Pavarësisht kushteve të vështira dhe pasigurisë së vazhdueshme, banorët u bashkuan për të ruajtur traditat dhe shpirtin e Ramazanit.

Iftari , momenti i shenjtë i ndërprerjes së agjërimit, u shënua mes rrënojave si një simbol i qëndresës dhe shpresës për paqe.

Rafah, një nga zonat më të prekura nga konflikti, vazhdon të strehojë mijëra të zhvendosur që përballen me mungesë ushqimi, uji dhe ndihma humanitare.

Megjithatë, komuniteti mbetet i bashkuar, duke dëshmuar forcën e tyre edhe në momentet më të vështira.

The post FOTOLAJM/ Iftar mes rrënojave, palestinezët në Gaza çelin Ramazanin mes shkatërrimit të luftës appeared first on Albeu.com.

Mijëra policë janë vendosur nëpër rrugët e ngushta të qytetit të vjetër në Jeruzalem, ku dhjetëra mijëra besimtarë pritet të shkojnë për lutje çdo ditë në xhaminë Al Aksa, një nga objektet më të shenjta të fesë islame.

Zona, e konsideruar si vendi më i shenjtë nga hebrenjtë që e njohin atë si Mali i Tempullit, ka qenë një vend ku patur përplasje mes palestinezëve dhe izraelitëve.

Muaji i agjërimit mund të ashpërsojë tensionet edhe në këtë qytet.

Ndryshe nga vitet e kaluara rrugicat e ngushta të qytetit nuk janë zbukuruar me dritat e festës.

“Nuk e ndiejmë që jemi në prag të Ramazanit”, thotë Um Ammar duke kaluar në rrugën e qytetit historik Al-Wad. Lufta në Rripin e Gazës po preokupon shumicën e njerëzve. Atmosfera është e zymtë. Kësaj i shtohet edhe pasiguria, se si mund të kalojë muaji i shenjtë i agjërimit dhe lutjeve.

“Ne në mbrëmje do të thyejë agjërimin, por shumë në Gazë nuk kanë mjaftueshëm ushqim”, thotë ajo. “Kur njerëzit ulen në tavolinë …Ky sivjet nuk është Ramazan, më shumë ndihet një atmosfer funerali.”

Sipas të dhënave të Ministrisë së Shëndtetësisë të drejtuar nga Hamasi gjatë sulmeve të Izraelit në Gazë janë vrarë rreth 31.000 vetë, ndërkohë që organitatat e ndihmave paralajmërojnë se po kërcënon një krizë urie.

The post Agjërim në luftë, besimtarët në Gaza falen në gërmadha appeared first on Albeu.com.

“Ramazani po vjen dhe ka një marrëveshje nga izraelitët që ata nuk do të angazhohen në operacione gjatë Ramazanit për të na dhënë kohë për të marrë të gjithë pengjet” , vuri në dukje Biden gjatë një intervistë që ka dhënë për rrjetin televiziv NBC.

Katari, Egjipti, SHBA, Franca dhe vende të tjera kanë negociuar një armëpushim të ri javët e fundit, pas atij për të cilin palët ranë dakord në fund të nëntorit.

“Shpresoj që deri të hënën e ardhshme, ne do të kemi një armëpushim ,” tha presidenti amerikan para shtypit mbrëmë në Nju Jork.

“Këshilltari im për sigurinë kombëtare (Sr. Jake Sullivan) më thotë se jemi afër, por nuk kemi mbaruar ende ,” shpjegoi ai.

“Tendenca është pozitive,” tha një zyrtar izraelit për faqen e lajmeve Ynet, në kushte anonimiteti .

Sipas një burimi të AFP-së në lëvizjen islamike palestineze, po diskutohet një armëpushim gjashtë-javor, një shkëmbim pengjesh izraelitë për të burgosur palestinezë në Izrael dhe mbërritja e më shumë ndihmave humanitare në enklavë.

