Sinovac planifikon të paraqesë materiale shtese aplikimi klinik për vaksinën e tij veçanërisht për te luftuar variantin Delta deri ne fund të këtij viti. Menaxheri i përgjithshëm i Sinovac me bazë në Pekin ka deklaruar se Sinovac ka përfunduar kërkimin para klinik mbi variantin Delta si dhe variantin Gama dhe do të paraqesë materiale aplikimi për kërkime klinike në të ardhmen e afërt.

Mbrojtja kundër variantit Delta nga ana vaksines Sinovac pritet të jetë jo më pak rezultative se vaksinat ekzistuese dhe do të përfshijë tre doza për të rritur imunitetin.

Gao tha se kompania ka përfunduar studimin mbi vaksinën përforcuese të vaksinës Covid-19, e njohur si CoronaVac. Niveli neutralizues i antitrupave i prodhuar nga kjo vaksinë është i krahasueshëm me atë të vaksinave të tjera të proteinave dhe vaksinave mRNA të përdorura në të gjithë botën, duke përmbushur standardet e përparuara ndërkombëtare.

Ndërkaq Turqia po lehtëson udhëtimet e shtetasve të saj jashtë vendit duke ofruar të vaksina Pfizer për të vaksinuarit me Sinovac

Covid-19 për ata që duan të udhëtojnë në vendet që nuk kanë miratuar vaksinën e koronavirusit Sinovac të Kinës.

Turqia ka administruar 83 milionë vaksina kundër Covid-19, kryesisht Coronavac dhe vaksina Pfizer-BioNTech./VOA

The post Sinovac përforcohet ndaj variantit Delta, vaksina kineze gati ta luftojë më mirë virusin appeared first on Albeu.com.

TIA njoftoi qytetarët se duke filluar prej të hënës, autoritetet franceze do të lejojnë hyrjen pa pengesa të qytetarëve që janë plotësisht të vaksinuar me një nga vaksinat Pfizer, Moderna, AstraZeneca dhe Johnson&Johnson.

Dy vaksinat e tjera me të cilat janë vaksinuar shqiptarët, si Sinovac, apo Sputnik, pavarësisht nëse janë marrë të dyja dozat apo jo nuk njihen. Për këtë arsye, u kërkohet qytetarëve shqiptarë që nëse udhëtojnë në këto dy vende të sigurohen që më parë të kenë një test PCR të 72 orëve të fundit.

The post Franca dhe Zvicra nuk e njohin vaksinën kineze, si do të veprohet me udhëtarët? appeared first on Albeu.com.

Nëse plani do të vihet në zbatim, ky do të jetë kombinimi i parë i një vaksine kineze dhe një vaksine të zhvilluar nga perëndimi. Sipas të dhënave, Tajlanda ka raportuar raste të shumta të të infektuarve midis punonjësve shëndetësore pas vaksinimit me Sinovac.

Njoftimi erdhi një ditë pasi ministria e shëndetësisë e Tailandës tha se 618 punonjës shëndetësorë nga 677,348 që morën dy doza të Sinovac u infektuan me Covid nga muaji prill deri në korrik.

Një infermiere ka humbur jetën dhe një tjetër ndodhet në gjendje kritike.

The post Tajlanda kombinon Sinovac dhe AstraZeneca për të rritur mbrojtjen ndaj Covid appeared first on Albeu.com.

“Vaksinimi me “Sinovac” zhvillohet në tërë shtetin, përveç se në Shkup dhe Manastir, ku imunizimi do të fillojë nesër”, thanë nga Ministria e Shëndetësisë, transmeton TV21.

Sa i takon asaj, se cila grupmooshë do të vaksinohet me “Sinovac”, nga MSh-ja thonë se në Kinë nuk ka ndonjë kufizim dhe se aplikohet te fëmijët mbi moshën 3-vjeçare.

“Kjo vaksinë te ne do të shfrytëzohet mbi 18-vjeçar dhe pa kufizim të moshës te personat e moshuar. Vaksina “Sinovak” rekomandohet edhe për gjidhënëset dhe shtatzënat”, thanë më tej nga MSH-ja.

The post Filloi vaksinimi me Sinovac, do t’u jepet të gjithëve mbi 18 vjeç appeared first on Albeu.com.

Për këtë lajm ka reaguar edhe Ministrja e Shëndetësisë, Ogerta Manastirliu e cila shkruan se ky është një lajm i mirë.

Postimi i Plotë

LAJM I MIRË

OBSH miraton përdorimin emergjent të vaksinës së kompanisë Sinovac, CoronaVac Covid-19, duke garantuar që plotëson standardet ndërkombëtare të sigurisë, efikasitetit dhe prodhimit.

The post Miratimi i Sinovac, reagon Manastirliu: Lajm i mirë! appeared first on Albeu.com.

OBSH me njoftimin e saj ka siguruar që vaksina në fjalë “plotëson standardet ndërkombëtare të sigurisë, efikasitetit dhe prodhimit”.

Më parë, i njëjti vendim kishte ardhur edhe për vaksinën kineze të prodhuar nga kompania tjetër kineze, Sinopharm. Vendimi shihet si paradhoma e njohjes së Agjencisë Europiane të Barnave dhe institucioneve europiane.

The post OBSH miraton përdorimin emergjent të Sinovac appeared first on Albeu.com.

EMA thotë paraprakisht se vaksina kineze prodhon imunitet, por duhen studiuar në tërësi efektet për të dhënë dakordësinë që kjo vaksinë të bëhet nga shtete anëtare të BE-së.

“Këto studime tregojnë se vaksina nxit prodhimin e antitrupave që luftojnë Sars-Cov-2, virusin që shkakton COVID-19 dhe mund të ndihmojë në mbrojtjen ndaj sëmundjes”, raporton EMA.

