Protestuesit e zemëruar në Kinë po bëjnë thirrje që Xi Jinping të largohet nga posti i presidentit, përmes shfaqjeve të rralla të mospajtimit që janë përhapur tashmë në shumë qytete të vendit, përfshirë Shangain dhe Pekinin dhe universitetet, si rezultat i zhgënjimit të madh me politikat qeverisë të “zero rasteve me Covid”.

Rreth 300 protestues u mblodhën në rrugën “Middle Urumqi” në Shangai të shtunën për të nderuar viktimat e zjarrit të madh që përfshiu një blloku apartamentesh dhe që vrau 10 njerëz në Urumqi mbrëmjen e të enjtes.

Disa llogari të mediave sociale, kanë sugjeruar që banorët nuk mundën të largoheshin nga shtëpitë e tyre gjatë zjarrit, pikërisht për shkak të masave bllokuese anti-Covid. Protestuesit në Shangait mbanin lule dhe qirinj dhe mbanin pankarta ku shkruhej “Urumqi, 24 Nëntor, Ju që vdiqët prehuni në paqe”, si dhe duke kënduar himnin kombëtar, raporton abcnews.al

Por të tjerët shprehën kritika të rralla drejtuar qeverisë, duke bërtitur “Xi Jinping, largohu, Partia Komuniste, largohu”, “Hiqni bllokimet në Xinjiang, çlironi Kinën”, “Ne nuk duam testet PCR, Duam lirinë e daljes, dhe atë të shtypit”, sipas rrëfimit të një demonstruesi të quajtur Zhao.

Pak më vonë policia përdori sprajin me piper djegës, dhe forcë, për të shpërndarë protestën. Zhao i tha agjencisë së lajmeve ”Associated Press” se oficerët rrahën një nga miqtë e tij, ndërsa 2 të tjerët u spërkatën me spraj në fytyrë. Një zyrtar policie e goditi në këmbë, kur ai u përpoq t’i pengonte ata që të arrestonin shokun e tij.

Një foto tjetër nga vendi i protestës, tregonte dhjetëra njerëz që mbanin copa letre të zbrazëta në shenjë rezistence ndaj kufizimeve të vazhdueshme. Energjia që përçuan protestuesit ishte shumë inkurajuese, tha një protestues.

Një ujgur etnik u shpreh për Asociated Press:“Të gjithë mendojnë se kinezët kanë frikë të dalin dhe të protestojnë, se ata nuk kanë guxim. Në fakt, edhe unë kam menduar këtë shpeshherë. Por më pas kur shkova atje, e kuptova që mjedisi ishte ndryshe, dhe të gjithë ishin shumë të guximshëm”.

Një listë e postuar në mediat sociale tregoi se ka pasur demonstrata në 50 universitete. Videot e postuara që tregonin se ishin filmuar në Nanjing në lindje, Guangzhou në jug, Pekin në veri dhe të paktën 5 qytete të tjera, treguan protestuesit që përlesheshin me policinë e veshur m kostume të bardha mbrojtëse, apo që çmontonin barrikadat e përdorura për të futur në karantinë lagje të tëra, ndërsa të tjerët brohoritnin dhe duartrokitin.

Kina është e vetmja ekonomi e madhe që vazhdon me bllokime, testime të rregullta dhe karantinat e detyrueshme për qytetarët e saj për të luftuar pandeminë, edhe pas gati 3 viteve qëkur virusi Covid-19 u shfaq për herë të parë në qytetin kinez Wuhan.

Pavarësisht nga pakënaqësia në rritje e publikut për masat drastike, shumë autoritete lokale po i forcojnë kufizimet e tyre për shkak të numrit në rritje të rasteve me Covid-19. Të dielën, vendi regjistroi gjithsej 39.506 infeksione të reja Covid, një nivel i lartë për të katërtën ditë me radhë.

Megjithatë, për shumë njerëz shqetësimi për rastet në rritje, është dytësor përballë zemërimit të madh popullor ndaj periudhave të zgjatura të bllokimit, të cilat mund të shkaktohen edhe nga vetëm një pjesë e vogël e rasteve të reja të raportuara në çdo qark.

