Raul Gonzalez Archives - Albeu.com

Raul i tregon Real Madridit se dëshiron të largohet nga klubi dhe të vazhdojë karrierën e tij në Bundesligë

S SH — Sat, 25 May 2024 10:06:14 +0000

Futbollisti legjendar i Real Madridit, Raul Gonzalez, i cili është trajner i skuadrës së re të Real Madrid Castilla, u ka thënë drejtuesve të klubit se dëshiron të largohet.

Raul ka pesë vite që është trajner i Castillas dhe sipas gazetës Bild, ai tashmë ka shprehur dëshirën për t’u rikthyer në Gjermani dhe për të vazhduar karrierën e tij si trajner.

Për sa i përket futbollit evropian, ai e përfundoi karrierën e tij si lojtar në Schalke, nga i cili u transferua në Al Sadd në vitin 2012 dhe ai gjithashtu luajti për Neë York Cosmos, ku përfundimisht doli në pension në 2015.

Ai kaloi dy vite në Bundesligë, ndaj është njohur me futbollin atje dhe dëshiron të jetë trajner i një prej klubeve gjermane.

Megjithatë, nuk është dhënë asnjë emër klubi, por dëshira Raulit është të drejtoj një klub gjerman dhe të ndjek rrugën e Xabi Alonsos.

Raul ka veshur fanellën e Realit nga viti 1994 deri në vitin 2010 dhe në 741 ndeshje të luajtura ka arritur të shënojë 323 gola dhe 133 asistime. /Telegrafi/

The post Raul i tregon Real Madridit se dëshiron të largohet nga klubi dhe të vazhdojë karrierën e tij në Bundesligë appeared first on Albeu.com.

Raul ishte pranë drejtimit të klubit të Premier League

admin — Wed, 20 Apr 2022 09:10:31 +0000

Leeds United konsideroi Raul Gonzalez-in teksa kërkonin një zëvendësues për Marcelo Bielsa, pas vendimit të klubit për të shkarkuar trajnerin argjentinas në shkurt.

Në ditët përpara shkarkimit të Bielsa-s, presidenti i klubit Andrea Radrizzani identifikoi trajnerin e Real Madrid Castilla-s si zëvendësuesin e mundshëm të Bielsa-s.

Në fund të fundit ishte ish-trajneri i RB Leipzig, Jesse Marsch, ai që mori drejtimin në Elland Road, por emri i Raul ishte shumë në tavolinë.

Raul ka qenë trajner i Real Madrid Castilla që nga sezoni 2019/20 dhe fitoi UEFA Youth League në sezonin e tij të parë në krye.

Ai ka një reputacion të shkëlqyer si një trajner i ashpër dhe i rreptë me theks në futbollin sulmues dhe ka fituar admirues nga shumë klube në mbarë Evropën, si Schalke, Eintracht Frankfurt dhe, së fundmi, Leeds.

Emri i tij u sugjerua për ekipin e parë të Real Madridit pasi Zinedine Zidane u largua verën e kaluar, por u vendos që ishte shumë herët në karrierën e tij për të marrë një rol të tillë.

Ish-kapiteni i Real Madridit e dëshiron atë rol një ditë, por tani për tani ai po vazhdon punën e tij me Castilla-n, ndërkohë që reputacioni i tij vazhdon të rritet./ h.ll/albeu.com

The post Raul ishte pranë drejtimit të klubit të Premier League appeared first on Albeu.com.

Stoli i Realit i pasigurtë, Raul flet për mundësinë e drejtimit të “galaktikëve”

E S — Sun, 16 May 2021 13:48:14 +0000

Raul Gonzalez sapo ka korrur sukses me skuadrën e tij, Real Castilla.

Raul i cili është njëherësh trajner i Real Madrid Castilla, doli në vendin e tretë në Secunda Division në një sezon që po merr lëvdata nga mediat spanjolle.

Mediat spanjolle kishin aluduar më parë se Zidane i ka informuar lojtarët që do të largohet nga klubi dhe tani lajmet se Raul është njëri nga pretendentët për stol sa vijnë e shtohen.

Spanjolli u pyet për këtë gjë në një intervistë.

“Të drejtoj skuadrën e parë? Kjo është shtëpia ime dhe këtu dua të jem”, tha ai.

“Unë jam një njeri i këtij klubi, u bëra trajner për të qenë këtu, në shtëpi. Por kjo nuk është kohë kur duhet të flasim për të ardhmen”, përfundoi Raul Gonzalez.

The post Stoli i Realit i pasigurtë, Raul flet për mundësinë e drejtimit të “galaktikëve” appeared first on Albeu.com.

Benzema në super formë, barazon rekordin e legjendës Raul

E S — Thu, 22 Apr 2021 09:07:44 +0000

Karim Benzema ishte lojtari më i dalluar në fitoren e Real Madrid me rezultat 3-0 ndaj Cadizit, duke shënuar dy gola.

Me këto dy gola, Benzema tanimë ka shkruar histori me klubin e Real Madridit, pasi ka barazuar rekordin historik të vendosur nga legjenda e klubit, Raul Gonzalez.

Raul ishte lojtari i vetëm për ‘Galaktikët’ që kishte shënuar ndaj 35 kundërshtarëve të ndryshëm në La Liga dhe tani ndanë këtë rekord bashkë me Benzeman.

Një gjë të tillë nuk e kishte realizuar as edhe legjenda tjetër e klubit, Cristiano Ronaldo, i cili është golashënuesi më i mirë në histori të klubit madrilien.

Francezi ka shënuar 21 gola në La Liga këtë sezon dhe është në garë së bashku me Lionel Messin (23) për trofeun e ‘Pichichit’.

The post Benzema në super formë, barazon rekordin e legjendës Raul appeared first on Albeu.com.