Ngjarja dyshohet se ka ndodhur për motive të dobëta, teksa i plagosuri është në spital, jashtë rrezikut për jetën.

“Specialistët për Hetimin e Krimeve të Komisariatit të Policisë Nr. 5 arrestuan shtetasin F. Xh., 24 vjeç, banues në Paskuqan, pasi për motive të dobëta dyshohet se ka goditur me mjet prerës, vëllain e tij, i cili si pasojë është dëmtuar dhe ndodhet në spital, jashtë rrezikut për jetën”, njofton policia.

The post Plagosi vëllanë me mjet prerës, arrestohet 24-vjeçari në Paskuqan appeared first on Albeu.com.

Sipas Berishës, vota e tyre do të jetë kundër monizmit dhe për të vendosur pluralizimin politik në vend.

“Të dashur qytetare e qytetarë, zonja e zotërinj, vëllezër e motra, banorë të Paskuqanit, të pranishëm në këtë takim të fitores së madhe, të fitores së pluralizmit në Paskuqan, Kamzë, por edhe në mbarë Shqipërinë.

Dje unë pata një tur dhe kudo që shkova, frynte flladi i fitores.

Është nder i madh që vij sot tek ju, për të paraqitur kandidatin e koalicionit ‘Bashkë Fitojmë’, kandidatin e votës tuaj të lirë, e besimit tuaj, Arjan Hoxhën, i cili është njëkohësisht jo vetëm kandidat i koalicionit ‘Bashkë Fitojmë’, por është kandidat i 24 partive opozitare të cilat janë bashkuar në këtë betejë për rivendosjen e pluralizmit politik në Shqipërinë, përmbysjen e monizmit në qeverisjen vendore dhe ecjen e sigurtë drejt zgjedhjeve të përgjithshme, për përmbysjen e tij dhe në qeverinë qendrore.

Shqipëria përbën një nga dramat më të mëdha të një shoqërie dhe të një vendi. Kudo nga mëngjesi gjer në darkë, gjer natën vonë në bisedat tona, gjithnjë qarkullojmë vetëm shpopullimin, largimin e njerëzve, largimin e të rinjve nga ky vend, sikur të ishte një vend i mallkuar.

Si asnjëherë tjetër në historinë e Shqipërisë, vendi sot është një diktaturë reale. Po pse e them unë është një diktaturë? Është një diktaturë sepse të gjitha pushtetet janë të përqendruara në një dorë.

Sot në Shqipëri çdo pushtet, qendror dhe vendor, çdo pushtet i drejtësisë, i medieve, parlamenti, të gjitha janë në duart e një njeriu dhe kjo përbën kuptimin e vërtetë të fjalës, pushtetin më abuziv, më të rrezikshëm për vendin dhe qytetarët e këtij vendi.

Kjo përbën një diktaturë jo të bazuar në ideologji, as në besime të tjera, as në junta ushtarake, por të bazuar në një bandë, në një organizatë kriminale që qeveris vendin duke vjedhur nga mëngjesi deri në darkë. Që qeveris vendin duke i plaçkitur dhe grabitur pasuritë e tij, më shumë se çdo pushtues tjetër në çdo kohë. Që qeveris vendin duke përdorur, drogën, krimin dhe çdo mjet të paligjshëm.

Diktatura e bandës, apo diktatura e organizatave kriminale është forma më e rrezikshme më e shëmtuar e të gjitha diktaturave.

Ndaj dhe më 14 maj çdo qytetar i këtij vendi, duhet të votojë kundër monizmit, duhet të votojë që aty ku është, me votën e tij të kontribuojë që në pushtetin vendor të vendosim pluralizmin”, tha Berisha.

The post Berisha në Paskuqan: Më 14 maj, çdo qytetar duhet të votojë kundër monizmit, të vendosim pluralizmin appeared first on Albeu.com.

Policia bën me dije se dy nxënës të kësaj shkolle janë konfliktuar , dhe gjatë konfliktit një 15-vjeçar, dyshohet se ka goditur me mjet prerës një bashkëmoshatarin e tij.

Ky i fundit është dërguar në spital pasi është dëmtuar dhe ndodhet nën kujdesin e mjekëve.

Autori i dyshuar është shoqëruar në komisariat për veprime të mëtejshme.

