Heroi i ndeshjes kur Liverpuli fitoi Championsin ndaj Milanit, deklaroi se kombëtarja polake duhet të dominojë kundërshtarin e saj.

“Nuk mendoj se ndeshja kundër Shqipërisë mund të shkojë në një mënyrë ku ne mbështetemi te forma e portierit. E kuptoj që ai do të priste një ose dy gjuajtje në momente vendimtare. Megjithatë, ne duhet ta kemi topin dhe ta diktojmë lojën. Nëse portieri është heroi i ndeshjes, kjo do të na reflektojë keq. Me gjithë respektin për Shqipërinë “, tha ai.

Kjo deklaratë vjen për shkak gardiani Lukasz Skorupski, është i dëmtuar dhe se zëvendësuesi i tij pritet të jetë Kamil Grabara.

The post Ish-portieri i Polonisë flet para ndeshjes kundër Shqipërisë: Do na reflektojë keq nëse… appeared first on Albeu.com.

Trajneri Jan Urban, dëshiron të ruajë hierarkinë dhe rendin në fushë teksa si portier ka zgjedhur Kamil Grabara, për të zëvendësuar Lukasz Skorupski i cili është i dëmtuar.

Jakub Moder, një njeri për të cilin Urban ka një dobësi, është rikthyer në skuadër pas shumë muajsh rikuperimi nga një dëmtim. Ai më parë i ka lavdëruar aftësitë e lojtarit në shumë raste.

E panjohura, megjithatë, ka të bëjë me Piotr Zielinskin, i cili u stërvit individualisht gjatë kampit stërvitor të ekipit kombëtar, por është e vështirë të supozohet se Urban do të kursente një lojtar kyç të ekipit kombëtar.

Formacioni i mundshëm

Polonia: Grabara, Visnievski, Bednarek, Jakub Kivior, Kash, Zielinski, Slisz, Skoras, Kaminski, Szymanski, Levandovski.

The post Zielinski në dyshim dhe Levandovski udhëheq sulmin kundër Shqipërisë, si pritet të rreshtohet Polonia appeared first on Albeu.com.

Për herë të parë, Shqipëria ka arritur në një tur të tillë të Botërorit dhe për të shkruar histori, 11 lojtarët që do të luajnë nga minuta e parë dhe ata që do të aktivizohen nga stoli, duhet që të bëjnë ndeshjen perfekte.

Silvinjo ka pasur 3 ditë në dispozicion për të përgatitur skuadrën dhe pritet që në takimin e sotëm, të bëjë surpriza në formacion, sidomos në repartin e sulmit aty ku mungesat janë më të mëdha.

Kështu, porta do t’i besohet sërish Thoma Strakoshës, i cili do të ketë para 4 mbrojtës.

Në të majtë, do të luajë Mario Mitaj, ndërkohë që në të djathtë hapësirë do të ketë edhe për Elseid Hysajn.

Qendra e mbrojtjes do t’i besohet sërish dyshes Berat Gjimshiti dhe Arlind Ajeti, ndërkohë që një nga mbrojtësit më në formë, Ardian Ismajli përfundon sërish jashtë.

Në mesfushë, Asllani dhe Shehu janë titullarë të padiskutueshëm, ndërkohë që ka një balotazh mes Ramadanit dhe Laçit, me këtë të fundit më të favorizuar.

Në të djathtë të sulmit, do të jetë Myrto Uzuni ndërsa në të majtë do të jetë Arbër Hoxha.

Në qendër të sulmit, pritet të jetë Bajrami si “9-sh fals”.

Megjithatë, gjatë ndeshjes mund të kalojë Bajrami në krah dhe në qendër të zhvendoset Uzuni.

The post Sfida Poloni-Shqipëri/ Ndryshon sulmi i Kombëtares, Silvinjo zgjedh titullarët, ja formacioni i mundshëm anti-Polonia appeared first on Albeu.com.

Tre ditë pas transfertës së Pragës, Shqipëria do të sfidojë ekipin polak dhe prej më shumë se një muaji biletat dolën në shitje me çmime të “kripura” por as ky fakt nuk i ndali shqiptarët që të mësynin në sportele dhe në faqen zyrtare të shitjes së biletave për të prenotuar vendet e tyre në stadium.

Fakti që momentalisht renditemi në vendin e dytë të grupit eleminator ka rritur interesimin dhe mendohet që FSHF ka arkëtuar shumën rekord prej 90 milionë lekë ose afërsisht 800 milionë euro.

Bileta më e lirë ishte 2000 lekë, për të vazhduar me 2500, 4000 apo 6000 lekë te tribuna karshi dhe 10.000 lekë në tribunën kryesore.

