Simptomat e demencës, kur njihen në kohë, mund të na ndihmojnë shumë, sepse na lejojnë të identifikojmë herët sëmundjen, të parashikojmë menaxhimin e saj dhe të planifikojmë të ardhmen tonë në kohë, duke bërë kështu zgjedhje në lidhje me trajtimet mjekësore dhe gjithçka tjetër, përpara se dikush tjetër t’i marrë ato vendime për ne. Disa shenja të rënies konjitive janë paralajmëruese, ato mund të ndodhin pavarësisht nga mosha.

Problemet e kujtesës, të cilat, janë karakteristikë e shumë llojeve të demencës, duke përfshirë Alzheimerin që është forma më e zakonshme, nuk janë domosdoshmërisht një shenjë e rënies njohëse sepse nëse harron një takim, në fakt është diçka normale. Por një person me demencë mund t’i harrojë gjërat më shpesh ose të mos i mbajë mend fare.

Simptomat e hershme të demencës mund të përfshijnë:

-probleme me kujtesën, veçanërisht në kujtimin e ngjarjeve të fundit

-rritje e konfuzionit mendor

-vështirësi në përqendrim

-ndryshime të personalitetit ose sjelljes

-apatia, izolimi social dhe depresioni

-vështirësi në kryerjen e aktiviteteve të përditshme

Shenjat paralajmëruese të demencës: testi që duhet bërë në shtëpi!

Nëse dyshoni për fillimin e demencës, një test i thjeshtë ju lejon të kontrolloni aftësitë tuaja mendore dhe të kuptoni nëse ka ndonjë gjë për t’u shqetësuar apo jo. Testi mund të kryhet personalisht ose t’i dorëzohet një anëtari të familjes dhe ndahet në dy pjesë. E para bazohet në “katër teste”:

-thuaj emrat e muajve të vitit dhe të ditëve të javës mbrapsht, sa më shpejt dhe pa hezitim

-jepni një përmbledhje të diçkaje që keni dëgjuar ose lexuar një orë më parë

-thuaj disa fjalë të thjeshta mbrapsht dhe shpejt, si top, botë, shtëpi… pa bërë gabime

-kujtoni ngjarjet kryesore të javës së kaluar

Pjesa e dytë e testit bazohet në “pesë pyetje”:

-A jua ka vënë në dukje dikush, në punë apo në shtëpi, se keni qenë më i hutuar apo shumë i ngadalshëm?

-Jeni larguar ndonjëherë nga një vend i njohur dhe keni pasur vështirësi për të gjetur rrugën e kthimit?

-A duhet ta kontrolloni disa herë atë që po bëni?

-A e djeg shpesh atë që po gatuan?

-Keni harruar të paguani faturat?

Në rast të paqartësive në një nga “katër testet” dhe një përgjigje pozitive për një nga “pesë pyetjet”, ekspertët sugjerojnë të konsultoheni me mjekun ose t’i drejtoheni një specialisti, i cili mund të kërkojë kryerjen e testeve dhe ekzaminimeve të tjera, për të vlerësuar aftësitë e të menduarit, duke përfshirë kujtesën, gjuhën, vëmendjen dhe zgjidhjen e problemeve, dhe identifikimin e sëmundjes përgjegjëse për simptomat. Në disa raste, mund t’ju duhet të bëni skanime të trurit për të ekzaminuar strukturën e trurit dhe për të përjashtuar probleme të tjera, të tilla si tumoret ose mpiksjet, që shkaktojnë simptomat.

The post Simptomat e demencës dhe testet që duhet të bëni në shtëpi! appeared first on Albeu.com.