Grupi hetimor po punon për sqarimin e rrethanave të ngjarjes./Albeu.com/

The post Sherr mes nxënësve në një shkollë në Paskuqan, 15-vjeçari plagos me thikë shokun appeared first on Albeu.com.

Së fundi ka qenë vëllai i Hutrës ai që ka reaguar, duke theksuar se ka vite që nuk flet me autorin e krimit të rëndë.

Në një intervistë për gazetarin Igli Çelmeta ai u ka kërkuar falje publike familjeve të viktimave.

Ai ka treguar se kontaktet me Dan Hutrën i ka shkëputur kur ai vrau gruan e parë, teksa sqaroi edhe dënimin e tij në vitin 2003, që sipas tij ishte për dhunim dhe jo për përdhunim.

Pjesë nga intervista:

Gazetari Igli Çelmeta: Ju jeni vëllai i Dan Hutrës, pse kërkuat të flisnit, çfarë doni të thoni?

Vëllai i Dan Hutrës: Në radhë të parë dua të shpreh ngushëllimet më të sinqerta dhe të thella që dalin nga zemra e një njeriu familjarëve të viktimave, që humbën jetën krejt kot tre vajza në lule të jetës. Kjo ishte një masakër, që masakra të tilla unë 45 vjeç kam përjetuar vetëm në vitet kur serbi ka bërë mbi kosovarët. E dyta ai kriminel ai është vëllai, por më nuk është vëllai im edhe kush më njeh, e di që prej vrasjes së parë që ka bërë ne e kemi mohuar si vëlla

Gazetari Igli Çelmeta: Pra në vitin 2007 kur Dan Hutra vrau gruan e parë, ju keni shkëputur kontaktet me vëllain tuaj?

Vëllai i Dan Hutrës: Unë edhe vëllai tjetër. Edhe kur kam biseduar me familjarët e viktimës së parë, i kam thënë që ai nuk është më vëllai im, për mua të veprojë drejtësia, të veprojë kush të dojë për mua nuk më intereson se çfarë bëhet me atë njeri, se jetën ta ka dhënë Zoti dhe ta merr vetëm Zoti dhe jo njeriu.

Gazetari Igli Çelmeta: Dan Hutra është dënuar për herë të parë në vitin 2003, me dy vite burgim, çfarë di për këtë rast dhe pse u dënua?

Vëllai i Dan Hutrës: Këtu dua të ndalem sepse edhe mediat, më vjen shumë keq ka edhe gazetarë që për të mbushur emisionin e vet hedh shumë baltë. Në vitin 2003 Dan Hutra është dënuar se ka mbyllur nënën dhe njërën prej kunatave në dhomë që të mos lajmërojnë policinë. Për dhunim dhe jo për përdhunim, sepse përdhunim është marrëdhënie seksuale, është dënuar për dhunim

Gazetari Igli Çelmeta: Pra në vitin 2003 është dënuar për dhunim

Vëllai i Dan Hutrës: Jo për përdhunim, për dhunë.

Gazetari Igli Çelmeta: Për dhunë, po e kuptoj.

Vëllai i Dan Hutrës: Për dhunë dhe atij i është vënë si përdhunim dhe nëse është përdhunim kapni atë gjykatës çojeni në vend të atij kriminelit sepse për përdhunim duhet të marrë nga 7 deri 15 vite burg siç e thotë ligji shqiptar dhe jo dy vite sa është dënuar ai.

Gazetari Igli Çelmeta: Pas këtij krimi që është dënuar me dy vite burg, ai është dënuar në vitin 2007 kur vrau gruan e parë në mënyrë mizore, çfarë di, çfarë konflikti kishte Dan Hutra me gruan e parë? Përse e kreu krimin makabër?

Vëllai i Dan Hutrës: Unë dhe vëllai tjetër as nuk jemi marrë, as nuk kemi pasur qenë takuar me familjarët e saj, as nuk kam fol kurrë, vetëm pas ngjarjes i kam marrë për ngushëllime familjarët edhe i kam thënë për ne jeni të lirë, të veprojë drejtësia.

The post “Drejtësia të veprojë!” Flet vëllai i Dan Hutrës: E kemi mohuar që prej vrasjes së parë appeared first on Albeu.com.

Në një video të publikuar nga gazetari Spartak Koka, duket autori i krimit që ka mbërritur me makinë në vendngjarje dhe ka pritur disa minuta para banesës së ish-bashkëjetueses së tij Elena Hysa.

