“Është një moment shumë kritik për arsye të informacionit të shumtë që vjen nga të gjitha anët dhe sidomos për interpretimin e tij. Por që të kesh një bilanc të tilë me 1115 vizita vetëm Covid dhe 984 telefonata, është se dizinformimi është shumë i dëmshëm.

Ka shumë të sëmurë në banesa që nuk kërkojnë ndihmë mjekësore sepse janë ende me idenë që virusi nuk ekziston.

Vaksina nuk të shpëton. Vaksina nuk të mbron 100%. Nuk do të thotë që po e bëre nuk infektohesh dhe nuk humbet jetën. Të mbron. Fakti që në këtë moment kemi më shumë mosha të reja të infektuar, do të thotë se nuk janë vaksinuar,”- tha ai.

Në spitalet covid po trajtohen 195 qytetarë, mes tyre 13 janë në gjendje të rëndë shëndetësore. Në 24 orët e fundit, Ministria e Shëndetësisë ka bërë me dije se kanë ndërruar jetë edhe pesë persona të tjerë si dhe janë identifikuar 995 raste të reja me Covid-19. /tch

The post Brataj flet për vaksinën: S’do të thotë që po e bëre s’infektohesh dhe nuk humbet jetën! appeared first on Albeu.com.

Me këtë vaksinë, arrijnë në total në mbi 2 milion vaksina anticovid të ardhura deri tani në vendin tonë

Kryeministri Rama postim ne Facebook:

Me 31,590 doza vaksine Pfizer që mbërritën pak më parë në Aeroportin “Nënë Tereza”, arrijmë në total në mbi 2 milion vaksina anticovid të ardhura deri tani në vendin tonë

Vaksinohuni, vaksinohuni, vaksinohuni! /albeu.com/

The post Rama u jep lajmin e mirë shqiptarëve: Mbi 31 mijë vaksina Pfizer sapo arritën në Rinas! appeared first on Albeu.com.

Ndërsa i konsideron spekulime lajmet se përmes vaksinimit të detyruar cenohen liritë e të drejtat e njeriut, mjeku kardiolog Leonidha Peppo apelon që të kryhet vaksinimi si e vetmja mburojë ndaj sëmundjes vdekjeprurëse.

“Është dëgjuar dhe thënë se vaksinimi anti-Covid është me dëshirë, se gjoja preken liritë individuale dhe të drejtat e njeriut. Këto janë spekulime dhe çudira që do të rëndojnë mbi të pavaksinuarit, të fëmijëve e familjarëve të tyre apo shoqërisë rreth tyre.

Nëse personi i pavaksinuar ia ngjit këtë sëmundje vdekjeprurëse dhe invalidizuese, pa diskutim kriminale, ç’duhet bërë atëherë? Duhet të merret penalisht që jo vetëm i prek të drejtën për të jetuar dhe ta dënojë edhe shoqërisht. Thënie të tilla se vendosin çip në trup për të kontrolluar personalitetin, janë vetëm humoristike dhe çuditëse. Po gjithë bota njerëzore që i kërkon me ngulm vaksinat edhe vaksinimin si e vetmja mënyrë për të mos u infektuar nga COVID19 ose ta kalosh më lehtë atë?!”, vë në dukje doktori, i cili ndalet edhe te pasojat që sëmundja sjell në trupin e njeriut.

LEONIDHA PEPPO

Çfarë u paraqit pas kalimit të sëmundjes së COVID-19 në individë të ndryshëm, duke përfshirë edhe miqtë e pacientët e mi, duke pasuar edhe vetë mua. Me këtë shkrim do të trajtohen edhe ata që vaksinohen. Çfarë ndodh në të tilla raste? Kur duhet vaksinuar pas kalimit të COVID-19 dhe, më e rëndësishmja, a duhet të vaksinohen, sepse ka mendime subjektive dhe objektive për perspektivën e afërt dhe të largët që mund të ndodhë te këta persona.

