Ndërsa për vëllanë e tij, Pajtim Rrushi Prokuroria kërkoi 1.5 vite burg. Ai akuzohet për moskallzim krimi dhe kryerje të veprimeve që pengojnë hetimin. Procesi ndaj tyre u zhvillua me gjykim të shkurtuar duke pranuar provat në gjendjen që janë por jo akuzën.

Në dosjen penale thuhet se i pari që kishte dyshuar tek Fredi Rrushi, ishte djali i biznesmenit.

“Shtetasi Samir Hoxha (djali i biznesmenit) ka telefonuar shtetasin Ferdi Rrushi dhe i ka kërkar takim per ta pytur per babain e tij Rrushdiun, pasi Fredi ishte personi i fundit qe ishte takuar me babain e tij. Fredi i ka thene, se nuk ndodhej ne shtepi, por kishte shkuar tek puna ne Martanesh, pasi ai atje punon si biznesmen ne nje minjere kromi dhe ne telefon i ka thene: ‘Se babain tend Rrushin me date 21.10.2021 e kam lene ne mesnate tek treshi ne stacion te autobuzit, dhe sipas tij do te vinte dhe do ta merrte nje goce, nje shoqe e tij” shkruhet në dosje.

Por ndryshe ka rezultuar nga kqyrja e kamerave të sigurisë dhe lokalizimi i vend-ndodhjes së Fredi Rrushit, i cili rezulton se ka udhëtuar me viktimën drejt Dajtit, ka qëndruar në zonën ku u vra biznesmeni dhe u gropos trupi i tij dhe më pas, është kthyer sërish në drejtim të Tiranës.

Në pretencën prej 14 faqesh, thuhet se nga kqyrja e pamjeve filmike, të itenearit të automjetit të drejtuar nga Fredi Rrushi rezulton se gjatë lëvizjes me drejtim Tiranë-Dajt në sediljen e parë të pasagjerit vërehet një person, ndërsa në kthim në baze të kqyrjes së pamjeve filmike nuk ka pasagjer në automjet.

Fredi Rrushi akuzohet për tri vepra penale, vrasje, armëmbajtje pa leje dhe fshehje të kufomës. Biznesmeni 43-vjeçar u gjet i vdekur në Malin me Gropa në 6 nëntor 2021.

Rrushi mendohet të ketë shkuar bashkë me një mikun e tij në Malin me Gropa dhe ta ketë ekzekutuar biznesmenin Hoxha me dy plumba. Mëngjesin e ditës tjetër, ai u kthye sërish në vendngjarje dhe groposi kufomën.

Sipas hetuesve, autori Fredi Rrushi mori telefonin e Ruzhdi Hoxhës dhe e hodhi, por ai u gjet rastësisht nga një taksist që e shiti për 10 mijë lekë në një servis ku policia e gjeti dhe e sekuestroi. Kjo ndihmoi në zbulimin e kufomës e më pas në zbardhjen e vrasjes e cila ka dyshohet se ka pasur si shkak borxhet që viktima kishte ndaj Fredi Rrushit./Albeu.com/

The post Vrasja e Ruzhdi Hoxhës, Prokuroria kërkon 18 vite burg për Fredi Rrushin appeared first on Albeu.com.

Rrushi akuzohet për “Vrasje me paramendim”, “Mbajtja pa leje dhe prodhim i armëve” dhe “Fshehja ose asgjësim i kufomës”

Prokuroria e Rrethit gjyqësor Tiranë kërkon dërgimin në gjyq të çështjes nr.7713, të vitit 2021, me të pandehur shtetasit Fredi Rrushi akuzuar se ka konsumuar plotësisht elementet e veprës penale “Vrasje me paramendim”, “Mbajtja pa leje dhe prodhim i armëve, armëve shpërthyese dhe municionit” dhe “Fshehja ose asgjësim i kufomës” të parashikuar nga nenet 78, 278 dhe 303 të K.Penal dhe P.Rr sipas nenit 301 të K. Penal.

Prokuroria e Rrethit gjyqësor Tiranë ka regjistruar procedimin penal nr. 7713 dt.27.10.2021, për veprën penale “Rrëmbim ose mbajtja peng e personit” të parashikuar nga neni 109 i K. Penal.

