“Il Messaggero” shkruan se “Ndragheta” ka dashur t’i zhvasë para Gattusos nëpërmjet motrës dhe babait të tij.

Dy “ushtarë” të Ndraghetas Aldo Abbruzzese dhe Mustapha Hamil, i vunë zjarrin dy makinave të motrës së Gattusos si shenjë presioni për t’i marrë legjendës së Milanit 80 mijë euro.

Por Gattusoi refuzoi në mënyrë kategorike të paguante këtë “gjobë” të majme, ai ju dha vetëm 3 mijë euro dy mafiozëve nëpërmjet Salvatore Pierit.

Aktualisht Gattuso ëhstë trajner i Marsejës në Francë, por do të mbahet mend për dy Champions League të fituara me Milanin.

Ndrangheta është një nga organizatat më të vjetra kriminale italiane që u themelua në shekullin e 18-të në Kalabri dhe është një nga më të fuqishmet në Itali, pas Cosa Nostras.

The post “Ndragheta” i vendosi gjobë 80 mijë euro, Gattuso i tregon vendin appeared first on Albeu.com.

“Kokat” e Ndrangheta me bazë në rajonin gadishullor të Kalabrisë, Camorra-s së Napolit dhe Cosa Nostra-s me bazë Siçilinë, dyshohet se u kapën nga kamera duke ndarë një vakt së bashku në një kopsht.

Sipas mediave ndërkombëtare, besohet se fotoja është realizuar në prill të vitit 2021 dhe tashmë ekziston frika se tre grupet më të fuqishme mafioze të Italisë mund të kenë krijuar aleancën e frikshme të pagëzuar si “super mafia”.

Takimi thuhet se ishte një nga shumë mbledhjet që policia kishte pasur nën vëzhgim, me prokurorët që paralajmëronin shfaqjen e një koalicioni të madh krimi në veriun e pasur të Italisë.

“Këtu është Milano”, u dëgjua një i dyshuar mafioz i Camorra-s duke i thënë një aleati. “Ne nuk jemi në Sicili, nuk jemi në Romë, nuk jemi në Napoli, këtu po bëjmë gjëra të mira”, besohet të ketë thënë më tej anëtari i Camorra-s, sipas një raportimi të Telegrafit.

Një anëtar i dyshuar i Cosa Nostra-s supozohet se iu përgjigj: “Ne kemi ndërtuar një perandori”.

Publikimi i fotos vjen në një kohë që është raportuar se tri organizatat e fuqishme kriminale kanë lënë mënjanë rivalitetet e tyre historike për të krijuar një aleancë “super mafioze” e cila po përfiton nga mundësitë e biznesit në rajonin e Lombardisë.

Ata dyshohet se kanë bërë qindra milionë euro duke investuar në biznese legjitime në kryeqytetin botëror të modës, Milano. Organizatat e mafias kalabreze, siciliane dhe romake, kanë lidhur një marrëveshje të qëndrueshme për një lloj konfederate, sipas konstatimeve të prokurorëve italianë.

Teksa më parë gjakderdhjet publike, vrasjet dhe grindjet e dhunshme ishin një mënyrë jetese për këta bosa mafiozë, ata tani thuhet se mbajnë një profil të ulët, duke zgjedhur krimin e jakës së bardhë në vend të të shtënave.

The post A po krijohet “super-mafia”? “Kokat” e Ndraghetas, Camorras dhe Cosa Nostras drekojnë sëbashku appeared first on Albeu.com.

Mediat italiane raportojnë se 46-vjeçari Luca Mazzaferro është arrestuar në Torino. Në momentin e ndalimit atij i është gjetur një kartë identiteti dhe një patentë false shqiptare.

Luca Mazzaferro, ishte dënuar nga drejtësia italiane me gati 9 vite burg për pjesëmarrje në një grup mafioz, mashtrim, vjedhje dhe krime të tjera, shkruajnë mediat vendase.

Ndërkohë organet e drejtësisë italiane janë duke shqyrtuar dosjen e 46-vjeçarit.

The post Hiqej si emigrant shqiptar, arrestohet “Bosi i Ndraghetas” në Itali (EMRI) appeared first on Albeu.com.

