Ky është raundi i 12-të i sanksioneve, që Bashkimi Evopian ka vendosur ndaj Rusisë, që kur Presidenti Vladimir Putin urdhëroi ushtrinë e tij të sulmonte Ukrainë pothuajse dy vjet më parë.

Sanksionet kanë në shënjestër sektorin e energjisë, bankat, kompanitë, tregjet dhe ngrirjen e pasurive të mbi 1000 zyrtarëve rusë, përfshirë ndalimin e udhëtimit vendet e BE-së.

Brukseli tha se sanksionet e fundit do t’i jepnin një goditje të mëtejshme aftësisë së Putinit për të vazhduar luftën, duke goditur sektorë me vlerë të lartë të ekonomisë ruse dhe duke e bërë më të vështirë anashkalimin e sanksioneve të BE-së.

Importi, blerja ose transferimi i diamanteve natyral, sintetik dhe bizhuterive me diamante do të ndalohet duke filluar nga 1 janari.

Ndalimi zbatohet për diamantet me origjinë nga Rusia, të eksportuara nga Rusia dhe që kalojnë tranzit përmes Rusisë, si dhe për diamantet ruse të përpunuara diku tjetër.

BE-ja vlerëson se sektori i diamanteve ka një vlerë vjetore prej rreth 4.5 miliardë dollarësh për Moskën.

Raundi i ri i sanksioneve i detyron gjithashtu kompanitë e BE-së, të ndalojnë në kontratat e tyre eksportin e mallrave të caktuara në mënyrë që blerësit të mos mund t’i shesin ato në Rusi, veçanërisht “mallra dhe teknologji sekrete” që mund të përdoren nga forcat e armatosura ruse në Ukrainë.

Kimikatet shtesë, bateritë e litiumit, termostatet, disa motorë elektrikë që mund të përdoren për prodhimin e dronëve dhe disa vegla makinerish dhe pjesë këmbimi janë vendosur në listën e BE-së të artikujve të kufizuar ose të ndaluar për eksport në Rusi.

Importet në BE të disa mallrave që gjenerojnë të ardhura të konsiderueshme për Rusinë gjithashtu u kufizuan, duke përfshirë telat e bakrit dhe aluminit, fletë metalike, tubacione dhe gazin e lëngshëm.

Bashkimi Evropian shtoi gjithashtu 29 “entitete” të tjera, organizata, agjenci, kompani ose banka, që dyshohet se po mbështesin kompleksin ushtarak dhe industrial të Rusisë në luftën kundër Ukrainës.

27 vendet e BE-së tani do të konsiderojnë vendosjen e sanksioneve kundër njerëzve që përfitojnë nga sekuestrimi i pasurive evropiane ose pjesëve të kompanive në Rusi.

Shtetet anëtare do të vihen gjithashtu nën kontroll më të rreptë për të siguruar që po gjurmojnë në mënyrë aktive pasuritë e njerëzve, që janë në shënjestër të sanksioneve.

The post BE vendos sanksione të reja ndaj Rusisë appeared first on Albeu.com.

Do të ketë një “numër të ndryshëm kandidatësh”, pasi shumë njerëz plotësojnë kriteret për të kandiduar për postin, tha zëdhënësi i Kremlinit, Dmitry Peskov.

Putin,  i cili ka qenë në pushtet që nga viti 1999, pritet që të kërkojë dhe të fitojë një mandat tjetër gjashtëvjeçar në vitin 2024, edhe pse është 71-vjeç.

“Nuk ka ende një kandidat të parë, do të ketë një kandidat të parë pasi të regjistrohen. Mund të ketë një numër të ndryshëm kandidatësh,” tha Peskov.

“Kushtetuta jonë përcakton se kush mund të kandidojë për postin e presidentit. Shumë njerëz i përmbushin këto kritere. Ende nuk është shpallur asnjë fushatë zgjedhore”, deklaroi ai.

The post Jo vetëm Putin, në garë për postin e presidentit të Rusisë edhe kandidatë të tjerë appeared first on Albeu.com.

Perëndimi gradualisht ka zvogëluar varësinë nga karburantet me bazë fosili të Rusisë, por distancimi nga industria bërthamore po dëshmohet të jetë më sfidues. Sipas revistës së biznesit, Forbes, Korporata shtetërore e Energjisë Bërthamore të Rusisë, Rosatom, kontrollon 38 për qind të tregut botëror të uraniumit të pasuruar, ndërkohë që Rusia në tërësi kontrollon 46 për qind të tij.

Autoritetet ukrainase vazhdimisht u kanë kërkuar qeverive perëndimore të vendosin sanksione ndaj industrisë bërthamore të Rusisë, në veçanti korporatës Rosatom. Presidenti i Ukrainës, Volodymyr Zelenskyy, u ka bërë thirrje udhëheqësve të Bashkimit Evropian të mbajnë qëndrim më të ashpër.

