rritet nafta Archives - Albeu.com

Bordi ndryshon çmimet e karburantit në vend, me sa do të shitet nafta

E B — Wed, 15 Feb 2023 14:02:58 +0000

Bordi i Transparencës është mbledhur sot dhe ka vendosur të ndryshojë çmimet e karburantit në vend.

Duke filluar nga ora 18:00 e ditës së sotme, nafta do të shitet 195 lekë/litri, pra 5 lekë më shtrenjtë nga sa ishte.

Benzina do të shitet 189 lekë/litër, pra 4 lekë më shumë nga sa ishte dhe gazi 80 lekë/litri, 5 lekë më shtrejtë nga vendimi i herës së fundit.

Njoftimi i bordit:

Vendimet e Bordit të Transparencës në datë 15 Shkurt 2023 kanë ndryshime të çmimit nga ai i përcaktuar në mbledhjen e fundit.

Referuar të dhënave lidhur me bursën Platts të datës 14.02.2023, kemi ndryshime të çmimit nga ai përcaktuar në mbledhjen e fundit, konkretisht rezulton se çmimi (FOB/MED $ Ton) i Benzinës është 848, +22 nga data 03.02.2023, $/ Ton, ndërsa çmimi i Gazoilit/Diesel është 838, +26 nga data 03.02.2023, $/Ton. Kursi i këmbimit i BSH ka pësuar rritje të lehtë në 108.18 (+ 1.52 nga data 03.02.2023).

Si rrjedhojë çmimet e vendosura janë :

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 195 lekë/litri, ndërsa i shitjes me shumicë jo më shumë se 183 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 189 lekë/litri, ndërsa i shitjes me shumicë jo më shumë se 177 lekë/litër.

Çmimi i shitjes me pakicë i nënproduktit gaz, të jetë 80 lekë/litri me pakicë dhe i shitjes me shumicë 68 lekë/litër për automjetet.

Çmimi i gazoilit për peshkim është vendosur 101 lekë/litër.

Çmimet e caktuara nga Bordi do të hynë në fuqi në datë 15 Shkurt, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.

Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës./albeu.com

The post Bordi ndryshon çmimet e karburantit në vend, me sa do të shitet nafta appeared first on Albeu.com.

Bordi ndryshon çmimin e karburanteve, rritet nafta

E S — Wed, 14 Dec 2022 13:43:05 +0000

Bordi i Transparencës ka ndryshuar sërish çmimin e karburanteve.

Albeu.com mëson se nafta ka pësuar rritje, duke shkuar në 202 lekë/litër nga 178 që ishte më parë, ndërsa Benzina është rritur gjithashtu me 3 lekë duke shkuar në 178 lekë/litër nga 175 që ishte. Po ashtu, rritje ka pësuar edhe gazi i cili ka shkuarnë 71 lekë/ litër.

Sipas Bordit referuar të dhënave lidhur me bursën Platts të datës 13.12.2022, kemi ndryshime të çmimit nga ai përcaktuar në mbledhjen e fundit, konkretisht rezulton se çmimi (FOB/MED $ Ton) i Benzinës është 713, +36 nga data 08.12.2022, $/ Ton, ndërsa çmimi i Gazoilit/Diesel është 868, +71 nga data 08.12.2022, $/Ton. Kursi i këmbimit i BSH 109.88 ( – 1.56 nga dt 8).

Si rrjedhojë çmimet e vendosura janë:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 202 lekë/litri, ndërsa i shitjes me shumicë jo më shumë se 190 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 178 lekë/litri, ndërsa i shitjes me shumicë jo më shumë se 166 lekë/litër.

Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet.

Çmimi i gazoilit për peshkim është vendosur 109 lekë/litër.

Çmimet hyjnë sot në fuqi, në orën 18:00./albeu.com

The post Bordi ndryshon çmimin e karburanteve, rritet nafta appeared first on Albeu.com.

Nga mesnata, në Maqedoninë e Veriut rritet çmimi i naftës

E B — Mon, 01 Aug 2022 12:23:23 +0000

Komisioni Rregullator i Energjetikës dhe i Shërbimeve të Ujit i Republikës së Maqedonisë së Veriut miratoi vendimin, me të cilin bëhet rritja e çmimeve të shitjes me pakicë të derivateve të naftës mesatarisht për 0,40% në raport me vendimin e datës 27.7.2022.

