stan Archives - Albeu.com

U rrëzua nga lartësia duke shkuar për në stan, ndërron jetë 69-vjeçari në Himarë

K Agaj — Fri, 05 May 2023 17:26:28 +0000

Në 69-vjeçar ka ndërruar jetë në fshatin Bolenë, pasi dyshohet se është rrëzuar aksidentaisht në një zonë malore.

Ngjarja ka ndodhur teksa P.G. ishte duke shkuar për në stanin e tij.

Himarë/Informacion paraprak

Sot, në fshatin Bolenë, në një zonë malore, dyshohet se është rrëzuar aksidentalisht, duke shkuar për në stanin e tij, shtetasi P. G., 69 vjeç, i cili si pasojë e dëmtimeve të marra ka ndërruar jetë.

Në vendngjarje ndodhet grupi hetimor dhe po punon për zbardhjen e plotë të ngjarjes.

The post U rrëzua nga lartësia duke shkuar për në stan, ndërron jetë 69-vjeçari në Himarë appeared first on Albeu.com.

Zëdhënësi i BE: Liderët e Kosovës dhe Serbisë miratuan propozimin evropian

K Agaj — Tue, 28 Feb 2023 13:37:57 +0000

Zëdhënësi i Bashkimit Evropian, Peter Stano, ka konfirmuar se liderët e Kosovës dhe Serbisë e kanë miratuar të hënën propozimin e BE-së për normalizim të marrëdhënieve.

“Ajo që u ra dakord në takim është se nuk ka nevojë për diskutime të mëtejshme për përmbajtjen, për tekstin e propozimit dhe se do të punojmë me palët për zbatimin. Natyrisht, ne si BE do t’i ndihmojmë ata. Ne do të vazhdojmë përpjekjet tona lehtësuese. Ata e miratuan propozimin. Ata ranë dakord që nuk nevojiten diskutime të mëtejshme rreth dokumentit dhe se mund të kalojmë në fazën tjetër”, ka thënë Stano në një konferencë të rregullt për media.

Të hënën, më 27 shkurt, kryeministri i Kosovës, Albin Kurti dhe presidenti serb, Aleksandar Vuçiq, janë takuar në Bruksel për të diskutuar propozimin e BE-së.

Në fund të takimit, pro-planit është shprehur vetëm kryeministri i Kosovës, Albin Kurti, ndërsa Vuçiq – duke iu shmangur deklaratave për planin – ka thënë se është e mundur të arrihen disa kompromise dhe janë duke punuar për zbatimin e marrëveshjeve ekzistuese.

Nikoqiri i takimit të liderëve, kryediplomati evropian, Josep Borell, kanë thënë në fund të ditës se të dyja palët kanë shprehur gatishmëri për të vazhduar në zbatimin e marrëveshjes.

Zëdhënësi i Brukselit, Peter Stano, ka përsëritur se diskutimet e mëtejshme për dokumentin evropian nuk janë më të nevojshme, dhe se tani po punohet për modalitetet e zbatimit të marrëveshjes.

Propozimi evropian u është dorëzuar palëve fillimisht në vjeshtën e vitit 2022.

Ky propozim parashihet t’i drejtojë palët drejt një marrëveshjeje gjithëpërfshirëse.

Propozim-marrëveshja që është bërë publike pas takimit, përfshin zotimin e palëve për t’i respektuar të gjitha marrëveshjet e arritura deri më tani në dialogun për normalizimin e marrëdhënieve, si dhe përkushtimin e tyre për të mos e penguar njëra-tjetrën në proceset integruese.

Marrëveshjet e deritashme përfshijnë edhe atë për themelimin e Asociacionit të komunave me shumicë serbe në Kosovë, e cila është arritur në vitin 2013, por nuk është zbatuar kurrë.

Kurti thotë se në Kosovë nuk mund të ketë asociacion njëetnik me kompetenca ekzekutive, ndërsa Vuçiq insiston në themelimin e tij. /REL

The post Zëdhënësi i BE: Liderët e Kosovës dhe Serbisë miratuan propozimin evropian appeared first on Albeu.com.

Gjendet një i vdekur në Malësinë e Madhe, dyshimet e para

E S — Tue, 24 May 2022 09:57:47 +0000

Një 44-vjeçar është gjetur i vdekur në Malësinë e Madhe, teksa dyshohet se është vetëvarur.

Shtetasi G.N, banues në fshatin Kastrat, është gjetut në një stan.

