Në një aktivitet me ambasadorin e Kosovës në Shkup, Florian Qehaja, me rastin e 13 vjetorit të vendosjes së marrëdhënieve diplomatike ndërmjet dyja vendeve, Osmani tha se Maqedonia e Veriut mund të largohet nga Ballkani i Hapur nëse ndonjë nga shtetet do të dëmtohej nga kjo nismë.

Maqedonia e Veriut ka njohur shtetin e Kosovës më 9 tetor të vitit 2008, ndërsa marrëdhëniet diplomatike mes dy vendeve janë vendosur më 16 tetor të vitit 2009.

“Ballkani i Hapur është një nismë organike, një nismë e vendeve të rajonit, që krijon ndjesinë se ne edhe vet mund të bashkëpunojnë pa na ftuar dikush tjetër në ndonjë nismë tjetër. Por, problem i Ballkanit të Hapur është se aty nuk janë të gjitha gjashtë shtetet”, tha Osmani.

“Vlerësoj se janë legjitime qëndrimet e tri shteteve tjera që kanë vendosur të mos jenë pjesë e nismës. Detyra jonë është që të bëjnë përpjekje që t’i bindim, por ne përmes rezultateve duhet të dëshmojnë se jemi vlerë. Nëse nuk tregojmë rezultate atëherë s’ka se pse dikush të na bashkohet”.

“Ne, si Maqedoni Veriut nuk do të lejojmë që ndonjë shtet tjetër të dëmtohet. Ne konsiderojmë se nëse dikush do të dëmtohet, mendoj këtu edhe për Kosovën për shkak të pikëpamjeve të saj ndaj kësaj nisme, atëherë ne nuk do të marrim pjesë në këtë nismë. Ne do të jemi gardianë të mbrojtjes së cilit do shtet në Ballkanin e Hapur”, ka deklaruar Osmani.

Ai ka thënë se Maqedonia e Veriut i jep mbështetje Kosovës në të gjitha nismat dhe përpjekjet për anëtarësim në institucionet ndërkombëtare si në NATO, Këshillin e Evropës si dhe liberalizimin e vizave

“Maqedonia e Veriut mbështet fuqishëm Republikën e Kosovës në rrugën e njohjeve ndërkombëtare. Ne para disa ditëve i bëmë thirrje Bashkimit Evropian që menjëherë, pa asnjë vonesë të miratoj liberalizimin e vizave për qytetarët e Kosovës. Ne po i japim mbështetje Kosovës edhe në Këshillin e Evropës për pranimin e saj në këtë institucion evropian, por edhe në të gjitha organizatat tjera ndërkombëtare”, ka deklaruar Osmani.

Sipas tij, kjo është rruga e vetme për të stabilizuar rajonin që të vazhdojë procesin e anëtarësimit në NATO dhe BE.

“Si vend anëtare e NATO-s, Maqedonia e Veriut është e përkushtuar për ruajtjen e paqes dhe stabilitetit në rajon dhe në këtë kuadër i japim mbështetje përpjekjeve të Kosovës që të bëjë pjesë e aleancës”, tha ai.

Nisma Ballkani i Hapur është vazhdimësi e Mini-Shengenit ballkanik, e prezantuar në Novi Sad të Serbisë më 10 tetor të vitit 2019, nga liderët e Serbisë, Maqedonisë së Veriut dhe Shqipërisë.

Ballkani i Hapur është thënë se synon të mundësojë lëvizje të lirë të njerëzve, mallrave dhe shërbimeve në rajonin e Ballkanit Perëndimor.

Kosova, Bosnjë e Hercegovina dhe Mali i Zi nuk janë pjesë e saj./REL/

The post Maqedonia e Veriut: Nëse dikush dëmtohet nga Ballkani i Hapur, ne s’do të jemi pjesë e nismës appeared first on Albeu.com.

Këtë e ka konfirmuar vetë italiani, i cila ka analizuar momentin e tij dhe të bardhezinjve në një intervistë për “Il Messaggero”: “24 tituj në karrierën time? E vërteta është se këto llogari nuk kanë rëndësi për mua. Do t’i bëj në fund, kur një ekuilibër të ketë më shumë se kaq. Tani jam i fokusuar në stërvitje, më pëlqen puna e përditshme. Deri para disa vitesh prioritetet e mia ishin taktikat, tani fokusohem të marrëdhëniet njerëzore, njohja me njërëzit dhe brezat e rinj”.

Ndërsa kur është pyetur për tërheqjen tekniku është përgjigjur:

“Kjo fazë në Madrid do të mbyllë karrierën time. Pas bardhezinjve do të tërhiqem. Real Madridi është maja e futbollit. Ka kuotim t’i japim fund fjalës pas kësaj përvoje”. /albeu.com

The post Ancelotti befason me vendimin e fundit: Ja çfarë do të bëj pasi të mbyll aventurën me Real Madridin appeared first on Albeu.com.

