Para deputetëve Varhelyi deklaroi se Shqipëria ka bërë reforma të thella, veçanërisht në drejtësi, ndërkohë që nuk ka kushte nga vendet anëtare të BE-së.
Komisioneri njoftoi gjithashtu ndarjen e vendit tonë nga Maqedonia e Veriut, e cila nuk po arrin që të miratojë ndryshimet kushtetuese të kërkuara nga Bullgaria, kusht për të cilin Brukseli nuk mund të tolerojë qeverinë e djathtë në pushtet në Shkup.

Oliver Varhelyi, Komisioneri për Zgjerimin në BE: Tani çështja që kemi përpara nuk është nëse do t’i pranojmë shtetet ballkanike në familjen evropiane, por kur do të ndodhë kjo. Sa më shpejt t’i integrojmë plotësisht këto vende, aq më i fortë dhe më i qëndrueshëm do të jetë stabiliteti në kontinentin tonë. Në këto vite kemi marrë vendime të rëndësishme për hapjen e negociatave për Shqipërinë dhe Maqedoninë e Veriut duke mbajtur me to konferencat e para ndërqeveritare.

Shpresoj që muajin e ardhshëm të hapim kapitullin e parë të negociatave për çështjet bazë me Shqipërinë dhe ndoshta edhe me Maqedoninë e Veriut, në varësi të miratimit të ndryshimeve kushtetuese. Ne kemi hartuar dhe zbatuar instrumente si plani i rritjes ekonomike prej 6 miliardë eurosh për të përshpejtuar integrimin e shteteve të Ballkanit Perëndimor.

Optimizëm për fillimin faktik të negociatave për kapitujt e parë të anëtarësimit ka shfaqur edhe kryediplomati Hasani një ditë më parë, duke iu referuar relaksimit të marrëdhënieve me Greqinë pas daljes nga burgu të Fredi Belerit. Pritet që Athina të mos kundërshtojë mbajtjen e konferencës së dytë ndërqeveritare në muajin tetor, ndërsa çështja e pronave të minoriteteve do të monitorohet vazhdimisht gjatë procesit të negociatave.

Komisioneri Varhelyi tha se tashmë shtetet e Ballkanit kanë paraqitur planet e tyre për agjendat e reformave dhe ato do të vlerësohen individualisht në bazë të arritjeve.

The post Varhelyi: Në Tetor shpresojmë të hapim kapitullin e parë të anëtarësimit të Shqipërisë në BE appeared first on Albeu.com.

Plani i ri i rritjes “është platformë kyçe për të përshpejtuar integrimin në BE” tha Rama ana tjetër e të cilit do të thotë më shumë financim për projekte e buxhetet e vendeve të rajonit.

“Jam shumë i kënaqur që arritëm në këtë pikë. Nuk ka qenë e lehtë por është shpërblyese” tregoi kryeministri duke vënë theksin tek fakti që çështjet dy palëshe mes vendeve të rajonut nuk duhet të jenë pengesë për integrimin në tregun e përbashkët.

Nga ana e tij Komisioneri i BE për Zgjerimin dhe Fqinjësinë, Oliver Varhelyi nënvizoi se plani i ri i rritjes do të dyfishojë ekonomitë e vendeve të rajonit ndërsa vuri theksin tek implementimi i legjislacionit të SEPA nga të gjitha vendet e rajonit.

“Pra nuk është vetëm një ide e KE apo Be apo KiE që ka vendosur që kjo gjë të krijohet por edhe ideja e të gjithë rajonit. Ne po flasim dhe po themi që çfarë do të zbatojmë nga ky plan për këtë vit. Po punojmë legjislacionin e duhur dhe vijojmë diskutimet se çfarë duhet të bëjmë. Dita e sotme ka qenë një inkurajim i madh për ne për të ecur në mënyrë të përshpejtuar. Kryeministri foli për SEPAT që do të përfitojnë si bizneset dhe qytetarët. 20 vite kohë pritjeje për kamionët, kjo tashmë është hequr. Këto janë elementë dhe ato gjëra që njerëzit të prekin dhe ndjejnë. Sigurisht që Europa është shumë burokratike por mendoj që këtë herë kemi mundësinë të tregojmë cilat përfitimet ekonomike dhe të mirat që sjell në shoqëri anëtarësimi në BE. Ndërkohë që një element tjetër është elementi është që rajoni mund të bëhet gati për anëtarësim në BE edhe më shpejt. Këto vende po aplikojnë këto rregulla që sot që kur të arrijmë tek anëtarësim të kryhet kjo gjë.