Politologu i njohur Ian Bremmer, thotë se protestat aktuale paraqesin kërcënimin më të madh për sundimin e Xi Jinping në Kinë deri më tani. Një protestues që këndoi së bashku me turmën në tubimin e Shangait, konfirmoi se njerëzit bërtisnin për largimin e presidentit, diçka që ishte e pamundur të imagjinohej deri një vit më parë.

Në mediat sociale kineze, të cilat censurohen nga Partia Komuniste, pati vetëm një provë të vogël të protestës. Gjithsesi disa video janë shpërndarë globalisht përmes Twitter dhe Facebook. Artisti kinez në mërgim Ai Ëeiëei ka shpërndarë video të protestave në faqen e tij në Instagram.

Protesta paqësore pati gjithashtu në Urumqi të premten në mbrëmje, për të kundërshtuar kufizimet sipas qasjes “zero-Covid”, që i pengojnë njerëzit të rifillojnë jetën e tyre të përditshme. Shumë video tregojnë banorët vendas që mbajnë në duar flamurin kinez dhe këndojnë ”Hapni vendin”, dhe të tjerët që brohorasin dhe shtyjnë kundër rreshtave me njerëz të veshur me kostume të bardha, pra punonjësit e qeverisë lokale dhe vullnetarët e angazhuar për pengimin e përhapjes së pandemisë.

Zyrtarët kinezë i kanë hedhur poshtë pretendimet se barrikadat pranë ndërtesës së përfshirë nga zjarri në Urumqi, i penguan zjarrfikësit të përballeshin në mënyrë efektive me zjarrin, dhe theksuan se banorët u lejuan që të largoheshin sa më shpejt nga shtëpitë e tyre.

/albeu.com

The post “Xi Jinping, largohu!”, protestat kundër bllokimeve anti-Covid sfidojnë seriozisht regjimin komunist në Kinë appeared first on Albeu.com.

-Pezullimi i lejes Covid

-Hiqet demonstrimi certifikatës Covid të vaksinimit në të gjitha zonat e mbyllura dhe të hapura

-Udhëtarëve nuk do t’i kërkohet të tregojnë certifikatë evropiane të vaksinimit për të hyrë në vend

-Punonjësit e pavaksinur do kryejnë vetëm 1 test covid në javë, nga 2 qe ishte më parë

-Mbetet në fuqi kryerja e dy testeve në javë për punonjësit e pavaksinuar të spitaleve

-Rekomandimi për mbajtjen e maskës

-Komiteti i ekspertëve rekomandon mbajtjen e maskës në ambiente të mbyllura.

-Jashtë nuk ka nevojë për maska.

-Masat në shkolla

-Ruajtja e përdorimit të detyrueshëm të maskës mbrojtëse brenda dhe jashtë, ajrimi i rregullt i ambienteve, pastrimi i plotë i sipërfaqeve dhe pajisjeve, pushimet e veçanta etj.

Nuk do të ketë teste të rregullta për nxënësit, mësuesit e pavaksinuar. Mësuesit e pavaksinuar do të kryejnë një test të shpejtë parandalues ​​në javë, me shpenzimet e tyre, deri në 48 orë para mbërritjes në shkollë të martën.

The post Nesër Greqia heq masat anti-Covid, çfarë duhet të dini nëse udhëtoni drejt vendit fqinj appeared first on Albeu.com.

Nuk ka fluks kalimesh as në hyrje dhe as në dalje të territorit të Shqipërisë, ndërsa kalimet bëhen përmes dokumentacionit tashmë të njohur në kuadër të masave anti-covid.

Pranë kësaj pike kufitare, janë atashuar prej kohësh edhe laboratorë që kryejnë teste të Covid-19 e që shërbejnë për qytetaret që nuk janë pajisur me dokumentacionin nevojshëm që kërkohet në pikat kufitare që lidhin Shqipërinë me Kosovën.

Masat anti-Covid që hynë në fuqi sot:

Të gjithë personat që hyjnë në Republikën e Kosovës duhet të posedojnë certifikatën e vaksinimit të plotë. Kur personi është i vaksinuar vetëm me një dozë, krahas saj do të kërkohet testi RT-PCR negativ ose dëshmia se personi ka kaluar COVID-19.

