Ministri i Kulturës së Italisë, Gennaro Sangiuliano, ka thënë të premten se ka folur me kreun e Teslas dhe X (ish-Twitteri), Elon Musk, që dueli me kreun e Metas, Zuckerberg, të organizohet në Itali dhe të jetë ngjarje bamirësie.

Dy miliarderët Musk e Zuckerberg kanë folur për një duel që nga qershori.

Nëse organizohet, atëherë pritet që miliona të dhurohen për spitale të fëmijëve.

Duke folur për vizionin e tij në platformën X, Musk ka thënë se ka folur si me kryeminisren e Italisë, Giorgia Meloni, ashtu edhe me ministrin e Kulturës.

“U pajtuam për një lokacion epik. Çdo gjë në kamerë do të jetë e Romës së lashtë, pra asgjë moderne”, ka shkruar Musk.

Mirëpo, kryeqendra Roma, dhe Koloseumi ikonik – ku janë mbajtur luftërat e gladiatorëve në kohën e lashtë – janë përjashtuar si arena të mundshme.

The post Përballja e dy miliarderëve, Italia mund të jetë organizatore e duelit Musk – Zuckerberg appeared first on Albeu.com.

Në mënyrë të veçantë, Mark Zuckerberg në një postim që ka bërë në aplikacionin Threads ka deklaruar se është “gati” për një ndeshje, por siç ka theksuar ai ende nuk ka marrë konfirmimin nga Elon Musk.

Manjatët e mediave sociale kanë shkëmbyer fotografi në internet për javë të tëra që kur Musk sugjeroi se ishte “gati për një luftë në ring” kundër CEO-s të Meta.

Të dielën, Musk kishte shkruar se lufta do të transmetohej drejtpërdrejt në platformën X (ish-Tëitter), por të hënën ai “trazoi ujërat” duke thënë se mund t’i duhej t’i nënshtrohej një operacioni përpara se të ndeshej me Zuckerberg, duke përmendur problemet në qafë dhe shpinën e tij.

Exact date is still in flux. I’m getting an MRI of my neck & upper back tomorrow.

May require surgery before the fight can happen. Will know this week.

— Elon Musk (@elonmusk) August 7, 2023

Në veçanti, Musk ka shkruar në postimin e sotëm se “mund të ketë nevojë për operacion para garës” për shkak të problemeve me qafën dhe shpinën.

Prandaj, data e saktë është “pezull”.

“Unë mund të kem nevojë për operacion para ndeshjes. Do ta zbuloj këtë javë”, ka shkruar Elon Musk.

The post “Më dhemb qafa dhe shpina”, Musk tërhiqet nga ndeshja e mundjes me Zuckerberg appeared first on Albeu.com.

Sipas vendimit të gjykatës, gjoba i imponuar kompanisë arrin në 390 milionë euro. Përveç kësaj, ka mundësi që Meta të detyrohet të bëjë ndryshime të kushtueshme.

Vendimi shihet si një nga më të rëndësishmit që kur BE miratoi legjislacionin që synon të kufizojë aksesin e Facebook dhe kompanive të tjera në mbledhjen e informacionit personal. Ligji hyri në fuqi në vitin 2018.

The post BE vendos një gjobë prej 390 milionë euro ndaj META appeared first on Albeu.com.

Lajmin e ka bërë të ditur vetë Mark Zuckerberg, i cili ka deklaruar se Instagram do të fillojë testimin e NFT-ve këtë javë. Kjo për të ndihmuar krijuesit të shfaqin dhe të fitojnë para nga veprat e tyre të artit dixhital.

Një NFT është një skedar unik kompjuterik i koduar me nënshkrimin e një artisti, i cili vepron si një certifikatë dixhitale e pronësisë dhe autenticitetit.

Ndryshe nga teknologjitë e ngjashme si bitcoin, çdo NFT është në një farë mënyre unike. Kjo do të thotë se ato mund të përdoren për më shumë sesa thjesht monedhë.

Në vitet e fundit, NFT-të janë ‘miratuar’ nga njerëz që kërkojnë të kthejnë artin, muzikën, videot dhe lojërat në asete dixhitale.

“Këtë javë ne po fillojmë të testojmë koleksionet dixhitale në Instagram. Kshu krijuesit dhe koleksionistët do mund të shfaqin NFT-të e tyre në profilin e tyre”, tha Zuckerberg në Facebook.

