Policia ka kryer një hetim dhe ka vënë në dijeni të afërmit e viktimave për inspektimet.

Raportohet se vandalët kanë hapur edhe disa varre, në kërkim të sendeve me vlerë. Një grua tha se ka vërejtur se është dëmtuar varri i babait të saj.

Dëshmitarët kanë thënë se dukej sikur dikush kishte hapur varret me levë. Policia po heton, për të identifikuar keqbërësit.

The post FOTO/ Alarmohet policia kroate, gjenden varre të hapura në Zagreb appeared first on Albeu.com.

Videoja, e cila u postua fillimisht në Instagram nga një përdorues tregon motrat duke kërcyer mbi varret e ushtarëve të vdekur më 24 gusht, në ditën e Pavarësisë së Ukrainës.

Më vonë, megjithatë, përdoruesi i Instagramit hoqi videon dhe kërkoi falje pasi motrat ishin duke kërcyer mbi varrin e babait të tyre.

Videoja shumë shpejt qarkulloi në rrjetet sociale.

“Në më pak se një orë, oficerët e zbatimit të ligjit kishin gjetur vendndodhjen e motrave dhe i sollën në departamentin e policisë,” tha një deklaratë nga policia e Kievit të premten, duke shtuar se dy motrat rrezikojnë deri në 5 vite burg me akuzën e “përdhosjes së varreve të ushtarëve”.

Më herët edhe Megi Pojani kishte bërë një veprim të ngjashëm te varri i gjyshes.

The post VIDEO/ Përsëritet veprimi i Megi Pojanit te varri i gjyshes, arrestohen motrat appeared first on Albeu.com.

Por menjëherë pas transmetimit të kësaj kronike punonjësi që mori paratë u arrestua.

Por arrestimi i tij nuk frikësojë njeri, pasi e njëjta skemë vazhdon sërish.  Gazetarët e Fiksit sjellin fakte të reja për shitjen e vendeve të varreve po në varrezat e Durrësit.

Këtë herë përgjegjësi akuzon ish teknikun që u arrestua pas kronikës së Fiksit për këtë problematikë, por gazetarët sollën raste të ruajtjes së vendeve edhe pasi dikush shkoi pas hekurave.

Gazetarët sollën disa raste varresh të rezervuara apo ruajtura. Madje dy prej tyre mbanin emrin e të njëjtit person dhe datën e vdekjes të njëjtë, njëri ishte varri real, tjetri i betonizuar por bosh. Dhjetëra raste të ngjashme gjendeshin vetëm në një parcelë ku gazetarët ndaluan. Vend në të cilin më përpara ishin bërë video nga qytetari , i cili me një shtizë hekuri faktonte varrezat reale dhe ato fiktive.

Për këtë arsye gazetarët kërkuan një përgjigje te përgjegjësi i varrezave i cili për çdo gjë fajësonte personin që Fiksi nxori duke marrë ryshfet për të rezervuar vend varri dhe përfundoi në burg.

Madje përgjegjësi tregon se me ikjen e tij kanë filluar edhe të prishen ato varre që janë të rezervuara, por gazetarët e Fiksit faktuan të kundërtën duke i vënë në dispozicion përgjegjësit video ku dukeshin varre të rezervuara pas datës 4 prill, datë në të cilin u arrestua edhe tekniku. Por në këtë rast përgjegjësi nuk ka përgjigje, ai thotë se këtë e ka bërë një firmë private.

The post Jo vetëm shtëpitë, në Durrës shesin edhe varret appeared first on Albeu.com.

Nga ana tjetër, Megi dhe e motra e saj Marsela,  e kanë cilësuar videon si “diçka normale”. Madje ato janë hedhur në sulm ndaj atyre që i kanë kritikuar.

Në lidhje me këtë, eksperti i kriminalistikës, Fatjon Softa sjell një këndvështrim ligjor. Ai thotë se në disa raste veprime që ulin respektin ndaj të vdekurve, mund të dënohen me burg ose gjobë.

Reagimi i Fatjon Softës:

A jemi në kushtet e veprës penale?

NENI 118: DHUNIMI I VARREVE Dhunimi i varrezave, varreve, nxjerrja e kufomës, si dhe vjedhja e sendeve që mund të ndodhen në to, si dhe çdo veprim tjetër që ul respektin ndaj të vdekurve, dënohen me gjobë ose me burgim gjer në pesë vjet.

Fama nuk ngrihet mbi të vdekur, aq më shumë mbi familjarët e tu! Nese te mungojne lulet dhe lotet, dhuroi heshtje dhe psheretima.

The post Skandali mbi varre, deri në 5 vite burg për Megi Pojanin? appeared first on Albeu.com.