The post “Avullojnë” biletat për ndeshjen Shqipëri Poloni, FSHF arkëton shumën rekord appeared first on Albeu.com.

Situata në Grupin E ndërlikohet që në dy xhirot e para. Me katër pikë, 3 gola të shënuar 1 të pësuar, Republika Çeke qëndron në krye, e ndjekur nga Polonia me 3 pikë, 2 gola të shënuar 3 të pësuar. Me dy pikë në 2 ndeshje, në vendin e tretë renditet Moldavia, e ndjekur nga Ishujt Faroe me një 1 në 2 ndeshje. Shqipëria mbyll klasifikimin me zero pikë, por ndryshe nga të gjithë rivalët e Grupit E, Shqipëria ka luajtur vetëm një ndeshje.

The post Moldavia befason Çekinë, ndërlikohet Grupi E, “përzihen” kartat e favoritëve appeared first on Albeu.com.

Një humbje që “dhemb”, pasi vendi i dytë tanimë mbetet një ëndërr në sirtar, por me shpresë se ky grup është gati për të bërë mirë në kualifikueset e Evropianit të ardhshëm. Objektiv ky që ishte caktuar që në fillim të këtyre kualifikueseve.
Stafdiumi “Air Albania” pasi një periudhe kohë të gjatë, u rikthye me kapacitet të plotë, duke krijuar një atmosferë të jashtëzakonshme që na të gjithëve na kishte munguar.

Patjetër që gazetaret shqiptare të sportit ishin në stadium duke i dhënë një tjetër shkëlqim. Mes vajzave vihet re edhe harmonia që kanë me njëra tjetrën duke mos i lënë vend rivalitet.

Pjesa më e mirë janë veshur në ngjyrat e flamurit duke treguar edhe mbështjetjen për kombëtaren dhe të tjertat kanë qëndruar neutrale, por mjaft bukur, siç i shini në galerinë e mëposhtme./albeu.com/

The post Njëra më e bukur se tjetra, si shkëlqyen gazetaret e sportit mbrëmë në “Air Albania” (FOTO LAJM) appeared first on Albeu.com.

Dëmtimi i Gjimshitit lë një boshllëk të konsiderueshëm në prapavijë, sepse ai ishte më i mundshmi për t’u “kacafytur” me bomberin e Bayern Munich. Dhe meqë jemi te Polonia, ia vlen të kthehemi pas në histori.

Kjo kombëtare na ka lënë jashtë Botërorit, teksa na mundi 1-0 në “Qemal Stafa”, në vitin 1985. Asokohe, polakët kishin një tjetër yll të madh në përbërje, Zbigniev Boniek. Shqipëria kishte më pak se një muaj që kishte humbur diktatorin Enver Hoxha.

Për pasojë, ndeshja Shqipëri-Greqi nuk u luajt dhe u shty për në tetor. Më 30 maj do të zhvillohej Shqipëri-Poloni, kualifikuese për Botërorin “Meksikë 1986”. Shorti i asaj fushate eliminatoresh na kishte vënë përballë kundërshtarësh mjaft të vështirë, si Belgjika e Schifo, Polonia e Boniek dhe Greqia.

Meqë jemi në prag të sfidës vendimtare ndaj polakëve, po fokusohemi te dy ballafaqimet e asaj kohe me ta. Në Mielec, më 31 tetor 1985, u luajt Poloni-Shqipëri 2-2 (Smolarek 23’, Palaz 76’ / Omuri 54’, A.Kola 79’). Një barazim befasues për kombëtaren që drejtohej nga Shyqyri Rreli dhe ndihmës Medin Zhega.

Në dhjetor të atij viti do të shkëlqenin kuqezinjtë, duke mposhtur në Tiranë kombëtaren belge, me rezultatin 2-0 (Josa 69’, Minga 86’). Ky rezultat befasues edhe për opinionin sportiv europian na vuri në pozita komode për t’u kualifikuar në fazën finale të Botërorit meksikan.

Sidoqoftë, do të ishte Polonia, ajo që do të na i vriste ëndrrat përfundimisht, teksa na mundte 1-0 në “Qemal Stafa”. Sikurse shihet, ish-ylli i Juventusit, Boniek, sot president i Federatës Polake të Futbollit dhe zv.president i UEFA-s, na i shujati ëndrrat e Botërorit asokohe. Në fakt, ai nuk pritej të vinte në Tiranë, sepse kishte ndeshje me Juventusin në Ligën e Kampionëve një ditë përpara. Po çfarë ndodhi?

Nuk ishin mbushur akoma 24 orë nga nata e frikshme e “Heysel”. Më 29 qershor, me finalen Juventus-Liverpool, historia e futbollit mbylli përgjithnjë një kapitull të saj. Protagonisti në ngritjen e trofeut të parë të Kupës se Kampioneve për Juventusin ishte polaku Zbigniev Boniek, i cili, fitoi penalltinë që u shndërrua në gol nga Michel Platini.

