Miqtë e vogëlushit, kanë bërë postime të shumta prekëse në rrjete sociale.

“Pusho në paq engjëll. Kush do na bëjë për të qeshur tani? Oh Zot, pse merr njerëzit më të mirë. Asnjë moment nuk do jetë njësoj”, shkruajnë ata.

Masakra nisi pasi autori, Aleksandar Martinoviç, kishte konsumuar sasi të mëdha alkooli gjatë një feste për Vitin e Ri në një tavernë në Çetinje.

Pas sherrit me pronarin, ai shkoi në shtëpi dhe mori një armë.

Ai u kthye në tavernë ku nisi masakrën, duke vrarë të paktën 4 persona aty.

Martinoviç vrau edhe persona të tjerë, përfshirë familjarë të tij.

Në total shtatë burra, tre gra dhe dy fëmijë humbën jetën.

Në fund, Martinoviç vrau veten.

Katër persona janë të plagosur rëndë dhe ndodhen në spital. Njëri prej tyre po lufton për jetën, thanë autoritetet.

Kjo është masakra e dytë në Çetinje në pak vite.

Dy vite më parë, Vuk Boriloviç vrau 10 persona, duke përfshirë dy fëmijë.

The post Masakra në Malin e Zi/ Viktimë edhe një 13-vjeçar, miqtë e vogëlushit fjalë prekëse: Pusho në paq engjëll appeared first on Albeu.com.

Aco Martinoviç, autori i dyshuar i masakrës me 12 vitima në Cetinjë të Malit të Zi, ka qëlluar veten në kokë pranë banesës së tij teksa prej orësh ndiqej nga policia.

Me këtë akt, merr fund terrori i shkaktuar prej momentin kur ai kreu masakrën në një tavernë, e më pas duke qëlluar këdo që i dilte përpara teksa policia po e kërkonte.

Sipas prokurorisë së Malit të Zi, Martinoviç ka vrarë 12 persona në 5 zona të ndryshme mes tyre 2 fëmijë të moshave 10 dhe 13-vjeç vëlla e motër.

Nga masakra e 1 janarit 2025 kanë mbetur të plagosur edhe 4 persona, të cilët kanë marrë ndihmë mjekësore në spital..

Ngjarja e rëndë ka ndodhur në një tavernë, ‘Velestovo’ afër Qendrës Sportive në hyrje të Cetinjes dhe mes viktimave është edhe pronari i lokalit dhe disa anëtarë të familjes së tij.

Sipas drejtorit të Drejtorisë së Policisë, Llazar Shqepanoviç, Aco Martinoviç ndodhej në vendbanimin Humci në Cetinje, kur “e rrethuan, krijuan një unazë. Ai ishte në një situatë të pashpresë, i rrethuar nga të gjitha anët dhe pas urdhrit për të ulur armën, ai qëlloi veten në kokë”.

Ende nuk dihet motivi i kësaj tragjedie, ndërsa mësohet se autori ka qenë në tavernë duke pirë gjatë gjithë ditës dhe sipas familjarëve kishte devijime të caktuara në komunikim dhe të gjithë njerëzit që vdiqën ishin kumbarët, miqtë, shokët e tij, me të cilët ai kaloi më së shumti kohë. Motivi i këtij akti ende nuk dihet.

Qeveria shpalli 3 ditë zie kombëtare, ndërsa presidenti dhe kryeministri përcollën ngushëllime për këtë tragjedi. Qeveria e Malit të Zi ka shpallur 3 ditë zie, nga sot deri më datë 4 janar. Dita e zisë shënohet me vendosjen e obligueshme të flamurit në gjysmështizë në të gjitha objektet e organeve shtetërore dhe objektet e organeve të vetëqeverisjes lokale dhe institucioneve publike. Në përputhje me vendimin, programet publike, kulturore dhe argëtuese nuk do të zhvillohen në ambiente publike.

The post Masakra në Malin e Zi/ Shkon në 12 numri i viktimave, autori vetëvritet, kryeministri shpall 3 ditë zi appeared first on Albeu.com.