Elementi i tretë që dëshiroj të theksoj sigurisht që e kuptoj se pjesëmarrja në tregun e përbashkët ka të bëjë me konkurrencën. Do të ishte e padrejtë t’u kërkojmë të marrin pjesë në tregun e përbashkët në krahasim me kompanitë tona. Ne po japim fonde shtesë si pjesë e këtij plani. Shumica e reformave kanë kosto financiare. Por ne jemi të gatshëm t’a lehtësojmë këtë punë dhe kosto dhe udhëheqësit kanë vendosur propozimet që kemi bërë. Jemi të mendimit që 6 miliardë duhet të ndihmojnë rajonin. Është sasia e fondeve që ju jepen dhe deri në 2027 rajoni do të gëzojë të njëjtin intensitet ndihme. Do të ishte e vështirë për vendet e rajonit të thoshin pas 2027 që nuk jemi gati. Kemi filluar punën me planin e investimeve ekonomike por kemi kaluar më lart. Në rast se doni të trajtoheni si vend i BE atëherë duhet të trajtoni edhe vendet e rajonit si anëtar të BE-së. Për bizneset do të jetë më lirë për të futur produkte në Shqipëri, por në rast se po bëni biznes me vendet e tjera të BP kostot do të jenë më të ulëta. Mendoj se ajo që keni parë sot do të ndryshojë në mënyrë dramatike realitetin në vendet tuaja. Rajoni duhet të dyfishojë ekonominë e vetë gjatë 10 viteve”, tha komisoneri. 

The post Varhelyi: 6 mld euro ndihmë për rajonin, në 2027-ën vështirë të thoni s’jemi gati për në BE appeared first on Albeu.com.

“Mali i Zi është vendi kandidat më i avancuar në negociatat për anëtarësim. Të gjithë jemi të gatshëm të mbyllim standardet e përkohshme, synimi ynë është ta çojmë Malin e Zi në nivelin tjetër”, vlerësoi zoti Varhelyi.

Gjatë takimit me Komisionerin evropian, Presidenti i Malit të Zi Jakov Milatoviç theksoi rëndësinë e anëtarësimit të plotë në BE që, siç tha ai, “është një synim i politikës së jashtme dhe pritshmëria e Mali të Zi, si udhëheqës në procesin e negociatave, të bëhet anëtar i plotë i BE-së deri në vitin 2028”.

Edhe kryeministri malazez, Milojko Spajiç falënderoi zotin Varhelyi për mbështetjen e tij ndaj Malit të Zi. Ai shkroi në rrjetin X se “me një inkurajim të tillë do të vazhdojmë të punojmë edhe më shumë në rrugën tonë drejt BE-së”.

Për të mbyllur kapitujt e mbetur të negociatave, Mali i Zi duhet të bëjë përparim në kapitujt 23 dhe 24, të cilët kanë të bëjnë me sundimin e ligjit dhe luftën kundër krimit të organizuar.

Mali i Zi konsiderohej si një vend që udhëhiqte në procesin e anëtarësimit në Bashkimin Evropian në rajon dhe ka hapur të gjithë kapitujt në negociatat për anëtarësim.

Megjithatë, si pasojë e krizës politike dhe institucionale, nga dhejtori i vitit 2021 Mali i Zi nuk ka pasur një konferencë ndërqeveritare, për shkak të përparimit të pamjaftueshëm në reformat e nevojshme për procesin e anëtarësimit.

