“Fakti që ai ka shkuar në Bjellorusi është një çështje shqetësuese”, tha ish-shefi i shtabit të përgjithshëm të Ushtrisë Britanike.

Nëse ai “ka mbajtur një forcë efektive luftarake rreth tij, atëherë ai paraqet përsëri një kërcënim për krahun ukrainas më afër Kievit”, ku filloi lufta, tha ai.

Lordi Dannatt tha se “është mjaft e mundur” që Rusia të përdorë Grupin Wagner për të provuar të marrë përsëri Kievin.

Pasgoditjet e djeshme do të jehojnë për mjaft kohë.

Megjithatë, nuk ka pasur “fitues” të menjëhershëm nga “fiaskoja e djeshme”, tha ai.

“Putini është padyshim shumë i zvogëluar. Ushtria ruse… është qartë në një rrëmujë”, tha Lord Dannatt.

The post Gjenerali britanik bën paralajmërimin e fortë: Wagner mund të drejtojë sulmin nga Bjellorusia appeared first on Albeu.com.

Meroe Gold dhe Mikhail Potepkin i filialit Wanger, janë sanksionuar nga BE për shfrytëzim të pasurive të arit të Sudanit, pas një hetimi të CNN mbi aktivitetet e grupit korrikun e kaluar.

Ata akuzohen “për abuzime të rënda të të drejtave të njeriut, duke përfshirë torturat dhe ekzekutimet dhe vrasjet jashtëgjyqësore, të përmbledhura ose arbitrare, në disa vende, përfshirë Sudanin.”

“Mikhail Potepkin është drejtor i Meroe Gold, një kompani për operacionet e Wagner Group në Sudan, dhe është i përfshirë në aktivitetet e M-Invest, kompania mëmë e Meroe. Ai ka një rol udhëheqës në Grupin Wagner në Sudan dhe ka lidhje të ngushta me Yevgeny Prigozhin”, thuhet në një deklaratë nga Këshilli Evropian.

Një hetim i CNN korrikun e kaluar ishte i pari që ekspozoi mekanizmin me të cilin Wagner dhe Meroe Gold po vepronin në Sudan, duke anashkaluar sanksionet e SHBA ndaj grupit.

Hetimi zbuloi se, Rusia i dha mbështetje të fuqishme politike dhe ushtarake Sudanit, ndërsa ky i fundit po shtyp me dhunë lëvizjen pro-demokratike të vendit.

Pavarësisht mohimeve të Yevgeny Prigozhin, Këshilli Evropian ka deklaruar se Meroe Gold vazhdoi të operojë në Sudan si një “mbrojtje për operacionet e Grupit Wagner” nëpërmjet një kompanie guaskë sudaneze.

“Përmes lidhjes së tij me ushtrinë sudaneze, Grupi Wagner ka siguruar të drejtën për të nxjerrë arin sudanez dhe për ta eksportuar atë në Rusi”, thuhet në deklaratën e Këshillit Evropian.

The post BE i vendos sanksione anëtarit të grupit Wagner në Sudan appeared first on Albeu.com.

Zëdhënësi i Kremlinit, Dmitry Peskov, më 16 janar sugjeroi se ky konflikt është shpikur nga gazetarët dhe blogerët ushtarakë.

“Kjo kryesisht është produkt i manipulimit të informacionit”, tha Peskov për gazetarët.

“Që të gjithë ata po luftojnë për atdheun e tyre”, tha Peskov duke iu referuar ushtrisë dhe Vagnerit.

Grupi i mercenarëve Vagner është themeluar nga biznesmeni i lidhur me Kremlinin, Yevgeny Prigozhin.

Peskov shtoi se Rusia njeh “të gjithë heronjtë”.

“Rusia i njeh të gjithë heronjtë që po shërbejnë për forcat tona të armatosura…dhe heronjtë nga Vagneri”, theksoi ai.

Informacionet se ka rivalitet midis forcave të rregullta dhe grupit janë intensifikuar pasi Prigozhin javën e kaluar insistoi se luftëtarët e tij kishin marrë kontrollin e qytetit të minierave Soledar, që gjendet në lindje të Ukrainës.