Mund të mos e dimë se si do të zhvillohet shëndeti ynë, por ajo që dimë me siguri është se sa më herët ta kapim një problem shëndetësor, aq më i mirë do të jetë trajtimi i tij. Pra, mos prisni derisa të shihni një simptomë, por të paktën bëni rregullisht testet bazë që do të gjeni më poshtë, veçanërisht nëse jeni mbi 30 vjeç:

Kontroll kardiak

Testet biokimike

Mamografia

Depistimi për kancerin e zorrës së trashë

Kontrolli i presionit të gjakut

Testi i densitetit të kockave

Ekzaminimi i legenit dhe Paptesti

Ekzaminimi për aneurizëm të aortës abdominale

Ekzaminimi i syve

Testet e shpeshta të urinës./albeu.com

The post Testet shëndetësore që duhet të bëni pasi të keni mbushur 30 vjeç appeared first on Albeu.com.

MSH-ja tha më 7 korrik se ka miratuar rekomandimin e Komitetit për imunizim të popullatës me vaksinën kundër COVID-19. Sipas këtij vendimi, personat mbi 60 vjeç, që kanë marrë dozën e tretë të paktën katër muaj më parë, mund ta marrin edhe dozën e katërt.

“Ministria e Shëndetësisë u bën thirrje qytetarëve që të vaksinohen kundër COVID-19, pa asnjë hezitim, për të parandaluar rritjen e rasteve të COVID-19, format e rënda të sëmundjes dhe vdekjet nga kjo sëmundje”, thuhet në njoftim.

Në Kosovë, me dozën e parë dhe të dytë mund të vaksinohen të gjithë personat mbi 12 vjeç. Ndërkaq, me dozën e tretë të gjithë personat mbi 18 vjeç.

Kosova së fundmi po regjistron rritje të rasteve me sëmundjen COVID-19.

Deri më tani janë administruar mbi 1.8 milion doza të vaksinës. Prej kësaj shifre, 103,344 persona kanë marrë tri doza, 823,818 janë imunizuar me dy doza, ndërkaq me një dozë janë imunizuar 903,523 persona.

Që prej marsit të vitit 2020, kur në shtet u regjistruan rastet e para e deri më 6 korrik 2022, Kosova ka regjistruar 230,054 raste me koronavirus dhe 3,140 vdekje. REL

The post Vaksinat kundër COVID-19, Kosova miraton dozën e katërt appeared first on Albeu.com.

NJOFTIMI I MSH
Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.
Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.

Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon: Janë kryer 1729 testime, nga të cilat kanë rezultuar pozitivë me COVID19, 619 qytetarë, në këto bashki:
327 në Tiranë, 32 në Shkodër, 31 në Durrës, 26 në Fier, 24 në Berat, 21 në Vlorë, nga 20 qytetarë në Kavajë, Sarandë, 12 në Lezhë, 10 në Lushnje, nga 8 qytetarë në Krujë, Elbasan, nga 7 qytetarë në Kamëz, Vorë, Divjakë, nga 6 qytetarë në Mallakastër, Gjirokastër, nga 5 qytetarë në Patos, Himarë, Korçë, nga 4 qytetarë në Kurbin, Përmet, Pogradec, nga 3 qytetarë në Mat, Skrapar, Gramsh, nga 2 qytetarë në Kukës, Shijak, Kuçovë, Poliçan, nga 1 qytetar në Mirditë, Dibër, Roskovec.
Janë 3,167 qytetarë aktivë me Covid19 në gjithë vendin.
Aktualisht në spitalin COVID3 po marrin trajtim 21 pacientë. Në 24 orët e fundit ka një humbje jete me Sars-Cov2: një qytetare nga Gjirokastra 83 vjeçe.
Janë shëruar 339 qytetarë gjatë 24 orëve të fundit, duke e çuar numrin e të shëruarve në 274,802 që nga fillimi i epidemisë.