Menjëherë pas ndeshjes, gjatë asaj nate të kobshme europiane me 40 viktima, Boniek do të nisej me një fluturim çarter për të mbërritur në Tiranë. Pak pas dreke, Polonia do të luante në Tiranë ndaj Shqipërisë, finalen e madhe në grup për eliminatoret e Kupës së Botës “Meksikë 1986”.

Ose Polonia do shkonte në Meksikë, ose Shqipëria. Boniek do të shënonte në “Qemal Stafa” të vetmin gol të polakëve në fitoren 0-1. Për fatin e keq të Shqipërisë, ëndrrat për pjesëmarrje në Botërorin e Meksikës u venitën përfundimisht me atë humbje.

Kurrë më parë dhe as më pas, kombëtarja jonë nuk ka qenë kaq pranë një suksesi të tillë të madh. Sërish në rrugë, si pengesë serioze, na del Polonia. Kësaj here me Lewandowskin si tmerrin me të madh të çdo mbrojtjeje. Dhëntë Zoti që historia e 1985 të mos përsëritet!

E enjte, 30 maj, stadiumi kombëtar “Qemal Stafa”, ora 17:00

SHQIPËRI-POLONI 0-1

SHQIPËRIA: Musta, Zmijani, Hodja, Targaj, Omuri, Jera, Muça (Mile 60′) Demollari (Marko 81′) Josa, Minga, Kola. Trajner: Sh. Rreli

POLONIA: Minarcik, Pavlak, Vojciski, Pshebes, Ostrovski, Matilshik, Boniek, Urban (Taraseviç 87′), Xhekanovski, Boniek, Smolarek. Trajner: A. Piehnicek

SHËNUES: Boniek 24′

ARBITRA: Zhezhov, Jerimov, Dotcev nga Bullgaria

SPEKTATORË: 17 000

The post Sërish Polonia, kur Boniek vinte me çarter dhe na linte jashtë Botërorit të Meksikës (VIDEO) appeared first on Albeu.com.

Për mbarvatjen e rendit dhe sigurisë, policia ka marrë një plan masash.

Masat e marra nga Policia e Tiranës konsistojnë jo vetëm në  ambientet e stadiumit, por dhe në një perimetër më të gjerë jashtë tij.

Në këtë kuadër do të ketë bllokime të disa segmenteve rrugore,të cilat do të jenë të bllokuara, nga ora 16:00 deri në përfundim të aktivitetit janë:

– Rruga përreth  stadiumit “Lek Dukagjini”, rruga “Faik Konica” rruga “Dervish Hima”, rruga “ Gjergj Filipi”, rruga Asim Zeneli” rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania” dhe bulevardi “Dëshmorët e Kombit”, nga presidenca deri te sheshi “Nënë Tereza”.

Hyrja e tifozëve do të fillojë në orën 18:00, dhe lëvizja e tyre do të garantohet nga Policia, përgjatë rrugëkalimeve të caktuara dhe nuk do të lejojnë grumbullim apo kalim të tifozëve jashtë itinerarit të caktuar.

Policia e Tiranës kërkon mirëkuptimin e tifozerive respektive në zbatimin e detyrimeve të mësipërme, si dhe mirëkuptimin e qytetarëve për të evituar lëvizjen me automjete në segmentet rrugore të lartpërmendura në oraret e caktuara.

Po në zbatim të planit të masave, do të ushtrohen kontrolle ndaj tifozëve para hyrjes në stadium për sende të kundërligjshme (si armë, sende të forta, bidonë uji, çadra, çelësa metalik apo lëndë piroteknike etj.) dhe çdo tifoz duhet të jetë i pajisur me dokument identifikimi.

Nuk do të lejohen të futen në stadium persona pa dokument identifikimi, si dhe fëmijët nën moshën 16 vjeç, pa praninë e prindërit apo kujdestarit.

Policia ju bën me dije se në rastet e prishjes së rendit dhe qetësisë publike, do të ndërhyjë si në ambientet e jashtme të stadiumit, ashtu dhe në ambientet e brendshme, për rivendosjen e rendit dhe shoqërimin e personave që do shkaktojnë trazira apo kryejnë veprime antisportive.

Policia e Tiranës edhe njëherë apelon për tifozëritë e dy skuadrave që të tregojnë qytetari dhe të zbatojnë rregullat dhe ligjin./albeu.com

The post Policia plan masash për ndeshjen Shqipëri-Poloni, rrugët që do të bllokohen nesër appeared first on Albeu.com.