Ndeshja nisi me të dy skuadrat që arritën të realizojnë që në start.

Fillimisht ishte Robert Lewandowski, që arriti të shënojë për 1-0 në minutën e shtatë.

Por pas një minute, Ruben Vargas arriti t’i barazojë shifrat në 1-1.

Me të filluar pjesa e dytë, Barcelona mori sërish epërsinë, kur Fermin Lopez shënoi për 2-1.

Në minutën e 55-të, dilema e fituesit u hoq, kur Raphinha shënoi për 3-1.

Krejt në fund shënoi edhe Eric Garcia që mbylli takimin në 4-1.

Barcelona me fitore përfiton dhe i afrohet Atletico Madridit në një pikë, ndërsa Real Madridit si kryesor i afrohet në dy pikë.

The post Barcelona fiton ndaj Sevilla, bëhet hije e Realit dhe Atleticos appeared first on Albeu.com.

Lojtari është shumë afër kalimit hapit të madh në karrierë.

Sipas “Ficherio” ka raportuar se Bytyqi mund të transferohet te Sevilla në La Liga.

Drejtori sportiv i spanjollëve pak ditë më parë theksoi se klubi synon të transferojë lojtarë me parametra zero.

Kështu bisedimet mes klubit spanjoll dhe përfaqësuesve të lojtarit kanë nisur dhe në ditet në vazhdim pritet të arrihet një marrëveshje mes palëve.

Kujtojmë se 27-vjeçari në karrierën e tij ka luajtur për ekipe si Red Bull Salzburg, Viking, Konyaspor dhe Olympiacos.

Në sezonin e fundit luajti në 34 ndeshje, ku shënoi 2 gola dhe asistoi në 4 të tjerë.

The post Gati për hapin e madh në karrierë, sulmuesi shqiptar drejt kalimit te Sevilla appeared first on Albeu.com.

Pas 15 minutash lojë, Robert Lewandowski kaloi katalunasit në epërsi me një asistim të Joao Cancelos.

Por, Sevilla i barazoi shifrat në 1-1 me golin e shënuar nga En Nesyri, që u asistua prej Soumares.

Me këto dy gola përfundoi pjesa e parë, ndërsa në pjesën e dytë Barcelona siguroi fitoren.

Ishte Fermin Lopez, ai që ia riktheu epërsinë skuadrës katalunase, kur u asistua nga Ilkay Gundogan në minutën e 59-të.

Barcelona e mbyll këtë sezon në vendin e dytë me 85 pikë, dhjetë më pak se kampioni Real Madridi. /Telegrafi/

The post Barcelona triumfon si mysafir i Sevillas për ta mbyllur sezonin me fitore appeared first on Albeu.com.

“Ikona” spanjolle ka zhvilluar 17 sezone te ky klub, periudhë e ndarë në dy faza, të ndërprera nga qëndrimi i tij në Manchester City mes viteve 2013 dhe 2017.

Debutimi i Navas daton në nëntor 2003 në Montjuic, kundër RCD Espanyol, duke zëvendësuar Paco Gallardo me numrin 31 në shpinë.

The post 17 sezone me këtë skuadër, “Ikona” e njohur largohet nga Sevilla appeared first on Albeu.com.

Pasi u shpall golashënuesi më i mirë në sezonin e shkuar të La Liga 2, duke fituar edhe “Këpucën e Artë” të kampionatit, sulmuesi kuqezi ka gjetur rrugën e rrjetës 9 herë në elitën e futbollit spanjoll, por kaq nuk kanë ndihmuar skuadrën e Granada, që renditet në zonën e ftohtë në La Liga, mirëpo nëse skuadra e tij duket se shkon e sigurt drejt rënies, për Uzunin ka një tjetër të ardhme.

Sipas raportimeve më të fundit të mediave spanjolle, ai do të qëndojë në elitë, madje duke bërë edhe kapërcimin e madh në karrierën e tij.

Duke qëndruar në këto raportime, Granada do të nxjerrë në shitje yjet e saj në fund të sezonit, përfshirë edhe sulmuesin “kuqezi”.

