Shërbimet e Policisë në bashkëpunim me forcat zjarrfikëse, menjëherë kanë bërë evakuimin e banorëve të pallatit.

Zjarri është shuar dhe si pasojë e tij, ka vetëm dëme materiale.

Zjarri ra në banesën e shtetases L. T., 55-vjeçe.

Grupi hetimor po punon për zbardhjen e rrethanave të ngjarjes dhe përcaktimin e shkakut të rënies së zjarrit.

The post Tiranë/ Përfshihet nga flakët apartamenti në zonën e “Varrit të Bamit” appeared first on Albeu.com.

Sipas dosjes së siguruar nga ABC, policia ka pasur informacion lidhur me disa persona të dyshimtë të cilët huynin dhe dilnin në një pikë makinash me qira ku edhe bënin pazaret e drogës.

Nga studimi i materialeve të referuara nga policia gjyqësore rezulton se, më datë 27 korrik, rreth orës 13:00, në rrugën “Kujtim Laro”, Tirane, është parë shtetasi Gentian Kore dhe tre persona të tjerë të paidentifikuar që hynin dhe dilnin nga dyqani i pikës së makinave me qira të shtetasit Gentian Kore.

Këto persona ishin me një makinë autoveturë, të markës Volvo, me targe DO XC 500. Në një moment pasi hynë këto persona në dyqanin e pikës së dhënies së mjeteve me qira, vjen dhe një makinë tip autoveturë, e markës Volsvagen, me targe AA573SO, nga e cila zbret një djalë me dy kuti picash në dorë dhe futet në dyqanin e dhënies se mjeteve me qira të shtetasi Gentian Kore.

Duke pasur dyshime se djali me kuti picash mund të kishte sjellë lëndën narkotike, është vendosur ndërhyrja në këtë ambient me qëllim kapjen në flagrancë të gjithë këtyre personave së bashku me lëndën narkotike.

Sapo janë afruar për të hyrë në dyqanin e pikës për dhënie mjetesh me qira, me jelek me mbishkrim policia, janë larguar me vrap të gjithë personat që ndodheshin aty dhe konkretisht tek dera e dyqanit është bllokuar Gentian Kore, pak metra më tutje ku ishte automjeti tip Volvo me targe DO XC 500, janë ndaluar Altin Gega dhe Erjon Prengaj, dhe të hedhur tek dera makinës Volvo është konstatuar dhe një telefon Iphone.

Është larguar me vrap djali me kutitë e picave dhe shtetasi Taulant Coku ky i fundit është bllokuar direkt nga shërbimet e policisë. Djali me kutitë e picave është futur mes pallateve në rrugën “Gjolek Kokona”, dhe pranë një klinike dentare, ky shtetas ka hedhur poshtë një makine të parkuar dy kutitë e picave dhe është larguar me vrap dhe ku me gjithë ndjekjen e bërë u është larguar shërbimeve të policisë.

Në njërën nga kutitë e picave është gjetur një pako me letër celefoni transparente, në formë si tulle, brenda të cilës ishte kokaina.

Në momentin e ndërhyrjes para dyqanit të pikës së mjeteve është parë një person, duke filmuar me telefon në dorë, në këtë moment nga shërbimet e policisë duke mos qenë e qartë se çfarë po kërkonte ky person. I është kërkuar të largohej, por ai ka vazhduar të filmojë duke u afruar me shumë dhe është bërë pengesë punonjësve të policisë gjatë zhvillimit të operacionit.

Në këto rrethana punonjësit e policisë kanë bërë bllokimin e tij dhe në moment e kanë shtrirë në tokë për ta prangosur dhe ka thënë se ishte gazetar. Pas paraqitjes se dokumentit (bejxhit), të cilin e ka marrë tek makina, është identifikuar si gazetar me emrin Ergys Gjencaj dhe është lënë i lirë.

Punonjësit e policisë pasi kanë ndërhyrë me momentet e para kanë konstatuar një automjet tip autoveturë, të markës Mercedes Benz, me targë AA 909 YE, të cilit i kanë bërë shenje ndalimi, për ta verifikuar nëse personi në mjet kishte ndonjë lidhje me këtë ngjarje.

Personi në mjet ka ndaluar për momentin dhe nuk ka pranuar të dalë nga mjeti, me gjithë thirrjet e vazhdueshme si policia, ndalo mjetin, dhe dil nga makina, ka kundërshtuar punonjësit e policisë dhe duke i dhënë gaz makinës dhe duke u rrezikuar jetën punonjësve të policisë dhe në rrugën Oxhakut, rreth 200-300 metra më tutje, në ndjekje e sipër, në bashkëpunim me shërbimet e policisë rrugore, ky mjet është ndaluar dhe rezultoi se drejtuesi automjetit quhej Gazmir Rrapush Cani, i datëlindjes 09.06.1995.

Veprimet janë kryer ne prezence të ekspertit kriminalist dhe janë shoqëruar me fotografi kriminalistike.

Pasi u be sekuestrimi i lëndës së dyshuar narkotike te llojit kokainë, u bë dhe rezultoi me peshe te pergjithshme1128 (njemije e njeqind e njezet e tete) gram.