Akuzat ndaj të arrestuarve janë shoqatë kriminale e tipit mafioz dhe shoqërim kriminal që synon trafikimin e lëndëve narkotike si dhe armëmbajtje pa leje.

Ata gjithashtu akuzohen për  krimet e zhvatjes, grabitjes, marrjes së mallit të vjedhur, pastrimit të parave dhe regjistrimit fiktive të mallit, të rënduara me metoda mafioze.

Në operacionin e quajtur “Karpathos” janë përfshirë mbi 400 karabinierë. Për 39 personat e përfshirë u caktua masa e paraburgimit, 6 u caktua arrest shtëpie dhe tetë u lanë në detyrim paraqitjeje./Albeu.com

The post Operacion kundër “Ndraghetas” në të gjithë Italinë, 52 të arrestuar appeared first on Albeu.com.

Mediat italiane raportojnë se gjatë aksionit të një dite më parë në zonën e Kalabrisë, janë vënë në pranga 43 perosna, të cilët akuzohen për zhvatje, ryshfete, vrasje si dhe për shumë vepra të tjera kriminale.

Pjesë e hetimit ishte edhe ndikimi i mundshëm i krimit të organizuar në politikën lokale.

Sipas raportimeve të medieve italiane, disa ish-politikanë nga Kalabria u vunë nën shënjestër të bastisjes me dyshimin se mund të kenë organizuar zgjedhje në bashkëpunim me mafian. Tashmë këta persona janë nën hetim.

Të dyshuarit kanë qenë nën vëzhgimin e hetuesve prej vitit 2018.

Që atëherë, autoritetet u përqendruan në gjurmimin e pasurive të të arrestuarve, si dhe në lidhjet e tyre politike dhe ekonomike.

Fokusi thuhet se ishte te familja e shquar Megna, që thuhet se ishte e përfshirë në ‘Ndrangheta.

Sipas zyrës së prokurorit në Catanzaro, familja ishte gjithashtu e përfshirë në aktivitete të dyshuara kriminale në Gjermani dhe Austri.

Hetuesit zbuluan gjithashtu se të dyshuarit kishin kryer transaksione bankare dhe financiare mashtruese me mbështetjen e hakerëve gjermanë.

“Ndrangheta” dominon tregtinë ndërkombëtare të drogës, ndërsa përfiton gjithashtu nga tregtia e armëve, pastrimi i parave dhe korrupsioni.

Ajo i ka rrënjët në Kalabri, e vendosur në skajin jugperëndimor të Italisë.

The post Policia “godet” Ndragheta-n, arreston 43 anëtarë të organizatës famëkeqe appeared first on Albeu.com.

The post “4 mijë euro metri katror. Një politikan do vërë në dispozicion makinën dhe…”/ Si përdori Ndragheta Shqipërinë dhe “Xhaxhain” për të pastruar paratë e krimit appeared first on Albeu.com.

Mafia e fuqishme “Ndrangheta” e Italisë po bashkëpunon me bandat shqiptare dhe agjentët kinezë të parave në atë që përbën një operacion të ri global “narcos digital”, pretendojnë hetuesit italianë.

Ndrangheta ka bërë një rrugë të gjatë nga ditët kur ata ishin hajdutë dhe banditë në malet e pluhurosura Aspromonte të Kalabrisë, në Itali.

Organizata mafioze tani fiton miliarda euro në vit duke importuar kokainë nga Amerika e Jugut në Evropë, duke ndihmuar në nxitjen e një rritjeje rekord të prodhimit.

“Ata janë fleksibël, inovativë dhe kozmopolitikë,” tha gjenerali Pasquale Angelosanto, komandanti i një njësie speciale të Karabinierëve që lufton rrjetet e ndryshme mafioze të Italisë.

“Ata tani janë një mafia pa kufij.”

Ndrangheta ka krijuar partneritete të reja me bandat shqiptare që kontrollojnë hyrjen në portet e mëdha evropiane të kontejnerëve përmes të cilave transportohet kokaina.

Dhe bosët e mafias lëvizin para nëpër botë me ndihmën e ndërmjetësve kinezë të palicencuar që janë të specializuar në kriptovalutat, raporton albeu.com, duke i lejuar ata të lëvizin para nëpër botë shpejt dhe në mënyrë anonime.

