Lideri i AAA Afrim Gashi bashkë me kryeministrin Zoran Zaev shtrënguan duart për të vazhduar punën me Qeverinë aktuale deri në vitin 2024.

“Me partinë AAA arritëm marrëveshje për të siguruar shumicë stabile parlamentare. Shumicë stabile parlamentare dhe Qeveri stabile do të thotë se koalicion i ri i zgjeruar e merr përgjegjësinë për ardhmëri të sigurt të shtetit dhe Maqedonisë së Veriut”, tha Zoran Zaev, kryeministër.

Në marrëveshjen e nënshkruar AAA ka 9 pika themelore përmes së cilave pretendon avancim të programit të punës së Qeverisë. Ndër të parat janë:

-Qeveria të mobilizojë të gjitha kapacitetet e shtetit me qëllim hapjen e negociatave me BE-në.

-Qeveria t’i dërgojë kërkesë zyrtare Komisionit Evropian në të cilën do të kërkojë ekip ekspertësh të pavarur, të cilët do të kryejnë hetim ndërkombëtar në proceset e dyshuara, siç janë: Monstra, Alfa, Lagjja e Trimave, Almiri i vogël.

Ndonëse më herët kishte nënshkruar iniciativën për prishjen e kësaj Qeverie Gashi tha se asnjëherë këtë Qeveri nuk e ka quajtur kriminale.

“Në fjalorin dhe në diskursin tonë politik të komunikimit me opinionin as unë si kryetar i AAA por edhe eksponentët më të lartë partiak, asnjëherë nuk mund të gjeni ndonjë komunikatë zyrtare ku ne e kemi quajtur me fjalë të rënda një Qeveri. Kemi pasur vërejtjet tona. Unë nuk mendoj që Qeveria ku po futemi ne është perfekt, përndryshe nuk do të kishte nevojë ne të jemi këtu“, pohoi Afrim Gashi – AAA.

Me inkuadrimin e AAA në Qeveri shumica parlamentare do të ketë 64 deputetë.  Të dy liderët vlerësuan se zgjedhje të parakohshme nuk janë të nevojshme dhe se kjo Qeveri do të vazhdojë deri në afatin e paraparë të mandatit, përkatësisht deri më 2024./TV 21/

The post Gashi dhe Zaev shtrëngojnë duart! Firmosën marrëveshjen për futjen e AAA në Qeveri (VIDEO) appeared first on Albeu.com.

Mbledhja është caktuar të mbahet në orën 18:00 dhe pritet të merret vendimi përfundimtar nëse Alternativa do të bëhet pjesë e qeverisë së Zaevit apo jo.

Mbledhja ishte parashikuar që të mbahej gjatë ditës së djeshme, mirëpo u anulua pasi dje në vend arritën kufomat e 45 viktimave nga aksidenti tragjik në rrugën “Struma” në Bullgari.

Vendimi i Alternativës pritet të merret pas tre takimeve që u realizuan mes kreut të Alternativës, Afrim Gashi dhe kryeministrit Zoran Zaev./albeu.com/

The post Alternativa “vulos” sot fatin e qeverisë Zaev në Maqedoninë e Veriut appeared first on Albeu.com.

“Kishim një takim konstruktiv. Kemi përfundime. Shërbimi për media i Qeverisë menjëherë do t’i shpërndajë me të gjitha mediat. Ju falënderoj”, tha Zaev i cili nuk u ndal për të dhënë përgjigje ndaj pyetjeve të gazetarëve, transmeton TV21./albeu.com/

The post Zaev: Ka hapa para në takimin me Gashin (VIDEO) appeared first on Albeu.com.

Zaev thotë se e gjithë kjo varet nga bisedimet me Alternativën dhe Bullgarinë.

“Së pari duhet të përfundojnë bisedimet për shumicën parlamentare me Alternativë”, tha ai për TV Telma.

Sipas Zaev, Alternativa do të hynte në qeveri për të siguruar shumicë te qëndrueshme për shkak të fillimit të bisedimeve me Bashkimin Evropian.

Kujtojmë se Zaevit i është bërë thirrje që të mos tërhiqet nga posti i kryeministrit për të mos rrezikuar proceset euro-integruese në të cilat është i përfshirë aktualisht vendi./albeu.com/

The post Zaev ndryshon mendim: Ende nuk dihet nëse do të tërhiqem nga posti i kryeministrit appeared first on Albeu.com.

Grubi në një dalje për media, komentoi edhe hyrjen e Alternativës në Qeveri.

Grubi i ftoj të gjithë deputetët që dëshirojnë rrugën euroatlantike të vendit të bëhen pjesë e shumicës.

“Z. Zaev ka kontakte direkte me Alternativën dhe në çdo kohë po na informon. Edhe ne kemi kontaktet tona me anëtarët e partisë, çdo herë, ashtu edhe siç thash të gjithë janë të mirë se ardhur, ata që duan rrugën euroatlantike të Maqedonisë së Veriut dhe marrëdhëniet e mira me fqinjët. Të gjithë ata deputetë që dëshirojnë Maqedoni progresive janë të mirë se ardhur sepse vetëm kështu mund ta çojmë përpara shtetin. Nuk është koha për krizë, koha është të përveshim mëngët, ashtu siç bëmë për NATO, për Marrëveshjen e Prespës…”, theksoi Grubi./albeu.com/

The post Artan Grubi shprehet optimist: Nuk është koha për krizë, të përveshim mëngët appeared first on Albeu.com.