sulemt ruse Archives - Albeu.com

BE: Sulmet e reja ruse tregojnë se Putini nuk është serioz për përfundimin e luftës

E B — Tue, 30 May 2023 16:49:11 +0000

Komisioni i BE-së thotë se një valë e re e sulmeve ruse ndaj Kievit dhe objektivave të tjera në Ukrainë tregojnë se Vladimir Putin nuk është “serioz” për përfundimin e luftës.

Duke folur në një konferencë shtypi në Bruksel, zëdhënësi i Komisionit për Çështjet e Jashtme dhe Politikën e Sigurisë, Peter Stano, tha se kryeqyteti ukrainas po “sulmohet masivisht” nga Rusia.

Ai tha se sulmet ruse gjatë ditëve të fundit, të cilat kanë goditur një spital dhe ndërtesa banimi, duke vrarë dhe plagosur disa civilë ukrainas, tregojnë se Rusia “vazhdon të terrorizojë pa dallim” Ukrainën “në një mënyrë të neveritshme dhe barbare”.

“Këto sulme tregojnë se Putini nuk është serioz për të ndaluar luftën e tij dhe se ai dëshiron të vazhdojë përshkallëzimin e tij kundër popullit ukrainas”, tha Stano.

“In the last 24 hours, Kyiv endured three waves of Russian missile and drone attacks.

These attacks shows that Putin is not serious about stopping his war and he wants to continue his escalation against the Ukrainian people.”

— Spokesperson Peter Stano @ExtSpoxEU… pic.twitter.com/5PMbqiNQZv

— European Commission (@EU_Commission) May 30, 2023

The post BE: Sulmet e reja ruse tregojnë se Putini nuk është serioz për përfundimin e luftës appeared first on Albeu.com.

Bombardimet ruse, vriten 5 civilë në Ukrainën lindore

E B — Thu, 05 May 2022 05:20:43 +0000

Guvernatori i rajonit Luhansk të Ukrainës tha se, në 24 orët e fundit, pesë civilë janë vrarë nga bombardimet ruse. Serhiy Gaidai tha se sulmet u fokusuan në Sievierodonetsk dhe Popasna, Hirske dhe Lysychansk. Rusia ka ripërqendruar sulmet e saj në lindje dhe jug në javët e fundit, pasi kishte tentuar më parë të rrethonte [...]

Italia i jep goditjen “fatale” Putinit

admin — Thu, 10 Mar 2022 12:45:22 +0000

Italia ka ndërprerë furnizimin me naftë ruse.

Lajmin e ka bërë të ditur Agjensia Kombëtare Italiane për furnizimin me hidro karbure, ENI, me një notë zyrtare ka informuar ndërprerjen e furnizimit me naftën ruse e derivatet e saj.

Sipas burimeve janë pezulluar të gjitha kontratat që janë në fuqi me Rusinë, për furnizimin me naftën bruto dhe nënproduktet e saj. Agjecia thotë se po ndjek me vëmendje edhe procesin e furnizimit me gazin rus.

Kryeministri italian Mario Draghi ka informuar në Parlamentin italian mbi masat konkrete që qeveria po ndërmerr për të përballuar krizën energjitike që ka përfshirë vendin.

Qeveria italiane ndërkohë ka marrë masat e domozdoshme që vendi të mos ketë mungesa të naftës dhe gazit natyror dhe qytetarët të mos paguajnë shuma të larta për këto nënprodukte./albeu.com/

The post Italia i jep goditjen “fatale” Putinit appeared first on Albeu.com.