Statistika (1 Korrik 2022)
Raste të reja ditore 619
Të shëruar në 24 orë 339
Të shtruar në spitale 21
Humbje jete në 24 orë 1

Testime ditore 1729

Testime totale 1,850,794
Raste pozitive 281,470
Raste të shëruara 274,802
Raste Aktive 3,167
Humbje jete 3,501

Shpërndarja gjeografike e rasteve aktive sipas qarqeve:

Tiranë 2,228
Fier 190
Vlorë 174
Durrës 154
Shkodër 87
Gjirokastër 82
Lezhë 81
Elbasan 56
Berat 54
Korçë 39
Dibër 17
Kukës 5/albeu.com

The post Rriten rastet me COVID-19 në Shqipëri, një humbje jete gjatë 24 orëve të fundit appeared first on Albeu.com.

Tamponat janë kryer për të gjithë, përfshirë stafin dhe rezultatet priten brenda ditës, por ndërkohë, si masë paraprake, Edin Dzeko u dërgua në shtëpi nga një i ftohtë i lehtë.

Ekipi iu nënshtrua një pune atletike, individuale dhe të personalizuar në pritje të rezultatit të testeve. Në apelin e Simone Inzaghit, i cili do të mbërrijë të premten, kanë munguar vetëm lojtarët e Amerikës së Jugut./ h.ll/albeu.com

The post Inter kryen tamponët, Dzeko izolohet appeared first on Albeu.com.

Pentagoni njoftoi sot se po hetonte një “incident që shkaktoi mbeturina” në hapësirë ​​dhe i detyroi astronautët që aktualisht janë në Stacionin Ndërkombëtar të Hapësirës të strehohen në anijen e tyre kozmike në mënyrë që të mund të evakuohen në rast emergjence.

“Agjencia amerikane e hapësirës është informuar për një incident që shkaktoi mbeturina hapësinore. Ne jemi duke punuar në mënyrë aktive për të identifikuar zonën e mbeturinave” tha një zëdhënës, i cili gjithashtu shtoi se ushtria po punonte me Departamentin e Shtetit dhe NASA-n në këtë çështje.

Sipas amerikanëve, një provë rakete anti-satelitore e kryer nga Rusia është përgjegjëse për mbeturinat që detyruan shtatë anëtarët e ekuipazhit të ISS, katër amerikanë, një gjerman dhe dy rusë, të strehohen në kapsulat e sigurisë./albeu.com

The post SHBA fajëson Rusinë për mbetjet hapësinore që rrezikuan ekuipazhin e ISS appeared first on Albeu.com.

Raketa e Koresë së Veriut përshkoi një distancë prej 430-450 kilometrash dhe arriti një lartësi maksimale prej 60 kilometrash, njoftoi agjensia koreanojugore e lajmeve Yonhap.

Koha e përzgjedhur për lëshimin e raketës ka domethënie. Vetëm një ditë më parë, zyrtarë koreanojugorë u takuan me zyrtarë amerikanë për të diskutuar situatën e armatimit bërthamor të Koresë së Veriut.

Gjithashtu muajin e kaluar, Koreja e Jugut u bë vendi i tetë në botë që testoi me sukses lëshimin nga nëndetësja të një rakete balistike (SLBM). Pas dy ditësh, Koreja e Jugut pritet të nisë raketën e parë hapësinore të prodhuar në vend.

Kryeministri japonez Fumio Kishida anulloi disa nga takimet e planifikuara dhe e quajti “të padëshirueshëm” testimin e raketës. Ndërsa Këshilli i Sigurisë Kombëtare i Koresë së Jugut u mblodh në një takim urgjent dhe i bëri thirrje Phenianit të rikthehet në tryezën e bisedimeve.

Koreja e Jugut ka filluar një plan ambicioz për modernizimin ushtarak, që përfshin disa raketa të reja, avionë luftarakë të prodhuar në vend, dhe madje edhe plane për prodhimin e aeroplanmbajtëses së parë. Analistët thonë se Koreja e Jugut, ku janë të dislokuara mbi 28 mijë forca amerikane, po përpiqet të marrë më shumë përgjegjësi për mbrojtjen e saj, si dhe një rol më të madh në zhvillimet rajonale.