“Në gëzohemi që puna jonë në Kosovë ka një bazë kontraktuale dhe mund të fillojë. Ne kemi 900 njoftime të paverifikuara për vendndodhje varresh që do t’i shqyrtojmë në muajt e vitet e ardhshme”, është shprehur Sekretari i Përgjithshëm i Shoqatës Popullore për Kujdesin e Varrezave të Luftës, Dirk Backen.

Gjermania dhe Kosova nënshkruan së fundmi një marrëveshje për kujdesin ndaj varreve gjermane nga koha e Luftës së Dytë Botërore. Sipas marrëveshjes, Gjermania mund të “kujdeset me shpenzimet e veta për varret e luftës dhe varrezat e ushtarëve që gjenden në Kosovë” dhe të zhvarrosë e transportojë kufomat e ushtarëve gjermanë. Aty ku nuk është e mundur zhvarrosja, mund të vendoset një pllakë përkujtimore.

Shoqata gjermane për Kujdesin ndaj Varrezave të Luftës do të trajnojë për këtë personel që do të angazhohet në rajonet malore të Kosovës dhe rreth Prishtinës, shkruan agjencia e lajmeve afp për Gjermaninë. Kosova gjatë Luftës së Dytë Botërore nuk ka qenë e përfshirë shumë në luftime, por megjithatë u pushtua nga trupat gjermane, italiane dhe bullgare.

Shumica e varreve të ushtarëve gjermanë në Kosovë nuk kanë mbishkrime dhe nuk janë mirëmbajtur. Disa prej tyre janë zbuluar nga fermerët gjatë punimeve në tokat e tyra apo ndërtimeve. Në vitin e fundit të Luftës së Dytë Botërore, shumë ushtarë gjermanë të Hitlerit gjatë tërheqjes u vranë nga partizanët jugosllavë./DW

The post Kosovë: 900 varre të paverifikuara të ushtarëve gjermanë appeared first on Albeu.com.

Punimet në infrastrukturën rrugore në Përmet kanë nxjerrë në dritë në pjesën fundore të qytetit disa varre ende të paidentifikuara nga autoritetet shtetërore. Shoqata antikomuniste e të përndjekurve politikë thotë se dyshon se varret janë të të zhdukurve nga diktatura komuniste. Kryetari i kësaj shoqata Nebil Çika tha se në diktaturën komuniste zona ku janë gjetur varret ka qenë një repart ushtarak i Ministrisë së Brendshme ku nga të dhënat arkivore dhe dëshmitë dyshohet se kryheshin ekzekutime të kundërshtarëve politikë.

“Janë katër varre që ne kemi gjetur, në fakt dyshohet nga dëshmitarët dhe nga indiciet që të jetë një varrezë shumë e madhe. Pra, edhe ndërtesat që janë ndërtuar këtu, një pjesë e tyre dyshohet që të jenë bërë mbi varre. Në diktaturën komuniste këtu ka qenë një repart ushtarak, nga ato repartet famëkeqe të ndjekjes që ndiqnin armiqtë e komunizmit, diversantët, ata që arratiseshin dhe deri në vitin 1991 ka qenë qendra më e madhe e stërvitjes së ushtarëve të kufirit. Në bazë të të dhënave që kemi dhe nga arkivi i Ministrisë së Brendshme, por edhe nga dëshmitarët, këto lloj repartesh të izoluara, në varësi të Ministrisë së Punëve të Brendshme dhe të Sigurimit të Shtetit përdoreshin dhe si vende ekzekutimi për kundërshtarët e regjimit, ata që dënoheshin me vdekje, ata që vriteshin ose kapeshin në kufi, varroseshin në këto vende”, thotë ai për Zërin e Amerikës.

Ndërsa Bektash Osmani ish-i përndjekur politik në Përmet thotë se të dhënat e kohës dëshmojnë se në këtë zonë u pushkatua një klerik katolik, Dom Gjergj Gjeçaj dhe familjarët e kanë kërkuar trupin e tij.

“Këtu ka qenë repart ushtarak dhe këtu është pushkatuar në vitin1947 një prift katolik Dom Gjergj Gjeçaj. Të afërmit kanë ardhur disa herë dhe kur morën vesh edhe zbulimin e varreve erdhën dhe thanë se kur të hapet të shikojmë por nuk e besojmë se është këtu “, thotë ai për Zërin e Amerikës.

Duhet të ketë edhe varre të tjera, thotë Bektashi nga bisedat që ka bërë me inxhinierët e kompanisë pasi zona ku janë gjetur varret duket se është fillimi dhe mund të jetë më e gjerë.

The post Zbulimi i varreve masive në Përmet, “VOA” zbardh detaje: Janë viktima të komunizmit appeared first on Albeu.com.