Rama teksa u ndal te transformimi që ka ndodhur vitet e fundit në këto bashki, u shpreh se nga një xhep fallco, Kavaja sot ka ndryshuar tërësisht.

“Këtu në Kavajë e keni parë vetë se çfarë të bën vajtja te shtëpia e mullixhiut për inat të vjehrrës. Ne bëmë një rezultat të jashtëzakonshëm, morëm bashkinë e Kavajës dhe ndryshuam Kavajën se ishte xhep fallco që nuk kishte asnjë gjë veç pluhurit, farave të kungullit dhe njerëzve që bënin si bënin për të mbijetuar”, tha Rama.

Kryeministri kujtoi se në Kavajë nuk kishte as ujë, as drita por ishin vetëm ato dy gishtat te sheshi.

“Unë kur kam ardhur në Kavajë për herë të parë si kryetar i PS-së nuk bënim dot takime. Nuk na linte njeri në kinema edhe kur hynim në kinema kishte më shumë karrige bosh se sa njerëz në karrige. Kjo ishte PS. Këtu ndodhte që në një kuti të qendrave të votimit të mos merrte votat as të anëtarëve të komisionit sepse presioni ishte i madh, pensionistët atje mezi i linin të votonin etj, etj, gjëra të tmerrshme”, tha Rama.

Sipas tij, “tani gjërat kanë ndryshuar dhe kjo është si ëndërr, por duhet të nxjerrim rezultatin”.

“Dua të theksoj faktin që është shumë e rëndësishme për çdo udhëheqës, pjesë të trupës udhëheqëse të Partisë Socialiste që do të thotë për çdo të deleguar, për çdo kryetar organizate, që të mbajë parasysh rëndësinë shumë të posaçme të këtyre zgjedhjeve, jo thjesht për PS-në, se për PS-në të gjitha zgjedhjet kanë qenë të rëndësishme, por për Shqipërinë”, u shpreh Rama.

“Pas zgjedhjeve të 1991-1992 këto janë zgjedhjet e para që kanë një peshë gjeopolitike dhe që lidhin drejtpërdrejtë fatin e vendit tonë, fatin evropian të vendit tonë. Sot janë krijuar kushtet që ne të hyjmë realisht në BE, si rrjedhojë e përputhjes së rrethanave tona të brendshme me rrethanat e Bashkimit Evropian dhe për herë të parë mundësia për t’u bërë pjesë e BE-së është reale”, tha Rama.

Kryeministri theksoi se ekziston një kalendar për negociatat me Shqipërinë, që është edhe më i shpejti në historinë e integrimit të një vendi në BE.

“Kemi një kalendar për negociatat që është kalendari më i shpejtë në historinë e integrimit evropian që na është dhënë për t’i mbyllur negociatat në vitin 2027. Dhe kemi mundësinë që nëse i mbyllim deri në 2027, të hyjmë dhe të bëhemi anëtarë të BE-së. Kjo do të thotë që Shqipëria të kalojë në një nivel tjetër në të gjitha aspektet, duke filluar nga individi, nga pasaporta e Republikës së Shqipërisë, e cila nuk do të jetë më ajo që është thjesht e vetëm një mundësi për të lëvizur, por pa mundësinë për të qëndruar, punuar, për të marrë shërbimet shëndetësore dhe për t’u rimbursuar njësoj si me qenë në vendin tënd, pa mundësinë për studentët që të jenë studentë në BE dhe të mos trajtohen si studentë ndërkombëtarë, por të trajtohen si studentë që janë në vendin e vet”, u shpreh Kryeministri.

“Ne hyjmë dhe bëhemi pjesë e barabartë e asaj familjeje, e një familje ku ne flasim gjuhën tonë, secili flet gjuhën e vet, ama na bashkon gjithë ombrella e legjislacionit dhe e të jetuarit së bashku. Ku edhe buxheti i vendit tonë do të marrë një rritje të fuqishme nga mbështetja e BE-së, se në momentin kur hyjmë në BE, hyjmë në kategorinë e shteteve përfituese. BE ka dy ka kategori, shtetet kontribuuese që janë ata më të pasurit, më të mëdhenjtë, më të zhvilluarit, janë edhe përfituesit, që janë më të vegjlit që janë në zhvillim e sipër si ne dhe ata të mëdhenjtë kontribuojnë që më të vegjlit të forcohen”, vijoi Kryeministri.

“Dhe nëse ne gjatë gjithë këtyre viteve, nga BE kemi marrë 630 milionë euro, duke u bërë anëtarë do të marrim mbi 1 miliardë çdo vit, ku është ndryshimi. 300 milionë çdo vit, vetëm për bujqësinë, për fermerët, për agropërpunimin, agrobiznesin, agroturizmin dhe për gjithçka që ka të bëjë me bujqësinë”, vijoi Rama.

Sipas Kryeministrit, “e gjitha kjo mund të mos ndodhi nëse në 11 maj, Shqipëria nuk voton fuqishëm PS dhe nuk voton fuqishëm për të vazhduar një proces që nuk është një fjalë goje, por një punë e përditshme me detyra të pafundme”.

