Cakrani ka thënë se në akuzën zyrtare ndaj Ilir Metës, i cili sot u mor zyrtarisht i pandehur, nuk ka ndonjë ndryshim nga dosja e masës së sigurisë.

“Nuk ka patur ndonjë ndryshim nga ai materiali që është paraqitur kur është kërkuar masa e sigurimit personal. Akuzat nuk qëndrojnë, janë shpjeguar gjatë fazës hetimore, por dhe kur ai (Ilir Meta) është marrë në pyetje. Akuza përfundoi në momentin që përfunduan dhe zgjedhjet, për të hequr vëmendjen nga problemet që kanë zgjedhjet.

Këtu, persona që duhet të ishin të pandehur, janë dëshmitarë. Shumë persona të tjerë që kanë qenë pjesë e LSI të cilët duhet të ishin zyrtarisht të pandehur, dhe jo zoti Meta, sot janë të lirë dhe ushtrojnë dhe funksione publike. Emrat do të vijë një moment që do t’i bëjmë publik”, është shprehur avokati Kujtim Cakrani.

Mbrojtja e Ilir Metës është shprehur për mediat jashtë SPAK se ai nuk ka qenë i vetëm në Lëvizjen Socialiste për Integrim, gjatë kohës për të cilën akuzohet për lobim të mijëra dollarëve në SHBA. Sipas Kujtim Cakranit, në një moment të dytë do dalin dhe emrat.

“Po si thoni ju, zoti Meta ka qenë vetëm në atë parti? Ka pasur grup parlamentar, ka pasur deputetët, ka pasur ministra, pra një Kryesi, funksionarë të lartë në atë parti, të cilët kanë përgjegjësi direkte përsa i përket lobimeve, njohjeve, pagesave. Kjo është një çështje e montuar.

Janë të tjerë persona që mbajnë përgjegjësi dhe për lobimet, dhe kanë firmosur dhe kanë njohje në SHBA. Emrat do dalin, dhe pasi ju të lëxoni dhe dosjet. Kjo çështje do zgjasë, do thirren të gjithë ata persona që kanë firmosur. Ky do jetë procesi i shekullit”, është shprehur avokati i Ilir Metës.

The post Ilir Meta gati të nxjerrë shokët?! Avokati: LSI ka pasur deputetë e ministra që kanë firmosur lobimet, ata duhet të ishin në burg appeared first on Albeu.com.

Ai përmes një reagimi në ‘Facebook’ thekson se pagat e tyre janë në skandaloze.

“Pozitive por shumë e vonuar nisma për rritjen e pagave në të gjitha bashkitë e vendit, propozim konkret i Partisë së Lirisë në tryezën me të zgjedhurit vendorë. Pagat nuk duhet të rriten vetëm për Kryetarët e Bashkive, por në të gjitha nivelet deri tek specialisti më i thjeshtë, pasi është skandaloze që sot ka drejtorë urbanistike që marrin një pagë 60 mijë deri në 80 mijë lekë.
Partia e Lirisë ka propozuar gjithashtu dhe mirëpret që të pranohet edhe kërkesa për rritjen reale të niveleve të pagave në çdo sektor në të gjitha bashkitë e vendit!”, thuhet në reagimin e Blushit.

The post Tedi Blushi: Pozitive por shumë e vonuar nisma për rritjen e pagave në të gjitha bashkitë e vendit appeared first on Albeu.com.

I pyetur për këtë zhvillim, Ilir Meta, kreu i PL, deklaroi në “Kjo Javë” se sa kohë ai ka qenë në krye të LSI, nuk ka shkelur kurrë ligjin.

“Sa i takon Metës, SPAK të bëjë çfarë hetimi të dojë, të çojë letra jo në Amerikë por dhe në Hënë, dhe ta ketë të qartë që Meta dhe PL zbatojnë vetëm ligjet e Shqipërisë, Amerikës dhe çdo vendi. Të jeni të sigurt që asgjë nuk ka pasur të kundraligjshme, që të paktën në kohën që unë kam drejtuar, sepse nuk mund të marr përsipër për kohën që nuk kam drejtuar, absolutisht asgjë’, deklaroi ai ndër të tjera.

Pjesë nga intervista:

Ju keni folur për drejtësi me regji, por teksa dëgjohen edhe zëra se SPAK ka nisur punën me ritme edhe më të shpejta, flitet se do të godasë edhe djathtas. Marrim parasysh faktin që ditën e premte u thirr në SPAK zoti Vasili, kohë më parë keni qenë edhe ju… Si i komentoni këto zëra?