Më pas ai ka hyrë në banesë, ku ka hapur zjarr duke lënë 2 viktima dhe 2 gra të plagosura.

Gjatë momentit të të shtënave në rrugë kanë qenë duke, lëvizur kalimtarë, të cilët janë kthyer sapo kanë dëgjuar armën.

Ndërkohë, në momentin kur autori ka mbërritur para banesës së viktimave, aty ka ndaluar edhe një automjet tjetër, i cili është kthyer mbrapsht, por nuk dihet nëse shoferi i saj ka pasur komunikim me Hutrën.

“Patrulla e parë e policisë ka ardhur 20 minuta pasi ka ndodhur ngjarja, ndërkohë që policisë i është dhënë edhe targa e makinës.  Ai ka përdorur edhe rrugë dytësore dhe e ka patur të qartë se ku do shkonte, ndaj nuk ka patur mundësi policia që ta kapte. Në një nga audiot dëgjohen edhe përplasjet e policisë me banorët për vonesën, por kjo është justifikuar me pamundësinë për ta gjetur rrugicën brenda zonës. Ka qenë një punonjëse policie që ka shtëpinë afër zonës që i ka ndihmuar patrullat me lokalizimin e saktë të vendngjarjes”, tha Koka. /albeu.com

The post Dy i vrau dhe dy i plagosi, del videoja si Dan Hutra zbrazi armën ndaj grave në Paskuqan brenda 5 minutave appeared first on Albeu.com.

Ai tregoi se kohë më parë e kishte dhunuar autorin, pasi ky i fundit i kishte vjedhur furgonin.

Fqinji ka thënë më tej se Hutra i ka pasur të gjitha veset e këija, ndërsa mendon se mund të kishte shkuar të vriste edhe atë.

“Ka qenë monstër nga fillimi deri në fund. Njëherë ka qenë i fejuar me 2 goca tjera dhe e panë që është i dhunshëm dhe ikën. Pastaj përdhunoi kunatat e veta. I ka çuar nga liqeni dhe kur kanë ardhur në mëngjes ishin katandisur. Ka pas mbushur ujë te shtëpiat e mia. E kam pas rrahur njëherë. Më duket se ka ardhur të më vrasë mua. E kam rrahur se më bëri shumë dëm. Po bënin një darkë që ishte fejuar motra e vet. Ky monstra tha hajde ta çojmë në spital. E çuam dhe e solla prap këtu.

Më tha sa lekë bën. I thashë për spital është falas. E çova unë atje dhe atë natë më ka vjedhur furgonin. E zura dhe i futa një të rrahur. Nëna e saj ka ikur, më duket se jeton te vajzat. Vëllezërit kanë ikur. Mori një vajzë tjetër, e mbajti 2 muaj dhe ikën me qera te Fusha e Aviacionit dhe i futi thikën në zemër, e vrau.  Që prej asaj kohe ca nuk ka bërë. Ai duhet të rrinte brenda. Dje kisha frikë të dilja. Ka pasur gjithë veset e këqija, përdhunues, mashtrues“, tha fqinji. /albeu.com

The post “Dje kisha frikë të dilja”, flet fqinji i Dan Hutrës: Monstër! E kam rrahur se më vodhi furgonin appeared first on Albeu.com.

Autori i masakrës, Dan Hutra, ishte liruar nga burgu vetëm dy javë më parë, psi 8 muaj më parë kishte dhunuar Elena Hysën, ish-partnerja e tij.

Ngjarja e rëndë ndodhi në sy të të gjithë fqinjëve, sipas gazetarit Igli Çelmeta.

“8 muaj më parë Dan Hutra, në sy të gjithë fqinjëve ka ardhur me fugon ka ardhur dhe ka dhunuar Elenën në sy të fqinjëve në mënyrë barbare”, raportoi gazetari.

Vetëm 8 muaj pas këtij rasti, etja e Dan Hutrës për gjak nuk u shua kurrë dhe ai i mori jetën kunatës dhe nuses së vëllait të ish-bashkëjetueses si dhe plagosi këtë të fundit dhe nënën e saj.

Në të njëjtën ditë ai plagosi të dashurën Marjana Gurakuqi dhe vrau Etleva Kurtin në Kamzë.

