Ndaj saj janë ngritur akuza për “vrasje të dyfishtë”, “fshehje dhe përçmim të kufomave”.

Kujtojmë se çifti i bashkëshortëve Shpëtim dhe Teuta Pasho u zhdukën në tetor 2015 dhe trupat e tyre, të copëtuar, u gjetën në dhjetor 2020 në valixhe të braktisura.

Mediat italiane bëjnë me dije se zhdukja e bashkëshortëve Pasho, të cilët mbërritën në Itali për të takuar djalin e tyre Taulantin , i cili do të dilte nga burgu i Firences mëngjesin e 2 nëntorit 2015, u denoncua nga vajza e çiftit, Vitore, tek karabinierët e Castelfiorentino, Firence.

Sipas hetuesve, vrasja e dyfishtë ka ndodhur ndoshta mbrëmjen para daljes së Taulantit nga burgu, në banesën në Firence, në via Fontana, të cilën Elona e kishte marrë me qira për prindërit e të dashurit të saj.

Dyshohet se 37-vjeçarja ta ketë ndërmarrë aktin e rëndë, pasi nuk donte që të kishte rrjedhje informacioni nga prindërit e djalit, për një abortim nga ana e saj të një fëmije që e kishte me dikë tjetër gjatë kohës që Taulanti ishte në burg./albeu.com/

The post Vrau prindërit e ish-dashurit dhe copëtoi trupat e tyre, kur do të mbahet gjyqi për Elona Kaleshin appeared first on Albeu.com.

Taulant Pasho ka deklaruar se prindërit e tij mbanin me vete një shumë parash, që arrinte në disa dhjetëra, mijëra euro. Me zhdukjen e çiftit janë edhe paratë ishin zhdukur në mënyrë misterioze.

Pasho ka thënë se disa ditë pas zhdukjes së prindërve të tij, ka marrë nga Elona Kalesha një shumë që ai i kishte dhënë asaj hua, që arrinte në disa mijëra euro.

Taulant Pasho, 33 vjeç, i dëgjuar në burgun Como ku ai po mbahet për një tjetër akuzë, gjithashtu i ka dhënë përgjigje një sërë pyetjeve që i janë bërë në lidhje me ish-të dashurën e tij Elona Kalesha, e cila u hetua me të për vdekjen e çiftit së bashku me vëllain e saj Denis Kalesha.

Ai ka thënë se ka marrë përsëri nga Elona Kalesha, disa ditë pas zhdukjes së prindërve të tij, një shumë që ai i kishte dhënë asaj hua, që arrinte në disa mijëra euro.

Kujtojmë se eshtrat e çiftit shqiptar u gjetën dhjetorin e kaluar në disa valixhe të braktisura në buzë të një toke ngjitur me burgun Sollicciano, por ende nuk ka një autor të arrestuar. /albeu.com/

The post Vrasja e çiftit Pasho, flet për herë të parë djali dhe zbulon lidhjen e ish-të dashurës: Kishin mijëra euro me vete! appeared first on Albeu.com.

Masa me burg për 36-vjeçaren u vendos nga gjyqtari Angelo Pezzuti, i cili hodhi poshtë kërkesën për ndryshim të masës paraprake e paraqitur nga dy avokatët Federico Febbo dhe Antonio D’Orzi.

Avokatët e Kaleshës kërkuan ndryshim të masës së arrestit, ose aplikimin e arrestit shtëpiak. Në kërkesën e paraqitur, ata theksuan se ADN-ja e 36-vjeçares nuk ishte gjetur në dorezat e valixheve ku ishin fshehur kufomat e çiftit Pasho.

The post Dyshohet se vrau vjehrrit e i ndau në katër valixhe, merret vendimi për Elona Kaleshën appeared first on Albeu.com.

ADN-ja jo e plotë që i përkiste një personi të panjohur, një burri, u gjet në dorezën e njërës prej çantave.

Ky është rezultati i analizave të kryera nga Karabinierët e  Romës në emër të Prokurorit Publik të Firences. Për më tepër, nga 14 repertorë të gjetur në apartamentin ku ndodhi krimi, janë gjetur edhe gjurmë të tjera të ADN-së së përzier, me një përbërës kryesisht femër.

Krimi

Gjithçka filloi në vitin 2015 kur Shpëtim dhe Tauta Pasho u zhdukën në mënyrë misterioze në Firence. Vetëm në dhjetor 2020, në një tokë jashtë burgut Sollicciano, pranë autostradës Firenza, Pisa, Livorno, në kryeqytetin toskan, dolën valixhet që përmbajnë mbetjet njerëzore të bashkëshortëve.

Pas disa ditësh u vërtetua se eshtrat ishin të çiftit shqiptar që u zhdukën pasi shkuan për të vizituar fëmijët e tyre në Castelfiorentino.

Ata kishin marrë me qira një apartament në Scandicci për të qenë afër njërit prej fëmijëve të tyre, i cili ishte në burgun Sollicciano. Pas zbulimit të dy valixheve të para, pasuan zbulime të tjera makabre.

Në një çantë të tretë, u gjetën eshtrat e një gruaje, e identifikuar më vonë se i përkisnin Tauta Pashos. Kësaj të fundit iu shtua edhe një valixhe e katërt me mbetje të tjera njerëzore që i përkisnin gjithnjë çiftit.

Të dyshuarit dhe zbulimet e fundit

Një nga fëmijët e çiftit, Taulant Pasho po hetohet në lidhje me krimin së bashku me ish-të dashurën e tij Elona Kalesha (e arrestuar) dhe vëllain e saj më të vogël, Denis Kalesha. Pas një periudhe kërkimesh, Taulant Pasho u gjet në Zvicër sërish në burg. Krimi dyshohet të ketë ndodhur për një shumë prej 50 mijë eurosh të marra nga çifti si kompensim për një aksident.

Lidhur me zbulimet e fundit, avokati i Elona Kalesha, Fabio Febbo, shpjegoi se mungesa e ADN-së së një femre në dorezat e valixheve do të ishte prova se bagazhet me të cilat gruaja u pa të dilte nga shtëpia në Felice Fontana ku besohet se ndodhi krimi, nuk ishin ato me kufomat e Shpëtimit dhe Tauta Pashos, shkruan panorama.

Për më tepër, gjurmët e ADN-së në apartament mund t’u përkasin njerëzve krejtësisht të palidhur me hetimet, pasi që apartamenti ishte dhënë me qira deri në vitin 2020. Tani pritet krahasimi me ADN-në e tre personave të hetuar.

The post Nusja nuk veproi e vetme? Hetimet për vrasjen e çiftit Pasho merr një tjetër kthesë appeared first on Albeu.com.