Autoritetet qeveritare maqedonase synojnë të kursejnë energji elektrike në mënyrë që muajt e dimrit të kalohen më me lehtësi. Ministri i Ekonomisë, Kreshnik Bekteshi tha se dimri që vjen do të jetë ndër më të vështirët me të cilët është ballafaquar ndonjëherë vendi, teksa njoftoi vendimet që i mori të martën qeveria për të kursyer energjinë elektrike.

“Rekomandimet, udhëzimet dhe obligimet janë ndarë në disa kategori, para së gjithash duke u nisur nga fakti nëse bëhet fjalë për konsumin familjar, për kompani apo hapësira të objekteve publike në pronësi të pushtetit qendror, siç janë ministritë, agjencitë e ndryshme, organet e administratës shtetërore dhe institucione të tjera”.

Ndërsa masat për institucionet qeveritare dhe publike janë të detyrueshme, atyre të pushtetit lokal, kompanive private dhe konsumatorëve familjarë u rekomandohet të ndjekin urdhrin që vlen për institucionet dhe agjencitë qeveritare.

“Qëllimi kryesor që duhet të arrihet është ulja e konsumit të energjisë elektrike me 15% krahasuar me muajin e njëjtë të një viti më parë. Nëse nuk arrihet ky qëllim do të pasojnë sanksione të ndryshme për drejtuesit e institucioneve të përcaktuara në kuadër të vendimeve qeveritare”, tha ministri Bekteshi.

Masat do të hyjnë në fuqi nga 1 shtatori dhe do të zgjasin deri më 31 mars të vitit të ardhshëm.

Masat parashikojnë, mes tjerash shkyçjen e dritave dekorative nga objektet dhe fasadat, mospërdorimin e dritave në hapësira ku ka dritë dielli, shkyçjen e kompjuterëve pas përfundimit të punës, përdorimin e arsyeshëm të kondicionerëve, varësisht temperaturave, etj.

Autoritetet në Shkup synojnë që të mos blejnë nga jashtë energji elektrike deri në fund të këtij viti dhe prodhimin vendas ta rrisin përmes kapacitetit të termocentraleve. Megjithatë, për këtë qëllim nevojiten sasi të konsiderueshme të qymyrit që do të importohej nga jashtë./VOA/

The post Kriza e energjisë elektrike, Maqedonia e Veriut prezanton masat e reja të kursimit appeared first on Albeu.com.

Gjermania është një prej vendeve më të prekura nga kriza energjitike, pasi Rusia ka vendosur mbylljen e një arterjeje të rëndësishme të furnizimit me gaz.

Ministri gjerman i Ekonomisë Robert Habeck njoftoi rregullore të reja që do të lidhen me kursimin e energjisë për shkak të frikës nga mungesat dhe janë pasojë e ndalimit të furnizimit të gazit rus për shkak të luftës në Ukrainë.

Ngrohja në ndërtesat publike do të lejohet në maksimum 19 gradë Celsius, ndërtesat dhe monumentet nuk do të ndriçohen më gjatë natës dhe as tabelat nuk do të ndriçohen, tha Habeck për gazetën “SZ”.

“Nevojitet edhe më shumë masa shtrënguese në botën e biznesit”, tha ai, pa dhënë detaje. Ai tha se kjo është duke u diskutuar me përfaqësues të Ministrisë së Punës.

Në korrik, Habeck prezantoi një paketë të re të konsumit të energjisë në kuadër të një reduktimi të ndjeshëm të furnizimit me gaz rus. Në atë kohë, thuhej se është e rëndësishme të reduktohet konsumi i gazit në kompani, ndërtesa zyrash dhe në familje private.

“Nevojitet edhe më shumë masa shtrënguese në botën e biznesit”, tha ai, pa dhënë detaje. Ai tha se kjo është duke u diskutuar me përfaqësues të Ministrisë së Punës.

Ministria e Ekonomisë tani planifikon të prezantojë masa shtesë lidhur me konsumin dhe efikasitetin e energjisë në bashkëpunim dhe koordinim me ministritë e tjera. Për këto masa është parashikuar një periudhë fillestare prej gjashtë muajsh.

The post Gjermania prezanton rregullat e reja për kursimin e energjisë appeared first on Albeu.com.

Tashmë kërkohet vaksina me dy doza ose një dozë dhe PCR. Ky lehtësim ka bërë që shqiptarët të dynden drejt Kosovës.

Kujtojmë se disa ditë më parë, kur kushti i tre dozave nuk ishte ndryshuar, shkaktoi zemërim të madh të qytetarëve të cilët udhëtojnë shpesh drejt Kosovës, sidomos ato në zonat e Kukësit dhe Hasit që punojnë dhe marrin shërbime atje.