Më datë 24.10.2021 në komisariatin e Policisë nr 5. Tiranë ka bërë kallëzim me shkrim shtetasi; S.H. për largimin nga banesa të babait të tij shtetasit R. H.
Në dt.06.11.2021 në vazhdimin e kërkimeve është konstatuar kufoma e një shtetasi e cila dyshohet se është e R. H.

Me vendimin nr. 1999, datë 10.11.2021 të Gjykatës së Rrethit Gjyqësor Tiranë, është caktuar masa e sigurimit “Arrest me burg” të parashikuar nga neni 283 i K. Pr. Penale ndaj personave nën hetim.

Pas një analize të plotë të materialit hetimor, veprimeve hetimore të kryera, rezulton se ka prova që krijojnë bazën ligjore të të dhënave të mjaftueshme se personi nën hetim F. Rr. ka konsumuar plotësisht elementet e veprës penale “Vrasje me paramendim”, “Mbajtja pa leje dhe prodhim i armëve, armëve shpërthyese dhe municionit” dhe “Fshehja ose asgjësim i kufomës” të parashikuar nga nenet 78, 278 dhe 303 të K.Penal. Po ashtu, në analizë të plotë të materialit hetimor, veprimeve hetimore të kryera, rezulton se ka prova që krijojnë bazën ligjore të të dhënave të mjaftueshme se personi nën hetim P. Rr. ka konsumuar plotësisht elementet e veprës penale “Veprime që pengojnë zbulimin e së vërtetës” të parashikuar nga nenet 301 të K.Penal.

The post Akuzohet se vrau dhe groposi biznesmenin në Qafë-Mollë, prokuroria mbyll hetimet dhe dërgon në gjyq 43-vjeçarin appeared first on Albeu.com.

Sipas burimeve për albeu.com, mësohet se ndaj Fredi Rrushit përveç akuzës së vrasjes rëndon edhe akuza e armëmbajtjes pa leje, zhdukjes së provave dhe zhdukjes së kufomës.

Trupi i pajetë i Rruzhdi Hoxhës u gjet disa ditë pas krimit i groposur në malin e Dajtit.

Nga hetimet ende nuk është gjetur automjeti me të cilin u rrëmbye Hoxha dhe pistoleta me të cilinë është kryer krimi.

Ruzhdi Hoxha u denoncua i zhdukur nga djali i tij mbrëmjen e 24 tetorit 2021.

Djali i tij denoncoi se i kishte humbur kontaktet me babain prej 3 ditësh.

Pas 13 ditësh, më 6 nëntor 2021, Rruzhdi Hoxha u gjet i pajetë në malin e Dajtit.

Policia zbuloi një plagë pas koke e cila ishte shkaktuar nga një armë zjarri.

Pasi u qëllua pas kokës, Hoxha u hodh në greminë, ku u gjet i mbuluar me zhavorr dhe gjysmë i dekompozuar.

Kujtojmë se për ngjarjen u arrestua Fredi Rrushi si autor i dyshuar i vrasjes./albeu.com/

The post Rrëmbimi dhe vrasja e Ruzhdi Hoxhës, Prokuroria mbyll hetimet për Fredi Rrushin: Çfarë pretendon organi i akuzës appeared first on Albeu.com.

Kujtojmë se Vladimir Kurti ka pranuar që të bashkëpunojë me drejtësinë duke dëshmuar para gjykatës se vrasja e Agim Bucit nuk ishte si pasojë e grabitjes, por ata ishin të paguar për ta vrarë nga Albert Zaja.

Autori nuk folur me herët për këtë fakt, pasi ishte i frikësuar nga një hakmarrje e mundshme e Albertit, dhe vetëm tani ka mundur te dëshmojë pasi Albert Zaja është arrestuar për një ngjarje tjetër.

Ngjarja e rëndë ka ndoshur në prill të 2018, ku mbeti e plagosur edhe bashkëshortja e viktimës, Rita Buci./albeu.com

The post Vrasja pronarit të marketit në Kamëz, gjykata dënon një prej autorëve me burgim të përjetshëm appeared first on Albeu.com.

Ai mbahej, nën masën e sigurisë arrest me burg, për shkak të dyshimeve se kishte tentuar të fshihte provat që implikonin vëllain e tij Fredi Rrushi në vrasjen e babait të dy fëmijëve.

Tashmë ai do të jetë në arrest shtëpie, ndërkohë mbetet e pandryshuar masa e sigurisë për Fredi Rrushin.