“Ka një raport gjithnjë e më të ngushtë mes mafias italiane dhe grupeve të huaja, mes tyre edhe shqiptarët, të cilët përveç se janë agjentë që blejnë lëndën narkotike në vendet prodhuese, garantojnë që tonelatat e kokainës, të fshehura në kontejnerë, mund të kalojnë nëpër portet në Evropën veriore”, tha gjenerali Angelosanto për gazetën La Repubblica.

“Ndrangheta një nga rrjetet kriminale më të zhvilluara”

Ka pasur gjithashtu një evolucion në transferimin e fondeve që përdoren për të paguar drogën.

Ndrangheta përdorin specialistë kinezë që kanë në dispozicion miliona në të gjithë botën.

Bosët e mafias janë gjithashtu të aftë në përdorimin e “instrumenteve të sofistikuara financiare” ndërsa lëvizin paratë, duke investuar të ardhurat nga trafiku i drogës në biznese legjitime, nga hotelet dhe restorantet deri te pikat e larjes së makinave dhe supermarketet.

“Ndrangheta është një nga më të evoluarat nga të gjitha rrjetet kriminale, ata janë si një kompani kriminale me interesa të shumta dhe kanë depërtuar në sektorë të ligjshëm ekonomikë. Për t’iu shmangur hetimeve, ata përdorin të gjitha mjetet më të sofistikuara, për shembull, komunikimet telefonike të koduara,” tha gjenerali Angelosanto, duke shtuar se “ata përdorin FinTech për të marrë shërbime dhe produkte financiare ose përdorin kriptovaluta për të transferuar kapital në çast dhe në mënyrë anonime në çdo pjesë të planetit.”

Mafia kalabreze ka pasur prej kohësh ambicie globale, tha komandanti i Karabinierëve, duke cituar një informator mafioz i cili i tha: “Ndrangheta nuk do të ndalet në Reggio Calabria (një nga qytetet kryesore në rajon). Ata janë në Kanada, Australi, Amerikë…në çdo pjesë të botës.”

Ndrangheta,  fjala vjen nga një palë fjalë greke, domethënë “andros” dhe “agathos” dhe do të thotë “burrëri”,  i cili mund të jetë një person jashtëzakonisht i pasur, por jo i imunizuar ndaj kontrolleve dhe arrestimeve.

Muajin e kaluar, policia në të gjithë Evropën arrestoi 132 persona në atë që u cilësua si një goditje e rëndë për rrjetin e krimit të organizuar.

Bastisjet pasuan një hetim që përfshiu Italinë, vende të tjera evropiane si Gjermania dhe Spanja, si dhe Panamaja dhe Brazili.

Të dyshuarit u akuzuan për përfshirje në trafikun e drogës nga Amerika e Jugut në Evropë dhe Australi, raporton albeu.com. Disa u akuzuan gjithashtu për drejtimin e armëve nga Pakistani në Amerikën e Jugut si një mënyrë për të paguar për dërgesat e kokainës.

Eurojust, agjencia e BE-së për Bashkëpunimin në Drejtësinë Penale, e përshkroi operacionin si “goditjen më të madhe të koordinuar ndonjëherë kundër krimit të organizuar italian”.

Mafia italiane në ‘lidhje’ me grupet kriminale shqiptare

“Anëtarët e klanit Ndrangheta ishin të përfshirë jo vetëm në trafik droge, por edhe në pastrim parash, trafik armësh, mashtrim fiskal dhe evazion fiskal.

Hetuesit kishin konstatuar se mafia italiane ishte në lidhje me grupet kriminale shqiptare që vepronin në Ekuador dhe disa vende evropiane.

Ata kishin bërë “investime masive” në Itali, si dhe në Brazil, Uruguai, Argjentinë dhe në të gjithë Evropën, tha Eurojust.

Është e vështirë të vlerësosh se sa fiton “Ndrangheta” çdo vit, sepse aktivitetet e saj janë nga natyra klandestine.

Një grup kërkimor italian, Eurispes, ka vlerësuar qarkullimin e tij vjetor në rreth 44 miliardë euro.