Duhet t’ju bëj të ditur që këto përfundime janë pas leximeve të shumta të publikimeve të studimeve ndërkombëtare të agjencive serioze studimore e eksperimentale, të sigurta deri tani. Ata që ndjekin përfundimet serioze, e kuptojnë që shumë koncepte ndryshojnë, po ashtu masat dhe kujdesi ndaj individëve dhe popullsisë në përgjithësi kanë tregues dhe mundësi më të përparuara që mbeten për t’u parë sepse prapë pritet të ketë zhvillime.

Por këtë shkrim do të mundohem të shkruaj ato dukuri të para deri tani te personat që kanë kaluar COVID-19, nga përvoja personale të përditshmërive të shumta në Qendrën Shëndetësore Nr.4, duke reflektuar edhe në qëndrimin tonë të personelit mjekësor.

Dukuritë më të shpeshta janë lëvizja e tensionit arterial në shifra dukshëm me të rritura se ato të zakonshmet në individë pa mjekim ose me mjekim, por këto të shoqëruara me ankesat e zakonshme, por që i shtohet edhe ana emocionale, e cila nga ana e saj është shkaktare e çlirimit të katekolaminave që rrisin tensionin e gjakut dhe rrahjet e zemrës, gjithashtu (përdorimi i kortizonikëve në mjekim) përgjegjëse për rritjen e shifrave te sheqerit në gjak. Të gjithë mjekët e familjes në klinikën tonë thonë që janë shtuar në mënyrë të dukshme rastet me sëmundjen e diabetit ose ata që e kanë diagnozën e diabetit I, është rënduar sëmundja duke marrë barna shtesë për kurimin e saj. Duhet theksuar se në rastet tona, kjo gjendje ka ardhur me origjinë pas 2-3 muajsh duke hequr edhe mjekimet e shtuara. Pra, është fakt tepër pozitiv për ecurinë e ndjekjes së tyre për ata vetë, por edhe për mjekimin shërues të caktuar. Ndikimi i COVID-19 është shfaqur edhe në ndryshime të sjelljes së atyre që e kanë kaluar këtë sëmundje. Kjo dukuri është më e paktë se sëmundjet e tjera. Mendohet se sëmundja gjeneron mikrotrombule në vazat që furnizojnë trurin duke degjeneruar në dëmtim të qelizave të tij, por këto mendime me kalimin e kohës mund të ndryshojnë siç edhe kanë ndodhur gjatë këtyre muajve dhe viteve.

Të shohim.

Por në kabinetin e kardiologjisë janë konstatuar dhe vërtetuar me vizitë klinike e aparatura, fenomene të aritmive të ndryshme, të marrjes së frymës nga komplikacionet që shkakton virusi mbi zemrën, siç është zmadhimi i zemrës të shoqëruara ose me likid (lëng) në cipat e zemrës. Kjo ndodh me të gjitha llojet e viruseve, por që ky që ka dalë së fundmi është më agresiv. Me kontrollet e vazhdueshme të zemrës, është zvogëluar deri në kufij normalë edhe likidi (lëngu), është tharë aty ku ka pasur, kjo pasohet me gjendje klinike të përmirësuar të pacientit. Kjo na ngarkoi me optimizëm për të ardhmen shëndetësore të këtyre të sëmurëve dhe shpresën që mundimet e mjekëve të jenë të suksesshme.

Kemi edhe shfaqje të trombozave të vazave të mëdha si në tru, ne zemër, në mushkri, gjymtyrë dhe lëkurë që kërkojnë mjekim shtesë dhe rrezikojnë jetën apo invalidizojnë njeriun, që ka pasoja psikologjike, financiare, kohore me atë vetë dhe familjen e shoqërinë. Prandaj, ju lutemi, vaksinohuni me gjithë mundësitë që tani i kemi të mëdha. Po përshkruaj në fund fenomenet madhore të prekjes së mushkërive, sëmundja më e rëndë e prekjes nga koronavirusi, shfaqjet e shenjave të shumëllojshme me rëndesa të ndryshme nga më e lehta e deri tek e rënda, e humbje jete edhe në mes personelit mjekësor dhe shëndetësor.