Ai kritikoi përpjekjet për “marrjen e fitores” nga Vagneri.
Prigozhin njoftoi për marrjen e Soledarit më 11 janar.

Por, Ministria e Mbrojtjes së Rusisë shpejt hodhi poshtë pretendimet e Prigozhinit dhe shpalli “çlirimin” e qytetit dy ditë më pas.

Megjithatë, në një pranim të pazakontë të forcave private, Ministria ruse e Mbrojtjes më 13 janar tha se mercenarët e Vagnerit ishin “të guximshëm”.

Grupi i mercenarëve Vagner është themeluar më 2014 dhe mercenarët e këtij grupi kanë marrë pjesë në konflikte në Afrikë, Amerikë Latine dhe Lindje të Mesme. Megjithatë, ky grup u bë më i famshëm pas nisjes së pushtimit rus të Ukrainës më 24 shkurt 2022./rel/

The post Kremlini mohon përçarjet midis ushtrisë dhe mercenarëve të Vagneri appeared first on Albeu.com.

Një nga filmat e fundit propagandistik është edhe filmi “Tourist” që shfaq një nga kompanitë ushtarake më të tmerrshme në botë si heronj. Një film që glorifikon misionin e të ashtuquajturve “instruktorë ushtarakë” në CAR, i dubluar në Songo, (një gjuhë lokale). CAR është një nga zonat kryesore për ushtarët Wagner. Kjo zonë është e pasur me burime natyrore dhe politikisht e paqëndrueshme. Megjithatë, në këtë film ka shumë më tepër sesa shpërthime të forta, armë të mëdha dhe pamje të bukura të xhunglës Afrikane. Ajo paraqet në mënyrë pozitive se si influenca Ruse po ndikon për mirë në këtë vend.

Por, çfarë është “Wagner”?
Kompania private ushtarake ruse “Wagner Group” mund të duket si një kompani biznesi konvencionale, por menaxhimi dhe operacionet e saj janë të ndërthurura thellë me komunitetin ushtarak dhe inteligjencën ruse. Pronari i kompanisë së “Wagner Group” mendohet të jetë biznesmeni i famshëm Yevgeny Prigozhin, i ashtuquajturi “kuzhinieri i Putinit” për shkak të shërbimit të ushqimit që ofron kompania “Concord Food Catering” në Kremlin, që është pronë e tij, dhe për marrëdhëniet e tij të ngushta me Kremlinin. Yevgeny Prigozhin, i cili duhet të konsiderohet më shumë si një “lolo” i Kremlinit sesa si një drejtues i zakonshëm i ndërmarrjes, është një ish-i dënuar për grabitje, mashtrim si dhe për prostitucion të miturish. Prigozhin është akuzuar edhe për përpjekjet që ai dhe kompania e tij kanë kryer për të ndikuar në zgjedhjet e vendeve perëndimore.

Grupi “Wagner” ka qenë i pranishëm në Libi të paktën që nga viti 2018. Libia ka një rëndësi strategjike për firmat energjetike të Rusisë, pasi është e pasur me naftë të cilësisë së lartë. Wagner ka qenë i pranishëm edhe në Sudan, Republikën e Afrikës Qendrore dhe Madagaskar.
Në Sudan, presidenti i atëhershëm Omar al-Bashir është takuar me Vladimir Putin, duke i kërkuar mbështetje kundër ndërhyrjeve të supozuara të jashtme. Në vijim, Moska ra dakord të siguronte pajisje dhe ndihmë tjetër për forcat sudaneze të siguruara jo nga shërbimi kryesor ushtarak i inteligjencës së jashtme ruse, por nga “Wagner”. Në këmbim, Rusia përfitoi një numër të madh marrëveshjesh dhe bashkëpunimesh ekonomike, për minierat e naftës dhe arit në Sudan. Në Siri, mercenarët e “Wagner” kanë siguruar fushat e naftës në këmbim të përfitimeve.