The post Varhelyi: Mali i Zi duhet të përfitojë nga mundësia e madhe për të përshpejtuar rrugën evropiane appeared first on Albeu.com.

Rama shkruan në një postim në “Facebook” se autobusi i BE-së po bëhet vend interesant për të qëndruar.

Kryeministri gjithashtu vlerëson kontributin e komisionerit Varhelyi, duke shtuar se ai nuk e zhgënjeu kurrë rajonin tonë.

“KOMISIONERI JONË që nuk e zhgënjeu kurrë rajonin tonë, veçanërisht në kohë të vështira. Duhet pranuar se pas fjalimit të papritur të Presidentit Michel në Forumin Strategjik të Bled, autobusi i ngadalshëm i BE-së po bëhet një vend interesant për të qëndruar edhe pa një vend të lirë – pa dyshim që pasagjerët e Ballkanit Perëndimor mund të durojnë më mirë gjatësinë e gjatë të udhëtimit duke ndjekur një bisedë me zë të lartë mes djemve të ulur. Le të dëgjojmë se çfarë ka më pas”, tha Rama.

MESAZHI I VARHELYIT
“E mirëpres që Këshilli dëshiron të angazhohet më në fund dhe të bëjë një hap të madh për të realizuar #Zgjerimin. Komisioni Evropian ka qenë gjithmonë i gatshëm të bëjë çdo propozim që do të na çonte drejt Zgjerimit të vitit 2030.”, thuhej në mesazhin e Varhelyit.

The post “Pasagjerët e Ballkanit Perëndimor mund të durojnë mirë udhëtimin”, Rama: Autobusi i BE po bëhet vend interesant appeared first on Albeu.com.

Teksa u ndal të Shqipëria, Varhelyi tha se viti i kaluar ishte mjaft Iisukseshëm për Shqipërinë dhe se BE-ja pret që vendi unë të përparojë akoma edhe më shumë gjatë vitit 2023.

Anëtarësimi është afër, tha komisioneri.

Ndër të tjera Komisioneri foli edhe  për Ndërtimin e një Kolegji Europian në Tiranë me financim të BE-së,.

Komisioneri për Fqinjësinë dhe Zgjerim Oliver Varhelyi, e quajti ndërtimin  e kolegjit si një sinjal se anëtarësimi i Shqipërisë në union është afër.

Varhelyi: Ballkani është përparësia gjopolitike. Duam që ky rajon të jetë pjesë e BE-së sa më shpejt të jetë e mundur. Viti i kaluar një vit mjaft i sukseshëm për Shqipërinë. Nëse gjithçka shkon mirë ky vit ,mund të jetë edhe më i suksesshëm. Të dyja palët përfitojnë nga ky process. Ja pse mendoj pse është e rëndësishme të zhvillojmë këto takime: duke e kthyer kokën pas ajo që shohim është se progresi në vend është shumë i mirë. Natyrisht inkurajuam kryeministrin për më shumë. Shpreosjmë të shohim rezultate në luftën kundër korrupsionit. Do të jemi në gjendje të nisim procesin e ptanimit që në shtator të këtij vit.

/albeu.com/

The post Varhelyi: Ballkani përparësi gjeopolitike për BE-në, anëtarësimi i Shqipërisë është afër appeared first on Albeu.com.

“Për të ndihmuar Ballkanin Perëndimor për të trajtuar krizat energjetike dhe për të mbështetur rajonin, ne kemi miratuar një paketë të mbështetjes energjetike prej 1 miliardë eurosh gjatë samitit të fundit BE-Ballkani Perëndimor në Tiranë. Ne po shpërndajmë tashmë gjysmën e paketës për autoritetet: 500 milionë euro për të zbutur ndikimin e çmimeve të larta të energjisë për ndërmarrjet e vogla dhe të mesme dhe për të mbajtur çmimet e energjisë të përballueshme për familjet në nevojë”, tha Olivér Várhelyi.