Çmimet referente të derivateve të naftës në tregun botëror, në krahasim me përllogaritjen e mëparshme shënojnë ulje mesatarisht: te benzina për 0,344 %, te nafta ka rritje për 1,336 %, te vaji ekstra i lehtë ka ulje për 0,95 % dhe te mazuti ka rritje për 1,137% .

Çmimet e shitjes me pakicë të benzinës ЕUROSUPER BS-95 dhe të EUROSUPERIT BS-98 nuk ndryshojnë, ndërsa çmimi i shitjes me pakicë i ЕURODIZELIT (D-Е V) rritet për 1,50 den/l.

Çmimi i shitjes me pakicë i Vajit Ekstra të Lehtë për Amvisëri (ЕL-1) ulet për 0,50 den/litër.

Çmimi i shitjes me pakicë i Мazutit М-1 SU rritet për 0,503 den/kg dhe tani do të jetë 53,343 den/kg.

Nga data 2.8.2022, ora 00:01 çmimet maksimale të derivateve të naftës do të jenë:

EUROSUPER BS – 95 95,50 (denarë/litër)
EUROSUPER BS – 98 98,00 (denarë/litër)
EURODIZEL BS (D-E V) 95,50 (denarë/litër)
Vaj për Djegie Ekstra i Lehtë 1 (EL-1) 94,00 (denarë/litër)
Mazut М-1 SU 53,343 (denarë/kilogram)/alsat

The post Nga mesnata, në Maqedoninë e Veriut rritet çmimi i naftës appeared first on Albeu.com.

Rritet çmimi i naftës edhe në Maqedoninë e Veriut, ja sa do të kushtojë pas mesnatës

E B — Fri, 17 Jun 2022 13:27:14 +0000

Prej mesnatës çmimi i naftës do të shtrenjtohet për dy denarë, në Maqedoninë e Veriut. Çmimi i benzinës do të ngel i njëjtë.

Kjo sot u vendos në mbledhjen e Komisionit Rregullator për Energjetikë.

Benzinë motori – ЕUROSUPER BS – 95 – 111,50 (denarë/litër)
Benzinë motori – ЕUROSUPER BS – 98 – 113,50 (denarë/litër)
Naftë motori – ЕURODIZEL BS (D-Е V) – 109,50 (denarë/litër)
Vaj për djegie – ЕKSTRA I LEHTË 1 (ЕL-1) – 105,00 (denarë/litër)
Mazut М-1 SU – 56,317 (denarë/kilogram)/alsat

The post Rritet çmimi i naftës edhe në Maqedoninë e Veriut, ja sa do të kushtojë pas mesnatës appeared first on Albeu.com.

Rriten sërish çmimet e benzinës dhe naftës në Maqedoninë e Veriut

E B — Tue, 03 May 2022 16:34:57 +0000

Në Maqedoninë e Veriut çmimet e benzinës nga mesnata do të rriten për 2 denarë për litër, ndërsa të naftës për 1.5 denarë, vendosi sot Komisioni Rregullator për Energjetikë (KRRE).

Për një denar është shtrenjtuar edhe vaji ekstra i lehtë për amvisëri.

Çmimi i ri i Eurosuper BS-95 do të jetë 86 denarë për litër, Eurosuper BS-98 do të shitet me çmim prej 88 denarë për litër.

Ndërsa nafta me çmim prej 87 denarë për litër.

Çmimi i ri i vajit ekstra të lehtë për amvisëri do të jetë 85 denarë për litër.

Çmimi me pakicë i mazutit rritet për 0,510 denarë/kg dhe tani do të arrijë në 52,294 denarë/kg.

The post Rriten sërish çmimet e benzinës dhe naftës në Maqedoninë e Veriut appeared first on Albeu.com.

Çmendet çmimi i naftës, shkon në 243 lekë litri

E B — Fri, 29 Apr 2022 10:41:11 +0000

Çmimet e naftës dhe benzinës janë rritur sërish gjatë ditës së sotme, me 10 lekë për litër, duke reflektuar shtrenjtimin e karburanteve në tregjet ndërkombëtare.

Sipas burimeve nga tregu, Bordi i Transparencës ka vendosur sot që një litër naftë do të tregtohet tashmë me 243 lekë, nga 233 lekë që ishte deri sot, sipas vendimit që ishte marrë në datën 27 prill. Ky është niveli më i lartë që nga data 26 mars.