“Janë 1000 vetë që punojnë përditë për këtë punë. Janë 40 skuadra negociatorësh. Çdo javë dy ministret tona të shtetit që drejtojnë negociatat janë si në provim dhe japin llogari se çfarë ka bërë Shqipëria këtë javë, që çdo minutë vlen dhe asnjë minutë s’duhet humbur. Parafytyrojeni tani sikur në 11 maj rezultati të mos jetë i qartë, sikur gjithë kjo qëndrueshmëri që kemi krijuar të lëkundet, sikur pozicioni ndërkombëtar ku e kemi vendosur Shqipërinë të vihet në dyshim dhe ata të thonë: po mirë me kë do punojmë ne”?

“Mjafton një rrëshqitje gjashtëmujore, për të mos thënë më shumë dhe nuk arrihet më gjë dhe ajo mundësi mund të ikë që aty”, tha Rama.

Kryeministri solli në vëmendje faktin që Shqipëria edhe më herët ka qenë gati për t’u bërë pjesë e familjes evropiane, por nuk kanë qenë disa prej shteteve anëtare që gjenin nga një çështje të caktuar për të mos i çelur përfundimisht negociatat me vendin tonë.

“Ne kemi qenë gati për të hapur negociatat më përpara, por s’ishin ata gati. Shumica thoshte po, çohej një atje thoshte jo se shiko se ne kemi një shqetësim, edhe na thoshin këtu e keni vendi, duhet të bëni durim, të vazhdoni punën, etj”, tha Rama.

“Sot e kemi në tavolinë kalendarin e miratuar bashkërisht dhe të dakordësuar prej tyre. Na kanë thënë mbyllini negociatat në 2027, bëni gjithë detyrat e shtëpisë dhe ne do ju marrim brenda në shtëpi. Kjo është diçka shumë e madhe për t’u humbur, ose për t’u vënë në diskutim nga vogëlsira të tipit jam me këtë apo atë parti, ose se për Kavajën nuk është bërë kjo apo jo”, u shpreh Rama.

The post Edi Rama: Ne sollëm dritën dhe ujin në Kavajë pasi nuk kishte, 11 maji me rëndësi për të mos humbur momentin appeared first on Albeu.com.

Kthimi i Shqipërisë në një kamp refugjatësh ilegalë, trazoi edhe njëherë “ujërat” politike e gjeopolitike në vendin tonë.

Deklarata e kryeministrit Edi Rama bërë gjatë nënshkrimit të marrëveshjes me kryeministren e Italisë, Georgia Meloni, ku u theksua se Shqipëria do të ndërtojë në veri të vendit disa kampe refugjatësh, ku do të strehohen të gjithë emigrantët ilegalë që do të tentojnë të hyjnë në Itali, ka sjellë komente të shumta në opinionin publik shqiptar.

Për më tepër që numri i emigrantëve ilegalë që do të strehohen në vendin tonë do të jetë 30 mijë çdo muaj.

Pas afganëve, iranianëve tashmë radhën për të mësyrë në vendin tonë e kanë emigrantët që vijnë nga Lindja e Mesme.

“Italia është mbështetësja kryesore që Shqipëria të anëtarësohet në Bashkimin Evropian. Marrëveshja e sotme është shumë e rëndësishme. Ne jemi në  Europë, jemi një shtet evropian. Ne nuk do e bënim këtë marrëveshje me asnjë vend tjetër, me gjithë respektin. Me një ndryshim historik kulturor. Të paguajmë atë borxh ndaj Italisë, flas për ditën e parë që kemi ardhur në brigjet italiane. Në raste të tjera, nëse Italia thërret, Shqipëria përgjigjet“, tha ndër të tjera Rama.

Ajo që u kuptua në deklaratën e përbashkët mes Melonit dhe Ramës, ishte vetëm që ngritja e kampeve do të financohej nga qeveria italiane, dhe se emigrantët e paligjshëm do të qendrojnë në vendin tonë deri në momentin që do tu kthehet një përgjigje nga Italia nëse u pranohet ose jo kërkesa për azil.

Por ajo që e bën këtë histori edhe më të komentuar, apo le të themi më mirë kthimin e saj në një burim të madh konspiracionesh, është se marrëveshja Rama-Meloni u mor vesh se çfarë përmbante vetëm pas nënshkrimit të saj.

Në një kohë kur qytetarët prisnin marrëveshjen për pensionet mes dy vendeve, erdhi si “rrufe” në qiell të hapur ngritja e kampeve të refugjatëve.

Ndërkohë ajo që u vu re në deklaratat e dy kryeministrave ishte “dashuria” e zjarrtë e tyre ndaj vendeve fqinje, ajo e Ramës për Italinë, dhe e Melonit për Shqipërinë.