SPAK është produkt i një reforme në drejtësi të shkatërruar që në hapat e parë të zbatimit te saj nga Rama. Kjo padyshim që reflektohet të gjithë mënyra si është krijuar SPAK apo Gjykata Kushtetuese, duke zgjedhur në mënyrë antikushtetuese Arta Markun. Sikurse e dimë sesi është ndërhyrë nga mazhoranca përmes ligjeve, sa rezulton që sot një deputete e mazhorancës ka 4 familjarë në një prokurori.

Kanë thirrur Vasilin, thërrasin me dhjetëra, por kjo nuk përbën shqetësim as më për Metën as për PL, i vetmi shqetësim i yni është përse nuk ndalohen pagesat e inceneratorëve? Përse nuk verifikohen faktet që nuk ka inceneratorë? Përse nuk verifikohen fakte të tjera? Ky është problemi. Sa i takon Vasilit, lobimet, aktiviteteve të ish-LSI, të bëjnë çfarë të duan, bazuar në çdo lloj informacioni…

Jeni të hapur ju për çdo hetim apo thirrje në SPAK?

Kjo nuk është pyetje për mua, përgjigjja ime është se ata që mendojnë se do të spostojnë përgjegjësitë e Ramës për këtë regjim që ka krijuar në Shqipëri që detyrojnë dhe BE të vendosë sanksione siç ishte ai i fondit për AZHBR, në përralla jo Meta, jo ky jo ai.

Sa i takon Metës dhe PL, SPAK të bëjë çfarë hetimi të dojë, të çojë letra porosie jo në Amerikë por dhe në Hënë, dhe duhet ta ketë të qartë që Meta dhe PL zbatojnë vetëm ligjet e Shqipërisë, Amerikës dhe çdo vendi demokratik. Dhe Shqipëria dhe Amerika kanë marrëveshje ekstradimi, dhe në çdo moment mund të plotësojnë çdo kërkesë për ekstradimi.

Të jeni të sigurt që asgjë nuk ka pasur të kundraligjshme, që të paktën në kohën që unë kam drejtuar, sepse nuk mund të marr përsipër për kohën që nuk kam drejtuar, absolutisht asgjë. Këto janë lojëra, manipulime të karakterit mediatik që bëhen për të spostuar vëmendjen nga fakti që vazhdojnë pagesat e inceneratorit të Tiranës. Gjitha afera është e ideuar dhe në përfitim të Edi Ramës. Është në shkatërrim të shtetit të së drejtës, në shkatërrim të financave…

The post Vasili në SPAK për lobimin e LSI, Meta: Të bëjnë ç’të duan, në hënë t’i çojnë letrat appeared first on Albeu.com.

Ai u shpreh se kjo ishte e qëllimshme nga Lulzim Basha dhe Edi Rama për të bërë LSI të digjte mandatet, pasi nëse kjo e fundit nuk do ta bënte, as PD nuk do ta kishte bërë.

Pjesë nga biseda në studio me gazetaren Nisida Tufa:

Si ishte kalimi nga President në kryetar i PL? Duket sikur nuk kishte pushim….

Ilir Meta: Ç’pushim zeza mund të kishte në atë situatë që ishte dhe është vendi ynë, nga pikëpamja ekonomike, sociale, politike… është një situatë ulëritëse dhe nuk mund të harxhoja asnjë sekond, isha betuar në Kushtetutë për afatin kushtetues që u respektua me rigorozitet

Djegia e mandateve

Përgjegjësi ekskluzive e PD djegia e mandateve, por nuk ka justifikim për ish-drejtuesit e LSI, aq më tepër Kryemadhin dhe Vasilin i kam paralajmëruar nga Gjermania dhe u kam thënë që mos e besoni Bashën se është i shitur. Pasojat shumë të rënda për vendin, fakti që sot kemi 0 këshilltar në bashki, a ka gjë më të rëndë për të mbrojtur qytetarët në shkeljen e të drejtave të tyre, dhe a ka mbështetje më të madhe për të dhënë skizofrenisë së Ramës për t’i dhënë pushtet dhe për të shtypur qytetarët, ja këtë e bëri opozita.

Çfarë bëri mirë Kryemadhi në drejtimin e LSI?