Nga 3 janari 2022 për hyrje në Republikën e Kosovës do të vlejë vetëm dëshmia e vaksinimit të plotë. Për të inkurajuar vaksinimin dhe për të lehtësuar qasjen në vaksinim, në Aeroportin e Prishtinës dhe në pikat kryesore kufitare tokësore do të vendosen ekipet mobile të vaksinimit.

Tani që ka filluar vaksinimi edhe i qytetarëve mbi 12 vjeç e tutje, nga kërkesa për të poseduar njërën nga dëshmitë e lartpërmendura, do të lirohen personat nën 12- vjeç, personat me dëshmi mjekësore.

Personat e tillë duhet të paraqesin testin RT-PCR negativ jo më të vjetër se 48 orë.

Për të evituar mbingarkesën spitalor, mbylljen e shkollave dhe të ekonomisë, punonjësve të institucionet publike dhe private, udhëtarët që shërbehen me transport publik dhe privat, nxënësit dhe studentët, shfrytëzuesit e qendrave tregtare dhe gastronomisë, do t’u kërkohen dëshmitë si vaksinimi i plotë dhe i pjesshëm, bashkë me të rezultatin negativ të PCR.

Dëshmia e vaksinimit të plotë po ashtu do të kërkohet edhe nga personat që përdorin transportin publik.

Mbajtja e maskës vazhdon të jetë obligative. Sipas masave, kufizimi i lëvizjes do të vazhdojë të jetë në fuqi nga mesnata deri në orën 05:00. Ndërkaq, as orari i gastronomisë nuk ka ndryshuar, ky sektor lejohet të punojë deri në ora 23:00, ndërkaq muzika ndalohet pas orës 21:30.

Sa i përket arsimit, të gjitha nivelet e arsimit parauniversitar do të punojnë me prani fizike dhe orar të rregullt, ndërkaq niveli universitar do të lejohet të punojë me 50 për qind të kapaciteteve dhe studentëve do t’u kërkohet që të paraqesin dëshmitë e vaksinimit apo testeve negative, nëse duan të hyjnë në objektet shkollore.

Klubet e natës dhe organizimi i ahengjeve vazhdon të jetë i ndaluar, thuhet në vendimin e Qeverisë së Kosovës.

The post Kosova shtrëngoi masat anti-Covid, në kufirin me Shqipërinë nuk ndryshon asgjë appeared first on Albeu.com.

Nga data 1 shtator deri më tani procesi mësimor kishte filluar, me dëshirë, por është zhvilluar mësim plotësues për të rikuperuar njohuritë e humbura gjatë periudhës së mësimit online.

Pra, sot ka nisur zyrtarisht shkolla dhe mësimi nis në orën 08:00, dhe për shkak të COVID-19 një orë mësimore do të zgjasë 30 minuta për të shmangur qëndrimin e gjatë në ambiente të mbyllura.

Fëmijët duhet të respketojnë masat anti-Covid, duke mbajtur distancim fizik, duke mbajtur masak dhe duke u ajrosuar vazhdimisht. Në shkollat ku nuk mund të respektohet distancimi social, do të zhvillohet mësimi me turne.

Nga ana tjetër, mësusesit duhet të jenë të vaksinuar, përndryshe duhet të paraqesin çdo javë një test PCR./albeu.com

The post Nën respektimin e masave anti-Covid, sot nis zyrtarisht viti i ri shkollor appeared first on Albeu.com.

Në njoftimin e policisë thuhet se është vendosur masa administrative 1.000.000 lekë, për pronarin e subjektit, shtetasin me inicialet E. K., banues në Mamurras.

NJOFTIMI I POLICISË:

Viar, para apo pas orarit të përcaktuar për mbyllje.

Organizoi ceremoni festive me pjesëmarrës mbi numrin e përcaktuar, ndëshkohet me masë administrative pronari i subjektit.
Shërbimet e Komisariatit të Policisë Kurbin vijojnë kontrollet për zbatimin e planit të masave për garantimin e rendit dhe qetësisë publike dhe monitorimin e lokaleve që vijojnë organizimet me muzikë pas orarit të përcaktuar për mbyllje apo me pjesëmarrës mbi numrin e përcaktuar, në kundërshtim me masat anticovid të vendosura nga organet kompetente.