Madje u zhvillua dhe një protestë dhe deputetja socialiste e qarkut Kukës i kërkoi qeverisë së Kosovës të rishikonte masat.

Mbrëmë masat ndryshuan, por ministri i Shëndetësisë i Kosovës, Rifat Latifi, tha se nuk u lehtësuan për shkak të presioneve politike por për shkak se situata e Covid-19 paraqitet më mirë./albeu.com

The post U hoq kushti për dozën e tretë të vaksinës anti-Covid, shqiptarët dynden drejt Kosovës, fluks në Morinë (VIDEO) appeared first on Albeu.com.

Me masat e reja, hyrja në Republikën e Kosovës i lejohet çdo personi që posedon certifikatën e vaksinimit me dy doza jo më shumë se 12 muaj nga marrja e dozës së dytë, vetëm me një dozë bashkë me testin negative RT-PCR, dëshminë se ka kaluar COVID-19 në 3 muajt e fundit, ose është testuar negativ me RT-PCR në 48 orët e fundit.

Kufizimi i qarkullimit të qytetarëve fillon nga ora 00:00 deri në 05:00.

Shërbimet e gastronomisë lejohet të zhvillojnë aktivitetin e tyre deri në orën 23:00, ndërsa muzika duhet të ndalet në orën 22:00.e

Lejohet shfrytëzimi i fitneseve dhe palestrave, në proporcion 1 klient me 10 m2.

Bibliotekat, muzetë, kinematë dhe teatrot lejohet të punojnë me 50 % të hapësirës.

Mbajtja e maskës është obligative në ambiente të mbyllura.

The post Përhapja e Omicron në Kosovë, këto janë masat e reja që hyjnë në fuqi nga sot appeared first on Albeu.com.

Qytetarët e vaksinuar që janë në Australi do të mund të shkojnë në shtëpi nga 27 shkurti, derisa shtetasit e vendeve tjera do të mund të hyjnë në Zelandë të Re nga 13 marsi, ka thënë kryeministrja e këtij vendi, Jacinda Ardern.

Ata do të duhen të vetizolohen për 10 ditë, mirëpo programi shtetëror i karantinës do të anulohet.

Shtetasit e Zelendës së Re që kanë mbetur nëpër vende të ndryshme të botës, e kanë mirëpritur këtë lajm.

Ky njoftim ka ardhur pas rritjes së kritikave për politikën kontroverse të Zelandës së Re për mbyllje të kufijve, me qëllim të luftim të pandemisë.

Kufijtë e këtij vendi kanë qenë të mbyllur për gati dy vjet.

Përgjatë asaj periudhe, ky shtet me pesë milionë banorë ka regjistruar 54 viktima dhe rreth 17,000 raste të infektimit – shifra shumë më të vogla sesa në pjesën tjetër të botës.

The post Zelanda e Re prezanton planin për rihapje të kufijve appeared first on Albeu.com.

“Për organizimin e manifestimeve, festimeve në objekte, restorante, hotele, ka protokolle, që janë miratuar nga Qeveria. Komisioni për Sëmundjet Infektive në seancën, që do të mbahet javën e ardhshme në përputhje me analizën e situatës epidemiologjike në vend do të vendosë, nëse do të rekomandojë propozim masa të reja”, njoftojnë nga Ministria e Shëndetësisë.

Sipas protokolleve të miratuara nga Qeveria, lejohet puna në pjesën e mbyllur të objekteve deri në 50% të kapacitetit, dhe të klientët duhet të kenë vërtetim për marrjen e dy dozave të vaksinës kundër Covid-it, ose vërtetim se e anë kaluar Covidin në 45 ditët e fundit. Nga HOTAM kërkojnë lehtësimin e masave.

“Me gjysmë sallë shkojmë në humbje, dhe me 70% kapacitet ose më lart mund të llogaritet si pozitive”, deklaroi Kërste Blazheski-Kryetar i HOTAM.

Dhe, në vend të festës së organizuar të Vitit të Ri me muzikë live, shumica e hoteleve në rivierën Ohër-Strugë tashmë ofrojnë vetëm fjetje me mëngjes, në ato restorante ku ofrohet recepsion, çmimet variojnë nga 30 deri në 70 euro.

“Po shkon keq, kur të merret parasysh i gjithë numri i kapaciteteve në rajonin Ohër-Strugë, pritshmëritë janë që kapaciteti i përgjithshëm të mos plotësohet më shumë se 50%. Grupet e huaja na patën konfirmuar, por sapo filluam me distancën, nuk mundemi me kapacitetin e plotë, tani ka edhe anulime”, u shpreh Kërste Blazheski-Kryetar i HOTAM.