Njoftimi i policisë:

Malësi e Madhe

Në fshatin Kastrat, Malësi e Madhe, në një stan, është gjetur i pajetë, dyshohet i vetëvarur, shtetasi G. N., 44 vjeç, banues në fshatin Kastrat, Malësi e Madhe.

Grupi hetimor po kryen veprimet për sqarimin e rrethanave të kësaj ngjarjeje./albeu.com

The post Gjendet një i vdekur në Malësinë e Madhe, dyshimet e para appeared first on Albeu.com.

“Shkrumbohet” stani në Maliq, ngordhin më shumë se 40 bagëti

E S — Sun, 27 Mar 2022 17:02:28 +0000

Një stan është përfshirë nga flakët në fshatin Kaçak të Maliqit. Stani ishte në pronësi të shtetasit Petrit Fasho.

Mësohet se ambienti është shkrumbuar totalisht ndërkohë që gjithë bagëtitë e fermerit kanë ngordhur, një viç e më tepër se 40 keca.

Sipas përllogaritjeve dëmi është i konsiderueshëm dhe shkon mbi 4 milion lekë.

Ndërkohë zjarrfiksja ka bërë të mundur shuarjen e flakëve sapo ka arritur.

Njoftimi:

Maliq/Informacion paraprak

Pasditen e sotme, jemi njoftuar se në fshatin Kakaç, Maliq, ka rënë zjarr në stallën e bagëtive në pronësi të shtetasit P. F., ku për pasojë janë djegur disa krerë bagëti të imëta. Dëme në njerëz, nuk ka. Nga të dhënat e para, dyshohet se zjarri mund të ketë rënë për shkaqe aksidentale.

Grupi hetimor po punon për sqarimin e rrethanave të ngjarjes.

The post “Shkrumbohet” stani në Maliq, ngordhin më shumë se 40 bagëti appeared first on Albeu.com.

Kishte mbjellë kanabis në afërsi të stanit në Borsh, arrestohet poseduesi

E B — Fri, 17 Sep 2021 06:36:12 +0000

Policia ka arrestuar një shtetas në Borsh, pasi në afërsi të stanit të tij, në vendin e quajtur Mastrogunë, Borsh, u gjetën të kultivuara fidan të dyshuar cannabis sativa.

“Specialistët për Hetimin e Krimeve në Stacionin e Policisë Himarë, arrestuan në flagrancë shtetasin M. M., banues në Borsh, Himarë, pasi gjatë kontrollit të ushtruar në afërsi të stanit të tij, në vendin e quajtur Mastrogunë, Borsh, u gjetën të kultivuara fidan të dyshuar cannabis sativa.

Materialet procedurale i kaluan Prokurorisë, për veprime të mëtejshme”, thuhet në njoftimin e policisë./albeu.com

The post Kishte mbjellë kanabis në afërsi të stanit në Borsh, arrestohet poseduesi appeared first on Albeu.com.

Iu gjetën bimë kanabisi në stan, arrestohet 39-vjeçari në Përmet

E B — Sat, 31 Jul 2021 07:48:30 +0000

Policia në Përmet ka arrestuar një 38-vjeçar nga fshati Strëmbec, pasi ka tentuar të kultivojë bimë narkotike në afërsi të stanit të tij.

Materialet i kaluan Prokurorisë Pranë Gjykatës së Rrethit Gjyqësor Përmet për veprime të mëtejshme

Njoftimi i Policisë:

Vijojnë kontrollet për parandalimin, evidentimin dhe goditjen e tentativës për kultivim të bimëve narkotike.

Goditet një tjetër rast i tentativës për kultivim të bimëve narkotike, vihet në pranga 39-vjeçari.

Shërbimet e Komisariatit të Policisë Përmet, në bazë të informacioneve të siguruara, në vijim të kontrollit të territorit, me qëllim parandalimin, evidentimin dhe goditjen e rasteve të tentativës për kultivimin e bimëve narkotike, kanë evidentuar dhe goditur një rast të kësaj veprimtarie kriminale.

Në përfundim të veprimeve të para hetimore, specialistët për Hetimin e Krimeve në Komisariatin e Policisë Përmet arrestuan në flagrancë shtetasin B. B., 39 vjeç, banues në fshatin Strëmbec, pasi ka tentuar të kultivojë bimë narkotike në afërsi të stanit të tij.

Materialet i kaluan Prokurorisë Pranë Gjykatës së Rrethit Gjyqësor Përmet për veprime të mëtejshme./albeu.com

The post Iu gjetën bimë kanabisi në stan, arrestohet 39-vjeçari në Përmet appeared first on Albeu.com.