Rehyl Toska, një nga kamarierët më të vjetër të Shkodrës, ka marrë një nismë sensibilizuese për familjen e Musaenit i cili ka vetëm një vëlla dhe nënën pasi babai ka ndërruar jetë vite më parë.

Bashkë me kamarierët e Shkodrës, ata kanë mbledhur 2.5 milionë lekë bashkishe dhe do ia japin nënës së tij.

“Idea ishte për të kontribuar me familjen time dhe aty jam prek. Kam që 16-17 vjeç deri më sot që punoj. Sot kam një lokal timin. Jam interesuar për familjen dhe do të shkoj t’ja çoj direkt në dorë të nënës së vetë.

Fjala kamarier është përbuzje në Shqipëri sidomos, unë mbaj familjen time më këtë gjë. Më thonë ca punon kamarier, mbahen fëmijët me bakshish. Puna është nder.

Me kismet të madhit zot rreth orën 12 do shkoj t’ja dorëzoj nënës së tij. Kanë ardhur njerëz më kanë dhënë lekë me zarf, me lekë në dorë, unë nuk kam hap llogari, po më kanë pritur shumë mire”,- tha ai. /albeu.com/

The post Rekord! Kamarierët e Shkodrës mbledhin 2.5 milion lekë bakshishe për familjen e Musaen Zenelit appeared first on Albeu.com.

Ditwn e djeshme qytetarët shqiptarë kanë tejkaluar shifrën e mbledhur për familjen e Musaen Zenelit.

Në llogarinë e hapur nga Organizata USA ALBANIAN SOCIETY vetëm për pak orë janë mbledhur 20 mijë e 477 dollarë nga 20 mijë që synohen të bëhen në total.

Musaen Zeneli u shua në masakrën e Velipojës, teksa kishte në ditën e parë të punës së tij. Zeneli jetonte vetëm me nënën, e të vëllanë ndërsa të atin e kishte humbur pak vite më parë.

NGJARJA:

Një sherr për shezlongë dyshohet se ka degjeneruar në përplasje me armë, rreth orës 00:30 në Pulaj Plazh, Velipojë, ku si pasojë 4 persona mbeten të vrarë dhe 2 të plagosur.

Viktima të këtij konflikti kanë mbetur shtetasit Kujtim Ferracaku 59 vjeç, Xhovani Gocaj 25 vjeç, Edmond Gocaj 38 vjeç dhe Musaen Zeneli 20 vjeç.

Si dhe janë plagosur shtetasit Hasan Ferracaku 54 vjeç dhe Elmilind Dyli 17 vjeç, të cilët dyshohen si autorë të përfshirë në konfliktin e armatosur. /albeu.com/

The post Rekord! U vra në ditën e para të punës, shqiptarët mbledhin 20 mijë dollar për familje e Musaenit appeared first on Albeu.com.

Pavarësisht se Çuçi deklaroi se nuk është faj i policisë për masakrën në Velipojë, ai pranoi se Shqipëria nuk ka një regjistër të armëve pa leje dhe numrin e tyre.

I pyetur nga gazetarët, Çuçi ia kaloi përgjegjësinë e përdorimit të armëve, prokurorisë dhe gjykatave, të cilët lirojnë nga burgu persona që lëvizin me armë në brez, gati për përdorim.

Ministri mohoi planin për ngritjen e një strukture paralele që të ruajë rendin dhe solli si shembull rastin e Turqisë, ku sipas tij, xhandarmëria u “shkri” për t’ju bashkuar policisë.

Fjala e Çuçit:

Do të ishte utopi të mendonim që shteti shqiptar që trashëgon nga e shkuara shpërndarjen e armëve pa kriter, nuk mund të ketë një databazë të armëve që nuk janë me leje se është absurde. Ajo që bëmë ne dhe e përsërita, është që ne të bëjmë të mundur parandalimin e përdorimit të këtyre armëve. Këto raste që vijnë nga gjyqësori, pengojnë punën e policisë.

Prokurroia dhe gjykata e ka parë të arsyeshme të kenë masë lehtësuese. A do të donin shqiptarët më shumë se kurrë sot, siç kanë reaguar edhe për shkak të ngjarjeve që kanë ndodhur, që këta persona duhet të dënoheshin? Prandaj, bëjmë thirrje që ligji të zbatohet me të gjithë forcën për armëmbajtje pa leje.

Përsa i përket policisë, nuk ka një rol konkret, se ende nuk shihet një arsye që të fusim një strukturë ekstra, sepse edhe vendet që e kanë, po e shkrijnë, ju kujtojmë rastin e Turqisë, që e ka përfshirë xhandarmërinë në polici. Kemi marrë besimin e shqiptarëve, padiskutim që edhe në funksion të zbatimit të programit, është e domosdoshme të bëhen ndryshime. Ne do të kontrollojmë me teknologjinë më të avancuar kontrollin e territorit.  /albeu.com/

The post 6 armë u përdorën në masakrën e Velipojës, Çuçi e pranon: Kjo është dobësia jonë appeared first on Albeu.com.

Në këto momente Ministri Çuçi po mban një konferencë të jashtëzakonshme për mediat, ku ndryshe nga ç’pritej, ai deklaroi se Policia e Shtetit nuk ka asnjë faj mbi këto ngjarje por duhet reflektim.