Në intervistën e tij për NBC, Joe Biden vlerësoi se kjo marrëveshje do të “na japë kohë që të fillojmë të ecim në drejtimin që disa vende arabe janë gati të marrin” , pra normalizimin e marrëdhënieve të tyre me Izraelin.

“Unë mendoj se nëse mund ta sigurojmë këtë armëpushim të përkohshëm, do të jemi në gjendje të lëvizim në një drejtim që do të na lejojë të ndryshojmë dinamikën,” shtoi ai.

Izraeli “u zotua” të largonte shpejt civilët nga Rafah, përpara se të fillonte operacionet për “eliminimin e pjesës tjetër të Hamasit”, vuri në dukje presidenti amerikan.

Megjithatë, ai paralajmëroi se “e vetmja mënyrë që Izraeli të mbijetojë” është arritja e një marrëveshjeje që do të garantojë “paqe dhe siguri për izraelitët dhe palestinezët”./albeu.com

The post Biden: Izraeli të pezullojë operacionet në Gaza gjatë Ramazanit appeared first on Albeu.com.

Qindra njerëz thuhet se u grumbulluan në shkollë të mërkurën për të marrë donacione që arrijnë në rreth 9 dollarë për person.

Rebelët Houthi e kanë drejtuar qytetin që kur dëbuan qeverinë në vitin 2015.

Dy biznesmenë vendas që organizuan ngjarjen janë arrestuar dhe një hetim është duke u zhvilluar, tha ministria e Brendshme.

Një zëdhënës i ministrisë fajësoi për shtypjen “shpërndarjen e rastësishme” të fondeve pa koordinim me zyrtarët lokalë.

Shumë njerëz u plagosën gjithashtu dhe 13 prej tyre ndodhen në një situatë kritike, tha një zyrtar shëndetësor në Sanaa.

“Gra dhe fëmijë ishin në mesin e të vdekurve”, tha një zyrtar i sigurisë Houthi për agjencinë e lajmeve AFP në kushte anonimiteti, sepse ai nuk ishte i autorizuar të fliste me gazetarët.

Agjencia e lajmeve Associated Press citon dy dëshmitarë okularë të cilët thanë se luftëtarët Houthi kishin qëlluar në ajër në një përpjekje për të kontrolluar turmën, me sa duket duke goditur me një tel elektrik që rezultoi në një shpërthim.

Kjo shkaktoi panik që çoi në shtypje, shtuan ata.

Rebelët thuhet se më pas kanë mbyllur shkollën dhe kanë ndaluar njerëzit, përfshirë gazetarët, të afrohen.

Houthi-t thuhet se kanë rënë dakord të paguajnë 2,000 dollarë amerikanë (1,600 £) për çdo familje që humbi një të afërm, ndërsa të plagosurit do të merrnin rreth 400 dollarë (322 £)./Albeu.com/

The post Ishin mbledhur për të marrë ndihma për Ramazanin, 78 të vrarë në Jemen appeared first on Albeu.com.

Të shmanget ushqimi kalorik

Gjatë muajit të agjërimit rekomandohet ushqimi i pasur me vitamina dhe minerale. Të konsumoni sallatat e sezonit, pemët dhe perimet. Të shmanget ushqimi kalorik, me rastin e iftarit të shmangen pijet e gazuara, madje edhe pijet e ftohta. Konsumoni ujë të vakët dhe lëngje, bëni iftar me hurma. Ushqimi i yndyrshëm nuk i plotëson nevojat ditore të njeriut gjatë ditës. Ndër produktet ushqimorë të cilat organizmi i tret ngadalë bëjnë pjesë bizelja, elbi, gruri, fasulja, orizi.

Kur është fjala për pijet, nuk rekomandohet konsumimi i pijeve të gazuara të cilat kanë ndikim të keq në organizim, andaj shkaktojnë pengesa në lukth dhe në zorrë. Kështu që më mirë është që, nëse ekzistojnë mundësitë, të konsumohen uji i ngrohtë, lëngjet natyrale në temperaturë dhome të ngrohur në mënyrë që organizmi të jetë i mbrojtur.

