shperthimi ne stamboll Archives - Albeu.com

Shpërthimi në Stamboll, këngëtari shqiptar zbulon si shpëtoi “për fije të perit”

A M — Mon, 14 Nov 2022 10:47:16 +0000

Këngëtari Gena ka dhënë së fundmi një intervistë në “Aldo Morning Show” në Tv Klan. Ai bëri me dije se ndodhet në Stamboll.

Mirëpo, kujtojmë se një ditë më parë një shpërthim i një bombe vrau 6 persona si dhe la të plagosur 81 të tjerë.

Gena bëri me dije se ndodhej një kilometër larg vendngjarjes. Jo vetëm kaq por ai zbuloi ndër të tjera edhe një detaj të frikshëm. Ai kishte planifikuar që dje të shëtiste në sheshin “Taksim” së bashku me gruan e tij, por fatmirësisht ndërruan plan.

Pjesë nga biseda e këngëtarit të njohur ne studio:

Gena: E kam një kilometër larg nga këtu dhe një ditë më përpara neve në mbrëmje kishim dalë me nusen për të bërë shopping.

Megi Latifi: Tek sheshi “Taksim”.

Gena: Dhe do dilnim përsëri edhe dje, në të njëjtën orë, domethënë nga ora 4 kur ka ndodhur ajo. Shyqyr Zoti na ka adresuar diku tjetër.

Aldo: Po pra po. Të ruan Zoti vëlla, e shikon? Po tani situata aty, është gjendje si e nderë?

Gena: Gjendja këtu nuk ndihet se ka një jetë normale, por ajo që ka ndodhur aty i përket asaj zone dhe jeta vazhdon si zakonisht si në çdo vend këtu.

The post Shpërthimi në Stamboll, këngëtari shqiptar zbulon si shpëtoi “për fije të perit” appeared first on Albeu.com.

BILANCI/ Shpërthimi në Stamboll: 8 viktima, 81 të plagosur dhe 22 të arrestuar

E S — Mon, 14 Nov 2022 07:02:33 +0000

Tetë persona kanë humbur jetën dhe 81 të tjerë kanë mbetur të plagosur pas një shpërthimi që ndodhi në një qendër tregëtare të Stambollit të dielën pasdite. Ministri i Brendshëm i Turqisë bëri të ditur se lidhur me rastin e rëndë, autoritetet kanë arrestuar 22 persona. Një prej të arrestuarve besohet të jetë personi që vendosi bombën në qendrën tregtare.

“Vlerësimi ynë është se urdhri për sulmin vdekjeprurës erdhi nga Ayn al-Arab në veri të Sirisë, ku PKK/YPG ka selinë e saj siriane,” tha Suleyman Soylu.

Partia militante e Punëtorëve të Kurdistanit, ose PKK, është një organizatë militante e separatistëve kurdë.

Pesëdhjetë prej të plagosurve janë nxjerrë nga spitalet, por pesë mbeten në repartin e terapisë intensive dhe dy nga të plagosurit janë në gjendje kritike. Ministri i Brendshëm tha se Turqia “do të hakmerret kundër atyre që janë përgjegjës për këtë sulm të tmerrshëm terrorist”.

Më herët, presidenti turk Rexhep Erdogan është shprehur se ata që u përfshinë në terrorizmin kundër Turqisë janë mundur në të kaluarën dhe do të munden edhe në të ardhmen. Kujtojmë se Turqia, SHBA dhe Bashkimi Evropian e konsiderojnë PPK-në organizatë terroriste. YPG është një degë siriane.

The post BILANCI/ Shpërthimi në Stamboll: 8 viktima, 81 të plagosur dhe 22 të arrestuar appeared first on Albeu.com.

Shpërthimi në Stamboll, në të njëjtin vend në 2016 ndodhi një sulm terrorist

admin — Sun, 13 Nov 2022 14:46:34 +0000

Një numër njerëzish janë plagosur pas një shpërthimi në një zonë të frekuentuar në qendër të Stambollit, ka thënë guvernatori

Shpërthimi ndodhi rreth orës 16:20 me orën lokale ndërsa raportohet se ka viktima, por ende nuk dihet numri i saktë.

Është e paqartë se çfarë e shkaktoi shpërthimin, i cili duket se është kapur nga videot e shumta që qarkullojnë në rrjetet sociale.

Nuk ka asnjë konfirmim zyrtar për numrin e të lënduarve në rrugën Istiklal, megjithëse disa raporte të mediave lokale sugjerojnë se të paktën 11 persona u plagosën.

Korrespondentja e BBC-së, Orla Guerin, e cila ndodhet në vendngjarje, tha se kishte një prani të madhe policie rreth rrugës, e cila ishte rrethuar. Helikopterët po qarkullonin lart ndërsa ambulancat shkonin përpara dhe mbrapa.

Rruga, zakonisht e mbushur me blerës, ishte shënjestruar më parë nga një sulmues vetëvrasës në vitin 2016, shkruan BBC.

The post Shpërthimi në Stamboll, në të njëjtin vend në 2016 ndodhi një sulm terrorist appeared first on Albeu.com.

Njerëz të shtrirë nëpër rrugë, pamjet e para nga shpërthimi në Stamboll

admin — Sun, 13 Nov 2022 14:31:04 +0000

Një shpërthim ka ndodhur para pak minutash në qytetin e Stambollit në Turqi.

Mediat atje shkruajnë se disa persona janë vrarë në një sulm vetëvrasës të dyshuar në Avenue Istiklal, afër sheshit Taksim. Nga pamjet e publikuara në rrjetet sociale, shihen shumë njerëz të shtrirë në rrugë, përcjell Gazeta Express.

Shpërthimi ndodhi në një nga rrugët tregtare më të ngarkuara të qytetit, afër disa atraksioneve turistike.

#taksim #istiklal‘deki bombanın patlama anı… pic.twitter.com/k9sLyGfWUQ

— Haberden Habere (@HaberdenHabere_) November 13, 2022

The post Njerëz të shtrirë nëpër rrugë, pamjet e para nga shpërthimi në Stamboll appeared first on Albeu.com.

Shpërthim i fuqishëm në Stamboll, raportohet për dhjetëra të plagosur (VIDEO)

admin — Mon, 18 Apr 2022 08:50:59 +0000

Një shpërthim i fuqishëm raportohet të ketë ndodhur në qytetin e Stambollit.

Shpërthimi është dëgjuar mëngjesin e sotëm në lagjen Beyoglou.

Lajmin e bëjnë të ditur mediat turke, të cilat raportojnë se ngjarja ka ndodhur rreth orës 8:30. Sipas Haberturk, shpërthimi ndodhi në kabllot nëntokësore.

Ngjarja ka shkaktuar panik, ndërsa autoritetet kanë kërkuar që banorët të largohen. Policia dhe zjarrfikëset kanë mbërritur menjëherë në vendngjarje dhe kanë ndihmuar në evakuimin e të moshuarve që banonin në pallatin më të afërt. Sipas mediave turke, katër persona janë evakuuar.

Deri më tani nuk është bërë asnjë njoftim zyrtar nëse ka të vdekur, por raportet flasin për të paktën dhjetëra civilë të plagosur.

A powerful #explosion occured in #Istanbul

According to media reports, at least 10 people were injured pic.twitter.com/QmSAi94Wet

— International Updates #Exclusive (@ImSandeepbhati) April 18, 2022

The post Shpërthim i fuqishëm në Stamboll, raportohet për dhjetëra të plagosur (VIDEO) appeared first on Albeu.com.