Sado e vështirë të jetë inkurajimi i tyre për të ngrënë më shëndetshëm, nuk është e pamundur.

Këtu janë disa mënyra të thjeshta për të ulur sheqerin:

Kreativiteti

Ka aq shumë perime sa që nëse dikush mbulon të gjithë gamën nuk ka kohë të mërzitet prej tyre. Sigurisht, kushti është të përdorni imagjinatën tuaj. Ngjyrat e ndezura dhe teksturat interesante do t’ju ndihmojnë ta arrini këtë. Është gjithashtu e rëndësishme të kombinoni shijet që dini se fëmijët i pëlqejnë me përbërës të rinj.

Shumëllojshmëri

Shumëllojshmëria është shumë e dobishme në këtë proces. Në vend që t’i jepni fëmijës vetëm një zgjedhje, është mirë të keni në dispozicion 2-3 alternativa. Fëmija duhet të ketë autonominë për të zgjedhur. Prandaj është mirë që në shtëpi të keni ushqime si kos i thjeshtë pa sheqer, arra, rrush të thatë apo fruta të tjera të thata.

Shmangni pijet me sheqer

Edhe pijet në dukje të shëndetshme shpesh përmbajnë një sasi të madhe sheqeri. Edhe pse pijet joalkoolike konsiderohen si opsioni më i pashëndetshëm, lëngjet e frutave dhe smoothiet nuk janë aq të shëndetshme sa duken. Uji i aromatizuar mund të përmbajë gjithashtu sheqer.

Edhe pse shumë fëmijë mund të jenë të pakënaqur me shijen, duke shtuar një lëvozhgë limoni ose portokalli ose duke bërë një smoothie me ujë, luleshtrydhe dhe pak nenexhik, mund t’i ndihmoni fëmijët të qëndrojnë larg pijeve joalkoolike.

The post Si t’i bëni fëmijët tuaj të konsumojnë më pak sheqer appeared first on Albeu.com.

Kjo pasi shumë ushqime të shëndetshme gjatë përpunimit “ngarkohen” me shumë sheqer. Një nga shembujt më tipikë është buka e grurit në të cilën përdoret sheqer dhe ëmbëlsues të tjerë për të aktivizuar majanë në mënyrë që ajo të rritet.

Gjëja më e mirë për të bërë është të kontrolloni etiketat e produkteve standarde për të parë se sa sheqer kanë.

Shikoni më poshtë tre ushqime me sheqer të “fshehur”…

1. Kos

Kosi është një ushqim i shëndetshëm dhe i mbushur me shumë proteina. Mirëpo, e njëjta gjë nuk vlen për jogurtet me shije që përmbajnë shumë sheqer. Më mirë t’i shtoni vetë përbërësit shtesë.

2. Frutat e konservuara

Para se të blini fruta të konservuara, kontrolloni etiketën. Edhe pse gjithsesi kanë shije të ëmbël, në shumicën e rasteve kanë shtuar sheqer. Frutat e thata të paketuara janë një tjetër burim i sheqerit “të fshehur”.

3. Salca

Salca e domates është një burim i pasur i likopenit. Megjithatë, salcat e gatshme të domates kanë shtuar sheqer. Pra, në vend që të hiqni dorë nga domatet, bëni salcat tuaja me domate.

The post Ushqimet e shëndetshme që kanë sheqer të “fshehur”. appeared first on Albeu.com.

Përtej shijes, nga këto pije ajo çfarë diskutohet shpesh edhe nga ekspertët është efekti i tyre në shëndet.

Efekt për të cilin mund të mos mendoni shpesh pasi të kthesh disa gota lëng frutash apo pije me gaz nuk ngjan me ndonjë sulm për shëndetin.

Për të gjitha këto do të flasim në këtë artikull nga AgroËeb, çfarë ndikimi kanë pijet me sheqer të shtuar në shëndetin e zemrës tuaj.

Çfarë thonë ekspertët?

Sipas ekspertëve pirja e një ose më shumë pijeve me sheqer dhe me gaz në ditë ju ekspozon ndaj sëmundjeve kardiovaskulare.

Personat që konsumojnë vazhdimisht pije të tilla kanë 20% më shumë shance të preken nga sëmundje të zemrës e sidomos nëse janë gra.

Studimi i botuar në Revistën American Heart Association shpjegon se jo të gjithë pijet me sheqer që ndodhen në treg kanë efekte të njejta në organizëm.

Rreziku vjen nga pije të cilat kanë shumë sheqer të shtuar, siç mund të jenë lëngjet e ndryshme të frutave të cilat e shtojnë eiskun me 43%.

Ndërsa për pijet me gaz mund ta rrisin rrezikun vetëm me 23% ndaj prekjes nga sëmundjet kardiovaskulare.