“Ukraina nuk e kupton se si ende nuk janë vendosur sanksione ndaj Rosatomit, njerëzit e së cilës vazhdojnë të mbajnë të pushtuar Centralin Bërthamor të Zaporizhzhias dhe vazhdojnë të cënojnë sigurinë tonë”, tha zoti Zelenskyy.

Përgjigja qëndron në shifrat e importit. Sipas Euratom-it, Agjencisë Evropiane për Energjinë Atomike, gjatë vitit 2022 Evropa siguroi rreth 17 për qind të sasisë së uraniumit nga Rusia dhe rreth 27 për qind nga Kazakstani, një vend aleat i Rusisë. Varësia e Bashkimit Evropian nga lëndët bërthamore të Rusisë pritet të shënojë rritje, ndërsa shtete të ndryshme po shqyrtojnë forma alternative të prodhimit të energjisë dhe po shkëputen nga përdorimi i karburanteve me bazë fosili.

Në vitin 2022, kompanitë amerikane kanë blerë lëndë bërthamore me vlerë 1 miliardë dollarë nga Rusia. Në prill të vitit 2023, Shtetet e Bashkuara vendosën sanksione ndaj filaleve të Rosatom-it.

“Në fillimet e sanksioneve, në vitin 2014, kur drejtoja programin e qeverisë amerikane për to, i sugjerova kompanive amerikane, që bënin biznes me Rusinë, që të gjenin burime të tjera për t’u furnizuar, në mënyrë që të mos ishin të varura nga Moska dhe të binin pre e presionit të saj. Sot jemi vonuar për të diversifikuar burimet e lëndëve bërthamore”, thotë Daniel Fried nga Këshilli i Atlantikut.

Profesorja e Universitetit Teknologjik të Virxhinias, Sonja D. Schmid pajtohet, duke shtuar se Perëndimi mund të gjejë furnizues të tjerë me uranium, por do ta ketë të vështirë të gjejë forma alternative për ta pasuruar uraniumin.

“Pasurimi i uraniumit nuk është diçka që mund ta bësh brenda natës. Është proces që kërkon kohë, investim, dhe kushton. Në ekonominë e tregut, blerësi kërkon për vende që i kanë këto aftësi dhe që mund të të furnizojnë..

Ukraina synon të bëhet një furnizues i tillë. Ministri i Energjisë, German Galushchenko thotë se vendi i tij ka nënshkruar një marrëveshje në qershor të vitit 2022 me kompaninë amerikane për energji bërthamore, “Westinghouse” për të furnizuar me karburant bërthamor të gjitha centralet bërthamore të Ukrainës.

Zoti Galushchenko beson se Ukraina mund të fillojë të prodhojë karbuant bërthamor brenda tre viteve të ardhshme. Me kohë, Ukraina mund të furnizojë me të Çekinë, Sllovakinë, Finlandën dhe Bullgarinë, që përdorin reaktorët të njejtë si Ukraina.

“Kjo na mundëson që të çlirohemi nga monopoli rus që fatkeqësisht ekziston aktualisht.”

Disa shtete evropiane kanë ndërmarrë hapa për t’u shkëputur nga vartësia e karburantit bërthamor rus. Finlanda ka ndërprerë marrëveshjen me Rusinë për të ndërtuar një central të ri dhe kompania shtetërore suedeze, “Vattenfall” ka refuzuar të blejë karburant bërthamor nga Rusia.

Shumë shtete perëndimore ende varen nga karburtanti bërthamor rus dhe kjo varësi po ngadalëson ndikimin e sanksioneve në Rusi. Zgjidhja, sipas ekspertëve, qëndron te gjetja e mënyrave të tjera të furnizimit dhe Ukraina shpreson të ofrojë një të tillë. /VOA/

The post A po mbështetet Perëndimi tek industria bërthamore e Rusisë? appeared first on Albeu.com.

Si ministër në Qeverinë serbe, Basta ka avokuar për vendosjen e sanksioneve ndaj Rusisë, duke deklaruar se Serbia po paguan çmim të lartë duke mos vendosur sanksione ndaj Moskës.

Serbia është një nga shtetet e pakta në Evropë që ende nuk ka sanksionuar Rusinë për shkak të pushtimit të Ukrainës.

Zëdhënësja e Ministrisë së Jashtme ruse, Maria Zakharova. Fotografi nga arkivi.

Në fund të qershorit, kryeministrja serbe, Ana Bërnabiq, i propozoi Parlamentit që të shkarkojë ministrin.

Basta u zgjodh ministër i Ekonomisë si pjesëtar i koalicionit të Partisë Socialiste të Serbisë, lideri i të cilës është ministri i Jashtëm, Ivica Daçiq. Në këtë koalicion bën pjesë edhe partia Serbia e Bashkuar.

Më 20 qershor, Basta njoftoi se kishte regjistruar lëvizjen Rruga Evropiane (PEP) dhe tha se shumë shpejt kjo lëvizje do të shndërrohet në parti dhe do të garojë në zgjedhjet në të gjitha nivelet.