Në vijim të kontrolleve, shërbimet e Policisë kanë konstatuar në Mamurras, Kurbin, 1 subjekt që kishte organizuar ceremoni festive me pjesëmarrës mbi numrin e përcaktuar në Aktin normativ.

Nga shërbimet e Policisë, në bazë të Aktit Normativ, është vendosur masa administrative 1.000.000 lekë, për pronarin e subjektit, shtetasin E. K., banues në Mamurras, për shkelje të numrit të pjesëmarrjeve të përcaktuar në Aktin Normativ, për zhvillimin e aktiviteteve.

Drejtoria Vendore e Policisë Lezhë apelon për të gjithë administratorët e lokaleve që të respektojnë masat anticovid dhe orarin e përcaktuar për ushtrimin e aktivitetit.

/albeu.al/

The post Organizoi më shumë pjesëmarrës se sa e lejon akti normativ, gjobitet subjekti në Mamurras appeared first on Albeu.com.

Një prej tyre, Ervin Sota shprehet për mediat se kërkojnë që orari i lejuar për muzikën të jetë deri në orën 24:00 dhe që mbyllja e restoranteve të bëhet në orën 02:00. Pas takimit, Sota tha se kanë rënë dakord që do të ketë një moderim të rregullave, por pa dhënë më tepër detaje.

“U diskutua për moderimin e muzikës. Kërkojmë që të shtyhet në orën 12 të natës muzika dhe shtyrja e orës së punës deri në 2 të mëngjesit, akoma nuk kemi marrë një përgjigje. Na kanë dhëna shpresa se shumë shpejt do të ndodhë. Ne e ndjejmë shumë të nevojshme sidomos këtë periudhë plot me turista. Duke parë që vendet e rajonit, Mali Zi, Kosova, Greqia, Turqia, ne kërkojmë që të mos na ikë ky fluks turistësh. Mos të detyrohemi t;i bëjmë ftesën turistëve mos ejani në Vlorë por shkoni në Prishtinë, sepse atje i keni të gjitha kushteve. Sot jemi thirrur nga shefi i Komisariatit për të diskutuar këtë çështje. Ramë dakord që të gjithë se nuk jemi për zhurmë por për të bërë biznes. Nuk ka vetëm turistë për restorante apo për të shijuar valët e detit siç tha Kryeministri. Ne jemi gati edhe për të vënë një sfond me valët e detit por vetëm të lejohemi të punojmë. Në orën 12 për ne është kafsha e orarit,” tha ai.

The post Përfaqësuesit e bizneseve të Vlorës kërkojnë zgjatjen e orarit për muzikën, takim me shefin e Komisariatit appeared first on Albeu.com.

Cummings foli për herë të parë në një intervistë për BBC. Ndërkohë deklaratat e tij të forta sollën reagimin e menjëhershëm të qeverisë britanike.

Downing Street ka thënë se Kryeministri Johnson “i ka marrë të gjitha masat për ta mbrojtur jetën e qytetarëve, i udhëzuar me këshillat më të mira shkencore” përgjatë pandemisë.

Në mesazhet e WhatsApp, të ndara me BBC, që u dërgoheshin ndihmësve në mes të tetorit, Johnson duket se thotë: “Më duhet të them se jam tronditur pak nga disa të dhëna për viktimat e Covid. Mosha mesatare është 82 – 81 për burrat 85 për gratë. Kjo është mbi jetëgjatësinë. Prandaj merrni Covid dhe jetoni më gjatë. Vështirë se dikush nën 60 vjeç shkon në spital (4 përqind) dhe pothuajse të gjithë mbijetojnë.

Johnson gjithashtu duket se u dha ndihmësve: “Ka 3 m në këtë vend të moshës mbi 80 vjeç” dhe shton “kjo tregon se ne nuk shkojmë për bllokim në të gjithë vendin.”

Mesazhet e reja do të hedhin dyshime të mëtejshme mbi veprimet e kryeministrit në prag të bllokimit të nëntorit, kohë gjatë së cilës Cummings dhe shkencëtarë të tjerë të vjetër kanë thënë se kryeministri ishte ashpër kundër bllokimeve.

