Mësohet se në takimin e nisur rreth orës 18;00 dhe të përfunduar pak para se ora të shënojë 21:00 është diskutuar mbi Reformën Territoriale dhe atë Zgjedhore.

Vetë kryedemokrati Basha ka deklaruar se ka vendosur që në terren për Reformën Territoriale të dalë Sekretari i Përgjithshëm i PD-së, Gazment Bardhi. Sigurisht që as në këtë mbledhje nuk ka munguar diskutimi mbi situatën ku ndodhet Partia Demokratike, pasi ish-kryeministri Sali Berisha deklaroi nga Kavaja se do të garojë për postin e kryetarit të PD-së. Basha mësohet të jetë shprehur se nuk do të lejojë institucione paralele në PD, referuar Berishës dhe nismës së tij.

“Nuk e bunkerizoj Partinë Demokratike për interesat e një personi. Në PD nuk do të ketë institucione paralele. Armiku jonë i vetëm është Edi Rama,”- ka thënë Basha, shkruan BW.

Kundërshtime, Basha ka hasur nga Anton Pjetërnikaj, Dashamir Aliko dhe Isuf Çelaj.

“Kështu nuk mund të shkojë partia, po ngrordh demokracia”, mësohet të ketë thënë Pjetërnikaj.

“Nuk mund të vahzdojmë kështu, duhet zgjidhje,”- kanë shtuar Aliko dhe Çelaj.

“Dil vetë në bazë të kuptosh krizën e demokratëve pas largimit të Berishës,”- kanë vijuar ata.

The post Basha i përgjigjet kandidaturës së Berishës për PD me mbledhje: Nuk do e lejoj! appeared first on Albeu.com.

Komentet Bylykbashi i bëri përmes një postimi në rrjetet sociale ka konfirmuar përplasjen mes tij dhe Bashës për çështjen Berisha. Ai bën edhe një krahasim me fragmentin e filmit “Ura e spiunëve” duke thënë se vetëm rregullat dhe respektimi i tyre i bëjnë partitë demokratike dhe amerikane.

Bylykbashi thotë se demokracia nuk mund të jetë ajo që vendos një individ i caktuar, dhe nuk mund të ketë rregulla të veçanta për situata të veçanta. Ai tregon historinë e një avokati amerikan që ka mbrojtur një spiun rus, i cili i shpëtoi dënimin me vdekje në karrige me rrota, vetëm në sajë të avokatit të tij që vuri theksi te respektimi i ligjit dhe i Kushtetutës.

Postimi i plotë i Bylykbashit:

Statuti na bën të jemi demokratë. Vetëm statuti!

Filmi “Ura e spiunëve” jep një shembull brilant që tregon se demokracia është frymë, besim, por është edhe rregulla.

Vetëm zbatimi i rregullave garanton frymën e demokracisë dhe besimin e njerëzve në të. Por rregullat burokratike as mund të jenë kundër frymës së demokracisë e as mund ta pengojnë apo vrasin atë.

Demokracia nuk mund të jetë ajo që mendon dhe vendos një individ për llogarinë e tij. Demokracia është ajo që vendosim sëbashku, mbi bazën e parimeve dhe rregullave që kemi miratuar sëbashku paraprakisht, jo mbi bazë rregullash të shpikura ad hoc.

Përndryshe nuk është demokraci por autokraci. Nuk do kemi pluralizëm por centralizëm. Dhe keto kemi 30 vjet që i kemi rrëzuar, por mesa duket nëse flemë gjumë, do të na rikthehen në mënyrë tinzare.

Ky është një leksion që na e jep demokracia amerikane. Ky leksion demokracie vlen për shtetin, por po aq vlen për partitë, sepse ato marrin persipër që të përfaqësojnë vullnetin e demos-it, popullit.

Nëse partitë që përfaqësojnë popullin në organet e pushtetit nuk kanë demokraci brenda tyre e brenda tyre nuk ka zbatim rregullash, mos prisni që shteti ku këto parti qeverisin, të jetë demokratik!

Nëse arrijmë në këtë pikë, kemi arritur tek ura përtej së cilës partitë njihen me emrin e kryetarëve dhe jo për kredon që përfaqësojnë.

Është kjo një urë ku shkëmbehen jo thjesht spiunët si në Berlinin e Luftës së Ftohtë, por shkëmbejmë demokracinë me autokracinë. Kutia e votimit, ku çdo antar shpreh mendimin i lirë e në fshehtësi, bën bashkë të gjithë pavarësisht dasive. Ndaj vetëm STATUTI na bën demokratë!

“Ura e spiunëve”

Në mesin e Luftës së Ftohtë, një avokat amerikan u caktua nga gjykata të mbronte një spiun rus që të gjithë donin ta shihnin në karrigen elektrike. Në fund agjenti shpetoi nga ekzekutimi dhe shkëmbye me një rob amerikan.