Çfarë ushqimi duhet të konsumoni për syfyr?

Në syfyr duhet të hani ushqim të duhur që ju furnizon me energji gjatë ditëve të gjata të agjërimit. Syfyri duhet t’i përmbajë këto ushqime:

Frutat dhe perimet

Ato përmbajnë vitamina dhe minerale të cilat janë vitale për shëndetin e mirë.

Oriz dhe alternativa tjera

Ushqimet me karbohidrate dhe fibra si orizi ngjyrë kafe dhe buka me miell të pasitur marrin më shumë kohë të treten, gjë që i mban nivelet e energjisë më gjatë.

Mish dhe alternativa tjera

Mishi i pulës, peshku dhe produktet tjera djathore pa yndyrë janë burim i mahnitshëm i proteinës, si dhe e kufizojnë yndyrën. Veç kësaj, ato ndihmojnë në forcimin e sistemit të imunitetit dhe mirëmbajtjen e eshtrave të fortë.

Për iftar

Iftari është koha ku i merrni nivelet e energjisë, prandaj këtu duhet t’i konsumoni të gjitha ushqimet e duhura.

Frutat dhe perimet

Orizi dhe alternativat tjera

Ndryshe nga ushqimet me sheqer dhe ëmbëlsirat që digjen shumë shpejt, ato do t’ju furnizojnë me nivele më të forta të nivelit të energjisë.

Mish dhe alternativa tjera

Hani ushqime si pula, peshku, vezët.

The post Këshilla për Ramazanin, ushqimet që nuk rekomandohen për iftar appeared first on Albeu.com.

Profesor Oguz Ozyaral tha për Agjencinë Anadolu (AA) se lëngu i domates ndihmon agjëruesit të ndihen më të ngopur gjatë ditës dhe të jenë të shëndetshëm gjatë muajit të gjatë të Ramazanit.

“Lëngu i domates është mënyra më e mirë dhe më e ushqyeshme sepse ka shumë të mira shëndetësore. Ai përmban antioksidantë që parandalojnë sëmundje të panumërta duke përfshirë edhe kancerin. Përveç kësaj, lëngu i domates i ndihmon njerëzit të ndihen të ngopur deri në tetë orë. Pirja e lëngut të domates gjatë syfyrit është gjithmonë një zgjedhje e mirë”,- shton profesor Ozyaral.

Megjithëse lëngu i domates mund të mos jetë aq i shijshëm, mund t’i shtosh disa përbërës për t’ia ndryshuar shijen.

Prit gjashtë kokrra domate, dy gjethe selino, një qepë, gjashtë thelpinj hudhër, një piper të ëmbël dhe një djegës. Vendosi të gjitha këto në mikser dhe shto dy lugë sheqer dhe një lugë gjelle kripë. Përzieji plotësisht.

Vendose përzierjen në një tigan, shto pak ujë dhe vloje. Pasi vlon, prite pak që të ftohet dhe fute edhe një herë në blender derisa çdo pjesë e vogël të zhduket.
Të bëftë mirë!

The post Si ta keni më të lehtë agjërimin? Specialisti: Lëngu i kësaj perimeje të ngop për 8 orë appeared first on Albeu.com.

Kini parasysh, që në syfyr të hani ushqim të duhur që ju furnizojnë me energji gjatë ditëve të gjata të agjërimit.

Disa sugjerime:

Fruta dhe perimet

Ato janë të pasura me fibra, frutat dhe perimet janë thelbësore gjatë agjërimit, pasi jo vetëm përmbajnë vitamina dhe minerale, por ju mbajnë të ngopur për një kohë të gjatë. Gjithashtu, ato përmbajnë vitamina dhe minerale. Për syfyr gjithashtu, mund të konsumoni petulla, ose oriz që mund të gatuhet në mënyra të ndryshme. Kujdes të mos konsumoni ushqime me shumë kripë, që mund t’ju sjellin etje gjatë ditës.

