Kreu i qeverisë tha se kjo është një praktike e ndjekur edhe nga vendet e tjera që kanë nxitur turizmin, duke marrë si shembull Turqinë apo edhe Malin e Zi.

Sipas tij ndikim në turizëm do jetë i jashtëzakonshëm dhe “nuk ka asnjë arsye ne botë për të vënë në pikëpyetje të tilla investime që kanë një rëndësi strategjike për vendin tonë”.

Pyetje: Qeveria juaj ka dhënë me qira 1 euro 57 mijë metra katror në Portin e Vlorës për të ndërtuar një kompleks rezidencial, çfarë përfiton shteti dhe publiku nga kjo vendimmarrje.

Rama: Në Vlorë do të ndërtojmë një nga 4 portet turistike të Shqipërisë. Ky është një ndikim i jashtëzakonshëm dhe nuk ka asnjë arsye ne botë për të vënë në pikëpyetje të tilla investime që kanë një rëndësi strategjike për vendin tonë.

Kur vendosen pikëpyetje lidhur me mënyrën si stimulohen investimet strategjike ne turizëm është mirë të  kihet parasysh se çfarë bëjnë vendet e tjera.

Investitorë shumë të rëndësishëm që na afrohen kërkojnë mbështetje financiare nga qeveria për të investuar në turizëm. Ne nuk jam direkt mbështetje financiare, por fakti që e kërkojnë do të thotë se ndodh në shumë vende të tjera.

Llogaria është shumë e thjeshtë, çfarë jep dhe çfarë merr. Ajo që merr në turizëm nuk është e drejtpërdrejta nga një investim aty, por është ajo që merr prapësht nga çfarë ai investim sjell.

Nëse do të shikoni si është ngritur turizmi në Turqi do habiten sa para nga buxheti ka dhënë shteti për ata që kanë ndërtuar hotele në fazat e para.

Nëse shikoni si është zhvilluar turizmi në Mal të Zi. Janë përdorur instrumente, që këtu do të vihej një flakë., Pra nuk ka asgjë për tu habitur dhe asgjë për të ngritur shqetësime nëse bëhet llogaritja çfarë i sjellin ekonomisë së një vendi, psh jahtet.

Ka dy rrugë o do ta ndërtojë shteti, ose do i’ia kërkosh kompanive të sipërmarrjes private. Në dijeninë tonë këtë e tërë Mesdheu e bën kështu sic e bëjmë ne, nuk e kemi shpikur ne.

Po ju them që në shumë investime të mëdha, shteti jep financim. Jo vetëm që nuk kërkon gjë tjetër, i jep terrenin, i heq taksat etj. Por i jep financim direkt./albeu.com

The post 57 mijë metra katror në Portin e Vlorës jepen me qira për 1 euro, Rama: E kanë bërë edhe vende e tjera appeared first on Albeu.com.

Përmes kamerës së fshehtë, është provuar të gjithë kalvarin e vështirësive që kalon një qytetar dhe paratë që duhej të paguajë “nën dorë”.

Një qytetar pret një biletë për në Brindizi, në një agjenci pranë Portit të Vlorës. Por atë nuk e lenë të niset pa garancinë e një shtetasi italian, është zbuluar nga emisioni “Stop”.

Qytetari – Si kaluat?

Agjensia – Mirëmëngjes! Si je ti?

Qytetari – Sa është bileta për Brindizi?

Agjensia –50 euro!

Qytetari – 50 euro! Ça ore niset?

Agjensia –Rreth orës… normalisht rreth orës 2.30. Sot mund të niset edhe në 3 se ka.., ka njiçikë trafik. Sa kushtojnë 50 euro? 59 e 500.

Qytetari – Në orën 3 niset, hë?

Agjensia –Po! Duhet të ngjitesh më përpara, 2 orë para! Në orën 1 të jesh në anije!

Qytetari – Në orën 1?

Agjensia – Në orën 1, në anije!