“Policia e Shtetit nuk mund të ndjekë nga pas makinat për të parandaluar aksidentet dhe nuk mund të parandalojë një konflikt mes fqinjëve…”

Çuçi ka paralajmëruar se duke nisur nga kjo javë do të nisë një reformë në Policinë e Shtetit, me ndryshime në kupolën drejtuese, të titullarëve në nivel qarku apo çdo Komisariat.

“Po përgatitemi për një fazë të re të reformës e forcës parandaluese e goditëse. Brenda kësaj jave ndryshim i thellë në titullarët në nivel qarku ne cdo komisariat të territorit të Republikës. Po ashtu kuadër regullator të ri për praktika të hetimit edhe të drejtuesve të makinave të shtrenjta që kapen në mënyrë të përsëritur në kundravajtje në qarkullim. E do përfundojë pajisja e efektivëve me kamerat e trupit”- tha ndër të tjera Çuçi. /albeu.com/

The post Çuçi paralajmëron “furtunë” shkarkimesh në Policinë e Shteti (VIDEO) appeared first on Albeu.com.

Pavarësisht se nuk reagoi direkt mbi ngjarjen e ndodhur, kryeministri Rama deklaroi dje gjatë një takimi në Vlorë se do të kishte një takim urgjent me drejtuesit e Policisë dhe Ministrin e Brendshëm Bledi Çuçi.

“Nuk dua të humbas shumë kohë. Kam thirrur ministrin e brendshëm dhe disa prej drejtuesve të lartë të policisë për të lancuar sa më shpejt një fazë të re të rikonstrukturimit që është përgatitur por për arsye të kuptueshme të përshpejtohet për disa javë dhe të mos presim fundin e verës”, tha Rama ditën e djeshme.

Sot, ministri i Brendshëm Bledi Çuçi do të dalë në konferencë për mediat në orën 11:00, ku pritet të prezantohet plani i ri i ristrukturimit të punës së Ministrisë së Brendshme dhe Policisë së Shtetit.

Ky ndryshim vjen pas vrasjeve dhe aksidenteve të rënda që kanë përfshirë vendin gjatë javëve të fundit.

Nuk dihet ende mbi vendimet e marra në këtë mbledhje por nuk përjashtohet mundësia e shkarkimeve të rëndësishme në Ministri dhe Policinë e Shtetit.

NJOFTIMI:

Në orën 11:00 ministri i Brendshëm, Bledi Çuçi, do të zhvillojë një konferencë për media në sallën brenda ministrisë. Ju ftojmë të jeni të pranishëm për të adresuar pyetjet që keni. /albeu.com/

The post Masakra e Velipojës! Rama e paralajmëroi, kush do të bëhet “kokë turku” në Policinë e Shtetit appeared first on Albeu.com.

Ndërkohë që ende nuk ka asnjë reagim zyrtar nga kryeministri Rama, ka reaguar zv/kryeministri Erion Braçe.

Braçe shkruan që fajin për situatën e kanë ata që thotë se plazhin e menaxhon më mirë privati sesa shteti.

“Beteja me armët dhe të zotët është çështje vullneti e institucioneve nga policia tek prokuroria e gjykata; ligji është, i ashpër madje!”- shkruan Braçe.

POSTIMI:

30 VITE QE NA MBYTEN ME:

PRIVATI E MENAXHON ME MIRE ATE QE ESHTE E SHTETIT!

Keshtu thone per tokat shteterore,

keshtu thone per kullotat, keshtu thone per pyjet, keshtu thone per ujrat, bkeshtu thone per bregun, keshtu thone per detet e liqenet, lumenjte;Keshtu thane per fabrikat dhe i shkaterruan, keshtu thane per hidrocentralet dhe i shiten, keshtu thane per ndermarrjet bujqesore, serat ne to dhe I rrafshuan, keshtu thane per bregdetin dhe e mbollen me ndertime pa leje, vazhdojne akoma;Keshtu thane edhe per plazhet dhethjesht i zaptojne duke treguar forcen me shtetin e njeri tjetrin;Edhe kur i marrin me leje i vene cmimin e kuksit nje cadre apo pa turp ja shesin te tjereve duke bere si zot me bregun e shtetit!

TANI ESHTE KOHA QE SHTETI TE MARRE ATE QE KUDO NE BOTE ESHTE E SHTETIT, ATE QE ESHTE PUBLIKE, TA MENAXHOJE NE NJE MENYRE, E VETMJA:
TE SHERBEJE PER QYTETARET,

VENDAS E TE HUAJ, SI KUDO!Pjesa tjeter ka te bej me ate qe thashe dy muaj te shkuar;

BETEJA ME ARMET DHE TE ZOTET ESHTE CESHTJE VULLNETI E INSTITUCIONEVE NGA POLICIA TEK PROKURORIA E GJYKATA; LIGJI ESHTE, I ASHPER MADJE!Nderkohe, lexova postimet e dy udheheqesve te larte qe jetojne brenda ketij realiteti, madje jane mbreter te tij;

JANE PJESE E URREJTJES DHE GRABITJES KOMBETARE NDAJ GJITHCKAJE PUBLIKE,NE FILLIM NE QERRET E TANI NGA HAMALLAJ NE LALEZ!Sarajet e tyre flasin dhe nga sarajet e tyre nuk bejne dot gjyq!

The post Masakra me 4 viktima në Velipojë! Rama zhduket, reagon vetëm Erion Braçe appeared first on Albeu.com.