Nga verifikimet e kryera ne sistemin E-Gjoba, ka rezultuar se mjeti tip Volkseagen Foks, me targa AA573SO, është në pronësi të shtetases Lorena Gega, e cila është pyetur në cilësinë e personit që ka dijeni për veprën penale dhe ka deklaruar se ka rreth 2 vjet që nuk e përdor këtë makinë dhe se mjeti qëndron kryesisht në restorantin e babait të saj, shtetasit Artan Gega, ku ky mjeti përdoret nga punëtorët e restorantit për shërbime të ndryshme dhe furnizime.

Është pyetur në cilësinë e personit që ka dijeni për veprën penale shtetasi Artan Gega, i cili gjithashtu deklaroi se makina qëndron e parkuar afër restorantit, ku merret nga punëtorët dhe përdoret për punë të ndryshme si furnizime, dërgesa ushqimesh etj. /abcnews.al/

The post Kokaina me kuti picash në Tiranë, si ikën me vrap autorët, prokuroria: Çfarë ndodhi me gazetarin appeared first on Albeu.com.

Këtë mëngjes në prokurori është thirrur gazetari Egys Gjeçaj, të cilit po i merren deklarimet në lidhje me ngjarjen.

Pas tij, prokuroria do marrë në pyetje edhe 5 efektivët e policisë që u përfshinë në këtë incident, hetime ndaj të cilëve po kryen edhe SHÇBA./albeu.com

The post Incidenti te “Varri Bamit”, dëshmon në Prokurori gazetari dhe 5 efektivët që e shtrinë në tokë appeared first on Albeu.com.

Policia ka dhënë detaje më të hollësishme nga arrestimet dhe sekuestrimi i 1 kilogram e 128 gramë lëndë narkotike kokainë, 3 automjete dhe 7 aparate celular.

“Specialistët për Hetimin e Narkotikëve, në bashkëpunim me Sektorin e Forcës së Posaçme Operacionale, në bazë të informacioneve të marra se disa shtetas, në bashkëpunim me njëri-tjetrin merreshin me shpërndarjen e lëndëve narkotike kokainë në zonën e Xhamllikut, kanë zhvilluar operacionin e koduar “Xhamlliku”, në kuadër të të cilit bënë arrestimin në flagrancë të shtetasve:

Gentian Kore, 47 vjeç, Taulant Çoka, 34 vjeç, Altin Gega, 28 vjeç dhe Erjon Prengaj, 32 vjeç, për veprën penale “Prodhimi dhe shitja e narkotikëve” kryer në bashkëpunim.

Si dhe u shpall në kërkim shtetasi E(E). P(S)., 33 vjeç, i dyshuar si bashkëpuntor në ngjarje. Vijon puna intensive për kapjen e tij.

Shtetasit e lartpërmendur janë konstatuar nga shërbimet e Policisë, në rrugën “Kujtim Laro”, në biznesin e shtetasit G. K., ku dyshohet se kryenin veprimtarinë e kundërligjshme të shpërndarjes së lëndëve narkotike. Të katërt këta shtetas, sapo kanë parë shërbimet e Policisë kanë tentuar të largohen me vrap, por janë neutralizuar dhe prangosur nga Policia. Gjatë largimit, ata kanë fshehur lëndë narkotike kokainë, e cila u sekuestrua në cilësinë e provës materiale.

Në vijim të veprimeve u bë arrestimi në flagrancë për veprën penale “Kundërshtimi i punonjësve të policisë”, i shtetasit Gazmir Cani, 26 vjeç, pasi ka kundërshtuar urdhrin e punonjësve të Policisë për të ndaluar për verifikim e tij dhe është larguar me shpejtësi duke rrezikuar jetën e punonjësve të Policisë.

Vijon puna, nën drejtimin e Prokurorisë, për identifikimin dhe kapjen e personave të tjerë të përfshirë në këtë veprimtari kriminale.Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore , për veprën penale “Prodhimi dhe shitja e narkotikëve”, kryer në bashkëpunim, në ngarkim të shtetasve  G. K., T. Ç., A. G. dhe E. P., dhe për veprën penale “Kundërshtimi i punonjësit të policisë së rendit publik”, në ngarkim të shtetasit G. C”, thuhet në njoftimin e policisë.

Kujtojmë se dje ky operacion mori shumë vëmendje në media, pasi efektivët e policisë nuk arritën të ndalonin një trafikant, i cili u largua me makinë. Më pas, policia u kthye nga gazetarët që ishin aty, duke shtrirë në tokë njërin prej tyre dhe duke i cilësuar ata si “bashkëpunëtorë” me trafikantët dhe pengues të operacionit. Videoja u bë virale në rrjet./albeu.com

The post Aksioni anti-drogë me 5 të arrestuar te “Varri Bamit”, policia jep detaje (VIDEO) appeared first on Albeu.com.

Mësohet se janë shoqëruar tre persona, ndërsa një prej të kërkuarve i është arratisur policëve.

Vijon…

The post Aksion anti-drogë tek “Varri i Bamit” në Tiranë appeared first on Albeu.com.