Tre vjet pas sulmit ndaj linjës gazsjellëse Nord-Stream në Detin Baltik,, u arrestua një i dyshuar i dytë në Poloni.

Sipas të dhënavve të avokatit të të pandehurit bëhet fjalë për ukrainasin Volodymyr Z. Ndalimi i tij u realizua të martën në mëngjes (30.09.2025) në një zonë periferike të Varshavës. Një zëdhënës i Prokurorisë konirmoi arrestimin në Pruskov, pa e përmendur emrin e të pandehurit dhe deklaroi, se ndaj tij ishte lëshuar urdhër arrest në nivel ndërkombëtar.

Prokuroria Federale e Gjermanisë vë në dukje, se personi i ndaluar është një zhytës i kualifikuar. Ai bënte pjesë në një grup personash, të cilët në shtator 2022 vendosën lëndë shpërthyese në linjën gazsjellëse Nord Stream 1 dhe 2. I pandehuri ka marrë pjesë në zhytjet e nevojshme, ve në dukje Prokuroria Federale në Karlsruhe. Ai akuzohet për bashkëveprim në realizimin e shpërthimit me lëndë eksplozive si dhe për sabotim antikushtetues.

Në gusht të këtij viti Prokuroria Federale, realizoi arrestimin në Itali të një tjetër ukrainasi të dyshuar për bashkëveprim për shpërthimin në Nordstream.

Sipas hetuesve i pandehuri Serhij K. është një ndër organizatorët e aksionit të sabotimit. Në mes të shtatorit një gjykatë italiane vendosi ekstradimin e tij në Gjermani. I pandehuri K. i hedh poshtë akuzat duke vazhduar të mbrohet juridikisht kundër arrestimit.

Shpërthimet tre vjet më parë në Bornholm

Sulmi ndaj gazsjellësit Nord-Stream, tërhoqi vëmendjen në mbarë botën. Disa shpërthime dëmtuan gjithsej katër tubacione gazi aq rëndë, sa ato dolën jashtë përdorimit. Shpërthimet ndodhën në afërsi të ishullit danez në Detin Baltik, Bornholm. Në kohën e shpërthimeve linjat e gazit nuk ishin vënë në funksionim.

Prokuroria Federale e Gjermanisë më 2022 mori përsipër hetimet. Ajo bën përgjegjës për këtë aksion një grup ukrainas i përbërë nga disa burra dhe gra. Për transportimin për në vendin e shpërthimit grupi përdori një jaht velierë, që ishte nisur nga Rostock-u, deklaron Prokuroria e Përgjithshme Federale. Jahti më parë ishte marrë me qira tek një sipërmarrje gjermane nëpërmjet dokumentave të falsifikuara përmes personave të tretë.

Tubacionet pa funksionim të rregullt

Gazsjellësi në fund të detit ishte ndërtuar për transportimin e gazit natyror rus për në Gjermani. Rusia i ndërpreu furnizimet pak pas sulmit – me gjasë si reagim ndaj sanksioneve perëndimore për shkak të luftës sulmuese ndaj Ukrainës. Nord Stream 1 me dy tubacione u inagurua në vitin 2011. Nord Stream 2 – gjithashtu me dy tubacione – përfundoi së ndërtuari dhjetë vjet më vonë, por nuk arriti të vihet asnjëherë në funksionim./DW

The post Tre vjet nga shpërthimi në Nord-Stream, arrestohet një tjetër i dyshuar appeared first on Albeu.com.

Rusia e quajti hetimin një dështim të plotë.

Shpërthimet e pashpjegueshme nënujore shkaktuan çarje në Nord Stream 1 dhe në tubacionet e ndërtuara Nord Stream 2 që lidhin Rusinë me Gjermaninë nëpërmjet Detit Baltik në shtator 2022.

Shpërthimet ndodhën në zonat ekonomike të Suedisë dhe Danimarkës dhe të dy vendet thonë se shpërthimet ishin të qëllimshme, por ende nuk kanë përcaktuar se kush ishte përgjegjës. Të dy vendet dhe Gjermania po hetojnë incidentin.

