Musk, i cili është njeriu më i pasur i botës, duhet të rrisë ndjeshëm vlerën e kompanisë në treg brenda 10 viteve. Nëse ai e arrin këtë dhe përmbush objektiva të ndryshme, do të shpërblehet me qindra milionë aksione të reja.

Paga e mundshme ka ngjallur kritika, por bordi i Tesla tha se Musk mund të largohet nga kompania nëse nuk miratohet dhe nuk duan ta humbasin.

Pas njoftimit, Musk u ngjit në skenë në Austin, Teksas dhe kërceu ndërsa brohoritej emri i tij.

“Jemi gati të nisim jo vetëm një kapitull të ri të Tesla, por një libër të ri. Takimet e aksionerëve të tjerë janë përgjumje, por tonat janë të papara. Shiheni këtë. Është fantastike”, tha ai.

Objektivat që Musk duhet të arrijë brenda dekadës së ardhshme përfshijnë rritjen e vlerës së Tesla në treg nga 1.4 trilionë dollarë në 8.5 trilionë.

Gjithashtu ai duhet të hedhë në treg rreth një milionë mjete Robotaxi. Ndërkohë deklaratat e tij të së enjtes u drejtuan te roboti Optimus duke shpërbërë shpresat e disa analistëve që duan që Musk të ringjallë sektorin e makinave elektrike të kompanisë.

The post Miratohet paga prej 1 trilionë dollarësh për Elon Musk te Tesla appeared first on Albeu.com.

Ky vendim vjen pas anulimit nga një gjykatë amerikane të një pakete shpërblimi prej 56 miliardë dollarësh të miratuar në vitin 2018, duke e cilësuar atë si të padrejtë ndaj aksionerëve. Musk ka apeluar këtë vendim të Gjykatës së Delaware, të dhënë në vitin 2024.

Paketa e mëparshme ishte e lidhur me objektiva të qarta si kapitalizimi i tregut, të ardhurat dhe fitimet, të cilat Musk i kishte përmbushur të gjitha.

Në njoftimin e saj të së hënës drejtuar aksionerëve, Tesla shprehet se është “e bindur që aksionet në vlerë 29 miliardë dollarë do ta motivojnë Elon që të qëndrojë në kompani”, sidomos në një kohë kur “lufta për talentet në fushën e inteligjencës artificiale po ashpërsohet”.

Kjo pako e re do të forcojë edhe ndikimin e Musk në bord, duke i rritur të drejtat e votës.

“Është jetike të ruajmë dhe motivojmë talentet tona më të mira, duke filluar nga Elon”, tha bordi drejtues i Tesla në një postim në X. Ata shtuan se “asnjë tjetër nuk e përmbush kombinimin e përvojës drejtuese dhe njohurive teknike që ka Elon Musk”.

Sipas kompanisë, Musk ka një “historik të provuar në ndërtimin e bizneseve revolucionare dhe fitimprurëse”.

Megjithatë, Tesla sqaroi se nëse gjykata vendos të rikthejë në fuqi paketën e vitit 2018, Musk do të heqë dorë nga paketa e re prej 29 miliardë dollarësh.

The post Tesla i jep Elon Musk aksione me vlerë 29 miliardë dollarë për ta mbajtur në drejtimin e kompanisë appeared first on Albeu.com.

Ai së bashku me të vëllanë janë të përfshirë në disa akuza që lidhen kryesisht me trafikim njerëzish dhe shfrytëzim seksual.

Në vitin 2022, u arrestuan në Rumani me disa persona të tjerë, ku autoritetet pretenduan se kishin krijuar një rrjet për të shfrytëzuar gratë në industrinë e pornografisë. Akuzat përfshinin gjithashtu edhe të tjera si organizatë kriminale dhe përdorim të forcës për të manipuluar viktimat.

Përveç këtyre akuzave ligjore, Tate ka qenë i kritikuar për qëndrimet e tij dhe deklaratat e kontestuara në lidhje me gratë dhe marrëdhëniet. Kjo ka ndikuar në krijimin e një imazhi mjaft të përfolur.