Qytetari – Faleminderit!

Në terminalin e udhëtarëve ai takon Romeon, një sekser, i cili mundëson kalimin e kufirit kundrejt pagesës nën dorë.

Qytetari – Ça ore fillon ajo?

Romeo – Kur të duan. S’kanë orar.

Qytetari – Të sjellin probleme?

Romeo –Të sjellin.

Qytetari – S’kam garanci e kshu.

Romeo –S’ke garanci? S’kalon dot!

Qytetari – Pse duhet të më sjellin probleme mua? Unë kam plot vula ktu, që kam kalu. S’më kanë ndalu.

Romeo –Po ishallah, o të kalosh! Ça të them unë?!

Qytetari – Po muhabeti është, mos ngelem, hë pa ishallah të kalosh, thotë ky.

Romeo –Po ngele, do votosh aty. Futu tek ajo vajza, është vajzë e mirë.

Qytetari – Kush?

Romeo – Nji vajzë ktu brenda. Ajo është vajzë e mirë. Me atë mund ta gjesh gjuhën. Do të them unë, të futesh tek ajo vajza. Të lëmë edhe nji kafe,- thoj ti asaj!

Qytetari – Po s’dua t’i them atje, se atje do ketë noi kamerë, noi gjë.

Romeo –Jo po atje s’do japësh gjë.

Qytetari – Po , po them.

Romeo –Do i thosh asaj, se i marr una.

Qytetari – Sa e kanë gjobën ata?

Romeo – Mo na inçizon, na q….!

Qytetari – Hë mo tallesh ti tani, mo?!

Romeo –Për sytë e ballit! E kanë bërë 200 euro atë.

Qytetari – Sa e kanë bërë?

Romeo –200!

Qytetari – Ça t’i them unë asaj?

Romeo –Po ashtu, të lë nji kafe te ai karrocaxhiu. Nuk do futesh pa thënë unë!

Qytetari – Ok!

Romeo –Ulu ti aty! Mos përmend emra, se ka spiuna ktu, janë për t’i q…xxx m…rën!

Romeo –Te ajo vajza atje! E shikon atë vajzën matanë? Do i them unë asaj. Do i vete anë e më anë, kam atë çunin. Shikoje! Nuk ka ftesë. Shikoje!

Qytetari – Si je?

Oficerja e policisë – Ftesë? Garanci?

Qytetari – S’kam.

Oficerja e policisë –Urdhëro!

Qytetari – Nuk kam garanci.

Oficerja e policisë –Nuk ke garanci?

Qytetari – Po!

Oficerja e policisë –Atëherë s’mund të fus.

Qytetari – Po kam udhëtuar, nuk është, se s’kam. Ti e shikon, që unë jam i rregullt.

Oficerja e policisë –Të lutem! Më dëgjo!

Qytetari – Të dëgjoj, të dëgjoj.

Oficerja e policisë –Pa ftesë, nuk udhëton dot. Të duhet nji ftesë, garanci, për të kaluar. Unë kam nji procedurë pune.

Qytetari – Të kuptoj, të kuptoj!

Oficerja e policisë –Unë as nuk të njof, as nuk kam noi gjë me ty. Është thjesht procedurë pune dhe ky refuzim, që bëhet, është thjesht 24-orësh.

Qytetari – Ti e shikon, që unë jam i rregullt. Nuk është, se e kam shkelur. Unë kam ikur me vizë në 2008-tën dhe s’e kam thyer, vetëm për të qenë në rregull me shtetin.

Oficerja e policisë –Lexoje! Është refuzim daljeje.

Qytetari – Po pse s’më ndihmon, o vlla, se s’po marr vesh?

Oficerja e policisë –Nuk të ndihmoj dot.

Më pas në skenë del Gazi, i cili ka një agjenci udhëtimi dhe është sekseri kryesor në Portin e Vlorës për kalimin e qytetarëve drejt Italisë duke marrë ryshfet.