Forca e sindikatës së krimit qëndron në besnikërinë e saj tradicionale familjare, si dhe në demonstrimin e “fleksibilitetit maksimal” në eksplorimin e mundësive të reja të biznesit, sipas Drejtorisë së Hetimit Anti-Mafia të Italisë.

Prodhimi global i kokainës është rikthyer pas ngecjes gjatë pandemisë dhe tani është në nivele rekord, një raport nga Zyra e OKB-së për Drogën dhe Krimin e gjetur në mars.

Agjencia tha se bandat shqiptare janë kyçe në shpërndarjen e kokainës në të gjithë Evropën, duke përfshirë në Mbretërinë e Bashkuar.

Rreth 10 ton kokainë kontrabandohen në Britani çdo vit nga portet si Hamburgu, Roterdami dhe Antëerp.

Diaspora e madhe shqiptare “shpesh punon në bashkëpunim me grupet kriminale italiane”, thuhet në raport./albeu.com

The post “Drogën e qarkullojnë shqiptarët, paratë kinezët”, si u fuqizua grupi “Ndrangheta” që fiton miliarda euro në vit duke trafikuar kokainë appeared first on Albeu.com.

Sipas gazetës gjermane Frankfurter Allgemeine Zeitung (FAZ), policia e përfshirë në operacionin ndërkombëtar ekzekutoi mbi 100 urdhër-arreste kundër të dyshuarve që besohet të jenë të përfshirë në trafikun e kokainës, pastrim parash dhe evazion fiskal, ndër të tjera.

Bastisjet erdhën pas pothuajse katër vjet hetimesh tepër sekrete ndaj organizatës mafioze kalabreze.

Për të trafikuar armët dhe kokainën ishin krijuar disa organizata. Shoqata e parë e rikonstruktuar ka të bëjë me familjen Nirta, “Versu” të San Luca, e cila kishte bazë në Brazil, e përfaqësuar nga i arratisuri Vincenzo Pasquino, i kapur në vitin 2021 së bashku me bosin e drogës, Rocco Morabito.

E dyta i përket familjes Mammoliti “Fischiante” të Bovalino me ‘nyje’ në Pulia, Abruzzo, Lazio, Toskana dhe Lombardi dhe që ka kontakte të drejtpërdrejta me furnizuesit amerikano-jugor të kokainës dhe me trafikantë ndërkombëtarë si Denis Matoshi (Eldi Dizdari), aktualisht i arratisur në Dubai.

Shoqata e tretë, i përket familjes Strangio “Fracascia” të lidhur me bandat Nirta-Strangio të përfshira në masakrën e Duisburgut të vitit 2007. Kjo organizatë e tretë, sipas hetuesve, kishte degë të qëndrueshme në Genk (Belgjikë), Mynih (Gjermani), Spanjë dhe Canberra (Australi).

Hetimi nisi në qershor 2019, falë lidhjes mes karabinierëve dhe policisë federale belge që po hetonin disa subjekte që besohej se ishin pranë bandës Nirta di San Luca aktive në Genk. Fillimisht, ajo ishte e orientuar drejt disa anëtarëve të familjes Strangio, të quajtur “Fracascia”, që i atribuohen klanit Nirta. Gradualisht ato u shtrinë në familje të ndryshme të zonës së Lokridit, duke përfshirë edhe restorantin Bianco. Paratë e trafikut të drogës pastroheshin në sektorin e restoranteve, turizmit dhe pasurive të paluajtshme.

Grupet e trafikut të kokainës do të pastronin rreth 22.3 mln euro, të gjitha këto të ardhura nga krimi.

Milionat euro të ‘Ndrangheta-s do të ripërdoreshin pjesërisht për blerjen e makinave dhe mallrave luksoze, si dhe do të përdoreshin për të filluar dhe financuar aktivitete tregtare në Francë, Portugali dhe Gjermani./Albeu.com.

The post Kokainë, pastrim parash dhe evazion fiskal, nga Eldi Dizdari tek organizata “Fracascia”, si ishin ndarë “punët” e mafies italiane appeared first on Albeu.com.

Është padyshim operacioni më i madh i kryer ndonjëherë kundër mafies kalabreze në Evropë”.

Gjashtë tonë kokainë u zhvendosën midis majit 2020 dhe janarit 2022 nga bandat “Ndrangheta” të goditura mëngjesin e sotëm nga operacioni “Eureka”, tre prej të cilave u sekuestruan nga hetuesit.