Kujtojmë se trupi i pajetë i biznesmenit Rruzhdi Hoxha, u gjet në një zonë shkëmbore e të thepisur në Malin e Dajtit. Ai rezultonte prej dy javësh i zhdukur dhe ishte pronar i një biznesi inertesh në zonën e Kamzës./albeu.com

The post Tentoi të fshihte vrasjen e Rruzhdi Hoxhës, Apeli zbut masën e sigurisë për Pajtim Rrushin appeared first on Albeu.com.

Burimet bëjnë me dije se në kohën kur ndodhi krimi i rëndë, biznesmeni i vrarë nga miku i tij, Ferdinand Rrushi, ishte nën përgjim nga Prokuroria e Tiranës.

Shkak për vendosjen në përgjim të Rruzhdi Hoxhës së bashku me dy miqtë e tij me inicialet, Gj.L dhe E.Gj, ka qenë një kallëzim i bërë nga kompania e ndërtimit “Salillari” që në muajin tetor në Komisariatin e Vorës.

Mësohet se sipas firmës Salillari është kryer një tentativë për grabitje brenda perimetrit rrethues të kompanisë së ndërtimit, që ndodhet në Marikaj të Vorës.

Mësohet se Hoxha ka qënë bashkë me dy persona të tjerë në tentativën për grabitje, ku janë  pikasur nga roja i kompanisë janë larguar me vrap, por janë kapur nga kamerat e sigurisë.

Duke parë pamjet filmike të kamerave dhe informacioneve të mbledhura në rrugë operative, Policia dhe prokurorët e Tiranës, kanë vënë në përgjim telefonik tre personat, Gj.L, E.Gj dhe biznesmenin Hoxha, por edhe tre personat që dyshohet se kishin hyrë për të vjedhur.

Sipas djali të viktimës, babai i tij i kishte bërë me dije se kishte marrë një ofertë të majme prej 200 mijë eurosh për të djegur makineritë e kompanisë. Por djali nuk flet për asnjë moment me emra se nga kush kishte ardhur oferta.

Dëshmia e tij përputhet me përgjimin që ishte iniciuar, pas kallëzimit penal, ndërsa viktima ishte nën monitorimin e Policisë deri më 21 Tetor 2021, ditë kur edhe u zhduk.

Telefonatën e fundit e bëri me Ferdinand Rrushin, por ky i fundit për shkak se ishte në kërkim nga Policia italiane, ruhej nga një arrestim i mundshëm, e numrin e kishte regjistruar e një tjetër qytetari.

Natën e vrasjes së tij, hetuesit kanë pasur edhe shkëputje të qelisës së celularit, duke menduar se Ruzhdi Hoxha, ka mbyllur telefonin ose kishte shkatërruar kartën se ndoshta kishte kuptuar se po përgjohej.

Për disa ditë nuk ka pasur asnjë kontakt me të, deri në 24 tetor, ditë kur familjarët e biznesmenit shkuan për të denoncuar zhdukjen e tij, ndërsa me shumë siguri dyshonin se bëhej fjalë për rrëmbim. Në fund u mësua se biznesmeni ishte vrarë, e për ngjarjen janë arrestuar vëllezërit Ferdinad dhe Pajtim Rrushi, si njerëzit që kanë ideuar dhe kryer krimin e rëndë ndaj 43-vjeçarit. /albeu.com/

The post DETAJET/ Donte të digjte makinat e Salillarit për 200 mijë euro, Hoxha ishte nën përgjim kur u vra appeared first on Albeu.com.

Pamjet janë marrë në kodrat e Liqenit artificial dhe thuhet se bëhet fjalë për datën 21 tetor 2021, pikërisht një ditë pas largimit të 43 vjeçarit nga banesa në Paskuqan.

Në pamjet filmike duket Ruzhdi Hoxha që në një moment merr telefonin për të folur. Ai është i veshur me një xhup pa mangë, e njëjta që gjeti policia e shtetit në zonën e Qafë Mollës.

Sipas burimeve Ruzhdiu ishte me dy shokët e tij duke konsumuar kafe, me pas po atë ditë disa orë më vonë ai është takuar më shokun e tij Fredi Rrushi ku ka hipur në makinën e tij tip Passat. Ndërkohë u ka thënë shokëve të tij se do të dalë me Fredi Rrushin.

