Hetimi disiplinor ka filluar mbi bazën e informacionit të paraqitur në media, lidhur me vrasjen e oficerit Saimir Hoxha në shtator të viti të kaluar, i cili u ekzekutua nga 21-vjeçari Aldi Rama.

ILD ka dalë ё përfundimin se, prokurorët kanë zvarritur hetimet për këtë çështje.

Njoftimi i plotë:

Inspektori i Lartë i Drejtësisë ka finalizuar hetimin disiplinor, të nisur me iniciativë, ndaj magjistratëve F.G., me detyrë prokuror i Prokurorisë pranë Gjykatës së Rrethit Gjyqësor Lezhë dhe M.L., për periudhën e ushtrimit të detyrës, si prokuror drejtues në Prokurorinë pranë Gjykatës së Rrethit Gjyqësor Lezhë. Hetimi disiplinor ka filluar mbi bazën e informacionit të paraqitur në media, lidhur me ngjarjen tragjike të datës 28.09.2021, ndodhur në qytetin e Lezhës, ku si pasojë e veprimeve të kryera nga shtetasi A.R, ka humbur jetën, oficeri i policisë S.H. Në median e shkruar dhe atë vizive janë pasqyruar informacione të cilat lidhen me historinë problematike të autorit të vrasjes dhe përballjen e tij me organet e drejtësisë.

Në analizë të dokumentacionit të administruar në kuadër të këtij procesi hetimor, ILD konkludon se:

Si rezultat i veprimeve dhe mosveprimeve në mospërmbushje të detyrës funksionale, si prokuror gjatë hetimeve paraprake, F.G., ka shkaktuar dorëzimin e akteve të procedimit penal në gjykatë në tejkalim të afatit të paraburgimit për të pandehurin, c’ka ka sjellë për pasojë konstatimin nga ana e gjykatës, të shuarjes së masës së sigurimit “arrest në burg” ndaj të pandehurit A.R. dhe caktimin ndaj tij të masës së sigurimit “arrest në shtëpi”.

Kjo sjellje përbën mospërmbushje të detyrës së prokurorit, të cilit i është dhënë atributi kushtetues për të ushtruar ndjekjen penale dhe kontrolluar hetimet paraprake, me qëllim dërgimin e çështjes në gjykatë, në respektim të afateve ligjore procedurale penale.

Prokurori M.L., pa shkaqe të arsyeshme ka lejuar moszbatimin e Udhëzimit të detyrueshëm të Prokurorit të Përgjithshëm, duke sjellë për rastin e kësaj çështje penale, konfuzion për kohën e dorëzimit të akteve nga prokurori i çështjes dhe në vijim në gjithë zinxhirin e hallkës së funksionimit administrativ në prokurori për kalimin e akteve në gjykatë.

Kjo sjellje e prokurorit M.L., përbën mospërmbushje të detyrës, duke cënuar pozitën dhe figurën e një drejtuesi prokurorie, që si prokurori më i lartë për të gjithë prokurorët e zyrës që drejton, duhet të respektojë ai i pari udhëzimet e një prokurori më të lartë.

Veprimet/mosveprimet e ndërmarra nga ana e magjistratëve F.G. dhe M.L., përbëjnë shkelje disiplinore të lehtë, sipas nenit 102, pika 1, shkronja “l” e ligjit me nr. 96/2016.

Për sa më sipër i kërkohet KLP-së, pranimi i kërkesës së Inspektorit të Lartë të Drejtësisë për caktimin e masës disiplinore “Vërejtje publike” ndaj magjistratit F.G., me detyrë prokuror në Prokurorinë pranë Gjykatës së Rrethit Gjyqësor Lezhë për shkeljen disiplinore të parashikuar nga neni 102, pika 1 shkronja “ç” dhe “dh” të Ligjit nr. 96/2016 “Për statusin e gjyqtarëve dhe të prokurorëve në Republikën e Shqipërisë”, të ndryshuar; dhe caktimin e masës disiplinore “Vërejtje publike”, për magjistratin M.L., aktualisht prokuror në Prokurorinë pranë Gjykatës së Rrethit Gjyqësor Tiranë për shkeljen disiplinore të parashikuar nga neni 102, pika 1 shkronja “l” të Ligjit nr. 96/2016 “Për statusin e gjyqtarëve dhe të prokurorëve në Republikën e Shqipërisë”, të ndryshuar.