Siç qëndrojnë punët tani për tani, Ohri dhe Struga, edhe këtë Vit të Ri do të varen nga turistët e Maqedonisë./Alsat

The post A do të ketë protokolle të reja për festat e fund-vitit? appeared first on Albeu.com.

Manastirliu ka folur dhe për situatën e Covid në vendin tonë dhe masat që pritet të merren ndërsa Omicron po bëhet një kërcënim.

Ajo foli lidhje me rivlerësimin e masave kufizuese në prag të festave, ku tha se ky është një vendim që do duhet të merret nga Komiteti i Ekspertëve duke vlerësuar edhe indikatorët e tjerë të situatës së pandemisë në vendin tonë.

E vetmja armë që kemi në dorë tani, tha Manastirliu, është vaksinimi, duke shtuar se situata e imunizimit në vendin tonë është e qëndrueshme.

“Dua të them që vendimet merren nga komiteti i ekspertëve. Situata po ndiqet në mënyrë dinamike. Duhet të jemi të kujdesshëm për masat duke rivlerësuar masat që kemi, Esenciale është vaksinimi si armë që kemi kundër virusit apo edhe varianteve që qarkullojnë siç është edhe Omircon. Priten informacione nga institucionet ndërkombëtare për të parë sa i rrezikshëm është ai. Vaksina është arma që ne kemi. Jemi sot këtu edhe për të vijuar fushatën e vaksinimit duke synuar që vaksinimi të shtrihet sa më shumë te të rinjtë.

Shqipëria ka një mbulesë vaksinale që po rritet dita ditës. Është situatë e qëndrueshme e vaksinimit në Shqipëri. Ne nuk do të ndalemi derisa çdo qytetar të jetë i mbrojtur përmes vaksinimit. Fushata e vaksinimit ka disa nivele të operimit. Jemi në një nivel të ri. Prej disa muajsh jemi derë më derë për qytetarët që nuk kanë mundur të shkojnë për t’u vaksinuar. Shëndeti qëndron në majë. Qeveria shqiptare ka siguruar dozat e vaksinave për popullatën dhe ne po ecim me hapa të qëndrueshëm”, tha Manastirliu./albeu.com

The post A do të shtrëngohen masat për festa? Përgjigjet Manastirliu appeared first on Albeu.com.

Kancelarja Angela Merkel njoftoi se njerëzit e pavaksinuar do të ndalohen të hyjnë në shumë vende publike, përfshirë dyqanet dhe ngjarjet jo thelbësore, përveç nëse ata janë shëruar së fundmi nga Covid.

“Kultura dhe koha e lirë në mbarë vendin do të jenë të hapura vetëm për ata që janë vaksinuar ose shëruar”, thotë Merkel.

“Ne e kemi kuptuar që situata është shumë e rëndë dhe se duam të marrim masa të tjera përveç atyre të marra tashmë”, shton ajo.

Merkel tha gjithashtu se një mandat vaksinimi mbarëkombëtar mund të vendoset nga shkurti i vitit 2022, pasi të jetë diskutuar në parlament./albeu.com

The post Gjermania ndalon personat e pavaksinuar të hyjnë në dyqane dhe bare appeared first on Albeu.com.

Disa prej masave të miratuara sot janë; çdo person që hyn në Kosovë duhet të posedojë një nga dëshmitë e vaksinimit.

Në pikën 2.1 të këtij vendimi thuhet se çdo person që hyn në Kosovë duhet të posedojë certifikatën e vaksinimit të plotë, apo me dy doza.

Më tej, në pikën 2.2 thuhet se çdo person që dëshiron të hyjë në Kosovë duhet ta posedojë një dozë të vaksinimit jo më të vjetër së katër javë së bashku me testin PCR negavit për COVID-19, jo më të vjetër se 48 orë, ndërsa që nga data 3 janar 2022, të gjithë personat që hyjnë në Kosovë duhet të kenë dëshminë e të dy dozave të vaksinimit.

The post Qeveria e Kosovës ashpërson masat anti-Covid appeared first on Albeu.com.

“Është caktuar takim ku do të bisedojmë se çfarë masash do të vendosen. Do të dalim me propozime konkrete dhe më pas do t’i dorëzojmë në qeveri”, tha Filipçe duke shtuar se masat do të jenë më shumë për personat e pavaksinuar. /albeu.com/

The post Filipçe: Nesër do të propozohen masat për personat e pavaksinuar appeared first on Albeu.com.