Këtë pyetje Vokshi ia ka drejtuar ministres së Shëndetësisë, Koçiu nga Komisioni i Shëndetësisë.

“Ta bënim mbledhjen në Urgjencën QSUT-së ka rreth 2 muaj që nuk funksion. Ka rënë dy herë zjarr. Nuk funksionon asnjë aparaturë. Ende pacientët shkojnë nga një spital në një spital tjetër. Me votat shumicës e rrëzuat kërkesën time ta bënim seancën në QSUT. Sa mund të ndihmoni për zgjedhjen situatës.

Meqë kishte dhe 2-3 deputetë që e miratuan si propozim do të doja të vijë sa më parë ministra dhe Drejtoresha, pasi para 3 ditësh një tender tjetër është dhënë për të vënë në funksionim të që është djegur dhe shkatërruar. Tenderi është 300 mijë euro. Po shkojnë paratë e Shqiptarëve në një gropë, po jepen para të tjera dhe askush nuk ka ardhur këtu në këtë komision se çfarë e shkaktoi zjarrin e parë. Ishte për shkak të vjedhjeve të 17 mln euro. Pse nuk flitet pse nuk tregojnë, cilat janë pajisjet që janë shkatërruar që janë djegur që nuk funksionojnë më .17 mln euro jo vetëm kosto, por prej dy muajsh nuk vite në funksionim godina.

Ngjarje e rëndë në QSUT. Sipas këtij informacioni nga një punonjës që punon në QSUT, aty kanë ikur dritat për më shumë se dy orë. Sipas këtij punonjësi ka pasur 4 të sëmurë që kanë humbur jetën, gjatë periudhës që kanë ikur dritat, pasi kanë qenë të intubuar, nuk ka funksionuar linja backup. Nëse ky informacion është i vërtetë do të ishte një skandal shumë i madh. Një spital si QSUT a mund të rri pa drita. A është e vërtetë që të premten në mëngjes duke u gdhirë kanë ikur dritat. Pse s’ka punuar gjeneratori. Ku janë dërguar pacientët”, -tha Vokshi

The post Vokshi ministres së Shëndetësisë: A kanë ikur dritat në QSUT dy orë dhe kanë vdekur katër pacientë që ishin në intubim? appeared first on Albeu.com.

“Me vetëm 10 spitale që funksionojnë minimalisht në të gjithë Gazën, mijëra pacientë vazhdojnë të kenë mungesë të kujdesit shëndetësor”, paralajmëroi Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus.

Para luftës, Gaza kishte 36 spitale, sipas shifrave të OBSH-së.

“Përafërsisht 9,000 pacientë duhet të fluturojnë urgjentisht jashtë vendit për shërbime jetike shëndetësore, duke përfshirë trajtimin për kancerin, plagët nga bimbardimet, dializën dhe sëmundje të tjera kronike”, tha ai.

Ky numër është 1000 më i lartë se regjistrimi i fundit i OBSH-së në fillim të marsit.

Para fillimit të luftës më 7 tetor, 50 deri në 100 pacientë në ditë referoheshin nga Gaza në Jerusalemin Lindor dhe Bregun Perëndimor. Gjysma e tyre po trajtoheshin për kancer./albeu.con

The post Rreth 9 mijë pacientë nga Rripi i Gazës kanë nevojë për evakuim urgjent për trajtim appeared first on Albeu.com.

Ky raport vë në dukje se sistemi shëndetësor jo vetëm përballet me një nënfinancim kronik, por një pjesë e konsiderueshme e popullsisë nuk përfiton fare. Bëhet fjalë për 600 000 persona ose 21% e popullsisë që janë të pasiguruar. Aty bëjnë pjesë kryesisht punëtorët informalë dhe njerëzit që jetojnë në zonat e thella rurale.

Ky sistem që të orienton drejt pagesave shtesë, sipas OBSH, bën që 1 në 5 persona të shtyjnë apo të mos kërkojnë kujdesin shëndetësor kur kanë nevojë. Raporti bëhet më shqetësues për familjet më të varfra, që nëse nuk arrijnë të gjejnë borxh, nuk mund të marrin mjekim.

Raporti I KE vë në dukje se pagesat e larta nga xhepi kufizojnë aksesin në kujdesin shëndetësor. Si pasojë e shpenzimeve publike të kufizuara, shqiptarët mbulojnë me para nga xhepi 44.58% të shëndetit aktual. Kjo vlerë në vendet e BE-së dhe rajonit është 15.57%. Çdo shqiptar paguan mesatarisht 6 700 lekë në vit nga xhepi, shpenzime që janë tërësisht informale. Këto pagesa shkojnë kryesisht për të blerë ilaçe, ndjekur nga kujdesi spitalor, testet diagnostikuese apo shërbimi detar.