E kur ka dashuri marrdhëniet bëhen dhe më të forta. Por siç dihet në dashuri jo vetëm merret (si në rastin konkret Shqipëria merr emigrantët), por edhe duhet të japësh.

Po çfarë mund t’i japë Shqipëria Italisë?

Një pyetje që nuk ka nevojë për përgjigje, pasi ka ironinë brenda saj, pasi çfarëdo lloj gjëje që Shqipëria mund t’i ofrojë Italisë, do të dëmtonte ekonominë dhe qytetarët shqiptarë, ndryshe nga rasti i emigrantëve ku përfiton Italia dhe aspak vendi jonë.

Duhet theksuar se marrëveshja për emigrantët nuk është e vetmja “surprizë” për vendin tonë, pasi vetëm pak muaj më parë, një tjetër surprizë po kaq e hidhur ishte ajo në të cilën përfshihej furnizimi me ujë të pijshëm i qytetarëve italianë të Puljas përmes Syrit të Kaltër.

Në 15 qershor të këtij viti një tjetër marrëveshje u nënshkrua mes qeverisë shqiptare dhe asaj italiane, por që u bë publike vetëm pasi doli në mediat përtej Adriatikut, ku theksohej se Italia kishte arritur mrëkuptimin me Shqipërinë për një projekt shumë të madh për qytetarët e Puljas, të cilët do të furnizoheshin direkt nga uji i Syrit të Kaltër.

Edhe pse Syri i Kaltër mbrohet nga UNESCO, kjo nuk i ka penguar aspak dy qeveritë për të hartuar projekte, nga të cilat do të “përfitonin” të dy vendet.

Çfarë përfshin projekti i 15 qershorit?

Shfrytëzimi i Syrit të Kaltër nga ana e Italisë nuk është një projekt i ri për hir të së vërtetës, pasi fillesat i ka që prej vitit 2001, ku sërish në qeveri ishin socialistët, kohë kur kryeministër ishte Fatos Nano.

Aty ishte parashikuar që me realizimin e një vepre të tillë të transferohet në Puglia nga burimet ujore shqiptare një prurje e vazhdueshme jo më e vogël se 4m3/sek që do të thotë 120 milion m3/vit, e drejtuar drejtpërdrejt në rezevuarin ekzistues të Galugnanos nga i cili do të shpërndahet duke përdorur rrjetin ekzistues atje. Sipas studimeve kostua do të ishte 2.000 miliard lireta (Llogaria e bërë në periudhën kur ende në Itali qarkullonte Lireta).

Tubacionet pas një përshkimi prej 100km në territorin shqiptar, me tubacione ujorë prej 85 km kalojnë kanalin e Otrantos, në një thellësi maximale 855 metra. Projekti parashikon tërheqjen e 5.5 m3/sek ujë nga Syri i Kaltër. Destinacioni përfundimtar në brigjet e Pulies do të ishte jo më pak se 4m3/sek. Në projekt ishin parashikuar disa degëzime në shërbim të qendrave nga kalojnë tubacionet dhe të zonave bregdetare që janë të destinuara për zhvillim turistik me një prurje prej 0,7 m3/sek, pothuaj asgjë. Në projektin e ri është parashikuar të transferohen 150 milion m3 ujë në vit, që do të thotë që edhe ajo sasi (një curril) uji e parashikuar për zonat nga kalojnë tubacionet të jetë hequr fare. Përfitimet e rajonit të Pulias, një rajon shumë i varfër në rezerva ujore, që po shkojnë drejt shterimit të plotë do të jenë shumë të mëdha, prandaj qeveria italiane për këtë investim të ri një miliard dollarësh, që do të realizohet për katër vite, është shumë entuziaste.

E pas këtyre dy “suprizave” që vijnë pas dashurisë Rama-Meloni, me të drejtë çdo qytetar i Shqipërisë do të bënte dy pyetje, për të cilat qeveria shqiptare do të duhet të përgjigjet?

Çfarë ndodh nëse Syri i Kaltër kjo mrekulli natyrore dhe shumë tërheqëse për turistët futet në tubacione dhe kalon në Italinë e Jugut?

Si do të mund t’i menaxhonte Shqipëria mijëra emigrantë ilegalë, në një kohë kur krimi i organizuar, droga, bastet e paligjshme vijojnë të jenë një gangrenë që po hanë çdo ditë shoqërinë shqiptare?

The post Dashuria italiane e Ramës: Japim ujë, marrim emigrantë appeared first on Albeu.com.

Këtë e ka dëshmuar edhe sot në konferencën për shtyp të Portugalisë përpara ndeshjes debutuese të saj në këtë Europian…

Teksa konferenca nuk kishte nisur dhe përpara tij kishte dy shishe Coca-Cola prej qelqi, ai i ka zhvendosur duke i larguar dhe duke ngritur shishen e ujit:

“Coca-Cola… pfff! Ujë më mirë”.

The post Çpati Ronaldo me Coca-Colan? E zhduk nga tavolina dhe vendos ujin (VIDEO) appeared first on Albeu.com.