Megjithatë, në një nga intervistat e mëparshme Tate bëri një deklaratë me të cilën mori vëmendje të madhe.

Teksa u pyet se përse nuk kishte qëndruar në Rumani, ai përmendi shqiptarët duke theksuar: “Më shumë i frikësohesha disa gangsterëve shqiptarë se sa ligjit”.

E tani, ylli i famshëm ka marrë një dhuratë një makinë elektrike ‘Tesla Cybertruck’ me targa shqiptare.

I njëjti mbeti i habitur ku pa makinën duke shtuar se as nuk ka ide se kush ia ka sjell dhe përse.

“Unë nuk e kam blerë, nuk më pëlqejnë makinat elektrike, nuk e di se kush e ka sjell edhe pse është në emrin tim”, u shpreh ai.

Ndër tjerash theksoi: “Është nga shqiptarët, djemtë londinezë. Shumë para në të. Unë nuk e kam blerë këtë, betohem në Zot. Nuk kam idenë se çfarë është. Në Shqipëri është gjithçka legale për para”.

Çmimi i Tesla Cybertruck varion në bazë të modelit dhe konfigurimit, nga 80 mijë deri në 100 mijë dollarë.

The post Andrew Tate i dhurohet një Tesla Cybertruck me targa shqiptare appeared first on Albeu.com.

Adresat në të cilat BTC e grupit të udhëhequr nga Elon Musk janë zhvendosur për momentin nuk duket të jenë të lidhura me shkëmbime – edhe nëse këto janë gjetje të vështira për t’u bërë. Për momentin, asnjë komunikim nuk ka mbërritur nga Tesla për të shpjeguar se çfarë po ndodh dhe nëse është apo jo një zhvendosje më pak drejt adresave të reja.

Këto nuk duhet të jenë të vetmet Bitcoin që janë në dispozicion të kompanive të Elon Musk. SpaceX, kompania që merret me lëshimet në hapësirë, gjithashtu duhet të ketë rreth 8,285, sipas të dhënave të publikuara nga Arkham.

Çmimi i Bitcoin nuk përgjigjet
Nota pozitive është se tregjet, për një herë, nuk reaguan negativisht ndaj këtij lloj lajmi. Edhe nëse Tesla do të shiste, do të ishin shuma relativisht të vogla dhe një që tregu i Bitcoin është më se i aftë për ta përthithur.

Për më tepër, duke supozuar se këto janë në të vërtetë shitje, këto padyshim do të ndodhnin pak nga pak, edhe për të marrë çmimin më të mirë të mundshëm.

U kujtojmë lexuesve tanë se për momentin nuk ka asnjë konfirmim të gatishmërisë së Tesla-s për të shitur ndoshta $BTC-në e saj. Tesla është gjithashtu kompania e tretë më e madhe e listuar në SHBA për sa i përket zotërimeve të BTC, pas MicroStrategy të pakapshme të Michael Saylor dhe gjithashtu pas Marathon, i cili merret me miniera.

A kishte premtime të tjera?
Elon Musk kishte premtuar se do të kthehej në botën e Bitcoin sapo miniera të kalonte pragun e përdorimit 50% të burimeve të rinovueshme.

Pragu i cili sipas studimeve të ndryshme tashmë është tejkaluar, edhe pa asnjë lloj reagimi nga Musk dhe kompanitë e tij. Idili, i cili ishte pjesërisht përgjegjës për performancën e mirë të çmimeve për BTC në 2021, duket se është ndërprerë për ca kohë.

Dy platforma të sigurta ku ju mund të bëni investimet tuaja në kriptomonedha janë Binance dhe cex.io. Këto dy platforma pranojnë pagesa edhe nga Shqipëria, Kosova dhe Maqedonia e Veriut. /zero1.al

The post Tesla lëviz Bitcoin-ët e saj: Elon Musk gati të shesë mbi 10,000 BTC? appeared first on Albeu.com.

Ai premtoi një sistem revolucionar të prodhimit për makinën që është shumë më i avancuar se çdo sistem tjetër në botë.