Meta: Duhet të jemi të sinqertë, Monika është një makineri e tërë organizative, njerëzore, frymëzuese, motivuese, dhe ka qenë një politikane e spikatur, ajo ka historinë e saj të pavarur nga unë, saç sillte ajo gjimnazistë nga Tirana, nuk sillnin gjithë të tjetër nga gjithë Shqipëria. Ra viktimë e një besimi të marrë ndaj Lulzim Bashës, dhe ky është çmimi që ka paguaj jo vetëm ajo por një forcë e tërë politike dhe gjithë Shqipëria, sepse jam i sigurt që nëse LSI nuk do t’i digjte mandatet, as PD nuk do t’i digjte. Ajo ishte e qëllimshme nga Basha dhe Rama që LSI të digjte mandatet dhe të krijohej një polarizim artificial, për të më shkarkuar dhe mua më pas, për të marrë gjykatën kushtetuese dhe për ta defaktorizuar LSI duke e nxjerrë në rrugë, dhe Basha ishte i qartë dhe nuk donte të futej në zgjedhje se ishte i kushtëzuar nga Rama dhe kur i shtyva zgjedhjet lokale dhe ora dhe kosto të caktuar për hir të shmangies së një konfrontimi dhe kërkesës nga Bundestagu… një zhvillim dramatik me pasoja të rënda për vendin.

The post Djegia e mandateve, Ilir Meta: Ishte e qëllimshme nga Basha dhe Rama appeared first on Albeu.com.

Burg është kërkuar edhe për personin që ka filmuar videon Elis Babon, i cili ka pranuar ryshfet në këmbim të votës së tij.

ërkohë vetë ish-kandidati për deputet nëpërmjet avokatit të tij deklaroi se gjithçka ka qenë e stisur nga kundërshtarët e tij politik si Alqi Bllako, i arrestuar për Inceneratorët.

Avokati i Jokës paraqiti prova dhe fakte në lidhje me videon, telefonin që është bërë filmimi dhe se kujt i është dorëzuar ajo, prova sipas tyre lidhen me kundërshtaret e Jokës në zgjedhje.

Ndërkohë i pandehuri tjetër Elis Babo nëpërmjet avokatit të tij pretendoi se e ka bërë filmimin për të denoncuar korrupsionin në zgjedhje edhe pse ishte në kushte të vështira ekonomike./albeu.com

The post U filmua duke shpërndarë para gjatë zgjedhjeve, SPAK kërkon 1 vit burg për Etjon Jokën appeared first on Albeu.com.

27 korrik 2022

Me propozim të Kryetarit të Partisë së Lirisë, z.Ilir Meta dhe të Zëvendëskryetarit, z.Agim Nesho, Komiteti Organizativ zgjodhi sot drejtuesit e rinj të strukturave deri në mbledhjen e Konventës Kombëtare:

Z. Tedi Blushi – Sekretar i Përgjithshëm

Z. Endrit Braimllari – Sekretar Organizativ

Znj. Floida Kërpaçi – Sekretare për Marrëdhëniet Ndërkombëtare

Znj. Silva Caka – Sekretare për Marrëdhëniet me Publikun

The post Zgjidhen drejtuesit e strukturave të Partisë së Lirisë appeared first on Albeu.com.

Në një konferencë për mediat kryetari Meta tha se kjo gjë u bë pasi shoqëria ka nevojë për aromë lirie. Mes të tjerash ai tha se nuk ka pasur kontestime.

“Ajo konventë mori ato vendime në mënyrën më transparente. Nëse nuk janë dakord, e pranojnë referendumin dhe brenda forcës politikës. Se kemi vetëm në nivel kombëtar. Në çdo koment janë të lutur të kundërshtojnë. Të jeni të sigurt që jo vetëm e pranuan, por është një emër i gjithë pranuar në shoqëri, pasi ka nevojë për aromë lirie. Gjithë kjo shtypje, kjo përmbysje ndaj qytetarëve të thjeshtë dhe në vështirësi ekonomike, kjo arrogancë tallëse, polarizim dhe patronazhim për të kontrolluar mendimet dhe idetë, s’ka, është shtypje që ka reagimin e vetë. ‘Partia e Lirisë” po vjen si një reagim ndaj kësaj shtypje të pabesë. Erdhën me premtime të tjera, po bëjnë krejt të kundërtën.”, tha Meta./albeu.com

The post Partia e Lirisë, Meta sqaron se pse i ndryshoi emrin LSI: Ka nevojë për aromë lirie appeared first on Albeu.com.

Gjatë fjalës së tij Meta u shpreh se tashmë nis një rrugëtim i ri dhe se beteja politike është e domosdoshme për fatin e shoqërisë shqiptare.

Ilir Meta

Ju falenderoj të gjithë ata që nuk e kanë pasur të lehtë që për shkak të nostalgjisë, janë të ndërgjegjshëm se kjo betejë e madhe është e domosdoshme për të vendosur përfundimisht demokracinë dhe lirinë e të gjithë shqiptarëve. Dua të falenderoj të gjithë intelektualët që u bashkuan që në natën e parë, edhe ata pa eksperienca partiake, janë të mirëpritur të gjithë ata që mendojnë se nuk mund të qëndrojnë indiferentë dhe ti bashkohen këtij momenti historik.