Më të dukshme kanë qenë prekja e mushkërive në drejtim të fibrozës apo pneumonia me prekje të cipave të tyre, me grumbullim likuidi me ulje të ngopjes me O2 dhe rritje të rrahjeve të zemrës. Mjekimi i tyre i vështirë, shpeshherë i tepruar dhe i panevojshëm, duke dëmtuar shëndetin dhe financat familjare. Oksigjenoterapia është kryesore në mjekimin e patologjive të mushkërive. Duhet theksuar se komplikacioni kryesor është tromboza e vazave pulmonare me shenjat e njohura dhe të shkruara gjerësisht. Analizat e gjakut të ndryshuara siç është D-dimeri mbi normë, monocitet e larta, limfocitet e ulura, O2 i ulur në gjak, me mjekim të shtuar të përshkruar me kujdes dhe ndjekje mjekësore nga personel të specializuar.

Prandaj, për të mos arritur në këtë gjendje, duhet të vaksinohen të gjithë me detyrim. Është dëgjuar dhe thënë se vaksinimi anti-Covid është me dëshirë, se gjoja preken liritë individuale dhe të drejtat e njeriut. Këto janë spekulime dhe çudira që do të bjenë mbi të pavaksinuarit, të fëmijëve e familjarëve të tyre apo shoqërisë rreth tyre. Nëse personi i pavaksinuar ia ngjit këtë sëmundje vdekjeprurëse dhe invalidizuese pa diskutim kriminale, ç’duhet bërë atëherë? Duhet të merret penalisht që jo vetëm i prek të drejtën për të jetuar dhe ta dënojë edhe shoqërisht.

Thënie të tilla se vendosin çip në trup për të kontrolluar personalitetin, janë vetëm humoristike dhe çuditëse. Po gjithë bota njerëzore që i kërkon me ngulm vaksinat edhe vaksinimin si e vetmja mënyrë për të mos u infektuar nga COVID-19 ose ta kalosh më lehtë atë?! Gjithsesi, nuk është absolutisht e sigurt mbrojtja. Rastet e reja me variantin DELTA, sipas prof. Silva BINO, 2-3 %, infektohen të vaksinuarit me 2 doza dhe 10% ata me 1 dozë të saj. Këto të dhëna të thëna deri tani janë ndërkombëtare. Të presim çfarë të rejash do të kemi në të ardhmen. Por e sigurt është që vaksinimi duhet bërë. /panorama

The post Pse duhet të vaksinohemi kundër Covid-19? Mjeku kardiolog jep shpjegimet: Lehtëson simptomat! appeared first on Albeu.com.

Sipas një studimi të fundit në SHBA, tregon se Moderna është vaksina më efektive ndaj këtij varianti të ri i cili deri më tani është më i rrezikshmi dhe më i transmetueshmi.

Në një krahasim me Pfizer-BioNTech, Moderna ka treguar një mbrojtje më të lartë.

Të dhënat e studimit:

Të dyja vaksinat ishin shumë efektive ndaj versionit tradicional të Covid-19 me një efektivitet prej 90% pas marrjes së dy dozave. Studimi i kryer nga Mayo Clinic tregon se me hyrjen e variantit Delta, i cili u shfaq për herë të parë në Indi, efektiviteti i vaksinave u ul.

Kështu që sipas studimit vaksina Pfizer- BioNTech ra në një efektivitet prej 42% ndaj variantit Delta ndërsa Moderna është 76% efektive ndaj këtij varianti.

Studimi mori për kampion rreth 50 mijë pacientë. Nuk dihet saktësisht çfarë e ka shkaktuar këtë rënie të efektivitetit të vaksinave. Izraeli që ka vaksinuar shumicën e popullsisë me vaksinën Pfizer- BioNTech ka vendosur që personat mbi 60-vjeç të marrin një dozë të tretë. Edhe vende të tjera po marrin në konsideratë dhënien e një doze të tretë. /albeu.com/

The post Nuk gjendet në Shqipëri! Kjo është vaksina më efikase ndaj varianit Delta të COVID-19 appeared first on Albeu.com.