Në Republikën e Afrikës Qendrore, kompanive të lidhura me Prigozhin u janë dhënë të drejta kërkimi në minierat e arit dhe diamantit. Mercenarët rusë, të vendosur nën maskën e këshilltarëve ushtarakë të paarmatosur, çuan forcat qeveritare në betejë gjatë një ofensive për të dëbuar rebelët nga disa qytete në Janar dhe Shkurt. Dhe përveç kryerjes së abuzimeve, operativët rusë u vendosën në qendrat kryesore të minierave të një vendi me rezerva të mëdha diamanti. Kohët e fundit, “Wagner” është akuzuar se kanë vrarë civilë, kanë plaçkitur shtëpi dhe kanë vrarë besimtarët brenda një xhamie gjatë një operacioni të madh ushtarak në fillim të këtij viti në një nga vendet më të brishta të Afrikës.

Ndërsa mercenarët rusë akuzohen për abuzime të të drejtave të njeriut në vendin e varfër afrikan, filmi “Tourist” jep një pamje më heroike për ta. “Turisti” hapet me një kthim prapa të mercenarëve rusë që po sulmohen nga një grup rebelësh të Afrikës Qendrore, ku protagonisti kryesor i filmit i njohur vetëm me emrin “Turisti” ngel i plagosur rëndë duke e shfaqur atë si një viktimë dhe duke i shfaqur Grupin e rebelëve si antagonist të fuqishëm dhe të pamëshirshëm, gjakatarë dhe mizorë. Filmi u jep shikuesve një portretizim të mirë të punës së rusëve në CAR, duke zmbrapsur sulmet e rebelëve, së bashku me partnerët e tyre në ushtrinë lokale dhe duke prishur planin e tyre për të sulmuar Bangui dhe për të kthyer ish Presidentin Francois Bozize në pushtet një antagonist tjetër në film. Grupi ushtarak Wagner është në Afrikën Qendrore vetëm për trajnim jo për të luftuar, por nga rrjedhja e ngjarjeve ata janë duke luftuar më shumë se sa duke u trajnuar. Kjo pasqyron situatën në botën reale: Komuniteti ndërkombëtar mendon se mercenarët mund të jenë duke bërë vetëm disa trajnime, por ata gjithashtu janë shumë të përfshirë në operacione luftarake. Gjatë gjithë filmit, ekspertët ushtarakë rusë portretizohen si të mirë dhe bujarë, ndërsa filmi shpesh sulmon këshilltarët francezë dhe të tjerë perëndimorë, duke i portretizuar ata si përhapës të paqëndrueshmërisë dhe kaosit në rajon.

I dyshimtë është edhe sponsorizimi i filmit. Sipas dy burimeve të brendshëm të industrisë së filmit të kontaktuar nga The Moscow Times, Prigozhin ka shumë të ngjarë të jetë mbështetësi i ” Tourist” . Filmi është sponsorizuar nga një studio relativisht e panjohur me qendër në Shën Petersburg e regjistruar nën markën “Paritet Film”. Të dhënat e regjistrit publik rus tregojnë se gruaja e Prigozhin, Lubov Prigozhin është pronare e një kompanie të veçantë që ishte regjistruar më parë me emrin “Paritet” në Shën Petersburg.

Ky film i mbushur me aksion, “Tourist” ka arritur të kthehet nga arti i trilluar në një film që pretendon se bazohet në një histori të vërtetë. Një histori e treguar nga propaganda ruse për të mbuluar krimet e kompanisë së saj ushtarake. Sipas një raporti në Mars të 2020-së nga një grup ekspertësh të pavarur të mbretërisë së bashkuar , mercenarët rusë Wagner kanë kryer abuzime të të drejtave të njeriut në CAR (Afrika Qendrore) ndërsa luftonin së bashku me forcat qeveritare. Shkeljet e pretenduara përfshijnë ekzekutime masive përmbledhëse, ndalime arbitrare, tortura gjatë marrjes në pyetje dhe zhvendosjen me forcë të popullatës civile, rreth 240,000 prej të cilëve janë larguar nga shtëpitë e tyre për shkak të luftimeve vetëm në muajt e fundit. Kjo është e vërteta, dhe jo një film që shumë qartazi i është dhënë botës për të mbuluar diellin me shoshë.

Përgatiti: Armela Toska

The post “Prigozhin gatuan helmin “Tourist”, kasapët e “Vagner” shiten si heronj” appeared first on Albeu.com.