Mendoj se duhet nisur menjeherë nga puna se për fat të mirë nuk e kemi më atë kostumin e presidentit, tani jemi pa xhaketë sot e deri ditën e triumfit jo të PL por të gjithë popullit të shqiponjave. Armiku kryesor sot është korrupsioni, që e ka rënduar situatën e çdo qytetari e familje shqiptari duke e shpërbërë. Unë dje dhashë disa statistika ku për çdo gjë Shqipëria ishte e fundit.

Kujtojmë se Monika Kryemadhi u dorëhoq nga drejtimi i LSI që mori emrin e ri ‘Partia e Lirisë’. Meta mori detyrën deri në zgjedhjen e kryetarit.

Meta ka theksuar edhe më herët se do të ketë përgatitje të vazhdueshme sa i takon rikthimit.

The post Një ditë pasi mori drejtimin e LSI dhe e emërtoi “Partia e Lirisë” Meta në konferencë: Rrugëtim i ri appeared first on Albeu.com.

Disa minuta para nisjes së Konferencës për shtyp, Meta ka shpërndarë në një postim në Facebook logon e cila do ta shoqërojë partinë gjatë vazhdimësisë së saj.

Logoja mban ngjyrat e ish-LSI (Lëvizja Socialiste për Integrim) dhe mbizotëron e kuqja dhe e bardha.

Ditën e djeshme Meta gjatë Konventën Kombëtare në të cilën njoftoi se nuk do të ishte më ai në krye të LSI, ndërkohë konfirmoi edhe emrin e ri të partisë ku sic duket ai do të vendoset në postin drejtues të saj.

Deri atëhere Partia e Lirisë do të ketë në krye disa drejtues. /albeu.com

The post Ilir Meta publikon logon e Partisë së Lirisë (FOTO LAJM) appeared first on Albeu.com.

Ditën e djeshme Konventa Kombëtare e kësaj partie miratoi ndryshimet.

“Ky është një vend me të cilin askush nuk mund të luajë. Dhe kemi vetëm një rrugë dhe kjo rrugë është referendumi. Ne e krijuam LSI-në për të shpëtuar procesin e integrimit europian që e bllokoi Fatos Nano. Ishte ai rotacion falë LSI-së që Shqipëria nënshkroi marrëveshjen e Asociim-Stabilizimit në 2006. LSI bëri çdo gjë dhe për statusin dhe për marrjen e rekomandimit, por e dini se ku jemi tani ka vetëm një rrugë, referendumi është garancia që Shqipëria do jetë e shqiptarëve. Prandaj ju ftoj nga partia e LSI-së në partinë e lirisë, në partinë e sovranitetit, në partinë e referendumit”, tha Meta.

Dhe lëvizjes politike të Metës vetëm 24 orë pasi dorëzoi detyrën e Presidentit të Republikës i kanë bërë jehonë edhe mediat ndërkombëtare.

Associated Press në artikullin e saj shkruan se “pas fjalimit të pasionuar të Metës kundër qeverisë së kryesuar nga socialistët e kryeministrit Edi Rama, konventa e LSI vendosi ndryshimin e emrit dhe riorganizimin e partisë”.

“Ish-presidenti e filloi karrierën e tij politike me Partinë Socialiste të majtë, por në vitin 2004 u largua nga ajo për të formuar LSI-në më të vogël. Gjatë presidencës së tij, Meta përplasej shpesh me qeverinë socialiste, duke bllokuar emërimet e ministrave dhe duke vënë veton ndaj legjislacionit”, shtohet më tej në artikullin e medias prestigjoze.

Ndërkohë, edhe ABCNews i bën jehonë faktit se Meta premtoi që të luftojë qeverinë dhe korrupsionin që ushtrohet nëpërmjet koncesioneve dhe PPP-ve.

“Ish-presidenti i Shqipërisë Ilir Meta mori të hënën drejtimin e partisë së tij të vjetër politike dhe u zotua të luftojë korrupsionin në qeveri përmes referendumeve”, shkruhet në artikull.

Ndërkohë edhe USNews ka raportuar lajmin e ditës së djeshme me Ilir Metën që shkundi sërish politikën shqiptare duke zgjedhur të bëjë opozitë të fortë kundër qeverisë Rama.

The post Nga LSI në Partinë e Lirisë, mediat ndërkombëtare i bëjnë jehonë lëvizjes së Metës appeared first on Albeu.com.