Ai shtoi se BE ka fonde shtesë në dispozicion për të mbështetur diversifikimin e burimeve të energjisë dhe rrugëve larg Rusisë. Sipas tij, ndërlidhjet e energjisë elektrike dhe gazit drejt furnizimeve alternative dhe një terminali i ri LNG në detin Adriatik do të financohen plotësisht nga BE.

“Këto investime do të sillnin më shumë energji, të besueshme dhe më të gjelbër në Ballkanin Perëndimor dhe do të kishin potencialin për ta kthyer Ballkanin Perëndimor në pikën e re të hyrjes së energjisë për Evropën”, shtoi ai.

Ne po mbështesim gjithashtu projekte të energjisë së rinovueshme dhe efiçiencës së energjisë, të tilla si rinovimi i blloqeve të vjetra të banesave për të reduktuar konsumin e energjisë dhe për të ulur faturat e energjisë për familjet.

Ai theksoi se ndërtimi i një tregu të përbashkët rajonal është thelbësor për të çliruar potencialin e plotë të Planit Ekonomik dhe Investiv.

“Ne pamë në samitin e procesit të Berlinit vitin e kaluar një përparim të rëndësishëm në tregun e përbashkët rajonal, ku liderët e Ballkanit Perëndimor nënshkruan tre marrëveshje lëvizshmërie. Tani është e rëndësishme të ratifikohen dhe zbatohen këto tre marrëveshje, në mënyrë që qytetarët të mund të udhëtojnë, punojnë dhe studiojnë lirshëm në të gjithë rajonin, siç mundemi ne brenda BE-së”, përfundoi Várhely

The post Várhelyi: BE po punon për ta përmbushur premtimin për anëtarësimin e Ballkanit Perëndimor appeared first on Albeu.com.

“Brenda Komisionit Evropian, ne dyfishuam përpjekjet tona për të bërë njëqind propozime për zgjerimin. Këtë vit, ne tashmë i kemi dhënë statusin kandidat Ukrainës, Moldavisë dhe Gjeorgjisë dhe besoj se këtë vit do të kemi një tjetër vendim pozitiv për Bosnjën. dhe Hercegovina”, tha Varhelyi në konferencën për gazetarë në Barcelonë, ku po mbahet Forumi i 43 vendeve të Bashkimit për Mesdheun.

Sipas mediave të huaja, ai tha se kjo i jep jetë të re zgjerimit të Bashkimit Europian, por theksoi se zgjerimi është një proces kërkues.

“Tani do t’u mbetet vendeve kandidate që të përmbushin detyrat e tyre së pari”, tha komisioneri.

Vendi i fundit që u bë anëtar i BE-së ishte Kroacia në vitin 2013. Pjesa e parë e Forumit të Unionit për Mesdheun, një organizatë e krijuar në vitin 2008, i kushtohet çështjeve të sigurisë së furnizimeve me ushqim dhe energji nën ndikimin e konfliktit në Ukrainë. Pjesa e dytë do t’i kushtohet sigurisë dhe migrimit në fqinjësinë e BE-së.

The post ​Varhelyi: Bosnja dhe Hercegovina së shpejti mund të marrë statusin e kandidatit për anëtarësim në BE appeared first on Albeu.com.

Sipas axehndës, ai pritet që me kryeministrin Edi Rama të vizitojë by–passin e Vlorës i cili u inagurua më 7 korrik dhe u hap tvrësisht për qarkullimin e mjeteve.

By-passi i Vlorës është një projekt i financuar përmes një granti prej 20 milionë eurosh të akorduar nga Bashkimi Europian.

Pas vizitës në by-passin e Vlorës, Varhelyi dhe Rama do të dalin në një konferencë për shtyp. Vizita vjen në një kohë që pritet votimi në parlamentin e RMV-së për planin francez./albeu.com

The post Komisioneri Varhelyi vizitë sot në Shqipëri, pritet të vizitojë by-passin e Vlorës appeared first on Albeu.com.