Gjatë takimit me Presidentin rus, Vladimir Putin më 26 korrik, Yuri Borisov, të cilin Putini e emëroi në fillim të këtij muaji në krye të agjencisë ruse të hapësirës Roskosmos, tha se Moska do të përmbushë të gjitha detyrimet e saj në ISS përpara se të largohet.

Por, NASA tha se Moska nuk e ka treguar qëllimin e saj për tu tërhequr nga ISS.

Robyn Gatens, drejtor i stacionit hapësinor për NASA-n, tha në një konferencë në Uashington se NASA e kishte parë njoftimin e Borisovit, por “nuk ka marrë asnjë njoftim zyrtar”.

SHBA-ja tha se dalja “e papritur”” e Rusisë nga Stacioni Hapësinor është “fatkeqe”.

“Është një zhvillim fatkeq duke pasur parasysh punën shkencore të kryer në ISS, bashkëpunimin e vlefshëm profesional që agjencitë tona hapësinore kanë pasur gjatë viteve, dhe veçanërisht marrëveshjen tonë të rinovuar për bashkëpunim”, u tha gazetarëve zëdhënësi i Departamentit të Shtetit, Ned Price.

Ky njoftim erdhi një javë pasi Shtetet e Bashkuara bënë të ditur se do të rifillojnë fluturimet drejt Stacionit Ndërkombëtar Hapësinor me Rusinë.

“Për të siguruar funksionimin e vazhdueshëm dhe të sigurt të Stacionit Ndërkombëtar të Hapësirës, për të mbrojtur jetën e astronautëve dhe për të siguruar praninë e vazhdueshme të SHBA-së në hapësirë, NASA do të rifillojë misionet me ekuipazhet e integruara në anijen kozmike të ekuipazhit amerikan dhe “Soyuz-it” rus”, tha NASA në një deklaratë më 15 korrik.

NASA bëri të ditur se astronauti Frank Rubio do të fluturojë me dy kozmonautë rusë në një anije hapësinore “Soyuz”, e programuar për t’u lëshuar nga Kazakistani më 21 shtator.

Ekspertët thanë se do të jetë jashtëzakonisht e vështirë për që ISS-ja të funksionojë pa rusët.

Më herët NASA e ka quajtur vendimtare pjesëmarrjen ruse për funksionimin e stacionit hapësinor, duke shtuar se ISS-ja ishte krijuar për të operuar së bashku me pjesëmarrjen e agjencive hapësinore të Shteteve të Bashkuara, Rusisë, Evropës, Japonisë dhe Kanadasë.

“Stacioni është projektuar për të qenë i ndërvarur dhe mbështetet në kontributet e çdo agjencie hapësinore për të funksionuar. Asnjë agjenci nuk ka aftësinë të funksionojë e pavarur nga të tjerat,” thuhej në deklaratë./REL

The post Rusia do të tërhiqet nga Stacioni Ndërkombëtar Hapësinor pas vitit 2024 appeared first on Albeu.com.

Mercenarët janë nga grupi Wagner i lidhur me shtetin rus.

“Trupat ruse po vazhdojnë të konsolidohen dhe riorganizohen ndërsa rifokusojnë ofensivën e tyre në rajonin e Donbasit në lindje të Ukrainës,” tha Ministria e Mbrojtjes në përditësimin e saj të fundit të inteligjencës.

Latest Defence Intelligence update on the situation in Ukraine – 4 April 2022

Find out more about the UK government’s response: https://t.co/vU5ocGdpuw

?? #StandWithUkraine ?? pic.twitter.com/b6zWoAJQ2e

— Ministry of Defence ?? (@DefenceHQ) April 4, 2022

The post Trupat ruse dhe mercenarët po zhvendosen në Donbas appeared first on Albeu.com.

Në një postim në Facebook, Shtabi i Përgjithshëm tha se njësitë ruse po vazhdojnë të largohen nga Kievi dhe Çernihivi. Më 29 mars, Ministria e Mbrojtjes së Rusisë tha se do të zvogëlojë aktivitetin ushtarak në Kiev dhe Çernihiv dhe paraprakisht është deklaruar se do të fokusojë operacionet e saj në rajonin lindor të Donbasit.
Ushtria ukrainase tha se beson se tërheqjet “me gjasë janë një rotacion i njësive individuale” që synojnë të mashtrojnë udhëheqjen ushtarake të Ukrainës dhe të krijojnë një “ide të gabuar” lidhur me qëllimin e dislokimit të tyre.