Në një deklaratë, Ministria e Jashtme e Rusisë akuzoi tre vendet se po vononin qëllimisht dhe po përpiqeshin të fshihnin se kush qëndron pas shpërthimeve.

Ministria shprehu pakënaqësinë për mënyrën si po kryhet hetimi.

“Është vërejtur se këto vende nuk janë të interesuara të përcaktojnë rrethanat e vërteta të këtij sabotimi. Përkundrazi, ata po vonojnë përpjekjet e tyre dhe po përpiqen të fshehin gjurmët dhe autorët e vërtetë të krimit pas të cilit besojmë se qëndrojnë vende të njohura.”

/Albeu.com/

The post Hetimi për shpërthimet e gazsjellësit Nord Stream, Moska: Dështim i plotë appeared first on Albeu.com.

Përgjigja mund të ketë ndërlikime të gjera për sigurinë energjitike në Evropë por edhe mund të kërcënojë unitetin e Perëndimit lidhur me mbështetjen për Ukrainën përballë agresionit të Rusisë. Gjithashtu mund të dëmtojë përpjekjet e Rusisë dhe Kinës për të fajësuar Perëndimin.

Megjithatë, gati gjashtë muaj pas sobotimit të gazsjellësit Nord Stream, ende nuk ka një shpjegim të pranuar. Por një seri raportimesh të pakonfirmuara që akuzojnë Rusinë, Shtetet e Bashkuara dhe Ukrainën po mbushin një vakum të lënë bosh nga shtypi ndërsa vazhdojnë hetimet.

Tubacionet, të njohura si Nord Stream 1 dhe Nord Stream 2, zotërohen kryesisht nga kompania shtetërore ruse Gazprom dhe transportojnë gaz natyral nga Rusia drejt Evropës në terminalin qendror në Gjermani.

Nord Stream u fut në punë në vitin 2011. Nord Stream 2 përfundoi në vjeshtën e vitit 2021 por asnjëherë nuk u fut në punë si rezultat i agresionit rus në Ukrainë shkurtin e vitit 2022.

Tubacionet anashkalojnë rrugët egzistuese përmes Ukrainës, çka nënkupton se Ukraina jo vetëm që humbet të ardhura nga tarifat e tranzitit, por nuk mund të përdorë drejtpërdrejt gazin që transportohet.

Më 2 shtator të vitit 2022 firma ruse Gazprom ndaloi rrjedhën e gazit përmes tubacioneve të Nord Stream 1 duke përmendur çështje që lidhen me sanksionet evropiane kundër Rusisë lidhur me sulmin në Ukrainë.

Tre javë më pas shpërthimet me lëndë plasëse nxorën nga përdorimi Nord Stream 1 dhe Nord Stream 2 duke shkaktuar rrjedhje të konsiderueshme gazi të mbetur në tubacione.

Thellësia e tubacioneve dhe kompleksiteti i përdorimit të lëndëve shpërthyese nënujore nxorën idenë se vetëm një aktor shtetëror me ekspertizë mund të ishte në gjendje të realizonte diçka të tillë.

Zyrtarët e Shteteve të Bashkuara sugjeruan se Rusia mund të fshihej pas shpërthimeve ndërsa nga ana tjetër Rusia akuzoi Shtetet e Bashkuara dhe Britaninë.

Hetimet e vendeve evropiane, përfshirë Danimarkën ku kalojnë tubacionet, ende nuk kanë dhënë rezultate përfundimtare.

TEORITË E RAPORTUARA

Gazetari investigativ amerikan Seymour Hersch, i njohur për ekspozimin në të kaluarën të abuzimeve të qeverisë amerikane, publikoi një raport të gjatë në muajin shkurt ku pretendon se Presidenti Joe Biden kishte urdhëruar sabotimin, për të cilin gazetari Hersch tha se ishte kryer nga CIA me ndihmën e Norvegjisë.

Raporti i bazuar në një burim të vetëm, të paidentifikuar, është mohuar kategorikisht nga Shtëpia e Bardhë, CIA dhe Departamenti i Shtetit. Asnjë rrjet mediatik nuk ka qënë në gjendje ta vërtetojë raportin.

Rusia dhe Kina shfrytëzuan shkrimin e gazetarit Hersch duke thënë se ishte bazë për një hetim të ri të paanshëm nga Kombet e Bashkuara.