Në këtë deklarat, e cila nderon viktimat e këtij gjenocidi, thuhet se “ne qëndrojmë së bashku, në pikëllim, me të afërmit dhe miqtë e tyre që i mbijetuan gjenocidit”.

Sipas Borrell dhe Varhely ende edhe sot paqja nuk mund të merret si e mirëqenë.

“Agresioni i pajustifikuar dhe i paprovokuar i Rusisë kundër Ukrainës ka rikthyer një luftë brutale në kontinentin tone”.

“Është më shumë se kurrë detyra jonë të kujtojmë gjenocidin e Srebrenicës, si pjesë e historisë sonë të përbashkët evropiane”, thuhet në deklaratën e përbashkët.

Në deklaratë thuhet se vrasjet masive dhe krimet e luftës në Ukrainë sjellin kujtime të gjalla të atyre që u dëshmuan në luftën në Ballkanin Perëndimor në vitet 1990.

Përfaqësuesit e BE-së thane se e shohin sigurinë dhe stabilitetin e Evropës dhe rendin ndërkombëtar të bazuar në rregulla dhe se kjo tregon nevojën për tu ngritur në këmbë për të mbrojtur paqen, dinjitetin njerëzor dhe vlerat universale.

“Evropa nuk e ka harruar atë që ndodhi në Srebrenicë dhe përgjegjësinë tonë për të mos qenë në gjendje të parandalojmë dhe ndalojmë gjenocidin. Në Srebrenicë, Evropa dështoi dhe ne jemi përballur me turpin tone”, thuhet në deklaratë.

Përfaqësuesit e BE-së deklaruan se duan të shohin përparimin e Bosnjë-Hercegovinës në pajtim me tejkalimin e trashëgimive të së kaluarës dhe përparimin e Bosnje e Hercegovinës në rrugën e saj të integrimit në BE.

“Udhëheqësit politikë duhet t’i kthejnë fjalët në vepra: Ata duhet të zgjedhin të vërtetën, drejtësinë dhe bashkëpunimin në vend të frikës dhe urrejtjes për të kapërcyer trashëgiminë tragjike të së kaluarës dhe për të ndërtuar një të ardhme më të ndritshme dhe të begatë për brezat e ardhshëm”, thuhet në deklaratë. REL

The post Borrell dhe Varhelyi: Në Evropë, nuk ka vend për mohimin e gjenocidit appeared first on Albeu.com.

“Nëse ke pushtet dhe nuk e përdor kjo konsiderohet nga të tjerët si kapitullim, dorëzim i pushtetit tënd dhe i kapaciteteve të tua. Ndaj, ne duhet t’i besojmë vetes tonë dhe fuqisë që kemi dhe mendoj, se të gjitha shtetet anëtare të Bashkimit Europian duhet t’i besojnë natyrës transformuese të zgjerimit tê Bashkimit Europian” ka deklaruar komisioneri Varleyi duke shtuar, se ky është mesazhi që përcjelll sërish në Sofje pas vizitës që ka kryer tre javë më parë.

“Jam gati të vij sa herë të jetë e nevojshme për të zgjidhur këtë çështje dhe për të qenë gati për në qershor. Lufta në Ukrainë na tregon, se jo vetëm që nuk kemi kohë për të humbur, por nuk kemi as interes për të humbur kohë” ka theksuar komisioneri Varhelyi duke iu referuar nevojës urgjente për zgjidhjen e ngërçit mbi çështjet bilaterale midis Maqedonisë sê Veriut dhe Bullgarisë dhe mundësisë për hapjen zyrtare të negociatave të anëtarësimit me Maqedoninë e Veriut dhe Shqipërinë në qershor, para përfundimit të presidencës franceze të BE-së.

Deklarata e komisionerit është bërë gjatë eventit në Sofje: “BE-ja takon Ballkanin Perëndimor. Mësimi i Ukrainës. Zgjerimi i BE-së si antidotë e luftës”– tha ai.

The post Varhelyi ngre zërin ndaj BE-së për integrimin e Shqipërisë dhe Maqedonisë së Veriut appeared first on Albeu.com.