“Funksionalitet i ngjashëm do të vijë së shpejti në Facebook, së bashku me NFT-të në Instagram Stories”.

Kreu i Instagram-it, Adam Mosseri e konfirmoi këtë.

“Për momentin, një pjesë e vogël e krijuesve dhe koleksionistëve do të kenë aftësinë për të shfaqur NFT-të në Instagram”.

Detajet e NFT do shfaqen në Instagram në një mënyrë të ngjashme me profilet dhe quhen ‘koleksione dixhitale’.

Duke klikuar mbi to, do të shfaqen detaje si emri i krijuesit dhe pronarit.

Mosseri tha se nuk do të ketë tarifa të lidhura me postimin ose ndarjen e një koleksioni dixhital në Instagram.

Instagram nuk është platforma e parë e mediave sociale që prezanton NFT-të.

Në janar, Tëitter prezantoi mundësinë për disa përdorues për të vendosur një NFT si foto të profilit të tyre.

Edhe pse kompanitë dhe të famshmit kanë qenë të fokusuar tek NFT-të, një raport i fundit tregoi se ‘rritja shpërthyese’ e NFT është ‘niveluar’, me një rënie të transaksioneve që nga shkurti.

Numri i kuletave aktive në tregun e NFT gjithashtu ka rënë 88 për qind në rreth 14,000, nga 119,000 në nëntor.

The post Instagram ndryshon “fytyrë”, Zuckerberg zbulon surprizën appeared first on Albeu.com.

Mësohet se gjatë këtyre viteve që po bëhet vettingu në drejtësi, pranë Komisionit të Pavarur të Kualifikimit si edhe Kolegjit të Pavarur të Apelimit kanë mbërritur një mori ankesash nga qytetarët, të cilat merren kryesisht si indicie për të verifikuar aftësinë profesionale të gjykatësve dhe prokurorëve.

Shumë prej këtyre ankesave kanë qenë të bazuara dhe kanë patur përmbajtje, por ka prej tyre, të cilat nuk kanë asnjë lidhje me realitetin duke u bërë nga individë me probleme të theksuara psikologjike.

Një ndër këto është edhe denoncimi i një zonje, e cila është personazh i njohur për policinë për shkak të qindra denoncimeve të ngjashme, të cilat shkojnë deri te Mark Zuckenberg apo presidenti i Kinës Xi Jiping, duke e akuzuar atë si personin që e helmoi me koronavirus, raporton Hashtag.al.

Në dokumentacionin për vlerësimin e Imerajt është futur edhe e-maili i kësaj zonje, e cila shkruan si më poshtë:

“Të gjithë OBSH shërbimet sekrete po hetojnë origjinën e virusit coronavirus. Jua them unë. Koronavirusi është eksperimentuar te mua në vitin 2019 kur Saimir Tahiri u mor i pandehur dhe bu*e Valdrin Pjetri agjent i iranianëve u shkarkua nga drejtor i përgjithshëm i hipotekave.

Pra është virus i krijuar në laboratorët e Kinës dhe më zgjodhën mua për të eksperimentuar dhe unë do denoncoj Xi Jiping dhe shtetin kinez për dëmin e shkaktuar dhe metodat e tyre eksperimentale me vaksina ndaj meje dhe çdo shtet që është përfshirë në këto eksperimente. Unë jam qenie njerëzore dhe jo kavia juaj perverse.

Unë jam kundër vaksinave dhe kjo ndodhi dy ditë pas ditëlindjes së Ilir Metës i cili është agjent i kinezëve ”.

Lista e denoncimeve publike të këtij personazhi përmban pafund emra, mund të jenë mbi 450 personazhe për të cilët ajo kërkon arrestim të menjëhershëm, mes këtyre personazheve është dhe ambasadorja e SHBA-ve Yuri Kim dhe aktoriBes Kallaku. Ironikisht në denoncimet e saj publike, gruaja ka kërkuar dhe arrestimin e disa anëtarëve të Kolegjit të Posaçëm të Apelimit apo të KPK-së./abcnews.al

The post Një gruaje që do të fusë në burg Mark Zuckenbergun, presidentin e Kinës, Ramën, Metën, Berishën dhe gjysmën e VIP-ve të Shqipërisë i regjistrohet ankesa edhe kundër Elisabeta Imerajt appeared first on Albeu.com.

Me një pasuri aktuale prej 84.3 miliardë dollarësh , sipas Forbes, kjo është hera e parë që 37-vjeçari nuk përfshihet në 10 njerëzit më të pasur në planet që nga vera e 2015-ës.

