japim më shumë para Ukrainës derisa të na thonë se ku shkuan rreth 70 miliardë euro të mëparshme”, nënvizoi Orbán.

“Dhe ne e shohim krejtësisht qesharake dhe të paarsyeshme që duhet të kontribuojmë më shumë para për të financuar koston e shërbimit të një kredie, nga e cila nuk kemi marrë burimet që na takojnë,” shtoi ai.

Hungaria dhe Polonia janë të vetmet vende të BE-së që nuk kanë marrë fonde nga Fondi i Rimëkëmbjes, pasi Komisioni Evropian ka bllokuar lirimin e tyre, duke akuzuar qeveritë nacionaliste të dy shteteve për minimin e sundimit të ligjit dhe demokracisë .

Kryeministri hungarez tha se nuk kishte pothuajse asnjë shans që vendet anëtare të BE-së t’i miratonin këto plane ekonomike, ndërsa parashikoi “një betejë të gjatë”.

The post Hungaria del kundër ndihmës së mëtejshme për Ukrainën, Orban: Është qesharake appeared first on Albeu.com.

Në një konferencë të përbashkët me kreun e qeverisë shqiptare, një rëndësi të madhe mori edhe çështja “e nxehtë” e Veriut të Kosovës ku tre policë janë rrëmbyer nga forcat serbe.

Të pyetur nëse kanë pasur komunikim zyrtar me Beogradin për lirimin e tre policëve të rrëmbyer në Kosovë Rama dhe Orban thanë se presin që kjo çështje të zgjidhet sot.

Rama: Që nga sekonda e parë e daljes së lajmit ne jemi angazhuar nga të katërta anët, e të gjitha kanalet e mundshme për lirimin e policëve. Ajo që ka rëndësi është që ata nuk mund të mbahen për shkelje kufiri në Serbi, duhet të kthehen në shtëpitë e tyre se nuk kanë bërë asnjë krim. Edhe nëse janë kapur qindra metra larg kufirit, se njëra palë thotë kështu, tjetra ashtu, nuk ka asnjë vlerë. Shkelje kufiri do të thotë ktheu mbrapa. Mbajtja e tyre është e pajustifikueshme nëse vazhdon përtej ditës së sotme. Duhet të mbarojë.

Orban: Javën tjetër do të kemi një takim me Beogradin dhe shpresoj se deri atëherë kjo çështje do zgjidhet.

Ditën e sotme, në orë 12:30 policët e rrëmbyer pritet të dalin para gjykatës serbe.

/Albeu.com/

The post A kanë pasur komunikim me Presidentin serb për lirimin e policëve të Kosovës? Si përgjigjet Rama dhe Orban appeared first on Albeu.com.

Rama: Hungaria dhe kryeministri Orban kanë mbrojtur vijimësisht, pa kusht procesin e përshpejtimit të Shqipërisë dhe Ballkanit Perëndimor në BE. I jam mirënjohës se kjo mbështetje nuk ka qenë vetëm me fjalë, por ka qenë mbështetje e konkretizuar me ekspertizë  të vënë në dispozicion për qeverinë tonë. Është e rëndësishme që ky zë dhe argument të dëgjohet nga të gjitha shtetet anëtare. Jam mirënjohës që kryeministri Orban është shtytësi kryesor i investimeve hungareze në Shqipëri. Hungaria ka edhe dicka të vetën në Shqipëri, i dha një princeshë që u bë Mbretëresha e Shqipërisë. Jam i bindur se Mretëresha Geraldinë është mirënjohëse në emër të shqiptarëve që je këtu.

Rama tha se duan të kenë më shumë kompani dhe kanë folur për të sjellë më shumë investime nga Hungaria në fushën e energjisë dhe gjithashtu shpreson që të ketë rezultate edhe në fushën e turizmit, e cila sipas Ramës është kthyer në një urë lidhëse mes dy vendeve.

Kreu i qeverisë e përfundoi fjalën e tij duke falënderuar Orban  dhe tha se vizita e tij së bashku me atë të Presidentes konfirmojnë gjendjen pozitive të marrëdhënieve mes dy vendeve tona./Albeu.com/.