Hetimi nisi në qershor 2019, falë lidhjes mes karabinierëve dhe policisë federale belge që po hetonin disa subjekte që besohej se ishin pranë bandës Nirta di San Luca aktive në Genk. Fillimisht, ajo ishte e orientuar drejt disa anëtarëve të familjes Strangio, të quajtur “Fracascia”, që i atribuohen klanit Nirta. Gradualisht ato u shtrinë në familje të ndryshme të zonës së Lokridit, duke përfshirë edhe restorantin Bianco. Paratë e trafikut të drogës pastroheshin në sektorin e restoranteve, turizmit dhe pasurive të paluajtshme.

Sipas hetuesve një nga bandat furnizohej me kokainë nga Amerika e Jugit nga shqiptari Denis Matoshi (Eldi Dizdari) i cili aktualisht është në arrati në Dubai.

Grupet e trafikut të kokainës do të pastronin rreth 22.3 mln euro, të gjitha këto të ardhura nga krimi.

Milionat euro të ‘Ndrangheta-s do të ripërdoreshin pjesërisht për blerjen e makinave dhe mallrave luksoze, si dhe do të përdoreshin për të filluar dhe financuar aktivitete tregtare në Francë, Portugali dhe Gjermani.

Kush është Eldi Dizdari, kushëriri i Arbër Çekaj dhe lidhja me vrasjen në ish- Bllok

Eldi Dizdari është personi që ka pasur një konflikt të fortë me Ervin Matën në mbrëmjen e 4 tetorit, para lokalit “Monopol” të Redi Popeskut, rreth gjysëm ore para se të ndodhte përplasja me armë brenda këtij lokali.

Eldi Dizdari njihet dhe me emrin Denis Matoshi dhe njihet si kushëri i afërt me Arbër Çekaj, pronarin e kompanisë së bananeve të arrestuar në Gjermani për trafikun e 613 kg kokainë që u sekuestrua në Durrës. Sipas burimeve të prokurorisë Mata dhe Dizdari janë konfliktuar me njëri-tjetrin në rrugë, pikërisht përpara lokalit “Monopol”. Dyshimet janë se Mata dhe Dizdari janë konfliktuar për çështjen e një borxhi financiar, borxh i cili nuk ishte shlyer nga Ervin Mata.

Në këtë konflikt është përpjekur të hyjë dhe komandoja Merviol Bilo, por nga pamjet filmike ka rezultuar se Bilo largohet nga Mata dhe më pas Eldi Dizdari së bashku me personat e tjerë që ishin me të janë larguar. Makina e tyre është ndjekur në këmbë nga Mata dhe grupi i tij deri tek zona e “Sky Taëer”, por nuk kanë mundur më ta shikojnë dhe janë rikthyer sërisht pas, duke u futur në lokal “Monopol”. Ndërkohë Dizdari nuk ka qënë fizikisht në lokalin “Monopol”, aty ku ndodhi dhe përleshja fizike me armë, pasi është larguar në drejtim të pacaktuar ende. Pamjet filmike të disa bizneseve sipas prokurorisë kanë zbuluar se Dizdari ka qënë personi i parë ai që është konfliktuar me Ervin Mata dhe më pas është larguar./Albeu.com.

The post “Eureka” çmonton “Ndraghetën”, i arratisur në Dubai, shqiptari Eldi Dizdari furnizonte bandat me kokainë appeared first on Albeu.com.

Në kuadër të operacionit “Eureka” u zhvilluan mbi 150 kontrolle në 8 vende të BE-së, përfshirë Francën, Gjermaninë, Belgjikën, Spanjën, Portugalinë, Rumaninë dhe Slloveninë. Operacioni lidhet edhe me dy hetime të tjera në Milano dhe Genova.

Akuzat

Të dyshuarit akuzohen për pjesëmarrje në shoqatë mafioze, trafik ndërkombëtar droge në sasi të mëdha, trafik armësh përfshirë ato të luftës, pastrim parash,  transferim mashtrues dhe mosrespektim të prokurimit.

Operacioni preku veçanërisht klanet Nirta-Strangio të San Luca dhe Morabito të Afrikos, shkruan Albeu.com.