Ditën e djeshme agjencia e lajmeve Reuters sugjeroi se një makinë e re Tesla crossover me emrin e koduar Redwood po vjen. Raportohet se Tesla ka kërkuar nga furnizuesit që të përgatiten për një volum prodhimi prej 10,000 makinash në javë.

Në të kaluarën Musk kishte thënë se prodhuesi i makinave elektrike po punon në dy modele të reja të cilat mund të shiten në 5 milionë njësi në vit së bashku.

Makina do të prodhohet në fabrikën e Tesla në Austin dhe sipas Musk teknikat e prodhimit aplikuar mbi të do të jenë shumë të vështira për tu kopjuar. /PCWorld Albanian

The post Elon Musk konfirmon një makinë të re elektrike Tesla me kosto të ulët appeared first on Albeu.com.

Tensionet në Detin e Kuq kanë ndikuar në ndërprerjen e rrugëve të ndryshme detare, gjë që i ka detyruar kompanitë të përdorin rrugë tjera alternative të cilat kanë dërguar në rënien e tregtisë globale.

Deti i Kuq përbën rreth 12 për qind të trafikut detar global, pasi u jep anijeve qasje në Kanalin e Suezit.

Tensionet u përshkallëzuan së fundmi kur SHBA-ja dhe Britania e Madhe nisën sulme ajrore dhe raketore në zonat e kontrolluara nga Houthi në Jemen. SHBA-ja tha se kishte nisur sulme mbi 60 objektiva në 16 lokacione militante të mbështetura nga Irani, duke përfshirë depot e municionieve, objektet e prodhimit, dhe sistemet e radarëve të mbrojtjes ajrore.

The post Si pasojë e sulmeve në Detin e Kuq, Tesla ndalon prodhimin në fabrikën gjermane appeared first on Albeu.com.

Sedani i quajtur SU7 është një model i shumëpritur i cili do ketë të integruar sistemin operativ që gjendet në smartfonët popullor të kompanisë.

Por debutimi i makinës vjen në një kohë kur tregu më i madh në botë i makinave po vuan me kërkesën në rënie e cila ka nisur një luftë çmimesh.

Kjo nuk e ndaloi shefi ekzekutiv të Xiaomi Lei Jun të fliste për ambicie të mëdha të ndërtimit të makinës së ëndrrave e krahasueshme me një Porsche apo Tesla.

SU7 ka një bateri prej 73.6 kWh ose 101 kWh dhe mund të përshkojë distancë deri në 800 kilometra me një karikim të vetëm.

Xiaomi SU7 është një sedan i përmasave të mesme dhe të mëdha me gjatësi, gjerësi dhe lartësi prej 4,997 mm, 1,963 mm, 1,440/1,455 mm dhe një bazë rrote prej 3,000 mm.

“Duke punuar shumë në 15-20 vitet e ardhshme do të bëhemi një prej 5 prodhuesve më të mëdhenj në botë të makinave,” tha ai gjatë evenimentit të prezantimit.

Njëlloj si firma të tjera teknologjike, Xiaomi ka punuar për të diversifikuar biznesin me makinat elektrike. Përgjatë një dekade ka premtuar të investojë 10 miliardë dollarë.

Makinat Xiaomi do të prezantohen nga një njësi e kompanisë shtetërorë BAIC Group në fabrikat e tij në Pekin me kapacitet prodhues vjetor prej 200 mijë makinash. /PCWorld Albanian

The post Xiaomi konkurron me Tesla dhe Porsche me makinën e parë elektrike quajtur SU7 appeared first on Albeu.com.

Administrata Kombëtare e Sigurisë së Trafikut (AKST) tha se ka dy vjet që është duke e hetuar kompaninë, për të parë nëse veturat Tesla garantojnë se shoferët janë të vëmendshëm kur e përdorin autopilotin.

Tesla tha se kontrollet softuerike të sistemit autopilot “mund të mos mjaftojnë për t’i parandaluar shoferët nga keqpërdorimi i autopilotit” dhe mund të rrisë rrezikun për përplasje.