Pas shërimit nga infektimi me virusin Corona apo pas vaksinimit krijohen tek njeriu antitrupa kundër proteinës Spike. SARS-CoV-2 e përdor këtë proteinë për t’u vendosur tek qelizat dhe për të depërtuar në to. Nga proteina Spike antitrupat mund ta dallojnë virusin, të fiksohen aty dhe ta bëjnë kështu të “kuptueshëm” për qelizat e sistemit imunitar.

Tek vaksinat e tipit ARNm, si BioNTech/Pfizer studiuesit ishin të mendimit, se të vaksinuarit janë të mbrojtur mbi 90% nga virusi, por pas variantit Delta, më infektues, kjo mbrojtje është më e ulët dhe virusi ia del t’i infektojë njerëzit që kanë marrë vetëm vaksinën e parë. Imunologu, Carsten Watzl nga Instituti Leibniz i Universitetit Teknik të Dortmundit vlerëson, se efektiviteti i vaksinës BioNTech bie në 88%, kurse ai i vaksinave vektor si AstraZeneca nga 66% bie në 60%. Të dhëna nga Izraeli madje flasin për një mbrojtje vetëm 64% me vaksinën BioNTech/Pfizer. Ministria e Shëndetësisë mendon për një vaksinim të tretë.

Ilustrim – tre proteina Spike të Coronavirusit, pamje nga mikroskopi elektronik, ngjyrat nuk janë reale, sepse struktura e viruseve mund të kapet nga mikroskopi vetëm bardh e zi

Varianti Delta po i vë studiuesit para sfidave të mëdha. Deri më tani shumica prej nesh në rastin më të mirë pas dy vaksinimeve janë të imunizuar ndaj varianteve të njohura të virusit. Por kjo nuk i përfshin të gjithë të vaksinuarit, thotë imunologu Carsten Watzl. “Vetëm vaksina nuk të garanton që je i imunizuar. Vendimtare është që trupi ynë të ketë krijuar mbrojtjen e duhur. Por këtë nuk mund ta masim mjaft saktë ende deri më tani.”

Ndryshe qëndron puna me vaksinën kundër tetanozit. Nëse nuk e dimë, nëse kemi mbrojtje të mjaftueshme, atëherë mund ta masim këtë me prova në laborator. Nëse numri i antitrupave qëndron mbi një vlerë të caktuar, atëherë personi është i imunizuar kundër virusit, nëse vlera është e ulët, mjeku mund të rekomandojë përsëritjen e vaksinës.

“Në lidhje me Coronën nuk e kemi arritur ende këtë stad. Ne nuk e dimë saktë, se çfarë duhet të masim, me qëllim që të përcaktojmë vërtet, nëse dikush është imunizuar apo jo. Antitrupat neutralizues luajnë me shumë gjasë një rol vendimtar, sepse “e lidhin” virusin, që të mos infektojë qeliza të tjera. Por se sa i lartë duhet të jetë numri i antitrupave është ende e paqartë”, shprehet eksperti Watzl.

Roli i qelizave limfocite T

Jo vetëm antitrupat kanë rëndësi në luftimin e një infektimi. Nëse virusi ka depërtuar trupin, antitrupat nuk mund ta arrijnë më, sepse nuk mbërrijnë dot në qeliza. Virusi shtohet. “Për të luftuar virusin, sistemi ynë imunitar ka qelizat limfocite T. Ato janë në gjendje të identifikojnë dhe eliminojnë qelizat e infektuara. Pra ne sakrifikojmë disa qeliza të infektuara të trupit tonë, që të mos lejojmë virusin që të shumohet”, shpjegon Carsten Watzl. Këto mund të maten të dyja, por praktikisht është e vështirë të identifikohet numri i qelizave T. Ky test është i vështirë, por i vlefshëm. “Vetëm antitrupat nuk të thonë patjetër diçka se sa i mbrojtur je. Mund të ndodhë që kam shumë pak antitrupa, e të infektohem me virusin, por përgjigja e qelizave T është aq e fortë, saqë nuk sëmurem rëndë.”