Zuckerberg zotëron pothuajse 13% të Meta Platforms, kompania mëmë e Facebook.

Shlyerja prej 29.8 miliardë dollarësh e pasurisë së Zuckerberg është humbja e dytë më e madhe ditore në histori . Është pak më shumë se 35 miliardë dollarët e humbur nga njeriu më i pasur në botë, Elon Musk , nëntorin e kaluar, pasi ai shkroi në Tëitter se synonte të shiste 10% të aksioneve të tij në Tesla.

Aksionet e Meta ranë pasi kompania paralajmëroi për rritje më të dobët se sa pritej të ardhurat tremujorin e ardhshëm dhe tha se ndryshimet e fundit të privatësisë së Apple do t’i kushtonin kompanisë 10 miliardë dollarë, sipas CNBC.

Rënia prej 26% ishte rënia më e madhe njëditore e Metës dhe rezultoi në humbjen e më shumë se 200 miliardë dollarëve në kapitalizimin e kompanisë. Kjo shumë është gjithashtu një rekord historik negativ .

Çfarë ka ndodhur në kompani së fundmi?

Facebook njoftoi të mërkurën se fitimet e tij ranë me 8%, pra 10.29 miliardë dollarë në tremujorin e fundit të 2021. Oksimoroni në këtë rast gjendet në elementin e mëposhtëm: Në të njëjtin njoftim thuhet se të ardhurat janë rritur me 20%, pra me 33.67 miliardë dollarë.

Si është e mundur të rriten të ardhurat, por të zvogëlohen fitimet?

Sipas analistëve, kjo papajtueshmëri vjen për shkak të kostove për departamentin e Reality Labs, pra departamentin që do të “lançojë” të ardhmen e botës online, realitetit virtual . Sipas raportimeve, Meta ka investuar tashmë mbi 10 miliardë dollarë në këtë teknologji dhe pritet të shpenzojë edhe më shumë fonde.

Ndryshimet e fundit të privatësisë nga Apple e bëjnë më të vështirë për kompanitë si Meta gjurmimin e njerëzve për qëllime reklamimi, gjë që ushtron presion edhe mbi të ardhurat e kompanisë. Në një telekonferencë me analistët të mërkurën, shefi financiar i Metës tha se kompania po përballej me 10 miliardë dollarë nga ndryshimet e Apple në 2022. Analistët në MoffettNathanson, në një shënim për klientët, e përshkruan vlerësimin si “të befasishëm”.

Meta parashikoi të ardhura shumë më të ulëta se pritjet e analistëve për tremujorin aktual, pjesërisht për shkak të konkurrencës në rritje nga TikTok , tha kompania, duke ndikuar qartë investitorët.

Rekrutimi i saktë dhe ndryshimi i orientimit

Meta Platforms Inc. synon të zbatojë planin e Mark Zuckerberg për të ndryshuar peizazhin në rrjetet sociale, duke instaluar një “botë” të re të realitetit virtual , siç paralajmëroi disa muaj më parë. Që atëherë, kompania ka zhvendosur burimet dhe ka punësuar inxhinierë nga konkurrentët si Apple dhe Google, të cilët mund të ndihmojnë në realizimin e vizionit të saj. Zgjeroi fuqinë punëtore me 23%, duke e mbyllur vitin me 71,970 punonjës, kryesisht në role teknike, për t’i shërbyer planit dhe për të përshpejtuar kalimin në botën e re që po përgatitet të prezantohet në internet./albeu.com

The post Çfarë po ndodh me Facebook? Mark Zuckerberg humb 30 miliardë dollarë brenda një ditë appeared first on Albeu.com.

Siç edhe bën me dije vetë Zuckerberg, me opsionin e ri do të mund që të zgjedhim që mesazhet të fshihen brenda 24 orëve, 7 ditëve apo dhe 90 ditësh.

“Ne po nxjerrim një opsion të ri të mesazheve që zhduken në ËhatsApp, kështu që ju do të jeni në gjendje të zgjidhni që të gjitha bisedat e reja të zhduken pas 24 orëve, 7 ditësh ose 90 ditësh. Jo të gjitha mesazhet duhet të rrinë përgjithmonë”, shkruan ai./albeu.com/

The post Zuckerberg prezanton opsionin e ri të “WhatsApp”, si do të operohet me mesazhet appeared first on Albeu.com.