pista hetimi Archives - Albeu.com

Zhdukja e Ervis Martinajt, Çuçi: Këto janë pistat ku po hetohet

E B — Thu, 08 Sep 2022 20:15:40 +0000

Ministri i Brendshëm, Bledi Çuçi, ka folur për “misterin” që ka rrethuar një nga personat më të kërkuar në Shqipëri Ervis Martinaj, për të cilin ka disa pista hetimi, por më dy kryesoret janë ajo e eliminimit fizik, ose ajo e inskenimit.

Duke folur në “Top Story”, Çuçi tha se policia ëhstë duke hetuar nëtre pista, të cilat janë ajo e vrasjes, pista e zhdukjes në mënyrë të vullnetshme dhe pista e tretë, ai është gjithmonë në kërkim nga drejtësia, sepse ka pasur edhe më herët statusin e të shumëkërkuarit.

Pjesë nga biseda:

Bledi Çuçi: Policia po heton, po heton të gjitha pistat, policia do të flasë kur të ketë prova dhe nuk mund të flasë në bazë të thashethemeve. Ajo që po bën policia është padyshim hetimi në pista të ndryshme. Pistat janë pista e vrasjes, pista e zhdukjes në mënyrë të vullnetshme dhe pista e tretë, ai është gjithmonë në kërkim nga drejtësia, sepse ka pasur edhe më herët statusin e të shumëkërkuarit. Konkluzioni do të jetë i bazuar në prova, jo në thashetheme.

Gazetari: Prova kemi që shoqërohej deri në sekondat e fundit nga një efektiv policie

Bledi Çuçi: Policia e zbuloi

Gazetari: Po ai ishte polic.

Bledi Çuçi: Policia e zbuloi pra këtë gjë, këto mos bëni sikur ndodhin vetëm në Shqipëri dhe që bota e zhvilluar nuk ka raste të tilla

Gazetari: Ndeshin me frekuencë

Bledi Çuçi: Ku e di ti se me cilën frekuencë ndodhin? Ke studime? Ndodhin edhe më shpesh madje. Unë s’jam i sigurt as për ty, jam dyshues edhe për ty që mund të jesh një vrasës potencial në momentin që shoh një shenjë. Por kur nuk e shoh një shenjë, nuk jam.

The post Zhdukja e Ervis Martinajt, Çuçi: Këto janë pistat ku po hetohet appeared first on Albeu.com.

Autorët menduan se do sulmoheshin ndaj qëlluan? Efektivët në Vlorë lëviznin me makinë pa targa dhe xhama të zinj: Pista e re e hetimit

E S — Sat, 03 Sep 2022 05:53:39 +0000

Të tjera detaje kanë dalë së fundmi nga atentati i dështuar i mbrëmjes së djeshme ndaj dy efektivëve të policisë në Vlorë, Anxhelo Breshan dhe Nako Mehmetaj.

Sipas burimeve bëhet me dije se dy policët po udhëtonin në një automjet pa targa dhe me xhama të zinj. Kjo ka bërë që autorët të dyshonin se mund t’u bëhej atentat dhe prandaj kanë qëëluar me armë zjarri ndaj dy policëve. Ky dyshim është një ndër pistat që po hetohet.

Në dëshminë e tyre dy efektivët kanë deklaruar se të shtënat ndaj tyre kishin ardhur menjëherë pasi kishin parakaluar automjetin tip “Wolswagen”, ndërkohë që kanë shtuar po ashtu se nuk i njohin autorët./albeu.com

The post Autorët menduan se do sulmoheshin ndaj qëlluan? Efektivët në Vlorë lëviznin me makinë pa targa dhe xhama të zinj: Pista e re e hetimit appeared first on Albeu.com.

Jo për hakmarrje, ndryshon pista e hetimit për ekzekutimin e Albi Bashaliut në Peqin

E B — Fri, 31 Dec 2021 13:24:12 +0000

Detaje të reja janë zbuluar nga vrasja e 32 vjeçarit, Albi Bashaliu në Peqin. Burime për abcnews.al pranë policë së Peqinit kanë bërë me dije se shkak për vrasjen e të riut të jetë bërë prishja e pazareve të drogës dhe jo ajo e hakmarrjes, pistë që është lakuar deri më tani.

Ndër të tjera burimi thekson se një ditë më parë Albi ishte kërcënuar nga persona të paidentifikuar në fshatin ku dhe u ekzekutua, pasi dyshohet se një ngarkesë lënde narkotike e kapur në kufi me Greqinë të jetë dhe shkaku kryesor i vrasjes së tij.

Viktima sipas informacioneve dyshohet se ka pasur rreth 200 000 euro borxh personave të ndryshëm, që mund të jenë dhe autorët e ekzekutimit të tij.

Ndërkohë edhe pse faktet e reja kanë ndryshuar rrjedhën e pistës, grupi hetimor nga hetimi nuk përjashton as atë të hakmarrjes.

Ekzekutimi i Albi Bashaliut është bërë më 27 janarit në fshatin Gjocaj të Peqinit në momentin që ai ishte ne lokal, dikush e thirri në emër nga jashtë, doli dhe më pas autorët e kanë qëlluar menjëherë. Viktima është qëlluar me një plumb në kokë që i ka shkaktuar vdekjen e menjëhershme.

The post Jo për hakmarrje, ndryshon pista e hetimit për ekzekutimin e Albi Bashaliut në Peqin appeared first on Albeu.com.