Gjatë telefonatave që familjarët kanë pasur me Fredi Rrushin ai është shprehur se Ruzhdi Hoxhën e ka lënë në zonën e Treshit. Po sipas burimeve familjaret kanë tentuar të lidhen në telefon më të, por ai ka dalë i fikur, shkruan oranews.

Mbeten të paqarta motivet e ekzekutimit të Ruzhdi Hoxhës, biznesmeni i cili nuk ishte person me precedent penalë, ndërkohë që nesër pritet të dalin në Gjykatë për vlerësim të masës së sigurisë  Fredi Rrushi dhe vëllai i tij.

The post U gjet i vrarë nën zhavorr, dalin momentet e fundit të Ruzhdi Hoxhës (VIDEO) appeared first on Albeu.com.

Kontakti para krimit të rëndë:

Nga verifikimet është mësuar se ditën që do kryente vrasjen, Fredi Rrushi e ka telefonuar tre herë Hoxhën, ndërsa ky i fundit nuk i ka hapur telefonin, gjë kjo që ngre dyshime për konflikte mes tyre. Mësohet se autori ka kontaktuar më pas me biznesmenin përmes një personi tjetër që ndodhej në një tavolinë me këtë të fundit.

Pasi ka mësuar lokalin ku ai ndodhej ka shkuar atje dhe sipas dëshmitarëve nuk ka pasur konflikte. Më pas e ka marre në makine dhe pas largimit te personave të tjerë e ka dërguar ne zonën e Dajtit, ku edhe e ka ekzekutuar.

Provat në vendngjarje:

Pas vrasjes, autori e ka marrë edhe celularin e Ruzhdi Hoxhës dhe për të humbur gjurmët e ka hedhur në një rrugicë.

Madje kamerat që janë në dispozicion të prokurorisë e kanë filmuar rrushin duke zbritur I vetëm nga zona e Dajtit.

Telefoni i biznesmenit Hoxha, përfundoi në duart e një taksisti, i cili e shiti për 10 mije leke te vjetra në një servis dhe është zbuluar nga prokuroria nga qelizat.

Të nesermen ne orën 5.30 të mëngjesit Fredi Rrushi ka shkuar sërish drejt Dajtit ku ka tentuar të fsheh trupin e viktimës, duke e mbuluar me zhavor e gurë.

Deklarata e autorit:

Ndonëse policia dhe prokuroria pas një pune afro 11 ditore kanë mundur të bien në gjurmë të autorit të dyshuar, Fredi Rushi, ky i fundit nuk pranon të flasë duke vijuar t’i qëndrojë variantit të parë të dhënë në momentin e ndalimit.

Ai ka pohuar gjatë marrjes në pyetje se nuk ka lidhje me vrasjen dhe ditën kur biznesmeni u zhduk ai e kishte takuar dhe pasi kishin bërë xhiro me makinë e kishte lënë afër banesës në Kamëz.

Por të gjitha këto alibi të tij kanë rënë, pas pamjeve filmike të siguruara nga policia dhe prokuroria si dhe qelizave telefonike të tij dhe viktimës të cilët tregojnë vendodhje ndryshe nga sa pretendon I dyshuari dhe vërtetojnë akuzat e prokurorisë.  /albeu.com/

The post DETAJET/ E rrëmbeu dhe e vrau në Malin e Dajtit, autori u rikthye të nësermen për t’i varrosur trupin appeared first on Albeu.com.

Autori i rrëmbimit dhe i vrasjes së Hoxhës ishte shoku i tij, Fredi Rrushi, i cili dyshohet se e ka vrarë që ai të mos flasë për pazaret e dorgës.

Policia gjithashtu ka arrestuar dhe vëllain e Fredi Rrushit, Pajtim Rrushi 42 vjeç, si i dyshuar si bashkëpunëtor në ngjarje.

Pajtim Rrushi sipas burimeve ka fshehur makinën e të vëllait që mund të shërbente si prove për të mbledhur gjurmët e AND-së.

Pajtimi nuk ka treguar asgjë për ngjarjen dhe ka mohuar të ketë pasur dijeni për vrasjen. Po ashtu ai ka mohuar që të kishte lidhje me zhdukjen e makinës. Por ku i vunë përballë pamjet filmike, ai nuk ka pranuar më të flasë.