Po të njëjtën ditë, lideri i Serbisë së Bashkuar, Dragan Markoviq Palma tha se Bastës i është dhënë një afat që të japë dorëheqje nga të gjitha pozitat partiake. Ai tha se kërkesa për shkarkimin e Bastës po ashtu është dërguar në Qeveri. /REL

The post Kërkoi t’i vendoseshin sanksione Rusisë, shkarkohet ministri serb appeared first on Albeu.com.

“Ne nuk po vrapojmë për të përmbushur një afat (konkret)”, tha Patrushev në një intervistë për gazetën Argumenti dhe Fakti, që përkon me fushatën ushtarake tre-mujore ruse në Ukrainë. Përveç kësaj, ai garantoi se “të gjitha objektivat e vendosura nga presidenti rus”, Vladimir Putin, do të përmbushen, shkruan as.com.

Patrushev theksoi në intervistë se “nazizmi duhet të çrrënjoset 100%, ose do të ngrejë kokën pas disa vitesh, dhe në një formë edhe më të shëmtuar”, në lidhje me pushtimin rus të Ukrainës, duke vënë në dukje se “e vërteta, duke përfshirë historitë e vërteta”, është në anën e Kremlinit: “Vetëm vendi ynë mund të përballojë të luftojë nga dhembshuria. Dhembshuria, drejtësia, dinjiteti janë ide të fuqishme unifikuese që ne i kemi vënë gjithmonë dhe do t’i vendosim në ballë”.

Që nga fillimi i luftës në Ukrainë, ka pasur shumë spekulime për shëndetin e Vladimir Putin. Gazeta britanike The Sun siguroi disa javë më parë se Putini do t’i nënshtrohet një operacioni me kancer dhe derisa të shërohet, Patrushev do të marrë frenat e vendit dhe luftës. Por kush është ky pasardhës i mundshëm i Putinit dhe pse është zgjedhur ai për ta zëvendësuar atë?

Kush është Nikolai Patrushev?

Nikolai Patrushev është, sipas 20 Minutes , këshilltari më radikal i Putinit. Ai ishte drejtor i Shërbimit Federal të Sigurisë Ruse (FSB, organizata që pasoi KGB-në) nga viti 1999 deri në 2008. Atë vit ai u bë sekretar i Këshillit të Sigurimit, post që e mban aktualisht.

Patrushev është një nga anëtarët e rrethit më të ngushtë të Putinit, dhe sipas mediave të sipërpërmendura, ai është personi që e bindi presidentin se Ukraina ishte plot me nazistë dhe se vendi kishte nevojë për një proces “denazifikimi”, një argument i mbështetur nga Kremlini justifikojnë pushtimin e vendit fqinj.

Për më tepër, Patrushev fajëson Ukrainën për situatën aktuale: “Nëse Ukraina do të kishte mbetur e pavarur dhe nuk do të drejtohej nga regjimi aktual kukull, i fiksuar pas idesë për t’u bashkuar me NATO-n dhe BE-në, ajo do të kishte dëbuar të gjithë shpirtrat e këqij nazist.

Sekretari i Këshillit të Sigurimit rus beson se “Perëndimi ka nevojë për Ukrainën si kundërpeshë ndaj Rusisë dhe gjithashtu si një terren testimi për asgjësimin e armëve të vjetruara. /albeu.com/

The post Putin do t’i nënshtrohet një operacioni me kancer, ky është pasardhësi i tij i cili zbulon planet e Rusisë në Ukrainë appeared first on Albeu.com.

Zyrtarizimi që në fakt duhej të vinte nga FSHF, ka ardhur sot nga Ministrja e Jashtme, Olta Xhaçka, e cila në një komunikim zyrtar ka bërë të ditur se Shqipëria i bashkohet masave dhe sanksioneve të vendeve të tjera anëtare të BE kundër Rusisë për pushtimin e Ukrainës.

“Po ashtu, Shqipëria nuk do të marrë më pjesë në asnjë përballje sportive me Federatën Ruse deri në dhënien fund të pushtimit të Ukrainës”, theksoi ndër të tjera Xhaçka në fjalimin e saj.

Kështu, Shqipëria i bashkohet vendeve si Polonia, Suedia, Republika Çeke apo Franca të cilat kanë konfirmuar zyrtarisht se nuk do të luajnë ndeshje futbolli ndaj përfaqësueses së Rusisë për sa kohë që vazhdonte pushtimi ushtarak i Ukrainës.

Shqipëria ka të planifikuar sipas kalendarit të luajë dy ndeshje të Ligës së Kombeve në muajin qershor ndaj përfaqësueses së Rusisë. E para është planifikuar më datë 2 qershor në “Air Albania”, ndërsa e dyta është planifikuar në “VTB Arena” në Moskë më 13 qershor.

The post Ministrja Xhaçka e zyrtarizon: Nuk do të luhet ndeshja kundër Rusisë appeared first on Albeu.com.

Poulsen realizoi në minutën e 59′. /albeu.com/

The post Danimarka dyfishon shifrat ndaj Rusisë (VIDEO) appeared first on Albeu.com.