Dan Hutra u arrestua pas thuajse gjashtë orësh në kërkim, në Sharrë, dhe deklaroi para policëve se donte të bënte një vrasje tjetër. /albeu.com

The post Krim i paralajmëruar? Dan Hutra dhunoi barbarisht ish-partneren në sy të fqinjëve, 8 muaj më vonë kreu masakër appeared first on Albeu.com.

Elena Hysa dhe nëna e saj janë në gjendtje të mirë, ka bërë me dije spitali.

Ngjarja e rëndë ndodhi ditën e djeshme në Paskuqan, kur Dan Hutra shkoi në banesën e prindërve të ish-partneres së tij, duke qëlluar me breshëri kallashnikovi, e duke lënë të vdekura në vend dy 30-vjeçare, ndërsa të plagosura mbetën nënë e bijë.

Pra kësaj ai kishte plagosur me thikë partneren e tij aktuale dhe i kishte grabitur asaj para.

Ndërkohë, pasi kreu masakrën e Paskuqanit, monstra gjeti kohë të ndalonte në Kamzë, ku vrau në oborrin e shtëpisë Etleva Kurtin, motra e Vladimir Kurtit, i dënuar përjetë për vrasjen e Agim Bucit. /albeu.com

The post U plagosën nga monstra Dan Hutra, si është gjendja e nënë e bijë një ditë pas ngjarjes appeared first on Albeu.com.

Në një postim në Facebook, Çuçi përgëzon Policinë e Shtetit për arrestimin e Hutrës, edhe pse ai i shpëtoi prangave pas një plagosjeje, dy vrasjeve e dy plagosjeve të tjera, derisa i mori jetën Etleva Kurtit në Kamzë.

Çuçi shkruan se ngjarja mund të ishte shmangur nëse autori do të ishte në burg, por shton më tej se policia bëri detyrën duke e çuar prapa hekurave.

“Përgëzime Policisë së Shtetit për arrestimin e një krimineli të regjur, që sot mori jetë të pafajshme në Kamëz. Një ngjarje e rëndë, që mund të ishte shmangur nëse autori do të ishte në burg nga sistemi i drejtësisë në të shkuarën për skendën e tij kriminale. Edhe njëherë Policia e Shtetit dëshmoi profesionalizëm dhe bëri detyrën duke çuar prapa hekurave autorin, që nuk duhet më kurrsesi t’i shpëtojë ndëshkimit më të ashpër të drejtësisë. Ngushëllime familjeve të viktimave! #MbështetjepërPolicinëeShtetit”, shkruan Çuçi. /albeu.com

The post Arrestimi i Dan Hutrës pas 3 vrasjeve dhe 3 plagosjeve, Çuçi përgëzon policinë në “Facebook”: Dëshmoi profesionalizëm appeared first on Albeu.com.

Mësohet se Dan Hutra, pasi ka bërë kasaphanën në banesën e ish-gruas së tij, ku vrau dy gratë e familjes dhe plagosi atë dhe nënën e saj, u drejtua tek objektivi i dytë, familja e Vladimir Kurtit.

Nëna e 31-vjeçares Etleva Kurtit, e cila u qëllua për vdekje në oborrin e banesës së saj ka treguar për se në momentin kur ndodhi krimi ka qenë nga pas banesës duke punuar, kur ka dëgjuar krisma të forta, sipas gazetares Klodiana Lala.

“Isha duke punuar nga pas shtëpisë kur dëgjova disa krisma. Kur dola para shtëpisë pashë gocën përtokë të vrarë”, ka thënë nëna e viktimës, e cila ndodhet në gjendje të rënduar psikologjike.

Hutra duket se e kishte planifikuar sulmin ndaj familjes së Kurtit, pasi kishte ndalur makinën në zonën e Kamzës dhe kishte pyetur një banore të zonës se ku ishte shtëpia e tij. Kjo e fundit i kishte treguar vendndodhjen, pa ditur synimet makabre të vrasësit.

Më pas Hutra ka hyrë në banesë, ku ka hapur zjarr në drejtim të 31-vjeçares, duke e lënë të vdekur në oborrin e shtëpisë, dhe më pas është larguar.

Autori është ende në arrati dhe policia po vijon punën për kapjen e tij. /albeu.com

The post “Ku është shtëpia e Vladimir Kurtit?” Detaje tronditëse nga vrasja në Kamzë, si shpëtoi nëna e viktimës nga plumbat e Dan Hutrës appeared first on Albeu.com.