Për iftar

Iftari zakonisht çelet me ujë dhe hurma arabie. Për vaktin e iftarit, duhet të konsumoni mish apo peshk. Sallatat dhe supa gjithashtu janë shumë të rëndësishme. Nuk rekomandohet pijet me gaz, ndërsa nga periudha e iftarit deri në syfyr, duhet të konsumoni sa më shumë ujë. Mundohuni të bëni gatime të ndryshme, në mënyrë që të merrni të gjitha vitaminat e nevojshme.

The post Këshilla, çfarë duhet të konsumoni gjatë muajit të Ramazanit appeared first on Albeu.com.

Përmes një postimi në Facebook, Basha uron besimtarët myslimanë që sakrifica fisnike u shndërroftë në bekim hyjnor për të gjithë agjëruesit, për çdo familje shqiptare

Postimi i Bashës:

Nga zemra ju uroj të gjithë besimtarëve myslimanë, agjërim të mbarë, të lehtë e të pranuar në këtë muaj të sakrificës, të shpresës dhe të ngadhnjimit! Sakrifica juaj fisnike u shndërroftë në bekim hyjnor për të gjithë agjëruesit, për çdo familje shqiptare!

/AlbEu.com/

The post “Agjërim të mbarë…”, Lulzim Basha uron besimtarët myslimanë me nisjen e muajit të shenjtë të Ramazanit appeared first on Albeu.com.

Për besimtarët myslimanë, ky është muaji i agjërimit për hir të dashurisë ndaj krijuesit fuqiplotë.

Çdo vit për Ramazan, miliona myslimanë në të gjithë botën agjërojnë për 30 ditë nga mëngjesi në mbrëmje. Por ky muaj është shumë më tepër se thjesht agjërim.

Më poshtë janë 8 gjërat që ju ndoshta mund të mos i dini rreth muajit të Ramazanit.

1) Ramazani është muaji i nëntë i kalendarit islamik. Është muaji i agjërimit islam, në të cilin myslimanët pjesëmarrës refuzojnë të hanë, pinë dhe aktivitetet intime nga agimi deri në perëndim të diellit.

2) Gjatë Ramazanit, myslimanët kërkojnë falje për mëkatet e së kaluarës, luten për udhëzime dhe ndihmë në rezistencën ndaj të këqijave të përditshme dhe përpiqen të pastrohen nëpërmjet vetëpërmbajtjes dhe veprave të mira.

3) Myslimanët duhet gjithashtu të luten sa herë që munden gjatë Ramazanit, si dhe të lexojnë Kuran.

4) Gjatë agjërimit, myslimanët mund të hanë vetëm dy vakte në ditë, njëra para lindjes së diellit dhe tjetra pas perëndimit të diellit.

5) Në krahasim me kalendarin diellor, datat e Ramazanit ndryshojnë, duke u zhvendosur rreth dhjetë ditë çdo vit në varësi të hënës.

6) Pritet që myslimanët të fillojnë të zbatojnë ritualin e agjërimit sapo të arrijnë moshën e pjekurisë, për sa kohë që ata janë të shëndetshëm. Të moshuarit, të sëmurët kronikë janë të përjashtuar nga agjërimi.

7) Dita më e rëndësishme e Ramazanit është Nata e Kadrit ose Nata e Fuqisë, e cila zhvillohet gjatë dhjetë ditëve të fundit të Ramazanit. Myslimanët besojnë se kjo është kur ajetet e para të Kuranit iu shpallën Profetit Muhamed.

8) Muaji i Ramazanit është muaj i sakrificës, ku besimtarët janë të thirrur për të ndihmuar njëri-tjetrin.

The post Mëngjesin e së enjtes syfyri i parë, nis nesër muaji i Ramazanit appeared first on Albeu.com.

The post Pesë përfitimet shëndetësore të Agjërimit appeared first on Albeu.com.