Në rritje është edhe benzina, që do të tregtohet me 223 lekë, nga 213 lekë që ishte deri tani.

Gazi është rritur me dy lekë për litër, në 106 lekë.

Aktorët e tregut pohojnë se arsyet e shtrenjtimit lidhet me rritjen e karburantit në bursat ndërkombëtare, që ka arritur në 1200 dollarë për ton. Edhe në këto nivele që po tregtohet nga ne, ata pohojnë se çmimet e bordit janë nën kosto dhe prej tre ditësh ata po operonin me humbje.

Çmimi në bursa është momentalisht 1200 dollarë për ton, por, sipas tregtuesve të karburanteve, nëse ai e kalon 1240 dollarë për ton, që njihet dhe si pikë e rezistencës, nafta në tregun vendas mund të arrijë deri në 300 lekë për litër.

Çmimet e naftës shënuan rritje të fortë në fillim të marsit, pas pushtimit të Ukrainës nga Rusia, që çorientoi burimet e furnizimit kudo në botë. Nafta në tregun vendas arriti deri në 260 lekë për litër në tregun vendas në javën e dytë të marsit, nga 195 lekë në fund të shkurtit. Me krijimin e Bordit të Transparencës nga qeveria, çmimet po vendosen nga ky bord. Aktorët e tregut pohojnë se vendosja e çmimeve po e ul fleksibilitetin e operatorëve për të qenë eficientë ndaj lëvizjes së shpejtë të tregjeve, ndërkohë që po detyrohen që të mbajnë humbjet që po vijnë nga fiksimi i çmimeve./Monitor

The post Çmendet çmimi i naftës, shkon në 243 lekë litri appeared first on Albeu.com.

Shtrenjtohet nafta dhe benzina në Maqedoninë e Veriut

E B — Mon, 18 Apr 2022 18:03:42 +0000

Benzinat nga sonte në mesnatë do të rriten për 1,5 denarë për litër, ndërsa dizeli do të rritet për 2,5 denarë për litër, vendosi sot Komisioni Rregullator për Shërbime të Energjisë dhe Ujit (KRSHEU). Vendimi rrit çmimet me pakicë të derivateve të naftës mesatarisht me 1.9 për qind.

Çmimi i ri me pakicë i EUROSUPER BS-95 do të jetë 81,5 denarë për litër, EUROSUPER BS-98 do të shitet për 83,5 denarë dhe EURODIZEL (DE V) për 82,5 denarë për litër. Çmimi me pakicë i vajit ekstra të lehtë për amvisëri (EL-1) rritet për dy denarë dhe do të shitet për 80,5 denarë për litër.

Me vendim të KRE-së për 0,064 denarë për kilogram rritet çmimi me pakicë i mazutit M-1 NS dhe do të arrijë 51,599 denarë.

Si arsye për rritjen e çmimeve me pakicë të derivateve të naftës, KRRE tregon rritjen e çmimeve referencë të derivateve të naftës në tregun botëror në shtatë ditët e fundit me mesatarisht 1,873 për qind për benzinën dhe 2,983 për qind për diselin, si këmbimin më të lartë të dollarit për 0,956 për qind krahasuar me denarin. /Zhurnal.mk

The post Shtrenjtohet nafta dhe benzina në Maqedoninë e Veriut appeared first on Albeu.com.

Shtrenjtohet sërish nafta në Kosovë, sa kushton një litër

E B — Wed, 30 Mar 2022 09:00:04 +0000

Pas një ulje para pak ditësh, sërish është rritur çmimi i naftës.

Prej 1.59 centë për një litër, çmimi i naftës është rritur në 1.69 centë për litër.

Një javë më parë ishte enorme rritja e çmimit të karburanteve. Një litër naftë kushtoi 1.82 centë

Pas rritjes ekstreme të çmimeve të karburanteve, Qeveria pati marrë vendim që t’i subvencionojë çmimet e naftës për buqit deri 5 milionë euro pse 0.36 centë për litër.

Ditë më parë kryetari i Shoqatës së Naftëtarëve, Fadil Berjani tha për KosovaPress se nuk do të ketë stabilitet të çmimeve në tregun e karburanteve në Kosovë derisa të përfundojë lufta në Ukrainë./express

The post Shtrenjtohet sërish nafta në Kosovë, sa kushton një litër appeared first on Albeu.com.