“Është shumë e rëndësishme që sistemet për vëzhgimin e shoferëve të kenë parasysh se njerëzit i besojnë
teknologjisë më shumë seç duhet”, tha Ann Carlson nga AKST për Reuters.

Autopiloti i Teslës ka për qëllim t’ua mundësojë veturave drejtimin e timonit, gazin dhe frenimin në mënyrë automatike vetëm brenda korsisë së tyre, ndërsa autopiloti i avancuar mund të ndihmojë edhe në ndërrimin e korsisë në autostrada, por nuk i bën veturat plotësisht të pavarura në drejtim.

Tesla nuk ka treguar nëse do t’i tërheqë veturat edhe nga shtete të tjera, përveç SHBA-së.

Një zëdhënës i Ministrisë së Transportit të Italisë tha se nuk është i vetëdijshëm nëse në Itali do të ndërmerren
veprime të njëjta.

Rregullatorët në Gjermani kanë thënë se po e shqyrtojnë këtë çështje.

The post Tesla tërheq mbi dy milionë vetura nga tregu amerikan për shkaqe sigurie appeared first on Albeu.com.

Së pari lajmi i mirë: Prodhuesi amerikan i makinave elektrike Tesla tani punëson më shumë se 10.000 njerëz në fabrikën e tij në Greenheide afër Berlinit, në Brandenburg. Këto të dhëna i ka publikuar agjencia gjermane e lajmeve dpa, e cila i referohet qarqeve biznesore atje. Tesla bëri të ditur në Twitter se aktualisht atje po prodhon 4.000 makina në javë – që do të thotë rreth 200.000 në vit.

Por qëllimi i fazës së parë nuk është arritur ende: Tesla i ka vënë vetes synim të prodhojë gjysmë milioni makina në vit në Greenheide dhe të ketë rreth 12.000 punonjës. Tesla është duke prodhuar makina elektrike në Gjermani që nga marsi i vitit 2022.

Ndryshimi i kursit në drejtim të SHBA – kur bëhet fjalë për bateritë

Lajmi i mirë është se Tesla ka nisur edhe prodhimin e komponentëve të baterive në Greenheide. Siç u tha, këto sisteme baterish do të përdoren “në të ardhmen e afërt” në automjetet e prodhuara këtu në Gjermani.

Pronari i Tesla, Elon Musk, i tha Gigafactory Berlin se kjo do të jetë fabrika më e madhe e baterive në botë. Në hapjen në mars 2022, ai tha se fabrika e baterive do të arrinte prodhimin masiv deri në fund të vitit 2023.

Por tani vjen lajmi i keq: Tesla me sa duket ka braktisur planet për të prodhuar bateri të plota në Gjermani. Kompania ka vendosur të tërhiqet dhe këtë pjesë të prodhimeve, për shkak të lehtësimeve, ta kalojë në Shtetet e Bashkuara.

“Fokusi i prodhimit të baterive të Tesla është aktualisht në SHBA për shkak të kornizës së krijuar nga Akti i Reduktimit të Inflacionit (IRA),” kumtoi kompania, duke e bërë atë një nga firmat e para që njoftoi ndryshimin e strategjisë e saj për shkak të lehtësimeve të reja tatimore në këtë vend.

Tesla fillimisht kishte planifikuar të prodhonte të gjitha bateritë në Brandenburg,me një kapacitet maksimal prej mbi 50 gigavat orë në vit. Por duket se kjo ka ndryshuar. Ndaj një zëdhënës i ministrisë së Ekonomisë së Gjermanisë tha se ata “po punojnë tani për të sqaruar arsyet” pas vendimit të Tesla. Ministria e Ekonomisë e Brandenburgut tha për aq sa ishte ajo në dijeni, ndryshimi i kursit nuk do të ndikojë në numrin e vendeve të punës në Greenheide.