Por Pheniani ka kritikuar lëvizjet e Seulit duke i quajtuar ato provokative dhe destabilizuese dhe është zotuar të vazhdojë testimin e armëve nga ana e tij. Pheniani ka akuzuar Shtetet e Bashkuara dhe aleatët për standarde të dyfishta.

Në një deklaratë, ushtria amerikane u shpreh se testimi është “destabilizues”, por tha se nuk përfaqëson rrezik të menjëhershëm.

Disa rezoluta të Këshillit të Sigurimit të OKB-së e ndalojnë Korenë e Veriut të kryejë veprime me raketave balistike, me rreze të gjatë apo të shkurtër veprimi.

Çfarë përfaqësojnë raketat SLBM?

Raketat balistike të lëshuara nga nëndetëset mund t’i shtonin një përbërës paparashikueshmërie arsenalit të Koresë së Veriut. Ato mund të zgjerojnë rrezen e veprimit të raketa balistike të Koresë së Veriut dhe janë më të vështira për t’u pikasur.

Koreja e Veriut ka testuar raketa SLBM edhe më parë, së fundmi në tetor 2019 kur lëshoi raketën e llojit Pukguksong-3 nga një platformë nënujore. Por deri më tani nuk kishte provuar nisjen e një rakete të tillë nga një nëndetëse.

Në vitin 2019, Koreja e Veriut publikoi fotografi të një nëndetëseje gjigande raketash balistike që po ndërtohej në portin Sinpo. Megjithatë nuk është e qartë nëse ajo ka përfunduar.

“Raketat SLBM të Koresë së Veriut janë ndoshta ende larg mundësisë së përdorimit operacional me mbushje bërthamore, por Kim (Jong Un) nuk mund të shfaqet politikisht si i prapambetur në garën rajonale të armatimit”, thotë Leif-Eric Easley, profesor në Universitetin Ewha të Seulit.

Bisedimet kanë ngecur

Testimi nga Koreja e Veriut vjen ndërsa në Seul po takohen krerët e zbulimit të Shteteve të Bashkuara, Japonisë dhe Koresë së Jugut, thotë agjensia koreanojugore e lajmeve Yonhap.

Koreja e Jugut dhe Shtetet e Bashkuara kanë kërkuar vazhdimisht rifillimin e bisedimeve me Korenë e Veriut, për të ulur tensionet dhe për të bërë progres për çarmatimin bërthamor.

“Për të arritur këtë objektiv, do të përpiqemi për hapa diplomatike me Korenë e Veriut për të arritur progres të prekshëm që do të rrisë sigurinë për Shtetet e Bashkuara dhe aleatët tanë. Kjo përfshin edhe angazhimin e mundshëm me Korenë e Veriut për të ulur tensionet”, tha të hënën në mbrëmje Sung Kim, i dërguari i Shteteve të Bashkuara për Korenë e Veriut.

“Nuk kemi qëllime armiqësore ndaj Koresë së Veriut dhe jemi të hapur të takohemi me ta pa parakushte”, shtoi ai.

Në një fjalim javën e kaluar, udhëheqësi koreanoverior Kim Jong Un e refuzoi ofertën.

Shtetet e Bashkuara kanë dërguar herë pas here sinjale se nuk janë armiqësore ndaj vendit tonë, por sjellja e tyre nuk na jep ndonjë arsye përse duhet t’u besojmë”, tha Kim Jong Uni, sipas mediave shtetërore koreanoveriore.

Gjatë javëve të fundit, Koreja e Veriut ka bërë deklarata për të kundërshtuar stërvitjet e përbashkëta ushtarake të Shteteve të Bashkuara dhe Koresë së Jugut, si dhe praninë ushtarake amerikane në rajon./VOA

The post Koreja e Veriut teston lëshimin e një rakete balistike nga një nëndetëse appeared first on Albeu.com.