Edhe sipas raportit të “Numbeo” 2022, Shqipëria u rendit e fundit ë rajon krahasuar me Serbinë, Maqedoninë e Veriut dhe Bosnjën. Pikët më të ulëta kanë marrë: cilësia e dobët e pajisjeve mjekësore, koha e pritjes dhe kosto e shërbimeve./topchannel

The post Raporti i KE: Shqiptarët, pacientët që paguajnë më shumë nga xhepi për spitalet appeared first on Albeu.com.

“Filtrimi i gjakut” apo Hemofiltrimi që Zhan Mitrev u ofronte pacientëve me COVID-19 si shpresë e vetme për shpëtim nga vdekja, po del të ketë qenë eksperiment mjaft i rrezikshëm që u kushtoi me jetë shumë pacientëve. Ky trajtim ju u ofronte pacientëve në paketë nga 3 mijë deri në 5 euro për seancë.

Trajtimi me hemofiltrim ishte bërë duke mos u treguar pacientëve dhe familjarëve të tyre se në ta po bëhet eksperiment shkencorë. Nuk u ishte treguar as për rreziqet e as për pasojat që sillte ky trajtim.

Ky skandal u zbulua nga një hulumtim i bërë nga IRL (Investigative Reporting Lab) te të cilët kishin ardhur mbi 24 ankesa nga familjarët që humbën më të dashurit e tyre në Zhan Mitrev nga trajtimi që morën kundër COVID-19.

Jo të pakta ishin rastet e pacientëve që përfundonin tragjikisht pas “Pastrimit të gjakut” si pasojë e infeksioneve bakteriale në gjak që më pas u sillte edhe vdekje.

I tillë është edhe rasti i familjes Brezevi, të cilët në Zhan Mitrev humbën kryefamiljarin pikërisht nga kjo arsye. Sipas tyre, doktorët e Zhan Mitrev ua fshehën rezultatet laboratorike që dëshmonin se familjari i tyre po merrte infeksione bakteriale intraspitalore të njëpasnjëshme. Ndërsa në vend të pasqyrës së vërtetë klinike, u jepnin raporte të rrejshme me rezultate negative për prezencë të baktereve në gjak.

Ndërsa analizat që ata vetë i siguronin nga burime të tjera dëshmonin se familjari i tyre që po mjekohej në Zhan Mitrev, po merrte infeksione bakteriale intraspitalore të njëpasnjëshme. Pavarësisht insistimit për të zbuluar të vërtetën, spitali u tregua jo transparent me ne, thonë familjarët. Pacientit nga familja Brezevi iu përkeqësua gjendja, morri sulm dhe më pas ndërroi jetë.

Por ai nuk ishte i vetmi. Si Brezevi përfunduan edhe shumë të tjerë që u trajtuan me “Hemofiltrimin” magjik, ndërkaq sipas IRL, asnjë nga këto raste me helmim gjaku nuk u paraqitën në institucionet shëndetësore shtetërore, edhe pse me ligj është e obligueshme.

Vetëm gjatë kohës së pandemisë, klinika Zhan Mitrev përfitoi mbi 17 milion euro vetëm nga trajtimi i pacientëve më COVID.  Aso kohe ishin mjaftë të shpeshta paraqitjet publike të vetë pronarit dhe doktorit kryesor, Zhan Mitrev nëpër mediat vendase, duke proklamuar “Pastrimin e gjakut” si zbulimi më i avansuar për trajtim të pacientëve me COVID.

IRL gjithashtu ka dalë me disa fakte mahnitëse, që vendosin në pikëpyetje edhe titujt shkencorë dhe profesional të Zhan Mitrevit. Sipas tyre, një pjesë e madhe e titujve po del të jenë të rrejshëm dhe të blerë nga organizata të huaja që nuk ekzistojnë ose që kanë qenë pjesë e mashtrimeve.

Hulumtimi i bërë ndjek rrugën dhe metodologjinë e funksionimit të një prej mjekëve më të paguar në vend. Në fokus të hetimit është periudha 2020-2021 gjatë trajtimit të pacientëve me COVID-19, ku ishte aplikuar metoda e hemofiltrimit. Kjo metodë zbatohej vetëm në këtë klinikë, bazuar tek një rekomandim i përkohshëm dhe tejet strikt i një organizate shëndetësore.

Hulumtimi i IRL gjithashtu zbërthen dëshmi se si institucionet përgjegjëse shëndetësore nuk kanë ditur për veprimet e paligjshme të kësaj klinike, për trajtime që duhen dhënë leje dhe miratime përkatëse, por edhe mbikëqyrje e specializuar institucionale./GazetaExpress/

The post Skandal në klinikën Zhan Mitrev në Shkup, pacientëve u ofrohej “kurë” por në fakt bëheshin pjesë e një eksperimenti appeared first on Albeu.com.