Dialogu:

Donnovan, avokati i spiunit rus: Je i CIA-s?

Agjenti Hoffman: Po. Desha të bëjmë një bisedë. Si po shkon çështja?

Avokati: Çështja po shkon shumë mirë. Nuk mund të bëhej më mirë.

Agjenti: Ke folur me Abel (klientin)?

Avokati: Më fal çfarë the?!

Agjenti: A ka thënë ai ndonjë gjë deri tani?

Avokati: Nuk ka mundësi që po e bëjmë këtë bisedë!

Agjenti: Sigurisht që jo (me nënqeshje ironike).

Avokati: E kam seriozisht, nuk ka mundësi që po e bëjmë këtë bisedë. Po me kërkon të thyej rregullin e sekretit avokat-klient?!

Agjenti: Lëri këto tani, avokat …

Avokati: Kujt i thua “lëri tani këto, avokat”?!

Është hera e dytë që ma thua dhe sa më shumë e dëgjoj aq më pak më pëlqen!

Agjenti: Dëgjo, unë e kuptoj rregullin e sekretit avokat-klient, kuptoj lojrat ligjore, kuptoj edhe se kështu ti siguron jetesën, por po flas për diçka tjetër. Po flas për sigurinë e atdheut tënd dhe më vjen keq nëse menyra si të pyes të ofendon, por ne duhet të dimë çfarë të thotë klienti. Donnovan, që të më kuptosh, ne kemi nevojë të dimë gjithshka. Mos bëj filma me mua! Nuk kemi ketu asnjë Libër Rregullash.

Avokati: Ti je agjenti Hoffmann, apo jo?

Agjenti: Po.

Avokati: Me origjinë gjermane?

Agjenti: Po.

Avokati: Une quhem Donnovan, irlandez nga te dy prinderit. Unë jam irlandez, ti je gjerman, por ajo që na bën të dy amerikanë, është një gjë. Një gjë e vetme. Vetem një: Libri i Rregullave. E quajmë Kushtetutë. Ne kemi rënë dakord per ato rregulla dhe kjo na bën të gjithë ne amerikanë. Kjo eshte gjithçka që na bën amerikanë. E mos më thuaj mua qe nuk kemi Libër Rregullash! E mos më tund kokën kot mua, ti bir…!/albeu.com

The post “Ura e spiunëve”, Bylykbashi reagon në mënyrë të veçantë pasi Basha e përjashtoi nga grupi për Reformën Zgjedhore appeared first on Albeu.com.

Ky është takimi i katërt për Berishën, në kuadër të “foltores” për një parti të hapur dhe të fortë.

Synimi final i Berishës, sipas asaj që ai ka shprehur, është mbledhja e Kuvendit Kombëtar të Pd-së dhe largimi i kryetarit aktual, Lulzim Basha, që sipas Berishës do i hapte rrugë zgjedhjeve të lira në parti./albeu.com

The post Në nder të policit të vrarë, nis me një minutë heshtje foltorja e Sali Berishës në Durrës (VIDEO) appeared first on Albeu.com.

Sipas Berishës PD nuk ka reaguar sa duhet, ashtu si ka reaguar vetë ai.

Fjala e Berishës:

Keni dëgjuar PD të flasë për mini-shengenin? Ja ku janë rezultatet në kufi të Kosovës. Pse more komb jetim jemi ne? U çlirua Kosova, u dyfishua fuqia kombëtare. Hesht ish-kryetari i Partisë Demokratike.

Ballkani i Hapur vjen në kundërshtim të qartë me nismën e Berlinit. Ku dallon njëra me tjetrën? Nisma bazohet në bashkëpunim shtetesh të barabarta, Ballkani i Hapur në hegjemoninë serbe dhe rroftë Kosova që nuk e pranoi.

Çfarë do bëjmë ne? Gjithçka që të ngrihemi në këmbë. Minishengeni solli rezultatin që kemi sot, tanket në kufirin e Kosovës, sepse Rama është Bashkuar me Beogradin dhe Shkupin kundër Kosovës./albeu.com

The post Berisha reagon për tensionet në Kosovë: Produkt i “Minishengenit”! Pse hesht PD? (VIDEO) appeared first on Albeu.com.

Ky fakt u bë i ditur nga gazetari Bledian Koka, në një intervistë për Ora Neës. Ai është shprehur se perfomanca në Vlorë do të jetë më e ndezur se ajo në Fier, dhe në Tiranë, por kjo mbetet gjithësesi për t’u parë.

“Një performancë më e ndezur do të jetë në Vlorë, ku do të jetë dhe takimi i radhës së Berishës me demokratët. Pra baza po flet dhe po flet qartë”, u shpreh Koka./albeu.com

The post Pas Tiranës dhe Fierit, kush është qyteti i tretë që Berisha do të mbajë “Foltoren” appeared first on Albeu.com.