The post Zvarritën hetimet për vrasësin e oficerit Saimir Hoxha, ILD kërkon masë disiplinore për dy prokurorët e çështjes appeared first on Albeu.com.

Nano gjithashtu i dorëzoi familjarëve të Dëshmorit të Policisë Saimir Hoxha, stemën e Policisë të gdhendur në dru, në shenjë vlerësimi dhe mbështetjeje.

Kujtojmë se Saimir Hoxha u vra në shtator të vitit të kaluar nga 21-vjeçari Aldi Rama në Kunë Vain të Lezhës gjatë një aksioni anti-drogë./albeu.com

The post Ra në krye të detyrës, Gledis Nano i bën dhuratën e veçantë familjes së Saimir Hoxhës appeared first on Albeu.com.

Ngjarja mund të mos ketë qenë një vendim i momentit i të riut Aldi Rama, i cili po ashtu mbeti i vdekur pak orë më vonë, por mund të ketë lidhje me një mllef të akumuluar të të riut.

Kohë me parë Saimir Hoxha e kishte arrestuar 21-vjeçarin në kushtet e flagrancës, dhe kishte bërë gati dhe dokumentacionin për prokurorinë.

Mësohet se procesverbali i arrestimit dhe referimit në prokurori të Aldi Ramës është firmosur pikërisht nga Saimir Hoxha dhe 2 kolegë të tij.

Kështu, ngrihen dyshimet se Aldi Rama ka qëlluar mbi nënkomisarin për shkak të mllefit që mund të kishte ndaj tij.

Procesverbali që mban dhe firmën e oficerit Saimir Hoxha i është bashkuar procedimit penal të regjistruar nga prokuroria e Lezhës, pas kallëzimit të bërë nga 21-vjeçari për dhunë dhe keqtrajtim nga uniformat blu.

Në lidhje me këtë çështje hetimet për veprën penale “Kryerja veprimesh arbitrare” po drejtohen nga prokurori Françesk Ganaj.

The post Detaje të reja nga vrasja e Saimir Hoxhës, nënkomisari kishte firmosur urdhër arresti ndaj Aldi Ramës appeared first on Albeu.com.

“Jemi shkëmbyer në rrugë me një mjet autoveturë e cila po lëvizte në drejtim nga Lezha për në Kune, në të cilën ishin tre djem të moshës së re dhe na tërhoqi vëmendjen, pasi ajo zonë është e pabanuar dhe në vendin që hapi krahun për tu shkëmbyer menjëherë janë kthyer pas nesh për në Lezhë, pas makinës tonë…”

DËSHMIA E PLOTË E PALUSHIT

Punoj pranë Drejtorisë Vendore të Policisë Lezhë, me detyrën shef i krimeve në Komisariatin e Policisë Lezhë që nga viti 2020. Më datë 28.09.2021, si çdo ditë kam ardhur në punë në orën 08:00 dhe rreth orës 09:00 së bashku me oficerin e krimeve të ndjerin Saimir Hoxha dhe punonjësin e policisë Petrit Doda kemi marrë makinën tip foristradë me targa TR3997M me ngjyrë të bardhë që është në administrim nga policia e shtetit dhe kemi shkuar në ishull-Lezhë në bregun e lumit Kune-Vain.

Sapo kemi shkuar në vendin ku kishte dyshime se në brendësi të ferrave në bregun e lumit kishte bimë narkotike cannabis sativa. Pasi kemi konstatuar bimë të mbjella të dyshuara si cannabis sativa, në këtë kohë kemi parë përreth zonës nëse kishte njeri dhe kemi filluar kryerjen e veprimeve hetimore, si këqyrja e vendit të ngjarjes, prerja dhe asgjësimi i bimëve narkotike duke marrë një monstër për kampion për të kryer ekspertimin kimik dhe e kemi vendosur në makinë, pasi është djegur e gjithë sasia e lëndës narkotike kemi marrë makinën për të ikur në Lezhë.

Unë isha në drejtim të mjetit, në sediljen e parë ishte i ndjeri Saimir Hoxha, ndërsa në sediljen e pasme ishte inspektori i policisë së rendit Petrit Doda. Gjatë rrugës kur po ktheheshim në drejtim të Lezhës, rreth 100 metra nga vendi ku ndërpritet shtresa e asfaltit të rrugës automobilistike, jemi shkëmbyer në rrugë me një mjet autoveturë e cila po lëvizte në drejtim nga Lezha për në Kune, në të cilën ishin tre djem të moshës së re dhe na tërhoqi vëmendjen, pasi ajo zonë është e pabanuar dhe në vendin që hapi krahun për tu shkëmbyer menjëherë janë kthyer pas nesh për në Lezhë, pas makinës tonë.