Ka teste të ndryshme që masin antitrupat kundër Coronës. Laboratorët normalisht kanë standard të qartë, që arrin nga një vlerë minimale tek ajo maksimale. Mjeku mund të dallojë, nëse vlerat janë në intervalin e lejuar, por tek Corona kjo nuk është përcaktuar saktë. Vetëm mund të thuhet me përafërsi. Vlerat e matura lëvizin nga më pak se një qind në disa mijëra antitrupa. “Nëse jam në çerekun e sipërm apo në gjysmën e sipërme, me gjasë kam një mbrojtje të mirë imunitare. Por vlerën e saktë për këtë nuk mund ta them.”

Po ashtu nuk është e qartë, se sa shpejt bie një nivel i antitrupave, dihet vetëm se me kohë ai bie. “Kjo bëhet me dy faza. Po të shohësh vlerat menjëherë pas vaksinimit, ke nivelin më të latë të antitrupave. Në muajt e parë pas vaksinimit, kjo vlerë bie shpejt. Po në një moment të caktuar e gjitha ndodh stabilizimi rreth një vlere të caktuar dhe ajo vazhdon të bjerë me ngadalë, këtë e njohim nga vaksinat e tjera dhe duket se është kështu edhe me vaksinën e Coronës”, thotë eksperti, por ende nuk është provuar personalisht nga ana shkencore.

Më shumë më mirë

Ka njerëz që janë vaksinuar dy herë, dhe nuk kanë ose kanë shumë pak antitrupa kundër virusit Corona. Këta persona nuk janë të mbrojtur nga virusi, me shumë gjasë, paralajmëron Watzl. Ka shumë faktorë që çojnë në një nivel të ulët të antitrupave. Mosha është një prej tyre, por edhe një sistem i dobësuar imunitar që nuk funksionon si tek të shëndetshmit dhe nuk mbrohet dot si duhet nga “sulmet” nga jashtë. Shpesh duhet dhënë një vaksinë e tretë, që trupi të fillojë të krijojë antitrupa. Konkluzioni i ekspertit, Carsten Watzl deri tani: Më shumë ndihmon më shumë. /DW/

The post A mjafton vaksina? Imunologët tregojnë sa antitrupa duhet të ketë një person që të jetë i imunizuar nga COVID-19 appeared first on Albeu.com.

Ndërkohë që nga Greqia vjen lajme se qeveria do të ashpërsojë masat ndëshkimore ndaj mësuesve që nuk pranojnë në bëjnë vaksinën.

Kathimerini shkruan se Edukatorët që refuzojnë të vaksinohen ose t’i nënshtrohen testimit të rregullt për Covid-19 para se të kthehen në klasë do të përballen me një ulje të pagës dhe masa të tjera disiplinore sipas një vendimi të përbashkët ministror që është aktualisht në proces.

Sipas burimeve, rregulloret e reja që po hartohen nga Ministria e Arsimit për të siguruar një vit të sigurt akademik që nga shtatori në shkolla dhe universitete u përkasin të gjithë administratorëve dhe edukatorëve, të përhershëm dhe me kontratë.

Sipas këtyre dispozitave, përveç shkurtimeve të pagave, stafi i arsimit të përhershëm gjithashtu mund të pezullohet nga detyra pa pagesë derisa të vaksinohen, ndërsa stafit të përkohshëm do t’i pezullohen kontratat.

Stafi i përhershëm dhe kontraktues gjithashtu do të përballen me humbjen e krediteve sipas sistemit të pikëve të shërbimit civil, i cili do të ndikojë në perspektivat e tyre të promovimit ose punësimit, respektivisht.