Sheqeri i shtuar tek pijet  mund të bllokojë arteriet, enët e gjakut dhe mund të çojnë në sëmundje të tjera si diabeti apo mbipesha e obeziteti.

Një rrezik i shtuar për gratë

Një studim i cili mori nën shqyrtim 106.000 mësuese gra i quajtur Colifornia Teachers Studyr, tregoi se 4.2% e të gjithë pjesmarrësve kishte pasur probleme me zemrën.

Mosha mesatare e grave në këtë studim ishte 52 vjeç dhe ndjekja e regjimit ushqimor dhe jetësor vazhdoi për thuajse 20 vite.

Gjatë këtyre viteve 2.677 gra psuan goditje në zemër, 5.258 goditje në tru dhe 2.889 të tjera I’u nënshtruan procedurave për të hapur arteriet e bllokuara.

Nga të gjithë pjesmarrësit 42% deklaruan se konsumoninndonjëherë ose kurrë pije me sheqer.

Sipas ekspertëve të gjithë gratë që patën probleme të natyrës kardiovaskulare ishin konsumuese të rregullta ose mesatare të pijeve me sheqer të shtuar./AgroËeb.org

The post Çfarë dëmi i shkakton zemrës një pije me sheqer në ditë appeared first on Albeu.com.

Mirëpo, ka disa fruta që përmbajnë një sasi të vogël sheqeri dhe për këtë arsye mund t’i konsumojmë pa pasur frikë.

Kumbulla

Kumbullat kanë 9 g. sheqer për 100 g. fruta.

Luleshtrydhet

Luleshtrydhet janë një nga frutat më të lehta, për sa i përket kalorive. Në 100 g përmbajnë vetëm 4 g. sheqer. I njëjti raport gjendet edhe te boronicat.

Manaferrat

Sasia e rekomanduar ditore është 50 g. që ka një përmbajtje prej 4,5 g. sheqer.

Kajsia

Kajsia për 65 g ka 5,85 g sheqer për racion. Ndaj, nëse gjatë kësaj periudhe jeni duke ngrënë kajsi me… kilogram, ndoshta duhet t’i zvogëloni pak sasitë.

Limonët

Ne as nuk kishim nevojë ta vendosnim këtë në listë pasi limoni është fruti më i thartë. Nëse nuk i shtojmë sheqer, siç bëjmë zakonisht, ka një përmbajtje prej vetëm 2 g. sheqer për 100 g.

Frutat e mëposhtme kanë një përmbajtje më të lartë të sheqerit

Rrushi i bardhë: 16 g sheqer/100 g fruta

Fiq: 13 g sheqer/100 g fruta

Banane: 15.6 g sheqer/ 100 gr.

Hurma: 64,7 g. sheqer /100g fruta

The post Këto janë frutat me përmbajtjen më të ulët të sheqerit appeared first on Albeu.com.

Natyrisht, kjo nuk do të thotë që konsumimi i tyre duhet të jetë i pakontrolluar, ndaj është mirë të dini se cilat fruta kanë përmbajtjen më të lartë të sheqerit.

Mango

Mango është e pasur me fibra, vitamina, minerale, megjithatë ka një përmbajtje mjaft të lartë sheqeri. Më konkretisht, një mango ka 46 gram sheqer. Nëse dëshironi të humbni peshë është mirë ta hani gradualisht dhe jo të plotë për të pasur nën kontroll totalin e kalorive që konsumoni.

Rrushi

Një filxhan rrush ka 23 gram sheqer. Kombinoni rrushin me fruta të tjera në një sallatë frutash freskuese dhe ushqyese.

Qershia

Qershitë kanë një shije të ëmbël dhe të shijshme, dhe kjo është pjesërisht për shkak të përmbajtjes së tyre të sheqerit. Një filxhan qershi ka 18 gram sheqer. Për shkak se është e lehtë ta teproni, në vend që të mbushni një tas plot me qershi, matni paraprakisht sa dëshironi të hani dhe vendosni vetëm ato në tas.

Dardha

Një dardhë e mesme ka rreth 17 gram sheqer. Bashkojeni me një mollë ose vendosni gjysmën në një tas me kos me pak yndyrë.

Shalqiri

Shalqiri është i pasur me ujë dhe elektrolite. Në verë është edhe një meze e lehtë pas plazhit, por mos harroni se përmban sheqer për këtë dhe konsumimi i tij duhet bërë me masë.

Fiku

Dy fiq të mesëm kanë 16 gram sheqer. Nëse jeni duke kontrolluar peshën tuaj, një alternativë është të prisni fikun tuaj në gjysmë dhe të vendosni pak djathë në gjysmën e fikut për të rritur marrjen e proteinave.