Dudenhofer: “Vendimi i Teslës duhet marrë seriozisht”

Eksperti i automjeteve Ferdinand Dudenhofer sheh rreziqe në rritje për investimet në prodhimin e baterive në Gjermani. “Ne besojmë se rritja e mobilitetit elektrik do të pengohet – edhe për shkak se subvencionet në Gjermani janë ulur”, tha drejtori i agjencisë gjermane të lajmeve CAR – Qendra për Kërkime Automobilistike në Duisburg. “Kjo do t’i bëjë motorët me djegie të brendshme më të lirë për klientët përsëri.” Kjo do të thotë se do të nevojiten më pak bateri në Evropë”.

Që nga fillimi i këtij viti, Gjermania nuk subvencionon më blerjen e automjeteve hibride, automjete që përdorin një motor me djegie të brendshme dhe një motor elektrik. Edhe subvencionet për makinat me bateri janë ulur. Rrjedhimisht, shitjet e e-makinave kanë rënë në janar. Ndërsa vitin e ardhshëm 2024, subvencioni për blerjen e makinave elektrike do të vazhdojë të ulet.

Dudenhofer në një deklaratë për mediat gjermane iu referua edhe rreziqeve të çmimeve të larta të energjisë elektrike në Gjermani. Vendimi i Teslës në Berlin duhet të merret shumë seriozisht, tha Dudenhofer për dpa. Nëse i ashtuquajturi ligji anti-inflacion i Amerikës (IRA) mbetet ashtu siç është, prodhuesit gjermanë të automjeteve do të përpiqen të prodhojnë dhe instalojnë bateri në SHBA.

Investimet dhe subvencionet

Në fund të janarit, Tesla njoftoi se do të investonte më shumë se 3.6 miliardë dollarë në zgjerimin e kompleksit të saj Gigafactory në Nevada, ku do të ndërtojë dy fabrika të reja – njëra për prodhimin e kamionit gjysmë elektrik të vonuar prej kohësh dhe tjetra, për prodhimin e baterisë së re 4680.

Së shpejti pritet që të publikohet edhe lajmi se Tesla do të ndërtojë një fabrikë të madhe në veri të Meksikës. Bisedimet intensive për këtë po zhvillohen. Bëhet fjalë për faktin se lehtësimet tatimore zbatohen vetëm për prodhimin në SHBA – si dhe disa vende ku bën pjesë edhe Meksika – por jo për vendet e BE-së.

Rivali i Tesla, Stellantis bëri të ditur se tashmë ka zhvendosur prodhimin në SHBA. Edhe Holcim AG, prodhuesi më i madh i çimentos në botë, pret që IRA t’i japë një shtysë të fortë operacioneve të kompanisë në Amerikën e Veriut. Linde, e cila prodhon gazra industriale, vlerësoi se mundësitë e investimit mund të tejkalojnë 30 miliardë dollarë vetëm në SHBA gjatë dekadës së ardhshme. Ndërsa në fillim të këtij muaji Air Liquide, e cila gjithashtu prodhon gazra industrialë, u zotua të shfrytëzojë një mundësi historike për të investuar në energji të pastër me ndihmën e IRA-s, por nuk dha detaje specifike. Këta janë vetëm disa nga lojtarët globalë që kaluan prodhimet në SHBA, duke përfituar nga programi i subvencionimit./dw/

The post Tesla në Gjermani: një lajm i mirë dhe një i keq appeared first on Albeu.com.

Prodhuesi i automjeteve elektrike me bazë në Teksas tha se tërheqja prek disa automjete Model 3 të vitit 2023 dhe Model Y 2020-2023.

Tesla tha se nuk ka pasur raporte për ndonjë aksident apo lëndim në lidhje me tërheqjen e rreth 321,000 automjeteve.

Kuptohet që firma do të ofrojë një përditësim me valë për të korrigjuar problemin, gjë që bën që dritat e pasme të mos ndizen me ndërprerje.

Lëvizja doli në dritë si rezultat i një dosjeje në Administratën Kombëtare të Sigurisë së Trafikut në Autostrada (NHTSA) e bërë publike sot./albeu.com

The post Sërish probleme për Elon Musk, Tesla tërheq nga tregu më shumë se 300,000 automjete appeared first on Albeu.com.