Në këtë moment kemi vënë re që kjo makinë po vinte pas nesh, gjë e cila na ka shtuar akoma dyshimet në lidhje me këta persona, në këto rrethana kemi diskutuar të tre bashkë dhe kemi vendosur që t’i ndalonim për të verifikuar se kush ishin këta persona dhe çfarë po kërkonin në atë zone. Rreth 100 metra pasi kemi kaluar ndërprerjen e asfaltit kam hapur krahun dhe kemi zbritur të tre nga mjeti dhe i kemi bërë më dorë shenjë ndalimi mjetit që vinte pas nesh dhe ky mjet ka ndaluar.

Pas ndalimit të mjetit unë së bashku me Petrit Dodën jemi afruar nga ana e shoferit dhe Petriti ka komunikuar me shoferin e mjetit duke i thënë se jemi punonjës policie dhe i ka kërkuar një dokument identifikimi, letër njoftim ose patentë të drejtuesit të mjetit, në këtë kohë drejtuesi i mjetit ka zbritur nga mjeti, Saimiri ka shkuar tek personi që ishte në sediljen e parë dhe i ka kërkuar një mjet identifikimi i cili iu bind dhe zbriti nga mjeti, ndërkohë Saimiri i është drejtuar pasagjerit që ishte ulur në sediljen e pasme, pas pasagjerit në anën e djathtë të mjetit duke i thënë se kush jeni ju dhe a keni dokument.

Unë kam dëgjuar se ky pasagjer i ka thënë Saimirit “unë nuk jam për t’u kontrolluar” dhe menjëherë kam dëgjuar një krismë armë zjarri dhe kam parë Saimirin duke lëvizur për nga mbrapa mjetit, ndërkohë unë dhe Petriti jemi shmangur në pjesën ku ishte ndaluar makina e policisë në anën e rrugës nga laguna. Gjatë kësaj kohe që u shmangëm për tu pozicionuar përballë mjetit të policisë kam nxjerrë armën e shërbimit dhe kam parë se automjeti i këtyre personave u nis me shpejtësi për tu larguar në drejtim të Lezhës dhe kam qëlluar disa herë me armën e zjarrit të shërbimit në drejtim të këtij mjeti duke mbajtur vijën e shënimit në pjesën e poshtme të mjetit dhe gomave, ku mjetit i është çarë goma dhe ka vazhduar rrugën në drejtim të Lezhës. Menjëherë së bashku me Petritin kemi bërë bllokimin e dy personave duke i shtrirë në tokë. Më pas, Petriti ka ikur për të parë Saimirin dhe sapo e ka parë më ka thënë që Saimiri është plagosur. Menjëherë kam lajmëruar ambulancën dhe kemi mbajtur dy personat për t’i shoqëruar në polici.

The post Zbulohet dëshmia e kolegut të Saimir Hoxhës: Na ndoqën me makinë, si e qëlloi për vdekje Aldi Rama appeared first on Albeu.com.

I riu luftoi për jetë disa orë në spital por nuk i mbijetoi dot plagëve të rënda në kokë.

Disa ditë pas ngjarjes, Rufan Rama, babai i Aldi Ramës që vrau nënkomisarin e policisë Saimir Hoxha  ka deklaruar se do të marrë hak për të birin duke bërë akuzën e rëndë.

“ E kanë vrarë mor djalin, e kanë marrë pistoletën dhe ja kanë kthyer drejt kokës. Nuk rri pa ia marrë hakun, nuk e fal gjakun e tim biri more zotëri, do marr hak…shtet kopil…”- tha ndër të tjera babai i 21-vjeçarit.

Babai i Ramës këmbëngul për fax news, se nuk do ta falë këtë padrejtësi të bërë dhe se nëse drejtësia nuk ndërmerr asnjë veprim atëherë do të merrte vetë masa për të marrë hakun e djalit të tij.

Rufan Rama: Ata policë që e kanë kapur, kanë ushtruar një dhunë shumë të paparë, duke e rrahur në mënyrë barbare. Kur e kanë kapur në Lezhë e kanë dhunuar. Bravo ju qoftë gazetarëve dhe prokurorëve që e kanë deklaruar se djali e ka denoncuar këtë dhunë, por nuk ka pasur ekspertizë mjeko-ligjore.