Banane

Një banane e mesme ka 14 gram sheqer. Për të kufizuar marrjen e sheqerit, mund të prisni një banane në gjysmë dhe të lyeni me pak gjalpë kikiriku.

Frutat me përmbajtje të ulët sheqeri janë avokado, mjedra, papaja dhe luleshtrydhet.

The post Këto janë frutat që përmbajnë më shumë sheqer, kujdes me konsumin e tyre appeared first on Albeu.com.

Tokslikologia Esmeralda Thoma e ftuar këtë të mërkurë në “Good Morning Albanians”, na tregoi se si funksionon në të vërtetë sheqeri.

Ajo tha se nuk duhet të harrojmë se sheqeri që ne marrim nëpërmjet dietave ushqimore, është i domosdoshëm për ne, por ai ushqen të gjitha qelizat tona, si qelizat normale dhe ato tumoriale, të cilat nën ndikimin e sheqerit kanë tendencë më të madhe për tu zhvilluar.

“Sheqeri është një lëndë që ushqen çdo qelizë të organizmit tonë në mënyrë që të zhvillohet, të rritet dhe të krijojë të gjitha proceset e veta. Ky është një proces i pashmangshëm normal fiziologjik që ndodh e të gjithë njerëzit.

Qelizat tumorale, gjatë zhvillimit të tyre kanë tendencën që të ndahen dhe zhvillohen me një ritëm më të shpejtë se qelizat normale. Kjo është arsyeja që rritet tumori. Por pavarësisht faktit nëse është qelizë normale apo tumorale, ajo ka nevojë për sheqer.

Qeliza tumorale pa diskutim që nuk zhvillohet pa praninë e sheqerit. Megjithatë duhet të kuptojmë se edhe sheqeri që ne marrim nëpërmjet dietave ushqimore është i domosdoshëm për ne”,-tha toksikologi

The post A ushqehet kanceri nga sheqeri? Përgjigjet toksikologia appeared first on Albeu.com.

Nuk po flasim për ndonjë ëmbëlsues tjetër. Kjo është një zgjidhje që dikur ndiqeshin nga gjyshet, ndërsa rekomandohet edhe nga ekspertët. Në vend të sheqerit hedhim kripë! Po, keni dëgjuar mirë! Sipas ekspertëve, një sasi e vogël kripe në kafe balancon hidhësinë e saj, nxjerr në pah të gjitha aromat e saj të ëmbla duke qenë gjithashtu një alternativë paksa më e shëndetshme ndaj sheqerit.

Sa kripë?
Nuk ka asnjë sasi të rekomanduar. Kjo varet nga sa e hidhur është kafeja dhe gjithashtu nga shijet e çdo personi. Për disa, disa kokrra mund të jenë të mjaftueshme, për të tjerët, një majë e tërë luge. Për të gjetur sasinë ideale për ju, duhet të eksperimentoni pak.

The post Nuk e konsumoni sheqerin? Nuk do e besoni me çfarë mund ta zëvendësoni në kafe appeared first on Albeu.com.

Rritja e marrjes ditore të sasisë së sheqerit dhe sheqernave të shtuara mund të rrisë rrezikun e shfaqjes deri në 45 sëmundjeve të ndryshme, duke përfshirë diabetin, sëmundjet kardiovaskulare dhe depresionin, paralajmërojnë studiuesit në një studim të botuar në revistën mjekësore “The British Medical Journal”.

Rekomandimet e ekspertëve, megjithatë, janë shumë bujare: ata sugjerojnë të konsumojmë deri në gjashtë lugë çaji sheqer në ditë si edhe një pije freskuese me sheqer në javë. Dy udhëzime këto që, sipas hulumtimit tëmjekëve, mund të çojnë në një përmirësim të treguesve shëndetësorë te njerëzit.

Kujtojmë se rekomandimi i Organizatës Botërore të Shëndetësisë është që sheqernat e shtuara nuk duhet të kalojnë 10% të marrjes ditore të kalorive.

Hulumtimi i fundit analizoi të dhënat e disponueshme nga të gjitha studimet e mëparshme (73 në total) në lidhje me raportin e konsumit të sheqerit me shëndetin.

Provat kanë treguar se marrja e tepërt e sheqerit duket të jetë e lidhur me një sërë problemesh shëndetësore si diabeti mellitus , hipertensioni, obeziteti, infarkti i miokardit dhe goditjet në tru.

Përveç kësaj, konsumi i pijeve me sheqer tregoi një korrelacion të lartë me rritjen e peshës trupore, ndërsa shtimi i sheqernave në ushqim dhe pije duket se çon në një rritje të akumulimit të yndyrës në mëlçi si dhe në trup.