Cummings tha se Johnson kishte injoruar vazhdimisht këshillat e këshilltarëve të tij kryesorë shkencorë dhe mjekësorë.

Në intervistën për BBC, Cummings pretendon se atij iu desh të ndalonte kryeministrin të takonte Mbretëreshën në fillim të pandemisë, ndërkohë që i gjithë stafi po sëmurej.

“I thashë çfarë po bën, dhe ai tha, do të shoh Mbretëreshën. Ia ktheva, natyrisht nuk mund të shkoni ta shihni Mbretëreshën. Ai tha, ah, kjo është ajo që unë bëj çdo të mërkurë,  do të shkoj ta shoh”, tha Cummings.

Downing Street mohoi që ky incident të ketë ndodhur. Pallati Buckingham nuk pranoi të komentojë, përcjell abcnews.al.

Cummings tha se ai përfundimisht e bindi Johnson të mos rrezikonte. “Unë i thashë, ka njerëz në këtë zyrë që po izolohen, mund të kesh koronavirus, unë mund të kem koronavirus, nuk mund të shkosh të shohësh Mbretëreshën. Po sikur të shkoni ta shihni dhe ta infektoni me koronavirus Mbretëreshën?

“Padyshim që nuk mund të shkoni … Unë thjesht thashë nëse, nëse i jepni koronavirus dhe ajo vdes çfarë do të bëni, nuk mund ta bëni atë, nuk mund ta rrezikoni, kjo është plotësisht e çmendur”/abcnews.al

The post Ish-këshilltari akuza të rënda Johnson-it: Nuk vendoste masa, thoshte po vdesin vetëm të moshuarit appeared first on Albeu.com.

Anglia ka hequr të hënën pothuajse të gjitha kufizimet për koronavirus, ndonëse numri i të infektuarve në baza ditore, u është afruar niveleve rekorde, për shkak të variantit Delta.

The post Rriten rastet me variantin DELTA, Anglia heq thuajse plotësisht masat anti-Covid appeared first on Albeu.com.

Veran tha se qeveria ishte duke punuar në protokollet e sigurisë për rihapjen, me detaje që do të njoftohen javën e ardhshme, pasi Presidenti Emanuel Macron tha në fillim të këtij muaji se do të kishte një përditësim për operacionet e klubeve të natës në 21 qershor.

“Në korrik, klubet e natës pritet të rihapen në kushte të caktuara”,  i tha Veran, por pa dhënë një datë të caktuar.

Franca lehtësoi bllokimin e saj të tretë në të gjithë vendin muajin e kaluar, duke rihapur postat e hotelierisë në 19 maj.

Javën e kaluar, restorantet, baret dhe kafenetë u lejuan të hapnin ambientet e tyre të brendshme për herë të parë në shtatë muaj.

Qeveria njoftoi dje se ora e policore do të përfundojë në 20 qershor pasi situata me pandeminë përmirësohet më shpejt sesa pritej./albeu.com

The post Franca rihap klubet e natës në korrik, heq dhe orën policore më 20 qershor appeared first on Albeu.com.

Janë ndëshkuar me masë administrative 3.000 lekë, 611 shtetas që janë konstatuar pa maskat mbrojtëse.

Janë ndëshkuar me të njëjtën masë administrative, 92 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.

Gjatë kontrolleve në subjekte të ndryshme, shërbimet e Policisë kanë konstatuar 2 subjekte që ushtronin aktivitetin në kundërshtim me protokollet e sigurisë. Për administratorin e secilit subjekt është vendosur masa administrative 1.000.000 lekë.

Gjithashtu janë ndëshkuar me masë administrative 10.000 lekë, 4 shtetas që janë konstatuar duke lëvizur në këmbë pas orës 20:00.

Në zbatim të masave anticovid, Policia e Shtetit apelon për të gjithë qytetarët dhe drejtuesit e mjeteve që të respektojnë orën policore, të vendosin maskën dhe të ruajnë distancimin social, ndërsa subjektet tregtare, lokalet dhe restorantet të respektojnë protokollet e sigurisë dhe orarin e mbylljes, me qëllim parandalimin e përhapjes së COVID-19.

The post Thyen masat anti-Covid, ndëshkohen 709 qytetarë (VIDEO) appeared first on Albeu.com.