Agjencia Europiane e Barnave do të vlerësojë të dhënat, pasi ato të jenë të disponueshme, për të vendosur nëse benefitet i tejkalojnë rreziqet. Shqyrtimi lidhur me përshtatjen me standardet e Bashkimit Europian për efektshmërinë, sigurinë dhe cilësinë pritet të mos zgjasë shumë, ndërsa një vendim do të vijë menjëherë pas grumbullimit të provave të mjaftueshme.

“EMA nuk mund të parashikojë kohëzgjatjen e përgjithshme, por vlerësimi i aplikimit aktual duhet të marrë më pak kohë se normalisht, për shkak të punës së bërë gjatë shqyrtimit në përdorim”.

Coronavac, një vaksinë që përdoret gjerësisht edhe në Shqipëri, ka në përbërje virusin që shkakton Covid-19, por në gjendje inaktive, pra të vdekur. Është vërtetuar që nxit mbrojtje ndaj koronavirusit dhe shmang shtrimet në spitale dhe simptomat e rënda.

The post EMA nis vlerësimin për vaksinën kineze, paraprakisht prodhon imunitet appeared first on Albeu.com.

Duke qenë se ende nuk është njohur për përdorim nga disa nga shtetet kryesore të globit, kjo vaksinë ka hasur në disa konktestime në vendin tonë për ekfektshmërinë dhe rrezikun hipotetik të saj. Gjithsesi me lajmin e fundit, një pjesë e mirë e kritikëve do binden për sigurinë e Sinovac.

Nga Argjentina vijnë lajmet se Lionel Messi dhe yjet e tjerë të kombëtares së Argjentinës do të vaksinohen pikërisht me Sinovac. Në verë organizohet Copa America dhe kushti i CONMEBOL (Konferderata e Amerikës së Jugut) është që të gjithë stafet dhe lojtarët e kombëtareve pjesëmarrëse të marrin dozat e nevojshme të Sinovac.

Presidenti i CONMEBOL, Alejandro Dominguez ka folur për Marca dhe është shprehur: “Kjo u jep lojtarëve tanë dhe të gjithë mjedisit një mjet mbrojtës më shumë, sepse të gjithë e dimë që një ekip nuk përbëhet vetëm nga lojtarë, i gjithë stafi teknik dhe organizativ do të ketë shansin të vaksinohet”.

Ky është kusht i prerë nga organizatorët dhe pritet që të vaksinohen të gjithë yjet latinë, përfshirë edhe kombëtaren e Brazilit apo Uruguait. CONMEBOL është përgatitur për dhe ka blerë 50 mijë doza të vaksinës më të përdorur në vendin tonë. Mbetet të shihen zhvillimet e fundit sepse vaksina Sinovac nuk është autorizuar për përdorim në Argjentinë, por kjo konsiderohet si pengesë e vogël.

Vaksinimi do duhet të nisë sa më shpejt në mënyrë që lojtarët dhe stafet të kenë marrë të dyja dozat e vaksinës para nisjes së turneut. Ky vendim ka marrë edhe kritika, duke qenë se lojtarët e kalojnë lehtë virusin dhe pretendohet se nuk kanë nevojë të vaksinohen sepse nuk u rrezikohet jeta.

The post Më e përdorura në Shqipëri, çfarë vaksine do të marrë Leo Messi dhe yjet e tjerë appeared first on Albeu.com.

Konfederata e Amerikës së Jugut, Conmebol bëri të ditur se ka marrë në dorëzim 50 mijë doza të vaksinës kineze Sinovac, e njëjta me të cilën po imunizohen edhe shqiptarët teksa dozat mbërritën në Montevideo.

Sipas presidentit të Conmebol, Alajandro Dominguez, këto vaksina do të garantojnë sigurinë e pjesëmarrësve të Kupës së Amerikës, që është edhe eventi më i rëndësishëm i futbollit për Amerikën Latine dhe që do të organizohet këtë vit nga Kolumbia dhe Argjentina.

The post Copa America/ 50 mijë doza Sinovac për vaksinimin e lojtarëve appeared first on Albeu.com.

Gjithashtu ai tha në deklaratën e dy ditëve më parë se Kina është duke konsideruar përzierjen e vaksinave si një mënyrë për të rritur efikasitetin.

Kina ka zhvilluar katër vaksina të ndryshme të aprovuara për përdorim publik, megjithëse disa prova jashtë vendit kishin sugjeruar efikasitet deri në 50%.

Ndërkohë më vonë, zyrtari i lartë ndryshon komplet deklaratën e tij duke thënë se publiku ishte keqkuptuar.

Më shumë se 100 milion njerëz në Kinë kanë marrë të paktën një dozë të vaksinës.

Pekini ka insistuar që dozat janë efektive dhe tha në mars se marrja e vizave do të ishte më e lehtë për të huajt që kanë marrë një vaksinë kineze.

Komentet origjinale dhe të mëvonshme të Z. Gao janë raportuar kryesisht nga media kineze.

Deklaratat e tij origjinale, u zhdukën nga të gjitha rrjetet sociale kineze, ndërsa qytetarët sugjeronin që ai të ‘pushonte së foluri’.

Ndërkohë siç dihet deri më tani në Shqipëri një pjesë e mirë e popullatës e ka marrë vaksinën kineze megjithëse për të dihet shumë pak. Vaksinimi masiv në vendin tonë ka nisur prej rreth dy javësh, ndërsa Shqipëria është në diskutim për të marrë një sasi të konsiderueshme vaksinash kineze për të vaksinuar popullsinë.

The post Çfarë ndodhi? Zyrtari i lartë Kinez që deklaroi efikasitetin e ulët të vaksinës ndryshon qëndrim: Me keni keqkuptuar appeared first on Albeu.com.