Në përgjithësi, studiuesit e patën të vështirë të përcaktonin përfitime nga konsumimi i sheqerit. Ata rekomandojnë kategorikisht shmangien e konsumit të tepërt të sheqerit nga fëmijët, ndërsa për të rriturit rekomandojnë uljen e konsumit të sheqernave apo sheqernave të shtuara në më pak se 25 g/ditë (rreth gjashtë lugë çaji në ditë)./albeu.com/

The post Sa lugë sheqer duhet të konsumojmë në ditë, ja çfarë këshillojnë ekspertët appeared first on Albeu.com.

1. Pijet me kafeinë të lartë – Kafeja dhe energjizantët janë në krye të listës së pijeve me kafeinë të lartë. Pijet e tilla mund të shkaktojnë probleme si gjumë pa qetësi, ankth, tension nervoz dhe rritje të presionit të gjakut. Përdorimi i këtyre pijeve në sasi të mëdha mund të çojë në probleme të mëtejshme të shëndetit siç janë problemet me zemrën dhe dëmtimi i trurit.
2. Pijet alkoolike – Pijet alkoolike janë një ndër pijet më të përdorura në botë, por përdorimi i tyre në sasi të tepërta mund të shkaktojë dëme të rënda për shëndetin tonë. Alkooli mund të dëmtojë organet tona të brendshme, siç janë mëlçia dhe pankreasi, dhe të rrisë rrezikun e zhvillimit të sëmundjeve të ndryshme siç janë kanceri i zorrës së trashë, kanceri i gjirit dhe i zorrës së trashë.
3. Pijet me sheqer të lartë – Pijet me sheqer të lartë, siç janë pijet e gazuar dhe lëngjet me shtojcë sheqeri, mund të shkaktojnë shtimin e peshës dhe rritjen e rrezikut për sëmundjet e zemrës dhe të diabetit. Sipas shumë studimeve, përdorimi i rregullt i këtyre pijeve mund të çojë në rritjen e presionit të gjakut dhe në dëmtimin e indeve të trupit.
4. Pijet me yndyrë të lartë – Pijet me yndyrë të lartë, siç janë pijet me qumësht dhe akullore, mund të ndikojnë negativisht në shëndetin tonë. Konsumimi i tepërt i këtyre pijeve mund të çojë në shtimin e peshës, rritjen e kolesterolit dhe në rritjen e rrezikut për sëmundje të zemrës dhe të gjakut.

The post Tregoni kujdes në konsumin e tyre, këto pije janë të rrezikshme për shëndetin appeared first on Albeu.com.

Padyshim që të gjithë e dinë se pijet e gazuara janë të pasura me sheqer, por shumë nuk janë të vetëdijshëm që një kanoçe me salcë domateje mund të mbajë deri në 20 gram sheqer për racion dhe lëngu juaj i preferuar i mollës edhe nesh në të shkruhet se nuk ka sheqer, përmban 25 gram sheqer vetëm në një gotë.

Në këtë artikull ju sjellim ushqimet që përmbajnë sheqer dhe që ju nuk e dinit.

1. Supat e konservuara, salcat e domateve, edhe fasulet e konservuara përmbajnë sheqer në përbërjen e tyre. Sidomos te salcat e domateve ka më shumë, pasi sheqeri përdoret për të balancuar aciditetin e domateve.

2. Një porcion kos me pak yndyrë ka 4.7 gram sheqer, ndërsa një porcion kos grek mund të ketë deri në 6 deri në 12 gram sheqer. Shumë lloje kosi me pak yndyrë dhe me aromë, ose shije të ndryshme përmbajnë forma jo të shëndetshme të ëmbëltuesve, si sakarozë ose shurupi i misrit me fruktozë të lartë.

3. Salcë sallate pa yndyrë. Ngjashëm me kosin, salcat e sallatës që kanë më pak yndyrë dhe kalori përmbajnë sasi të shtuar sheqeri. sasi të konsiderueshme të shurupit të misrit me fruktozë të lartë.

4. Gjalpi i kikirikut është një burim i proteinave dhe një element kryesor i gjithanshëm. Ndërsa llojet natyrale të gjalpit të kikirikut përmbajnë pak ose aspak sheqer, shumë variante komerciale janë të mbushura me vajra jo të shëndetshme dhe sheqerna të shtuara.

5. Një qese me patatinat tuaja të preferuara, kryesisht patatet e skuqura përmban rreth 3% -5% përmbajtje sheqeri.

6. Frutat e thata konsiderohen si një meze e lehtë e shëndetshme. Ashtu si me versionet e tyre të freskëta, ato janë të pasura me vitamina, fibra dhe antioksidantë. Por kur frutat dehidrohen, përmbajtja e ujit hiqet, duke lënë të gjitha sheqernat te frutat e copëtuara.

The post Disa ushqime që kanë të fshehur më shumë sheqer sesa mendoni appeared first on Albeu.com.