“Blitz” në Belgjikë

Dhjetëra kontrolle u kryen edhe në Belgjikë, ku pati gjithsej 13 arrestime (shtatë prej të cilëve me një urdhër arresti evropian të lëshuar nga Italia që kërkonte dorëzimin tek autoritetet italiane), siç raporton magjistrati belg Antoon Schotsaert.

“Koha e dorëzimit në Itali mund të zgjasë disa muaj në varësi të pozicionit të tyre para gjyqtarëve”.

Gjithashtu janë sekuestruar tre automjete luksoze, të paktën 20 mijë euro para të gatshme dhe armë të ndryshme të ndaluara.

Kërkime dhe arrestime në Gjermani

Në Gjermani, arrestime dhe kontrolle u kryen në shtetet e Bavarisë, Nordrhein-Ëestfalia, Rheinland-Pfalz, Saarland dhe Thuringia. Në Bavari, autoritetet po hetojnë tetë persona. Më shumë se 130 shërbime emergjente kontrolluan disa prona dhe urdhër-arrestet evropiane u ekzekutuan kundër katër personave. Në North Rhine-Westphalia, rreth 500 shërbime emergjente po inspektojnë gjithsej 51 prona. Gjithashtu, janë ekzekutuar 15 urdhër-arreste të marra paraprakisht nga hetuesit, shkruan Albeu.com.

Hetimi

Hetimi hodhi hapat e parë në qershor 2019, ndaj një kalabrezi që emigroi në Genk të Belgjikës dhe dy fëmijët e tij.

I dyshuari drejtonte një piceri, por ishte në kontakt me tregtarët e kokainës me pasardhësit e tij. Në të njëjtën kohë, dy vëllezër ishin nën hetim në Kalabri, të cilët kishin investuar “një shumë të pashpjegueshme”, ndër të tjera në sektorin e restoranteve në Gjermani dhe Argjentinë. Hetuesit italianë dhe belgë kanë bashkuar procedimet e tyre, duke zgjeruar listën e të dyshuarve, duke përfshirë edhe kushëririn e dy vëllezërve, me banim në Mynih, si dhe të afërm e të njohur të tjerë në këtë qytet. Ndërsa hetimi përparonte, lista u rrit.

Kontrabandë dhe trafik droge

Sipas asaj që është konstatuar nga policia, “Ndrangheta” kanë importuar sasi të mëdha kokaine në Evropë nga Amerika e Jugut me anije konteinerësh që shkonin në portet si Antëerp, Roterdam apo Gioia Tauro. Një pjesë e ngarkesës do të mbërrinte më pas në Australi. Të dyshuarit bashkëpunonin me organizata kriminale në Brazil, Kolumbi, Ekuador dhe Shqipëri. Për të pastruar të ardhurat e paligjshme, filialet kanë krijuar një rrjet global të pastrimit të parave, duke investuar shuma të mëdha në restorante, pasuri të paluajtshme dhe lavazhe makinash, veçanërisht në Gjermani, Portugali, Belgjikë dhe Argjentinë, shkruan Albeu.com.

Hetimet

Hetuesit kanë zbuluar pastrim të gjerë parash në restorante, piceri, kafene dhe sallone akulloresh, veçanërisht në North Rhine-Ëestphalia. Hetuesit gjithashtu aksesuan bisedat e brendshme të të dyshuarve nga telefonat celularë të koduar. Këto janë pajisje të ofruesve tashmë të mbyllur EncroChat dhe SkyECC. Do të ishte hera e parë që ky lloj telefoni celular kriptografik mund të luante një rol të rëndësishëm në procedurat ndërkombëtare kundër mafias. Operacioni “Eureka” ka çuar në disa arrestime në vitet e fundit, ku janë parë lidhje mes Italisë dhe Gjermanisë, si në rastin e vrasjeve në Duisburg në gusht të vitit 2007, të lidhura me sa duket me vrasjen e gruas së një bosi klani në një sulm ndaj San Luca./AlbEu.com/

The post Goditet “Ndragheta”, kontrolle në 8 shtete evropiane, bandat bashkëpunonin me grupet kriminale në Shqipëri, Ekuador e Brazil appeared first on Albeu.com.