Sipas autoriteteve malazeze, autorët janë me kombësi malazeze, më konkretisht nga Hercegnovi.

Raportohet se përveç 5 të arrestuarve, janë shpallur në kërkim dhe 2 të tjerë të dyshuar.

“Janë arrestuar 5 nga dhuna ndaj 3 shqiptarëve dje në Malin e Zi. Po ashtu janë shpallur në kërkim dhe 2 të tjerë për ngjarjen e djeshme në afërsi të qytetit Hercegnovi. Tre të rinj shqiptarë janë sulmuar nga 7 persona. Fillimisht kanë qëlluar automjetin e tyre dhe më pas kanë ushtruar dhunë fizike. Nga komunikimet mes palëve është se kjo çështje nuk ka të bëjë me çështje etnike. Ndërsa sipas një prej të dhunuarve dyshohet për dhunë etnike, pasi kanë pasur një flamur shqiptar në pasqyrën e makinës. Të rinjtë shqiptarë kanë qenë duke komunikuar shqip me njëri-tjetrin dhe janë dëgjuar nga autorët, të cilët i kanë dhunuar fizikisht”.

The post Dhunuan tre shqiptarë në Malin e Zi, arrestohen pesë nga autorët appeared first on Albeu.com.

Drejtoria e Policisë konfirmoi se sipas informacioneve të deritanishme, shkak i ngjarjes ka qenë një sherr në trafik, por pa dhënë detaje të tjera shtesë.

“Sot në orët e pasdites përmes telefonit është raportuar në shërbimin kujdestar të Departamentit të Sigurisë Herceg Novi se në rrugën kryesore në qytetin e Zelenikës ka ndodhur shkelje e rendit dhe qetësisë publike nga disa persona të panjohur. Policia dhe efektivët janë dërguar në vendngjarje ku kanë konstatuar tre persona, të gjithë shtetas shqiptarë, të cilët kanë pasur lëndime të dukshme, të cilët më pas janë drejtuar për të kërkuar ndihmë mjekësore. Policët kanë ndërmarrë veprime në kuadër të juridiksionit të tyre për të përcaktuar të gjitha rrethanat në të cilat persona të lënduar, dhe për të ndriçuar ngjarjen”, thuhet në njoftim.

Sipas mediave, tre persona nga Herceg Novi dyshohen si autorë të sulmit fizik.

Ministri i Brendshëm Taulant Balla, pas ngjarjes, ka komunikuar menjëherë me homologun e shteti fqinj, ndërsa është siguruar për zbardhjen e plotë të sherrit ku mbetën të lënduar tre shqiptarët.

The post Dhuna ndaj tre shqiptarëve në Malin e Zi, policia identifikon tre autorët appeared first on Albeu.com.

Në pikën kufitare Bozhaj, doganierët dhe punonjësit e policisë mëngjesin e sotëm kanë konfiskuar marijuanën, sasia e së cilës do të përcaktohet gjatë ditës.

Sipas informacioneve jozyrtare të portalit  “Vijesti”, në pikën kufitare Bozhaj është realizuar me sukses në mëngjes sekuestrimi i drogës.

“Aktivitetet e kordinuara të Drejtorisë së të Ardhurave dhe Doganave dhe Drejtorisë së Policisë në pikën kufitare Bozaj në një kamion me targa shqiptare, mes mallrave të tjera (barishte të thata), gjetën lëndë bimore të dyshuar si lëndë narkotike skunk.

I njëjti bashkëbisedues sqaron se kamioni me ngarkesën barnera medicinale, po lëvizte nga drejtimi i Shqipërisë dhe duhej të vazhdonte rrugën drejt BE-së, duke transituar përmes Malit të Zi, me destinacion përfundimtar Gjermaninë.

“Me bashkëpunimin e jashtëzakonshëm dhe sjelljen profesionale të zyrtarëve të UP-së dhe UPC-së, është penguar edhe një tentativë për kontrabandë me narkotikë”, tha agjenti i Doganës. /albeu.com/

The post Kapet një sasi e madhe droge në Malin e Zi, kamioni me targa shqiptare (FOTO LAJM) appeared first on Albeu.com.