Qytetari – O bos!

Punonjësi – Hë, vlla!

Qytetari – Të vij të dielë, a të shtunë unë? Më kalojnë dot, apo…?

Shoferi – O vlla si e shtunë, si e hëna, të tëra ditët njësoj janë. Për ça të ktheu o vlla? Të ktheu për ditët? Për ça?

Qytetari – Po asnji gjë o burrë, ja thjesht isha pa garanci.

Shoferi – A je pa garanci?

Qytetari – Hë!

Shoferi – Ik atje thuaj, bëj noi garanci noi gjë, vetëm ai mund t’i marri!

Gazi – Sot janë deportuar shumë.

Qytetari – Po si ka mundësi?

Shoferi – Jo s’ka garanci, është në rregull i shkreti, po s’ka garanci.

Qytetari – Të sjell problem kjo, refuzimi?

Gazi –Jo s’ka, vetëm sot nuk kalon dot në asnji pikë.

Qytetari – Po pra!

Gazi – Të shtunën, shty biletën e hajde!

Qytetari – Të shtunën?

Gazi –Të lë nji numër telefoni unë?

Qytetari – Më jep nji numër telefoni o vlla, se…!

Qytetari– Të vij të shtunën, të bëj telefon?

Gazi –Merre ktu, mos u lidh fare, as më ndonji shofer, me ato të Fierit me asgjë!

Qytetari – Ça shofer, o vlla?!

Gazi –Tallin k…n, kur ngelen keq, vijnë te mua. Më kupton vllan, hë? Ty të ktheu nji kunata e baxhanakut tim. E ka hedh në sistem, nuk bëhet gjë sot, se ka ardh kshu, se kanë kthyer gjith ata veta pa garanci italianët. Po të shtunën, do të bëj unë garanci të rregullt, të gjitha, sikur do vesh te nji italian.

Qytetari – Sa venë ato?

Gazi –Të gjitha me kto, 120 euro në total.

Qytetari – Që të kaloj edhe andej?

Gazi –Direkt! Andej me garancinë.

Gazi –Hë vlla, erdhe ti?

Qytetari – Ça bëre? Si je?

Gazi –Ti ke deportim? Ça ke?

Qytetari – Jo mo ça deportim?! Thjesht për atë 24-orarshin. Refuzohet hyrja për…

Gazi –E mora vesh atë, e mora vesh.

Agjensia – Po punuan sot ata o vlla, ku di unë, s’e dije, s’kanë bërë asnjë ata.

Gazi –E di o, e di, dje s’bën asnjë.

Agjensia – Dje i kanë kthyer të gjithë e s’merrnin më as lekë ata , ata. Po garancinë e ke tënden , apo e ke bërë ktu?

Qytetari – Jo mo, s’kam garanci unë.

Gazi –Do ia bëjmë ne garancinë.

Qytetari – As dje s’kanë kaluar?

Gazi – Këmbë njeriu! E kanë bërë çikë keq, se ka kthyer edhe Italia andej për garancira. Më kupton vllanë, se i donin të dhënat të sakta, që ku do vesh andej për shembull.

Gazi – Bëre mirë, që erdhe shpejt, se edhe ai do vejë të kontrolloj ato… (Dokumetat)

Qytetari – Ditët s’i kam thyer unë.

Gazi –Ditë mos të kesh, se ka çmim tjetër dita, prandaj të thotë vllai. Atje, ku do të shoqëroj ai shoku, ose unë, do vesh te filan kabinë.

Qytetari – Tani, kur ti je i rregullt, që nuk e ke shkel, pse nuk të lënë kta?

Gazi – Sa?

Qytetari – Kur je i rregullt…

Gazi –Do garanci, ku do vesh ti atje, e kanë vënë rregull kta. Më shumë janë kta pengesa tek neve. Kishin kap 4 doganiera andej me kto, e kanë frikë ata vlla. Nëqoftëse se njeh tjetrin, normale. Mua më vjen keq të të ndihmoj ty, që të hysh, se ai më pranon. S’pranoi, vari leshtë pastaj.