Rritet çmimi i naftës dhe në Maqedoninë e Veriut

E B — Mon, 21 Mar 2022 12:12:35 +0000

Komisionin Rregullator për Energjetikë (KRRE) në Maqedoni, në mbledhjen e sotme vendosi për rritjen e çmimit të naftës, ndërkohë që ai i benzinës shënon ulje.

Sipas vendimit të KRRE-së, nga mesnata Dizeli do të shitet për 1 denarë më shtrenjtë, ndërsa benzina do të lirohet për gjysmë denari.

Këto janë çmimet e reja të derivateve të naftës:

Euro Super BS-95, do të shitet 79 denarë për litër
Euro Super BS-98 do të shitet 81 denarë për litër
Euro Dizel do të shitet për 77 denarë për litër

Çmimet e reja do të hyjnë në fuqi nga mesnata.

The post Rritet çmimi i naftës dhe në Maqedoninë e Veriut appeared first on Albeu.com.

Nafta arrin 230 lekë, rritet 3 herë brenda dy ditësh

admin — Sat, 05 Mar 2022 08:34:56 +0000

Çimimi i naftës ka shënuar një tjetër rritje të shtunën duke arritur nivele rekord të papara ndonjeherë në tregun vendas.

Në pikat kryesore të tregtimit me pakicë si Gega, Kastrati dhe Alpet, nafta po tregtohet me 230 lekë për litër.

Kjo është rritja e tretë brenda dy ditëve. Vetëm të mërkurën nafta tregtohej me 192 lekë, pra është rritur me 38 lekë.

Rritja e parë u reflektua kur nafta arriti 110 dollarë për fuçi në bursat ndërkombëtare dhe e dyta kur arriti 118 dollarë për fuçi.

Ndonse nafta në bursa u ul lehtë një ditë më parë, në 113 dollarë dhe më pas u ngjit sërish në 118 dollrë për fuçii, në Shqipëri ajo vijoi të rritej dhe gjatë ditës së sotme.

Aktorët e tregut pohojnë se është krijuar një situatë e jashtëzakonshme për shkak të krizës Ukrainë-Rusi dhe tashmë në diskutim nuk është më çmimi, por sigurimi i produktit.

Nafta në bursat ndërkombëtare është rritur për shkak të situatës në Ukrainë, duke rritur në nivein më të lartë në gati 9 vjet.

OPEC ka deklaruar se pavarësisht situatës do të vazhdojë të mbajë të njëjtin nivel prodhimi sipas marrëveshjes së dakordësuar më parë edhe para konfliktit në Ukrainë.

Në fillim të muajit shkurt nafta u rrit për herë të parë këtë vit në tregun e brendshëm, duke reflektuar si shtrenjtimin e saj në bursa, ashtu dhe fillimi i zbatimit të një takse të re, që parashikon indeksimin e akcizës me inflacionin, që sipas doganave kishte një efekt prej 1.33 lekë për litër pa TVSH.

Që nga viti 2021, çmimi i naftës është rritur tetë herë, duke arritur në rreth 200 lekë aktualisht.

Në krahasim me nivelin e ulët prej rreth 148 lekësh, që arritën gjatë periudhës së pandemisë, nafta në vend është shtrenjtuar me 92 lekë për litër, ose rreth 55%.

Aktualisht nafta në vend ka kapur niveleve rekord historike prej 230 lekë për litër, duke tejkaluar nivelin më të lartë prej 190 lekësh që u arrit në periudhën 2008-2009, kur ari i zi në bursa i kaloi 140 dollarë për fuçi.

Ndërsa aktualisht në bursa, nafta tregtohet me 90 dollarë për fuçi, por rritja e taksave mbi këtë produkt që nga ajo kohë ka bërë që karburanti në tregun vendas të tregtohet më shtrenjtë.

Aktualisht taksat mbi naftën arrijnë në 120-130 lekë për litër, pas shtrenjtimit të fundit (nga akciza, rilicencimi, skanimi, markimi), ose mbi 40 lekë më shumë se 10 vite më parë. /monitor

The post Nafta arrin 230 lekë, rritet 3 herë brenda dy ditësh appeared first on Albeu.com.