Akoma do ketë vrasje në popull. Si e vranë Klodian Rashën që i futën pistoletën në duar. Kam komunikuar me të 2 javë para se të vritej. I ka thënë gjyshit që kam një dhimbje të madhe në këtë krah. Ai e ka pyetur po si kështu. Na fikën mor ky shtet, cfarë bëhet me këtë popull. Një njeri kur shkel ligjin arrestohet, si qenka kjo me të dalim të vrasim njerëz si të na mbushet mendja? A ishte një person i katërt në makinë?

Nuk jam i sigurtë kush e ka shkrepur armën. Kam parë disa lajme, para disa kohësh ka dalë një lajm sikur ka qenë një person i katërt i cili ka qenë më i rrezikshëm se Aldi dhe mendoj se mund ta ketë bërë krimin, më pas thonë hajt ta mbulojmë këtë se Aldi e ka bërë. Nuk të linte kush të dhunohesh në këtë mënyrë. E kanë vrarë mor djalin, e kanë marrë pistoletën dhe ja kanë kthyer drejt kokës. Nuk rri pa ia marrë hakun, nuk e fal gjakun e tim biri more zotëri, do marr hak…shtet kopil. /albeu.com/

The post Babai i Aldi Ramës bën akuzën e fortë: Djalin ma vrau policia, nuk e fal gjakun! appeared first on Albeu.com.

Hoxha u vra nga 21-vjeçari Aldi Rama, teksa po zhvillonte një operacion antikanabis në Lezhë, paraditen e 28 shtatorit.

Ai la pas gruan dhe dy djem të vegjël.

Disa orë më vonë, Aldi Rama, teksa ndodhej i rrethuar nga RENEA, qëlloi dhe veten e ndërroi jetë në spitalin e Traumës. Saimir Hoxha u shpall “Dëshmor i Atdheut”./albeu.com

The post U vra në krye të detyrës, trupa policore shqiptaro-amerikane ka një shpërblim për familjen e Saimir Hoxhës appeared first on Albeu.com.

Vrasja e oficerit të policisë nën komisar Saimir Hoxha paraditen e së martës në Ishull-Lezhë, ka vënë në lëvizje blutë e Lezhës.

Policia e rendit dhe ajo rrugore është kanë shtuar kontrollet në qytet, duke ndaluar automjetet në të cilat mund të lëvizin persona të dyshimtë. Uniformat blu janë vendosur në pika të ndryshme të qytetit, kryesisht gjatë orëve të mbrëmjes. /albeu.com/

The post Blindohet Lezha, vrasja e Saimir Hoxhës vë në lë lëvizje blutë (FOTO LAJM) appeared first on Albeu.com.

Trupa gjykuese dha masën sot “arrest me burg pa afat” për të dy.

Avokati i tyre, Gjon Huli tha para mediave se ata nuk kanë kryer asnjë vepër penale, pasi i janë bindur policisë.

Madje, sipas tij, ata e ndihmuan policinë për të vënë në ambulancë të plagosurin, Saimir Hoxha, i cili ndërroi jetë më vonë.

DINAMIKA E VRASJES:

Është zbardhur dinamika e ngjarjes së rëndë në Lezhë ku mbeti i vrarë nënkomisari Saimir Hoxha me një plumb në zemër.

Autori i krimit të rëndë, Aldi Rama u zhduk për orë të tëra në pyjet e zonës dhe në fund vendosi të qëllojë me të njëjtën armë mbi veten.

Forcat RENEA e gjetën atë të plagosur dhe në gjendje të rëndë, por fatmirësisht kishte shenja jete.

Tashmë ai është transportuar drejt spitalit ku po merr ndihmën e parë ndërkohë gjendja shëndetësore raportohet e rëndë.

Sipas burimeve bëhet me dije se efektivët kishin dalë në terren për të kontrolluar një zonë ku ishte denoncuar se ishte mbjellë një parcel kanabisi.

Me të marrë informacionin e parë, Policia e Lezhës nisi menjëherë për verifikim një grup me 3 persona, mes tyre: shefi i krimeve, viktima dhe një koleg tjetër.

Pas dy orë kërkimesh, Policia arriti që të gjente parcelën me 110 bimë me kanabis, duke i shkatërruar të gjitha bimët, sipas gazetares Klodiana Lala.