Në postimin e Shtabit të Përgjithshëm po ashtu përmendet deklarata e zëdhënësit të Pentagonit, John Kirby, i cili ka thënë se vazhdon të ketë kërcënim për Kievin pavarësisht lëvizjeve të forcave ruse, që po largohen nga qyteti.
Po ashtu, ushtria ukrainase tha se Rusia po vazhdon luftimet në afërsi të Donjeckut, që gjendet në lindje të Ukrainës.

Më poshtë gjeni një përmbledhje të ditës së 34-të të luftës, sipas Radio Evropa e Lirë.

Ukraina dhe Rusia kanë shënuar përparim në bisedimet e para sy më sy, pas më shumë se dy javësh, pasi Moska është zotuar për zvogëlim të operacioneve ushtarake rreth Kievit dhe Çernihivit, dhe Ukraina ka thënë se do të pranojë statusin e shtetit neutral.

Ministri i Jashtëm turk, Mevlut Cavusoglu ka thënë se bisedimet e së martës kanë qenë më të suksesshmet prej kur kanë nisur diskutimet në mes të të dyja palëve.

Presidenti ukrainas, Volodymyr Zelensky, ka thënë se sinjalet nga bisedimet për paqe, mund të konsiderohen pozitive, mirëpo ka shtuar se ato nuk kanë ndalur shpërthimet nga ana e Rusisë.
Shtetet e Bashkuara dhe Mbretëria e Bashkuar kanë thënë se duhet pasur kujdes ndaj pretendimeve të Rusisë për zvogëlim të sulmeve.

Presidenti amerikan, Joe Biden ka thënë se “do të shohim çfarë do të ndodhë” në terren, ndërsa kryeministri britanik, Boris Johnson ka thënë se Rusia do të gjykohet nga veprat dhe jo fjalët
Një negociator rus ka paralajmëruar se zotimi i Rusisë për shtensionim nuk do të thotë “armëpushim”.

Zëdhënësi i Pentagonit, John Kirby, ka thënë se Rusia është duke “ripozicionuar” forcat e saj afër Kievit, mirëpo nuk është duke i tërhequr ato, andaj qyteti është nën rrezik.

Katër shtete evropiane – Holanda, Belgjika, Irlanda dhe Republika Çeke – kanë njoftuar për dëbime masive të diplomatëve rusë, nën dyshimet për spiunim.

Polonia ka miratuar një projektligj që do të ndalonte importin e thëngjillit rus, ka thënë zëdhënësi qeveritar, Piotr Muller. Ky shtet u ka kërkuar partnerëve të Bashkimit Evropian që të vendosin embargo në blerjen e energjisë ruse, mirëpo nuk ka arritur t’i bindë deri më tani

The post Ukraina dyshon se premtimi i Rusisë për t’u tërhequr është mashtrim appeared first on Albeu.com.

Rusia ka hedhur poshtë pretendimet se po shqyrton përdorimin e armëve bërthamore.

Për këtë arsye, zëdhënësi i Kremlinit Dmitry Peskov sqaroi për medien amerikane se “askush” nuk po mendonte për përdorimin e armëve bërthamore.

I pyetur nëse Putin kishte sugjeruar më parë se do të përdorte armë bërthamore nëse një palë e tretë përfshihej në konfliktin në Ukrainë, Peskov tha jo. Zëdhënësi i Kremlinit vazhdoi tha: “Askush nuk po mendon të përdoë armë bërthamore.”

Gjatë intervistës së tij, Peskov i përshkroi gjithashtu komentet e presidentit amerikan Joe Biden për liderin rus këtë fundjavë si “mjaft shqetësuese”.

The post Kremlini sqaron: Askush nuk po mendon të përdorë armë bërthamore, as Putin appeared first on Albeu.com.

Kur bëhet fjalë për të rënë në dashuri, disa shenja të zodiakut tërhiqen natyrshëm nga njëra-tjetra, pa e ditur fare pse.

Për shembull, shenjat e zodiakut të Bricjapit dhe Gaforres kanë më shumë gjasa të tërhiqen nga njëra-tjetra edhe pse janë të kundërta polare. Ju nuk mund të ndihmoni gjithmonë atë që ju tërheq, as nuk mund të ndihmoni ata që të tërheqin. Kur bëhet fjalë për astrologjinë, janë tri shenja të zodiakut që tërhiqen më shumë nga shenja juaj.