Të martën, raportimet e gazetave amerikane “The New York Times”, “The Washington Post” dhe medias gjermane, cituan zyrtarë amerikanë dhe të tjerë se kishte prova që Ukraina ose të paktën shtetas ukrainas, mund të kenë qënë përgjegjës për shpërthimet. Qeveria ukrainase e ka mohuar përfshirjen.

Gazeta gjermane “Die Zeit” dhe mediumet publike gjermane ARD dhe SWR raportuan se hetuesit besonin se pesë burra dhe një grua përdorën një jaht të kontraktuar nga një kompani ukrainase në Poloni për të kryer sulmin.

Prokurorët federalë gjermanë konfirmuan se kishin kontrolluar një anije në janar./VOA

The post Misteri i sabotimit të gazsjellësit Nord Stream appeared first on Albeu.com.

Mohimi vjen pas një raporti nga Neë York Times, i cili citon zyrtarë anonimë të inteligjencës amerikane që sugjerojnë se një grup pro-ukrainas ishte fajtor.

Mykhailo Podolyak, një këshilltar i presidentit ukrainas, tha se Ukraina ” nuk ishte absolutisht e përfshirë”.

Moska vuri në dyshim se si SHBA mund të nxirrte përfundime pa bërë një hetim të plote, shkruan BBC.

Zëdhënësi i Kremlinit Dmitry Peskov e quajti raportin një “fushatë të koordinuar të mediave të lajmeve të rreme” dhe i tha agjencisë shtetërore të lajmeve Ria-Novosti se ata që sulmuan gazsjellësin “në mënyrë të qartë… duan të largojnë vëmendjen”.

Rusia ka fajësuar Perëndimin për shpërthimet dhe i bëri thirrje Këshillit të Sigurimit të OKB-së që t’i hetojë në mënyrë të pavarur ato.

Hetuesit gjermanë thanë të mërkurën se kishin kontrolluar një anije në janar, e cila dyshohej se transportonte eksplozivët e përdorur për të sabotuar dy tubacionet e gazit.

Dërgesat e gazit rus ishin pezulluar përpara shpërthimeve.

Rusia mbylli gazsjellësin Nord Stream 1 në gusht të vitit të kaluar, duke thënë se kishte nevojë për mirëmbajtje. Nord Stream 2 nuk ishte vënë kurrë në shërbim.

Shkaku i saktë i shpërthimeve të 26 shtatorit që goditën tubacionet e gazit natyror nuk dihet, por besohet gjerësisht se janë sulmuar.

Udhëheqësit e NATO-s dhe perëndimorëve nuk kanë akuzuar drejtpërdrejt Rusinë për sulmin e tubacioneve të veta, megjithëse BE-ja ka thënë më parë se Rusia përdor tubacionet e saj të gazit si një armë kundër Perëndimit

The post Ukraina mohon përfshirjen në shpërthimet e gazsjellësit Nord Stream appeared first on Albeu.com.

Më tej ai shtoi se Moska nuk do të mbështetet më te Perëndimi si partneri i saj i energjisë.

Moska fajëson vendet perëndimore për shpërthimet që dëmtuan tubacionet e gazit Nord Stream 1 dhe 2 në shtator dhe ka kërkuar një hetim ndërkombëtar për incidentin.

Lavrov i bëri këto deklarata në një aktivitet që mori pjesë në Indi, një ditë pas takimit të ministrave të jashtëm të G20 në Nju Delhi./albeu.com

The post Lavrov: Nuk do të lejojmë që Perëndimi të hedhë në erë përsëri, tubacionet e gazit appeared first on Albeu.com.

Moska i propozoi Stokholmit ngritjen e një hetimi të përbashkët për shpërthimet, ku tre nga katër tubacionet e Nord Stream 1 dhe 2 mund të dilnin jashtë përdorimit përgjithmonë. Por si Suedia ashtu edhe Danimarka e kanë hedhur poshtë idenë që Rusia të marrë pjesë në hetim.

Në një konferencë në Moskë, Zakharova sugjeroi se kishte arsye  për atë vendim.