The post Orban në Tiranë, Rama mirënjohës: Hungaria ka mbrojtur procesin e integrimit të Shqipërisë në BE appeared first on Albeu.com.

Ky i fundit ka ndarë në Instagram foto nga vizita ku shkruan se, pas rreth 4 orësh bisedime për marrëdhëniet strategjike mes Serbisë dhe Hungarisë, ka zhvilluar një lojë bilardo me Orban.

“Pas tre orë e gjysmë bisedime rreth çështjeve strategjike për bashkëpunimin Serbi-Hungari, zhvillova një lojë miqësore bilardoje me Viktor Orban. Krenarë për marrëdhëniet e serbëve me hungarezët dhe mirënjohës për Orbanin që i kushton vëmendje dhe energji kësaj miqësie, për ta bërë reale dhe të sinqertë”, shkruan Vuçiç.

The post Rreth 4 orë bisedime për bashkëpunimin Serbi-Hungari, Vuçiç luan bilardo me Orban (FOTO LAJM) appeared first on Albeu.com.

Por Hungaria ka thënë se siç qëndrojnë gjërat, nuk do ta arrestonin Putin nëse do të hynte në territorin e tyre.

Shefi i shtabit të kryeministrit Viktor Orban tha se urdhri nuk ka asnjë bazë ligjore në Hungari.

“Ne mund t’i referohemi ligjit hungarez dhe bazuar në këtë nuk mund të arrestojmë presidentin rus, pasi statuti i ICC nuk është shpallur në Hungari,” tha Gergely Gulyas, në një konferencë.

Ai shtoi se qeveria e tij nuk kishte “formuar ende një qëndrim” për urdhërarrestin.

“Këto vendime nuk janë më fatlumët pasi ato i çojnë gjërat drejt përshkallëzimit të mëtejshëm dhe jo drejt paqes, ky është mendimi im personal subjektiv,” tha ai.

Hungaria nënshkroi dhe ratifikoi Statutin e Romës që krijoi Gjykatën Penale Ndërkombëtare (ICC), por Gulyas tha se kjo nuk ishte përfshirë në sistemin ligjor hungarez.

Putin është vetëm presidenti i tretë në detyrë që i është lëshuar një urdhër-arresti nga ICC, por nuk ka gjasa të përfundojë së shpejti në gjykatë.

Ai është akuzuar për dëbimin e paligjshëm të qindra fëmijëve nga Ukraina./albeu.com

The post Hungaria: Nëse Putin do të hynte në territorin tonë, nuk do ta arrestonim appeared first on Albeu.com.

“Mundësia që lufta në Ukrainë të kthehet në një konflikt global po rritet”, tha kryeministri hungarez.

Sipas Politico, duke cituar stacionin publik të radios Kossuth Rádió, Orban kritikoi Perëndimin dhe akuzoi aleatët e Ukrainës për nxitjen e një konflikti për shkak të interesave ekonomike.

“Bota nuk ka qenë kurrë kaq afër”,  tha Orban për skenarin e një “lufte lokale” që do të kthehet në një “luftë globale”.

“Mundësia e kësaj po rritet çdo ditë ,” argumentoi ai, duke promovuar narrativën ruse mbi luftën në Ukrainë.

Në intervistën e tij në radio, kryeministri hungarez këmbënguli që të tjerët të ndajnë qëndrimin e tij, duke treguar Kinën, botën arabe dhe Afrikën.

“Ka Perëndim, por ka edhe të tjerë”, shtoi ai.

The post Orban: Jemi afër Luftës së Tretë Botërore appeared first on Albeu.com.

Ai tha për radion hungareze se liderët e botës perëndimore janë “kapur nga ethet e luftës”, se ata mbajnë fjalime në të cilat bëjnë thirrje për fitore në luftë dhe dërgojnë armë gjithnjë e më të rrezikshme në Ukrainë.

The post Kryeministri i Hungarisë: Jemi shumë afër një lufte botërore appeared first on Albeu.com.