Noka ka mohuar lajmet se ka pasur përplasje fizike me kryedemokratin Lulzim Basha, ditën e përjashtimit të Sali Berishës nga grupi parlamentar. I ftuar në emisionin “Çim Peka Live”, Noka ka bërë me dije se e gjitha është trillim i medjave që sipas tij janë pranë kryeministrit Edi Rama.

Po ashtu, ai ka adresuar edhe lajmet për debatin me deputetin tjetër Ervin Salinjani, i cili sipas Nokës mbështeti linjën e vendosur nga kreu i Partisë Demokratike, por gjithsesi sipas tij debati ishte thjesht politik dhe jo fizik.

“E gjitha trillim i mediave të Ramës për të eklipsuar debatin politik. Nuk ka qenë e vërtetë, as debati me Salianjin. Kishin diskutim brenda Kryesisë. Edhe Salianji mbështeste idenë se nuk mbështesim një linjë anti-amerikane. I kam thënë kur kemi qenë pro-amerikan ne, ju nuk e njihnit Amerikën. Sot kryetari ka marrë vendim prej pushtetari, e jo prej shtetari për të ruajtur partinë. Ky është debati që kam bërë me Salianjit. Salianji shpreh respektin për Berishën por ishte me linjën zyrtare të kryetarit”, tha Flamur Noka./albeu.com

The post Flamur Noka përgënjeshtron lajmet: Nuk kam rrahur as Bashën e as Salianjin, debati ka qenë politik appeared first on Albeu.com.

Për Berishën, Basha tashmë ka shpallur non-grata edhe bazën e partisë apo anëtarësinë.

“Miq, ish kryetari sot shpalli non-grata bazen e partise! Sb”, shkroi Sali Berisha.

Gjatë debatit me Nokën, Basha theksoi se nuk do të mblidhet asnjë Kryesi apo Kuvend pasi s’mund të ketë grupime antiamerikane.

Nga ana tjetër zyra e PD sqaroi se Basha nuk e ka etiketuar anëtarësinë si antiamerikane në asnjë moment, dhe sipas PD, këto janë shpifje që bëhen me qëllimin e vetëm për të prishur imazhin e partisë./albeu.com

The post Debati Basha-Noka, reagon Berisha: Ish-kryetari shpalli non-grata demokratët dhe bazën e partisë appeared first on Albeu.com.

Berisha u shpreh se takimi i radhës do të jetë në qytetin e Fierit në datën 21 shtator.

Sipas Berishës, takimet po bëhen për një Parti Demokratike më të bashkuar e më të fortë.

Postimi i Berishës:

Njoftim!

Diten e marte me daten 21 shtator 2021 do te mbahet ne Fier: “Foltorja per nje Parti Demokratike me te bashkuar, me te forte, me te hapur”. Ftoj demokratet dhe demokratët e Fierit te marrin pjese! Vetem te bashkuar fitojme! sb/albeu.com

The post Berisha njofton takimin e radhës me demokratët, ku dhe kur do ta shohim ish-kryeministrin (FOTO LAJM) appeared first on Albeu.com.

Deda jep disa argumenta për të arsyetuar se nuk është e pamundur të vihet në pushtet pa pasur Amerikën në krahë.

Postimi i plotë:

Pyetja qe shtrojne te paqartet, te pasigurtet, te pab*thet, pra ata qe presin se nga do anoje peshorja e suksesit nga LB apo nga Doktori “po si mund te vihet ne pushtet pa Ameriken?”, ka disa pergjigje.

A vihen ne pushtet pa bazen e demokrateve? A vihet ne pushtet thjesht me vule?

Albini keshtu erdhi ne pushtet, pa Ameriken ne krah.

Amerika eshte aleati jone strategjik dhe shyqyr qe e kemi, por Amerika nuk te sjell ne pushtet. Ne pushtet te sjelle vota e demokrateve ne fillim dhe pastaj vota e shqiptareve ne teresi.

Ne pushtet te sjell fryma, besueshmeria dhe nuk e krijon dot as njeren e as tjetren vetem duke thene “me tha Amerika per ta marre kete vendim”, perkundrazi dukesh shume i vogel ne perceptim publik.

Amerika te ka xhan nese behesh faktor i rendesishem, nese jo, ajo del e thote “Shqiperia eshte vend i Natos dhe lideret i marrin te pavarur vendimet e tyre”, pra te leshon ne renie te lire.

Puna nuk eshte “a vihet ne pushtet pa Ameriken?”, puna eshte “a mbeshtet Amerika nje humbes kronik, apo tenton ta perdore ate?”.

Gjithmone nese LB deshiron te vije ne pushtet, se nese nuk do (se mbase s’do), ja fusim kot edhe ne, edhe Amerika…!/albeu.com

The post Julian Deda: Të pa*ythët besojnë se nuk vihet në pushtet pa ndihmën e SHBA appeared first on Albeu.com.