Njoftimi i Ministrisë së Shëndetësisë:

COVID19/ Ministria e Shëndetësisë: 904 testime, 55 qytetarë të infektuar, asnjë humbje jete dhe 47 të shëruar në 24 orët e fundit

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Çdo qytetar mbi 12 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar.

MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese.

Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon: Janë kryer 904 testime, nga të cilat kanë rezultuar pozitivë me COVID19, 55 qytetarë, në këto bashki:

18 në Tiranë, 6 në Gjirokastër, nga 4 qytetarë në Gramsh, Vlorë, Lushnje, Fier, 3 në Sarandë, nga 2 qytetarë në Lezhë, Durrës, nga 1 qytetar në Kuçovë, Devoll, Korçë, Delvinë, Himarë, Selenicë, Vorë, Shkodër.

Janë 461 pacientë aktivë me COVID-19 në të gjithë vendin.

Aktualisht në spitalin COVID3 po marrin trajtim 14 pacientë, nga të cilët 2 është në gjendje më të rënduar. Në 24 orët e fundit nuk ka asnjë humbje jete.

Janë shëruar 47 qytetarë gjatë 24 orëve të fundit, duke e çuar numrin e të shëruarve në 270,102 që nga fillimi i epidemisë.

Statistika (06 Prill 2022)

Raste të reja ditore           55

Të shëruar në 24 orë        47

Të shtruar në spitale        14

Humbje jete në 24 orë      0

Testime ditore                   904

Testime totale               1,783,270

Raste pozitive                   274,055

Raste të shëruara              270,102

Raste Aktive                            461

Humbje jete                           3,492

Shpërndarja gjeografike e rasteve aktive sipas qarqeve:

Tiranë             250

Vlorë               63

Fier                  34

Gjirokastër      28

Elbasan           23

Korçë               15

Durrës              14

Berat                11

Kukës               9

Shkodër             7

Lezhë                 6

Dibër                  1

The post 55 raste të reja dhe asnjë humbje jete nga Covid-19 në Shqipëri appeared first on Albeu.com.

Ilaçi baricitinib (një lloj i ilaçit sikurse frenuesi Janus kinase [JAK] që përdoret për trajtimin e artritit reumatoid), sipas OBSH-së, rekomandohet të përdoret te pacientët e sëmurë rëndë dhe ata kritikë, në kombinim me kortikosteroidet, që janë ilaçe të fuqishme kundër inflamacioneve dhe forcojnë përgjigjen imunitare.

OBSH-ja tha se ky rekomandim bazohet në të dhënat që sugjerojnë se përmirëson shanset e mbijetesës dhe zvogëlon nevojën që pacientët të futen në ventilator dhe nuk është gjetur se shkakton efekte anësore.

Ekspertët e OBSH-së thanë se baricitinib ka efekte të ngjashme sikurse ilaçet e tjera për artritin, frenuesit e IL-6 (ilaçe anti-inflamatore), prandaj nëse këto dy ilaçe janë në dispozicion, kjo organizatë rekomandon që pacientët të zgjedhin njërën nga to “në bazë të kostos, disponueshmërisë dhe rekomandimit të mjekut”. Megjithatë, nuk rekomandohet që këto dy ilaçe të merren në të njëjtën kohë.

Rekomandimi i përdorimit të këtyre ilaçeve është bërë nga të dhënat e reja nga shtatë studime, ku janë përfshirë 4,000 pacientë me COVID-19 me infeksione të lehta, të rënda dhe kritike.

Në përditësimin e udhëzimeve për trajtimin e COVID-19, ekspertët e OBSH-së kanë rekomanduar kundër përdorimit të dy ilaçeve ruxolitinib dhe tofacitinib për pacientët me COVID-19 të sëmurë rëndë apo në gjendje kritike, pasi në studime nuk është gjetur se pacientët mund të kenë përfitime nga to dhe ka rrezik për efekte të rënda anësore.

Gjithashtu, në këtë udhëzues të ri, OBSH-ja ka bërë një rekomandim të kushtëzuar të përdorimit të antitrupit monoklonal sotrovimab në pacientët që nuk kanë zhvilluar sëmundje të rëndë nga koronavirusi dhe ky lloj trajtimi mund të përdoret vetëm te personat që kanë rrezik të lartë të hospitalizimit, pasi siç tha OBSH-ja, pacientët që nuk janë në gjendje të rëndë nuk kanë përfitime të mëdha nga ky trajtim.