Myrto Uzuni ka admirues të shumtë në La Liga, përfshirë edhe “Andaluzianët” e Sevilla, që është gati të blejë kartonin e futbollistit 28-vjeçar dhe sipas specialistëve të “Transfermarkt”, kartoni i tij vlerësohet 9 milion euro, megjithatë Granada duket se ka pretendime më të mëdha financiare. /abcnews.al

The post Myrto Uzuni largohet në verë, Sevilla pas sulmuesit të Kombëtares appeared first on Albeu.com.

Mund të kërkohen shitje të mëdha në mënyrë që të mund të nënshkruhen lojtarë të mjaftueshëm dhe për shkak të vështirësive të vazhdueshme financiare të klubit, ka të ngjarë që pothuajse çdo lojtar të dalë në shitje me një çmim të caktuar.

Ylli i ekipit spanjoll, Youssef En-Nesyri përfshihet në këtë listë, pavarësisht se është ndoshta lojtari më i rëndësishëm i Sevilla, dhe sigurisht golashënuesi më i mirë.

Lojtari maroken nuk ka mungesë të klubeve të interesuara, ku West Ham, Wolves, Juventus dhe Milan kanë treguar interes në këtë fazë.

Sipas gazetarit Ekrem Konur, Milan është duke përgatitur një ofertë për marokenin, me synimin që marrëveshja të përfundojë në merkaton e verës. /abcnews.al

The post E kërkojnë në Angli dhe në Itali, klubi i Serie A gati të bëjë ofertën e parë për En-Nesyri appeared first on Albeu.com.

I dalë nga akademia e Sevillas, mbrojtësi i djathtë, gati 20 vjeç, është kthyer në një lojtar premtues në futbollin spanjoll.

Edhe pse prania e tij në njëmbëdhjetëshen e parë duket e pamundur, duke pasur parasysh pronësinë e padiskutueshme të Jesus Navas në pozicionin e tij, Juanlu mund të ketë mundësinë e tij nga bankina.

Siç raporton gazeta AS, Real Madridi e ka ndjekur nga afër ecurinë e tij, duke parë tek ai një përforcim të mundshëm për mbrojtësin e djathtë, ku eksperienca e Dani Carvajal duket se është në sy në fund të karrierës së tij.

Me një stërvitje solide në radhët e të rinjve të Sevillas dhe një sezon të jashtëzakonshëm te Mirandes, Juanlu ka tërhequr vëmendjen e klubeve të mëdha, me Real Madridin që është një nga më të interesuarit për shërbimet e tij.

Pavarësisht interesimit të mundshëm të Merengue, Juanlu mbetet i qetë dhe besnik ndaj klubit të tij aktual. Në deklaratat e fundit ai është shprehur i përkushtuar ndaj Sevillas, ndonëse ka lënë derën hapur për sfidat e ardhshme.

Ai pranoi madhështinë e Real Madridit dhe vlerësoi thellësinë e skuadrës së tij, por theksoi fokusin e tij në të tashmen dhe dëshirën e tij për të vazhduar të kontribuojë në suksesin e ekipit të tij aktual.

Këtë të diel, Juanlu do të ketë mundësinë të dëshmojë vlerën e tij në një nga skenat më emblematike të futbollit botëror. Me Real Madridin që shikon nga afër, çdo minutë në fushë do të jetë një mundësi për të lënë një përshtypje të qëndrueshme dhe për të çuar përpara karrierën e tij premtuese. /Telegrafi/

The post Real Madridi kërkon talentin e Sevillas appeared first on Albeu.com.

Ylli i Sevillas iu drejtua tifozit që po qeshte pas lëvizjes së tij, por Ocampos u ndal dhe u përball vetëm verbalisht me tifozin.

Tifozi i klubit nga periferia e Madridit tani është dënuar me gjashtë mijë euro gjobë dhe i është ndaluar të ndjekë ndeshjet për një vit.

Ky është vendimi i Komisionit për Luftën kundër Dhunës, Seksizmit, Racizmit dhe Intolerancës në Sport.