The post Mësuesit që refuzojnë vaksinën do t’ju pritet rroga dhe do të pezullohen appeared first on Albeu.com.

Financial Times raporton se Pfizer e ka rritur çmimin e vaksinës së saj anti-Covid me më shumë se një të katërtën dhe Moderna me më shumë se një të dhjetën në kontratat e fundit të furnizimit me BE-në.

Sipas ‘FT’, çmimi ka shkuar nga 15,50 euro në 19,50 euro për një dozë të vaksinës nga kompanitë Pfizer/Biontech.

Ndërsa çmimi për dozën e vaksinës Modernës, i cili ishte rreth 22,60 dollarë më parë, është bërë rreth 25,50 dollarë në kontratën e re.

Kushtet e marrëveshjeve të arritura këtë vit, për 2.1 miliardë doza vaksinash në total deri në vitin 2023, u rinegociuan pasi të dhënat e tsteve të fazës 3 treguan se vaksinat e këtyre kompanive kishin norma më të larta të efikasitetit sesa vaksinat nga Oxford/AstraZeneca dhe Johnson & Johnson./panorama

The post Pfizer dhe Moderna rrisin çmimet e vaksinave për BE-në appeared first on Albeu.com.

Ekspertët theksojnë se për të parandaluar një gjë e tillë duhet që të lindë nevoja për një dozë të tretë të vaksinës anti-Covid.

Mediat e huaja bëjnë me dije se zyrtari shëndetësor amerikan po jep alarmin, duke theksuar se rritja e tretë e vaksinës COVID-19 mund të shkaktojë efekte anësore më serioze sesa dozat e mëparshme.

Ndërsa Shtetet e Bashkuara po mendojnë një dozë të tretë përforcuese të vaksinës së arteries koronare, eksperti amerikan Jay Butler ka thënë se duhen më shumë të dhëna për të vlerësuar nëse dozat përforcuese mund të rrisin rrezikun e konfiskimeve .

“Ne jemi shumë të interesuar të dimë nëse një dozë e tretë mund të shoqërohet me ndonjë rrezik më të lartë të reaksioneve anësore, veçanërisht efektet anësore më serioze, megjithëse të rralla,” ka thënë  Jay Butler, zëvendës drejtor i Qendrave për Kontrollin dhe Parandalimin e Sëmundjeve.

Nga ana e saj, qeveria amerikane nuk ka vendosur ende nëse do të sigurojë doza rritëse të vaksinës, por beson se kjo mund të jetë e nevojshme për të moshuarit dhe grupet e tjera të popullsisë në rrezik të zhvillimit të një infeksioni serioz.

Partnerët Pfizer dhe BioNTEch planifikojnë të kërkojnë miratimin e rregullatorit të SHBA-së në javët e ardhshme për dozën e tyre të rritjes së vaksinës Covid-19, duke përmendur prova që rreziku i infeksionit rritet gjashtë muaj pas vaksinimit./abcnews.al

The post Eksperti: Doza e tretë e vaksinave Covid mund të shkaktojë efekte anësore më serioze appeared first on Albeu.com.

Përballë ekspertëve të fushës, në ‘Realvak Story’ Alimehmeti tha se për të vërtetuar këtë gjë nevojitet studim.

“Çdo ditë që kalon je më afër imunitetit të turmës. Përqindja rritet çdo ditë. Me vaksinime dhe rastet e reja. Po i afrohemi këtij imuniteti. Por se kur mund t’i afrohet, kjo kërkon studim.

Është studim serologjik. Se nga erdhi, rëndësi ka që të shkojmë deri aty. Edhe në ditët që do ta arrijmë imunitetin e turmës, prapë do kemi raste. Nuk është 100% imuniteti nga vaksina, por s’do kemi valë epidemike të forta.”, tha ai.

The post Skënder Brataj: Vaksina nuk të garanton se s’do infektohesh me COVID-19! appeared first on Albeu.com.