Burime bëjnë me dije se, nga ora 3 e mëngjesit që ka bërë ekzekutimin, Fredi Rrushi ka marrë viktimën e ka vrarë direkt, sipas dyshimeve, dhe me pas i ka marrë celularin dhe e ka zbritur poshtë pranë Shkollës së Bashkuar e ka hedhur në tokë.

Celulari është gjetur nga një taksist, i cili ka vajtur dhe e ka shitur në një pikë për tregtimin e celulareve. Pronari i servisit të celulareve e ka ndezur dhe e ka përdorur për punën e tij. Organi i akuzës e ka ndjekur me qelizat e celularit ka shkuar dhe e ka gjetur më pas ka marre dëshminë e taksisit, i cili ka rrëfyer se e ka gjetur në rrugë dhe e kishte shitur për 10 mijë lekë. Sipas burimeve gjithçka përkon me pamjet filmike dhe qelizat e celulareve të autorit dhe viktimës./albeu.com

The post Vrasja e biznesmenit Hoxha, detajet dhe provat që “fundosën” dhe vëllain e autorit appeared first on Albeu.com.

Ai dyshohet se ka qenë bashkëpunëtor në krimin e kryer, në rrëmbimin dhe vrasjen e biznesmenit nga Kamza.

 Njoftimi i Policisë:

Vijojnë veprimet hetimore për dokumentimin e plotë të rrëmbimit dhe vrasjes së shtetasit Ruzhdi Hoxha.

Si rezultat i veprimeve hetimore të kryera nga Sektori i Krimeve të Rënda nën drejtimin e Prokurorisë në kuadër të operacionit policor të koduar “Qafë Molla”, është vënë në pranga vëllai i autorit të dyshuar të krimit. 42-vjeçari i dyshuar si bashkëpuntor në krim.

Në vijim të punës intensive hetimore dhe profesionale me qëllim dokumentimin e autorsisë së rrëmbimit, vrasjes dhe më pas zhdukjes së kufomës së shtetasit Ruzhdi Hoxha, prej disa ditësh ka vijuar operacioni policor i kodur “Qafë Molla”.

Në operacion u përfshinë Strukturat Hetimore të DVP Tiranë dhe të Komisariati i Policisë Nr.4, Fnsh dhe Institutit të qenëve të Policisë nën koordinimin e Deparatamentit të Policisë Kriminale dhe Departamentit për Sigurinë në Drejtorinë e Përgjithshme të Policisë së Shtetit, duke kryer kërkime masive në të gjithë zonën e Dajtit.

Si rezulat edhe i kontrollit me qentë e gjurmës, në Qafë Mollë, mbrapa Dajtit, në një greminë, u gjet i mbulur me zhavor e gurë trupi i pajetë i shtetasit Ruzhdi Hoxha.

Në kuadër të veprimeve hetimore të kryer nga Sektori i Krimeve të Rënda kundër Jetës, është bërë e mundur zbardhja e autorsisë së kësaj ngjarje, ku dyshohet se shtetasi Fredi Rrushi, është autor i rrëmbimit dhe i vrasjes së shtetasit Ruzhdi Hoxha. Shtetasi Fredi Rrushi është arrestuar më datë 26 tetor 2021 nga DVP Tiranë, si person i shpallur në kërkim ndërkombëtar nga autoritetet ligjzbatuese italiane për veprën penale të trafikimit të narkotikëve.

Gjithashtu, ky shtetas dyshohet dhe si porositësi dhe organizatori i kultivimit të bimëve narkotike në fshatin Ballenj, me datë 31.10.2021, ku u vunë në pranga shtetasit A. D dhe G. K.

Në vijim të veprimeve u bë ndalimi i shtetasit Pajtim Rrushi 42 vjeç, për veprat penale “Veprime që pengojne zbulimin e të vërtetës” dhe “ Fshehje ose asgjësim i kufomës“, i dyshuar si bashkëpunëtor në ngjarje.

Si dhe u bë vendimi i ndalimit në ambientet e burgimit i shtetasit Fredi Rrushi për veprat penale “Vrasje me paramendim” “Kultivim i bimëve narkotike” dhe “Fshehja e kufomës”.

Nga ekspertiza paraprake rezulton se shtetasi Ruzhdi Hoxha është vrarë me armë zjarri.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme./albeu.com/

The post “Qafë Molla”, vranë dhe groposën biznesmenin nga Kamza, prangoset vëllai i autorit! Për çfarë dyshohet appeared first on Albeu.com.