Gazi –Jo re, jo, ja do ë ai shoku, që t’i thotë atij. Ky s’ka gjë, o vlla i bëjm dot nji prenotim hoteli ktij shokut. Bëhet, s’bëhet kundrejt rregullave. Unë pa e marrë Ok, nuk të fus dot atje o , se ashtu s’loz dot jo ajo atje, po p…i i motrës së asaj dot me mua, po më tha hajde.

Qytetari – Unë isha kail, të vija të takoja atë shefin e madh.

Gazi –Ja aty do vejë ai. Ata, që janë kthyer për ftesë të enjten, nuk i bën dot, sot tha janë revoltuar. Të gjejmë nji makinë, tha,- hipe në makinë,-i kishte thënë. Ja, sa më shkrojti. Nuk bën me ftesë thotë. Po ça do bëjmë, i them unë. Po të hipi me makinë ai me nanjë,- thotë.

Qytetari – Po me makinë nuk është njësoj si me traget? Ça do thonë ata?

Gazi –Jo jo, s’më kuptove! Është te mjetet ky, që vulos. Ky dajua im.

The post “Mos përmend emra, se ka spiuna”, sekseri që të kalon në Portin e Vlorës me 170 Euro appeared first on Albeu.com.

Njoftimi i policisë:

Port Vlorë/Goditet një tjetër rast i kontrabandës me mallra për të cilat paguhet akcizë.

Kishte fshehur nën dyshemenë e rimorkios së kamionit, dhjetëra steka me cigare, me qëllim kontrabandimin e tyre, arrestohet në flagrancë 44-vjeçari.

Shërbimet e PKK Port Vlorë, në bashkëpunim me specialistët e Seksionit për Hetimin e Krimeve Ekonomike dhe Financiare të DVP Vlorë dhe autoritetet doganore në këtë port, në vijim të kontrolleve për parandalimin, evidentimin dhe goditjen e krimeve ndërkufitare, bazuar në analizën e riskut dhe në kontrollet me përzgjedhje, në hyrje të RSH-së, kanë kaluar në vijën e dytë, për kontroll më të imtësishëm, një mjet kamion me drejtues shtetasin B. R.

Gjatë kontrollit të ushtruar në këtë kamion, nën dyshemenë e rimorkios, shërbimet e Policisë gjetën të fshehura rreth 380 paketa me cigare të markave të ndryshme, pa pullë fiskale, të cilat u sekuestruan në cilësinë e provës materiale.

Në përfundim të veprimeve, specialistët e Seksionit për Hetimin e Krimeve Ekonomike e Financiare të DVP Vlorë arrestuan në flagrancë shtetasin B. R., 44 vjeç, banues në Vlorë, për veprën penale  “Kontrabanda me mallra për të cilat paguhet akcizë”.

Materialet i kaluan Prokurorisë, për veprime të mëtejshme./albeu.com

The post Dhjetëra steka me cigare të fshehur nën rimorkion e kamionit, në pranga 44-vjeçari në Vlorë për kontrabandë appeared first on Albeu.com.

BalkanWeb ka arritur të mësojë se i arrestuar është shtetasi Alfred Bazini dhe gjatë kontrollit në automjetin të tij, autoritetet zbuluan dhe sekuestruan 218 885 euro të padeklaruara dhe kuti me shishe vere, pa faturë blerjeje.

Sakaq, materialet i kaluan Prokurorisë, për veprime të mëtejshme.

Njoftimi i plotë:

Port Vlorë/ Kontrolle intensive nga shërbimet e Policisë Kufitare në Portin e Vlorës, në bashkëpunim me Seksionin e Hetimit të Krimit Ekonomik dhe Financiar në DVP Vlorë, për parandalimin, evidentimin dhe goditjen e krimeve ndërkufitare.