Një rekomandim i ngjashëm është bërë edhe për ilaçin tjetër të antitrupave monoklonale (casirivimab-imdevimab), pasi ekspertët vlerësuan se nuk ka ende të dhëna për të rekomanduar këtë lloj trajtimi dhe “efektiviteti i tyre kundër varianteve të reja, siç është Omicron, është ende i paqartë”.

Ilaçet e rekomanduara sot i shtohen listës së trajtimit për COVID-19 ku përfshihet përdorimi i receptorëve bllokues dhe kortikosteroideve me veprim sistematik për pacientët e sëmurë rëndë dhe ata kritikë. Po ashtu, OBSH-ja më herët ka bërë rekomandim për përdorimin e kushtëzuar të trajtimit me antitrupa monoklonale casirivimab-imdevimab në pacientë të caktuar.

Që prej shpërthimit të pandemisë në fund të vitit 2019, sipas të dhënave të Universitetit Johns Hopkins në mbarë botën janë regjistruar mbi 319 milionë raste dhe mbi 5.5 milionë të vdekur./REL

The post Ilaçet e reja që OBSH ka rekomanduar për trajtimin e pacientëve me COVID-19 appeared first on Albeu.com.

Drejtori i Urgjencës Kombëtare Skënder Brataj konfirmon faktin që shumë qytetarë të prekur nga Covidi nuk pranojnë të shkojnë në spital dhe kur rëndohet gjendja e tyre shëndetësore.

Sipas tij, shpeshherë kombinimi i trajtimit mjekësor ambulator me atë spitalor në kushte shtëpie, i agravon edhe më shumë gjendjen e tyre duke bërë që të shkojnë me 80 % të mushkërisë së prekur, e cila konsiderohet faza më e rëndë.

“Nuk është më virusi që ka dëmtuar mushkërinë dhe ka ulur oksigjenin por është një komplikacion i mjekimit shumë të rëndë që bëhet në banesë, me terapi endovenoze të cilat sigurisht janë për në spital dhe jo për në banesë. Trajtimi me antibiotikë apo antiviralë të cilat nuk kontrollohen ditë për ditë siç bëhet në spital apo përmes analizave imazherike”, thekson Brataj për Top Channel.

Mutacioni “Omicron”,  për të cilin është paralajmëruar se do të shkaktojë një tjetër valë në mesin e këtij muaji thuhet se është më shume infektues se sa “Delta”, por nuk i prek mushkëritë”, thekson ai.

The post Brataj ngre alarmin: Pacietët me Covid po rrezikojnë veten, vijnë në spital me 80% të mushkërive të prekura appeared first on Albeu.com.

“Për momentin, diku 50-60 pacientë ishin në trajtim aktual dhe plus 19 pacientë të cilët patën fatin të shpëtojnë nga plagët e zjarrit. Për momentin janë 60. Në Fillim gjendja e tyre ishte shumë e rëndë, mirëpo me intervenimin e ekipeve mjekësore është stabile”, tha Nexhmedin Abaz.

Intervenimi të menjëhershëm kanë bërë mjekët që kanë qenë në kujdestari, kurse ekipit më pas i janë bashkuar edhe mjekët tjerë.

The post Rreth 60 pacientë janë pranuar në urgjencë (VIDEO) appeared first on Albeu.com.

Ministria e Shëndetësisë bën me dije se, aktualisht janë 2,453 pacientë aktivë me COVID-19 në të gjithë vendin.

Ndërkohë, MSH njofton se në spitale ndodhen 39 pacientë.

Statistika (14 Gusht 2021)

Raste të reja ditore         410

Të shëruar në 24 orë       46

Të shtruar në spitale       39

Humbje jete në 24 orë     2

Testime ditore                 5,252

Testime totale             952,866

Raste pozitive             135,550

Raste të shëruara       130,634

Raste Aktive                    2,453

Humbje jete                     2,463

/albeu.com/

The post Rriten infeksionet me COVID-19 në vend, sa pacientë ndodhen aktualisht në spitale appeared first on Albeu.com.

Krahas videos, Rama shkruan në Facebook se ky është një investim për të zgjeruar mundësinë e kryerjes së ndërhyrjeve të vështira në zemër që do të jetë falas për qytetarët, për rreth 400 pacientë në vit.

“Mirëmëngjes. Pandemia nuk e ka ndalur punën për transformimin e infrastrukturës shëndetësore. Edhe pak është gati qendra e re e kardiokirurgjisë në Spitalin Universitar “Shefqet Ndroqi”. Një investim i qeverisë shqiptare për të zgjeruar mundësinë e kryerjes së ndërhyrjeve të vështira në zemër, falas për qytetarët, në qendrën e dytë publike të kardiokirurgjisë në vend”, shkruan Rama.

The post Rama: Ndërhyrjet në zemër falas për rreth 400 pacientë në vit (VIDEO) appeared first on Albeu.com.