“Ndoshta hetuesit rusë, duke kryer një hetim objektiv, mund të arrijnë në një përfundim të papërshtatshëm se kush e kreu këtë akt sabotimi, terrorizmi.

Kush e mendoi dhe kush e kreu atë,” tha ajo.

Zakharova tha se Suedia po “fshehte” fakte rreth asaj që kishte zbuluar në hetim, duke sugjeruar se “autoritetet suedeze kanë diçka për të fshehur”.

The post Hetimi për shpërthimet në Nord Stream, Rusia: Suedia po fsheh diçka appeared first on Albeu.com.

Rusia ka kërkuar vazhdimisht që të përfshihet në hetimin ndërkombëtar për këto rrjedhje, të cilat ndodhën ndërsa pushtimi rus i Ukrainës është ndezur dhe në sfondin e “betejës” së gazit midis Rusisë dhe BE-së.

Presidenti rus Vladimir Putin i quajti rrjedhjet e 12 tetorit një akt të ” terrorizmit ndërkombëtar ” për të mirën e SHBA, Polonisë dhe Ukrainës dhe diplomacia ruse i bëri thirrje presidentit amerikan Joe Biden të zbulojë nëse vendi i tij ishte përgjegjës për shpërthimet.

Zëdhënësi i Kremlinit Dmitry Peskov tha se Moska po punonte “intensive” për t’u përfshirë në hetim , të cilin e ka akuzuar në të kaluarën se është “rregulluar” për t’ia vënë fajin Rusisë.

“Puna po bëhet përmes kanaleve diplomatike”, u tha gazetarëve zyrtari rus. “Por deri më tani, ata po takojnë një mur ngurrimi për të hedhur dritë së bashku mbi të vërtetën, e cila me siguri do të befasojë më shumë se një vend evropian nëse bëhet publike” tha ai, pa dhënë detaje. “As gjermanët, as suedezët, as danezët nuk ndajnë informacion me ne”, tha Peskov.

Tubacionet e gazit Nord Stream kanë qenë në qendër të polemikave gjeopolitike edhe para pushtimit rus të Ukrainës, me Kievin dhe Uashingtonin që kundërshtojnë ndërtimin e tyre, gjë që sipas tyre nënvizon varësinë e Evropës nga gazi rus./albeu.com

The post Deklaratë enigmatike nga Moska për rrjedhjen e Nord Stream: E vërteta do t’i habisë europianët appeared first on Albeu.com.

Duke folur me anëtarët e grupit parlamentar të Partisë për Drejtësi dhe Zhvillim (AKP), Erdogan tha se Europa do të jetë në gjendje të furnizohet me gaz natyror përmes qendrës në Turqi, pas shkatërrimit pothuajse total të tubacioneve Nord Stream.

“Tani për tani, Europa po kërkon se vende ku mund të furnizohet me gaz natyror. Turqia nuk ka një problem të tillë. Në takimin tonë të fundit ne ramë dakord me Putinin që do të ndërtojmë një qendër të gazit natyror këtu.

Europa mund të marrë gaz natyror nga Turqia”, tha Erdogan.

The post Erdogan dhe Putin marrëveshje për krijimin e një qendre të gazit natyror në Turqi appeared first on Albeu.com.

Sipas The Indipendent, videoja besohet se jep një vështrim të parë në dy rrjedhje përgjatë tubacionit të gazit Nord Stream në Detin Baltik.

Kjo pamje nënujore, e regjistruar të hënën e 17 tetorit, thuhet se tregon dëmin e bërë në lidhjen e gazit natyror që kalon nga Rusia në Gjermani.

The post Incidenti në tubacionin e Nord Stream në detin baltik, publikohen pamjet e para nga dëmtimi (VIDEO) appeared first on Albeu.com.

Duke iu referuar britanikëve si “anglo-saksone”, ai thotë se ata ndihmuan “në organizimin e shpërthimeve të tubacioneve në detin Ballkanik”.

Putin gjithashtu i referohet ushtrisë amerikane si “brutale”, përpara se të dënojë zgjerimin e NATO-s. /albeu.com

The post Rrjedhjet në tubacionet e Nord Stream, Putin akuzon Perëndimin për sabotim appeared first on Albeu.com.