“Të gjithë e panë atë që ndodhi. Shpresoj që La Liga ta marrë seriozisht këtë, si racizmin. Nuk mendoj se të gjithë tifozët e Rayos janë të tillë, ata gjithmonë na mirëpresin me respekt, por gjithmonë ka budallenj,” ka thënë Ocampos.

Ai tutje tha se nëse do të ndodhte në futbollin e femrave do të bëhej shumë e madhe.

“Shpresoj që kjo të mos ndodhë më diku tjetër. Nëse do të ndodhte në futbollin e femrave, të gjithë e dimë se çfarë do të ndodhte. Unë u përmbajta sepse kam dy vajza dhe shpresoj që të mos u ndodhë nesër”, ka thënë argjentinasi. /Telegrafi/

The post Tifozi që e preku në të pasme Ocamposin, merr dënimin e merituar appeared first on Albeu.com.

21-vjeçari u bë pjesë e klubit andaluzian në formë huazimi deri në fund të sezonit më herët gjatë këtij muaji, në një marrëveshje e cila përfshin edhe klauzolën e blerjes përfundimtare të kartonit.

Mejbri bëri debutimin e tij në La Liga kur u fut nga banka rezervë në humbjen e thellë me rezultat 5-1 ndaj Gironas vikendin e kaluar, por u la jashtë listës së lojtarëve të ftuar për duelin në mesjavë ndaj Atletico Madridit në Kupën e Mbretit.

Sevilla do të kthehen në aksion sot (e diel) ndaj Osaunës, por reprezentuesi tunizian nuk do të jetë i përfshirë, pasi trajneri Quiqe Sanchez Flores ka shpjeguar se mesfushori ka nevojë ‘të kuptojë se është pjesë e Sevillas dhe të veprojë sipas kësaj’ në një deklaratë që e dha të shtunën.

“Pasi bisedova me të dhe i dhashë minutat e para ndaj Gironas, ne do t’i japim atij hapësirën e nevojshme për ta kuptuar se ku gjendet, se ai është tek Sevilla dhe çfarë do të thotë kjo”, ka thënë Flores.

“Ai duhet ta di se ku është dhe çfarë duam nga ai. Ne kemi biseduar me të dhe besojmë se ai do të ketë pak kohë për të mësuar, ne dëshirojmë t’i japim hapësirë dhe kohë për të parë gjërat nga jashtë dhe më pas do të rikthehet në ekip”, u shpreh ai.

“Në fund ata janë fëmijë që vijnë papritmas në një klub të madh si Sevilla në rrethana ku kërkesat janë maksimale, andaj iu duhet pak kohë. Ju duhet të bëni një hap para për të ditur se çfarë duam nga ju”, përfundoi trajneri i Sevillës./Telegrafi/

The post Ylli i United në huazim tek Sevilla përjashtohet nga ekipi pak ditë pas transferimit appeared first on Albeu.com.

Rakitic ka qenë një startues i rregullt për Sevillën gjatë viteve të fundit, përkundër faktit se shumë trajnerë u ndërruan dhe ai vetëm sa po i afrohej fundit të karrierës.

Sidoqoftë, ai ka pasur një rol dytësor në ekip që prej emërimit të Quique Sanchez Flores në krye të klubit dhe tani koha e tij në klub do të përfundojë së shpejti.

Kjo për shkak se kroati është shumë afër nënshkrimit për Al-Shabab, aty ku do të gjejë ish-bashkëlojtarin e tij tek Atletico Madridi, Yannick Carrasco.

Mediumi spanjoll Relevo ka raportuar se Rakitic tashmë i ka dhënë lamtumirën bashkëlojtarëve të tij tek Sevilla, ani pse bisedimet me klubin arab ende janë duke vazhduar.

Eksperienca e Rakiticit do të jetë një mungesë e madhe për Sevillën, edhe pse klubi kishte blerë zëvendësimin e tij gjatë këtij afati kalimtar, duke transferuar dyshen Lucien Agoume dhe Hannibal Mejri. /Telegrafi/

The post Rakitic pranë largimit nga Spanja pas 13 vitesh, transferimi i tij në Arabi çështje kohe appeared first on Albeu.com.