Finalizohet operacioni policor i koduar “Excise”.

Sekuestrohen 218 885 euro të padeklaruara në kufi dhe një sasi vere, e dyshuar e kontrabanduar.

Vihet në pranga 50-vjeçari që nuk deklaroi shumën e parave në kufi dhe tentoi të fuste kontrabandë sasinë e verës, në vendin tonë.

Shërbimet e PKK Port Vlorë, në bashkëpunim me specialistët e Seksionit për Hetimin e Krimit Ekonomik dhe Financiar të DVP Vlorë, në vijim të kontrolleve për goditjen e paligjshmërisë, bazuar në analizën e riskut dhe në kontrollet me përzgjedhje, në hyrje të RSH-së, kanë kaluar në vijën e dytë, për kontroll më të imtësishëm, një mjet kamion tip “DAF”, me drejtues shtetasin A. B.

Gjatë kontrollit të ushtruar në automjetin që ky shtetas drejtonte, shërbimet e Policisë gjetën dhe sekuestruan 218 885 euro të padeklaruara sipas përcaktimeve ligjore në fuqi dhe kuti me shishe vere, pa faturë blerjeje.

Në përfundim të veprimeve në kuadër të operacionit “Excise”, specialistët e Seksionit për Hetimin e Krimit Ekonomik e Financiar të DVP Vlorë arrestuan në flagrancë shtetasin A. B., 50 vjeç, banues në Vlorë, për veprat penale “Mosdeklarimi i të hollave dhe i sendeve me vlerë në kufi”, “Pastrimi i produkteve të veprës penale” dhe “Kontrabanda me mallra për të cilat paguhet akcizë”.

Në bashkëpunim me Prokurorinë e Rrethit Gjyqësor Vlorë vijon puna për zbardhjen dhe dokumentimin e plotë ligjor të këtij rasti.

Materialet i kaluan Prokurorisë, për veprime të mëtejshme.

The post EMRI/ Tentoi të kalonte kufirin me mbi 200 mijë euro të padeklaruara, arrestohet 50-vjeçari në portin e Vlorës appeared first on Albeu.com.

Kujtojmë që prej dy ditësh të gjitha pikat kufitare të vendit tonë punuan me regjistra, pasi sistime TIMS ra pas një sulmi kibernetik nga Irani.

Ditën e somte thuajse në te gjitha pikat doganore është kthyer normaliteti.

The post Rikthehet plotësisht sistemi TIMS edhe në Portin e Vlorës appeared first on Albeu.com.

Kjo ka krijuar fluks pasagjerësh në pikën e kalimit kufitar.

Sipas burimeve të deritanishme, ka qenë sulmi kibernetik në sistemin TIMS, çka ka bërë që të pezullohet puna në këtë nyje hyrëse të Vlorës.

Ndërkohë mbetet për t’u parë se çfarë do të ndodhë në orët në vijim./albeu.com/

The post Sulmi kibernetik fut “në ngërç” Portin e Vlorës, pezullohet puna (VIDEO) appeared first on Albeu.com.

Bëhet fjalë për një marrëveshje 2 vjeçare të nënshkruar me Shtetet e Bashkuara të Amerikës. Anijet do vendosen në triportin e Vlorës./albeu.com

The post Mbërrin në Portin e Vlorës dy nga anijet që do prodhojnë energji elektrike appeared first on Albeu.com.

Rama tha se brenda pak javësh do të mbërrijnë në portin e Vlorës dërgesat e para të gazit të lëngshëm.

“Ne po punojmë ngushtë me amerikanët për marrjen e gazit të lëngshëm, proces që mund të nisë së shpejti, brenda disa javësh dhe që do të sjellë dërgesat në portin e Vlorës”. /albeu.com

The post Ulje e çmimit të gazit? Mësohet kur vijnë ngarkesat e para në Portin e Vlorës appeared first on Albeu.com.