Pak pasi do të ktheheshin drejt komisariatit, policia ka ndaluar një automjet dhe i ka bërë thirrje që të ndalonte.

Brenda mjetit mësohet se kanë qenë 3 persona, Armando Marku, Kristian Sheri dhe Aldi Rama, ky i fundit autori i dyshuar i ngjarjes.  Në momentin e ndalimit, makinën po e drejtonte Armando Marku.

Pasi mjeti ka ndaluar, oficeri i ndjerë ka tentuar që të ndalojë Aldi Ramën

“Ndalo! Unë jam punonjës i policisë dhe dua që të identifikohesh,”-mësohet se ka thënë viktima. Por në atë moment ai nuk është ndalur, por ka qëlluar në zemër efektivin, duke i marrë atij jetën./albeu.com/

The post U lanë në burg, dalin fotot e dy shokëve të Aldi Ramës që vrau nënkomisarin në Lezhë (FOTO LAJM) appeared first on Albeu.com.

Pavarësisht se policia deklaroi se i riu ka tentuar vetëvrasjen në pyjet e Lezhës, dyshime të forta ka që i riu të ketë qëlluar veten në mënyrë aksidentale.

Sipas gazetarit investigativ, Artan Hoxha në Abc, të gjitha shenjat tregojnë se i riu nuk ka tentuar të vrasë veten me qëllim por ka ndodhur në mënyrë aksidentale.

Artan Hoxha: Personi në fjalë nuk qëlluar nga policia, por nge shenjat që ka nuk tregojnë që ka tentuar të vrasë veten me qëllim.

Kur dikush vret veten synon mjekrën nga poshtë lart, synon në gojë ose në ballë, gjen një pozicion të shkaktojë vdekje të menjëhershme. Efektivët thanë që kishin dëgjuar të shtëna arme gati një orë e gjysmë përpara.

Aldi Rama duhet të kishte goditur veten shumë kohë përpara se të shkonte policia atje. Kjo shpjegon faktin që ai nuk ka tentuar të vrasë veten.

Ai ka rrëshqitur dhe mund t’i ketë lëvizur dora. Është goditur në një cep të kokës dhe ka një drejtim të çuditshëm. Snajperi ka fuqi të madhe dhe nuk ngelet në kokë. Nuk është vrarë me armë policie.

Fakti që janë gjetur faktorë plotësues shenja të barutit tregon që është goditur nga fare afër, nga dora e tij. Predhat dalin nuk ngelen në kokë. Distanca e afërt ka bërë që ajo të mbetet në kokën e të ndjerit.

Viktima nuk ka qenë i freskët. Është tentuar të negociohej, nuk është përgjigjur sepse ka qenë i goditur në kokë që në momentet e para. RENEA gjeti njeriun aty ku ishin dëgjuar të shtëna.

Ai nuk u përgjigj në asnjë moment. Nuk është negociuar fare sepse nuk kanë pasur mundësi të flisnin me të. Ai ka qenë jo koshient. Kjo është një rrethanë që dëshmon se ai nuk është goditur nga policia. Kjo mund të jetë aksidentale. /albeu.com/

The post U qëllua në distancë teksa arratisej? Artan Hoxha: Aldi Rama nuk tentoi vetëvrasjen! appeared first on Albeu.com.

Në varrimin e tij në orën 14:00 do të marrë pjesë edhe i ati i tij që ka ardhur posaçërisht nga Greqia.

Mamaja e tij Valbona Kolgjini ka hapur dyert e mortit dhe familjarë të shumtë kanë shkuar për ngushëllim në shtëpinë e saj.

Ndërkohë ka mbërritur para pak çastesh edhe babai i Aldi Ramës, shtetasi Rufan Rama i cili jetonte në Greqi.

Duke folur për mediat babai i 21-vjeçarit tha se nuk kishte kontakte me djalin e tij pasi ai jetonte në Greqi ndërsa Aldi Rama kishte vendosur të jetonte me gjyshërit e tij në Lezhë.

Ndërkohë dy prindërit e 21-vjeçarit ishin divorcuar vite më parë dhe sipas miqve e familjarëve të tyre ky ishte shkaku se përse Aldi i kishte përfunduar në këtë gjendje./albeu.com

The post I biri vrau policin në krye të detyrës, babai i Aldi Ramës vjen nga Greqia për varrimin e tij (FOTO LAJM) appeared first on Albeu.com.