Ato tri shenja mund t’i lexoni më poshtë:

Dashi
Gaforrja
Peshorja
Shigjetari

Demi
Luani,
Peshorja,
Bricjapi

Binjakët
Luani,
Virgjëresha,
Shigjetari

Gaforrja
Akrepi,
Bricjapi,
Peshqit

Luani
Peshorja,
Akrepi,
Peshqit

Virgjëresha
Demi,
Bricjapi,
Peshqit

Peshorja
Demi,
Gaforrja,
Ujori

Akrepi
Demi,
Gaforrja,
Peshqit

Shigjetari
Binjakët,
Ujori,
Peshqit

Bricjapi
Demi,
Gaforrja,
Virgjëresha

Ujori
Binjakët,
Luani,
Akrepi

Peshqit
Luani,
Virgjëresha,
Peshqit

The post Tri shenjat e horoskopit që tërhiqen më shumë nga ju appeared first on Albeu.com.

Zëvendës shefi i Zyrës së Presidentit, Andriy Sibiga ka publikuar dekretin e nënshkruar nga Zelensky.

“Presidenti i Ukrainës, Zelensky, ka vendosur të thërrasë paqeruajtësit Ukrainës me përvojë të lartë ushtarake nga të gjitha misionet në botë së bashku me pajisjet e tyre për të forcuar ushtrinë ukrainase tani kundër agresionit rus”, ka shkruar ai. /Express

The post Zelensky nënshkruan dekretin: Tërheq ushtarët ukrainas nga Kosova për të luftuar kundër Rusisë appeared first on Albeu.com.

Pak muaj më parë qeveria shqiptare riktheu për diskutim projektligjet për ndryshimin e kodit të familjes, kodit penal dhe ligjit të birësimit, kërkesë e cila vinte nga ana e përfaqësuesve të komunitetit LGBTI+, të cilët kërkonin që të përfitonin ligjërisht të drejtën e birësimit apo të regjistrimit të një fëmije.

Burime për Abcnews.al bëjnë me dije se qeveria shqiptare është tërhequr nga të dyja projektligjit, çka do të sillte dhe ndryshimin e kodit penal por dhe të ligjit për birësimin e apo regjistrimin e fëmijëve nga ana e prindërve jo natyralë.

Projektligjet që ishin rikthyer për diskutim nga ana e qeverisë shqiptare pas një sërë kërkesash nga ana e komunitetit LGBTI+ priteshin të hynin në fuqi pas ndryshmeve që do të pësonin, në gjashtëmujorin e dytë të vitit 2024.

Por pas presionit të vazhdueshëm të shoqërisë civile, komuniteteve fetare, qeveria shqiptare ka vendosur që të tërhiqet nga këto ndryshime si dhe nga dy projektligjet që do të sillnin ndryshime të mëdha në kodin e familjes por dhe në atë penal.

Çfarë ishin këto projektligje?

Komuniteti LGBTI+ duke ju referuar ligjeve të birësimit në disa vende anëtare të BE, kërkoi që edhe në Shqipëri të njihej e drejta që çiftet gay apo me preferenca të tjera seksuale të kishin të drejtën e birësimit dhe më pas të regjistrimit të një apo9 më shumë fëmijëve.

Gjithashtu në projektligj synohej që e drejta e birësimit tu jepej edhe personave që nuk ishin të martuar.

Në propozimet e bëra nga komuniteti LGBTI + për këtë pikë kërkohej që neni 163 që saktëson termin “mes burrit dhe gruas që jetojnë në çift, e karakterizuar nga një jetë e përbashkët, që paraqet një karakter stabiliteti dhe vazhdueshmërie” të zëvendësohet “mes 2 personave që jetojnë në çift, e karakterizuar nga një jetë e përbashkët, që paraqet një karakter stabiliteti dhe vazhdueshmërie”. Projektligji parashikon ndërhyrje në kodin e familjes për lejimin e bashkëjetesës për personat nga e njëjta gjini.

Ndërkohë që projektligji i dytë lidhej me njohjen e identitetit gjinor, ku në 3 mujorin e parë të këtij viti që përkon edhe me muajin në të cilin jemi, qeveria shqiptare do të bënte propozimin dhe miratimin e këtij ligji./abcnews.al

The post Qeveria tërhiqet nga projektligjet që lejonin LGBTI+ të birësonin fëmijë appeared first on Albeu.com.

Gjatë ditëve të fundit, Rusia ka pretenduar se ka tërhequr trupat nga kufijtë e Ukrainës, madje duke transmetuar video të këmbësorisë që largohen. Megjithatë, liderët perëndimorë janë skeptikë në lidhje me tërheqjen e trupave rusë.

Sekretari amerikan i Shtetit, Antony Blinken, theksoi se nuk kishte prova se Rusia kishte tërhequr forcat ushtarakë, duke thënë në një takim të fundit të Këshillit të Sigurimit të OKB-së se Rusia po përgatit një pushtim gjatë ditëve të ardhshme.

The post Pas përfundimit të stërvitjeve, Rusia tërheq një pjesë tjetër të trupave nga Krimea appeared first on Albeu.com.